កីឡា

លោក សេន ប៊ុនថេន នាំសិស្សគុនក្នុងក្លឹបទៅបរិច្ចាគឈាមត្រៀមសម្រាប់ជួយកងទ័ពកម្ពុជា

បានផុស

៦ ខែ មុន

នៅ

ថ្ងៃអង្គារ ៩ ធ្នូ ២០២៥

ដោយ

នៅថ្ងៃទី៩ ខែធ្នូ ឆ្នាំ២០២៥ នេះលោក សេន ប៊ុនថេន បានដឹកនាំសិស្សក្នុងក្លឹបប៉ែនកាក់សេនប៊ុនថេនគុនខ្មែរ ទាំងអស់មិនថាបរទេស ឬខ្មែរ នោះឡើយទៅបរិច្ចាគឈាមដើម្បីទុកបម្រុងសម្រាប់ជួយដល់កងទ័ព និងជនស៊ីវិលដែលត្រូវការជាចាំបាច់ណាមួយ។

នេះបើតាមភរិយារបស់លោក សេន ប៊ុនថេន បានបញ្ជាក់ថា បន្ទាប់ពីមានការផ្ទុះអាវុធជាថ្មីជាមួយសៀមកាលពីម្សិលមិញនេះមកប្ដីរបស់អ្នកនាងគឺនៅមិនស្ងៀមនោះឡើយរហូតដល់ថ្ងៃនេះតែម្ដងដឹកនាំសិស្សគុនទៅបរិច្ចាគឈាមទាំងអស់គ្នា។ អំឡុងពេលនេះសង្គ្រាមកំពុងតែផ្ទុះខ្លាំងនៅតាមបណ្ដោយព្រំដែន ដូច្នេះអាចនឹងត្រូវការប្រើប្រាស់ឈាមច្រើនដើម្បីទុកបម្រុងដល់កងទ័ពដែលរងរបួសផ្សេងៗ និងជនស៊ីវិលផងដែរ។

អំឡុងពេលផ្ទុះអាវុធកាលពីខែកក្កដា ២០២៥ កន្លងទៅនេះប្ដីរបស់អ្នកនាង រួមទាំងសិស្សៗក្នុងក្លឹបបានជួយរៀបចំស្បៀង និងដឹកយកទៅជួយដល់ជនភៀសសឹកនៅតាមព្រំដែនផងដែរ។ ដោយទឹកចិត្តស្រឡាញ់ក្នុងនាមខ្មែរគឺមិនថាផ្នែកណានោះទេគឺតែងតែរួបរួម និងចេះជួយយកអាសារគ្នាជានិច្ចដែលទាំងនេះជាវប្បធម៌ខ្មែរតាំងតែពីដូនតាមកម្ល៉េះ។

តាមការបញ្ជាក់នោះគឺលោក សេន ប៊ុនថេន និងសិស្សៗបានទៅបរិច្ចាគឈាមនៅឯសាកលវិទ្យាល័យការពារជាតិ (ស្ថិតក្នុងខណ្ឌឬស្សីកែវ ក្បែរស្ពានអាកាស ឬស្សីកែវ)។ នៅពេលនេះផងដែរតាមបណ្ដោយព្រំដែនកម្ពុជា-សៀម កំពុងតែផ្ទុះអាវុធជាខ្លាំងដោយកម្ពុជាកំពុងទប់ទល់ពីការឈ្លានពានរបស់សៀម ស្របពេលទាហាន និងជនស៊ីវិលកំពុងរងរបួសជាបន្តបន្ទាប់៕