អភិបាលខណ្ឌកំបូល បន្តចុះ​​ដោះស្រាយបញ្ហាប្រឈម​ និងសំណូមពរ​របស់ពលរដ្ឋរស់​នៅក្នុងបុរីទំនេីប១​

នាព្រឹកថ្ងៃទី១២ ខែកញ្ញា ២០២៤នេះ លោក ឃឹម ស៊ុនសូដា អភិបាលនៃគណៈអភិបាលខណ្ឌកំបូល បានបន្តដឹកនាំ មន្ត្រីជំនាញពាក់ព័ន្ធចុះដោះស្រាយបញ្ហាប្រឈម​ និងសំណូមពរ​របស់ប្រជាពលរដ្ឋរស់​នៅក្នុងបុរីទំនេីប១​ គម្រោងទី៤​ ស្ថិតក្នុងភូមិផ្លាំង​ សង្កាត់ស្នោរ​ ខណ្ឌកំបូល​ រាជធានីភ្នំពេញ​។

លោក ឃឹម ស៊ុនសូដា អភិបាលខណ្ឌកំបូល បានប្រាប់ កម្ពុជាថ្មី ថា បញ្ហាប្រឈម និងសំណូមពររបស់ប្រជាពលរដ្ឋ ទី១ គឺខ្វះខាតសន្តិសុខយាមបុរី បានដោះស្រាយជូនរួចរាល់ ទី២ បញ្ហាអគ្គិសនី បានដោះស្រាយជូនរួចរាល់ ប៉ុន្តែបញ្ហា កង្វះទឹកស្អាតតភ្ជាប់ចូលបុរី ដែលមិនទាន់មានប្រើប្រាស់នៅឡើយ (ប្រើប្រាស់ទឹករបស់ខាងបុរី)។ ពេលនេះតំណាង បុរីទំនើប០១ រួមទាំងអាជ្ញាធរកំពុងសិក្សា និងសម្របសម្រួលកញ្ចប់ថវិការសម្រាប់ដោះស្រាយបញ្ហាទឹកស្អាតដើម្បីអោយប្រជាពលរដ្ឋក្នុងបុរីឆាប់បានទឹកស្អាតប្រើប្រាស់អោយបានឆាប់រហ័ស តាមដែលអាចធ្វើបាន។

គួរបញ្ជាក់ផងដែរថា កាលពីព្រឹកថ្ងៃអាទិត្យ ទី០៨​ ខែកញ្ញា ឆ្នាំ២០២៤​ លោក ឃឹម ស៊ុនសូដា អភិបាលខណ្ឌកំបូល បានចុះសំណេះសំណាល​ និងពិភាក្សា​ដោះស្រាយបញ្ហាប្រឈម​ និងសំណូមពររបស់ប្រជាពលរដ្ឋរស់នៅក្នុងបុរីទំនេីប០១​ ដើម្បីរកដំណោះស្រាយ បានមួយជំហ៊ានរួចមកហើយ ទើបនៅព្រឹកថ្ងៃទី១២កញ្ញានេះ លោកក៏បានបន្តចុះដោះស្រាយបញ្ហាដែលនៅសេសសល់ដល់ខ្នងផ្ទះប្រជាពលរដ្ឋក្នុងបុរីទំនើប០១នេះបន្ថែមទៀត។ ប្រជាពលរដ្ឋ មានការសប្បាយចិត្តសាទរ ដែលវត្ដមានលោកអភិបាលខណ្ឌចុះផ្ទាល់ដល់ខ្នងផ្ទះរបស់ពួកគាត់ និងដោះស្រាយបញ្ហាប្រឈមរបស់ពួកគាត់ទាន់ពេលវេលា៕

អត្ថបទ៖ សំណាង