កីឡា

រិន សារ័ត្ន ពេលខ្លះក៏ឆ្ងល់ដែរដាក់ឈ្មោះទៅចាប់គូរហូត ប៉ុន្តែចាប់មិនសូវបានដូចកីឡាករផ្សេងៗសោះ

បានផុស

៥ ខែ មុន

នៅ

ថ្ងៃអង្គារ ១៣ មករា ២០២៦

ដោយ

កីឡាករចាស់វស្សាក្នុងវិស័យប្រដាល់គុនខ្មែរ រិន សារ័ត្ន ថាខ្លួនពេលខ្លះក៏ឆ្ងល់ដែរដាក់ឈ្មោះចាប់គូរហូត ប៉ុន្តែមិនសូវចាប់បានដូចកីឡាករដទៃ ខណៈកីឡាករមួយចំនួនមានឈ្មោះ និងបានប្រកួតជាហូរហែតាមកម្មវិធីតូច-ធំផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ រិន សារ័ត្ន

អ្នកប្រដាល់មកពីខេត្តព្រៃវែង រិន សារ័ត្ន បានឲ្យដឹងថា គ្រូបង្វឹករបស់ខ្លួនតែងតែដាក់ឈ្មោះចាប់គូរហូតមក ប៉ុន្តែចាប់មិនសូវបានឡើយ។ នៅពេលខ្លះមួយខែបានមួយប្រកួត ឬរហូតពីរខែទើបបានមួយប្រកួតក៏មានដែរ។ កូនសិស្សលោក ហ៊ុន ច័ន្ទរាជ្យ រូបគេក៏ឆ្ងល់ដែរចាប់គូមិនសូវបានដូចកីឡាករដទៃសោះ។

កីឡាករ រិន សារ័ត្ន

ម្ចាស់ខ្សែក្រវាត់ពីប្រទេសវៀតណាមរូបនេះបន្តទៀតថា ខ្លួនមិនដឹងថាត្រូវសំណូមពរយ៉ាងណាទេ ព្រោះដាក់ឈ្មោះទៅចាប់គូរហូតទៅហើយ។ ចំពោះប្រាក់ចំណូលវិញក៏រកមិនសូវបាននោះឡើយ ព្រោះមិនសូវបានប្រកួត។ បច្ចុប្បន្នពឹងតែការបង្ហាត់សិស្សបែបសុខភាពបានថវិកាបន្តិចបន្តួចប៉ុណ្ណោះ ស្របពេលត្រូវការចំណាយច្រើនដោយចិញ្ចឹមកូន ៣នាក់ និងបង់ធនាគារផងដែរ។ យ៉ាងណាដោយសារតែការចាយវាយ និងទុកដាក់បានត្រឹមត្រូវតាមរយៈប្រាក់រកបានពីមុនៗមកសម្រាប់ទុកត្រៀមបង់ធនាគារ និងឲ្យកូនរៀនសូត្រប្រចាំថ្ងៃទើបមិនសូវជួយបញ្ហានេះ។

កីឡាករ រិន សារ័ត្ន

បញ្ជាក់ដែរថា រិន សារ័ត្ន ជាកីឡាករចាស់វស្សាក្នុងវិស័យប្រដាល់គុនខ្មែរ និងផ្នែកគុនចម្រុះនៅកម្ពុជា។ បើទោះជាប្រឡូកក្នុងវិស័យកីឡាមួយនេះយូរឆ្នាំ និងមានវ័យច្រើនបន្តិចមែន ប៉ុន្តែការហ្វឹកហាត់ និងរាងកាយគឺនៅរក្សាបានល្អណាស់ចំពោះអ្នកប្រដាល់រូបនេះ។ រាងកាយមិនធាត់ដូចកីឡាករជើងចាស់មួយចំនួន និងតែងតែគោរពការហ្វឹកហាត់បានជាប់លាប់ជានិច្ច។ គេឃើញ រិន សារ័ត្ន មិនសូវមានមុខឡើងប្រកួតតាមបណ្ដាស្ថានីយទូរទស្សន៍ ឬកម្មវិធីធំៗដូចកីឡាករមួយចំនួនដែលនៅក្នុងក្លឹបធំៗនោះឡើយ៕