សន្តិសុខសង្គម

ដាច់ខ្សែកាបយោងទូកុងតឺន័រ ធ្លាក់កម្មករម្នាក់ របួសបាក់ជើងសងខាង ក្នុងមូលដ្ឋានសង្កាត់ភ្លើងឆេះរទេះ

បានផុស

៤ ខែ មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

កម្មករខាងផ្នែកស្ទូចទូកុងតឺន័រម្នាក់ បានរងរបួសបាក់ជើងទាំងសងខាង ក្រោយឡើងថ្ពក់ទំពក់ខ្សែកាបស្ទូចយោងទូកុងតឺន័រឡើង ស្រាប់តែដាច់ខ្សែកាបមួយចំហៀងធ្លាក់ជនរងគ្រោះ បង្កការភ្ញាក់ផ្អើលទូរស័ព្ទសុំជំនួយរថយន្តសង្គ្រោះរបស់អង្គភាព ៧១១ ដឹកទៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១០ និង ១០ នាទីព្រឹក ថ្ងៃទី ២៥ ខែវិច្ឆិកា ឆ្នាំ ២០២៤ នៅចំណុចផែស្ងួតមួយកន្លែង ស្ថិតតាមបណ្ដោយផ្លូវជាតិលេខ ៣ ភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

តាមប្រភពបានឱ្យដឹងថា ជនរងគ្រោះឈ្មោះ ចេ ចាន់ថា ភេទប្រុស អាយុ ២២ ឆ្នាំ រងរបួសបាក់ជើងទាំងសងខាង មានទីលំនៅរស់នៅភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ។

ដោយឡែកបើតាមប្រភពពីកម្មករនៅកន្លែងកើតហេតុបានឱ្យដឹងថា នៅមុនពេលកើតហេតុជនរងគ្រោះបានឡើងទៅថ្ពក់កាប ដើម្បីយោងទូកុងតឺន័រ បន្លាស់ទីតាំង ដោយមានតៃកុងស្ទូចម្នាក់ និងជនរងគ្រោះ យោងជាមួយទូ។

ប្រភពបានបន្តថា ខណៈស្ទូចយោងទូកុងតឺន័រសុខៗ ដែលមានជនរងគ្រោះឈរពីលើទូ ស្រាប់តែកាបមួយចំហៀងបានដាច់ផ្អៀងរអិលធ្លាក់ជនរងគ្រោះមកក្រោមកម្ពស់ប្រមាណជាង ១០ ម៉ែត្រ បណ្ដាលឱ្យបាក់ជើងទាំងសងខាង។