កីឡា
U23 ជម្រើសជាតិកម្ពុជា ចេញបញ្ជីឈ្មោះកីឡាករ ២៦នាក់ ត្រៀមចូលរួមប្រកួតស៊ីហ្គេមនៅវៀតណាម
សហព័ន្ធកីឡាបាល់ទាត់កម្ពុជា នៅព្រឹកថ្ងៃទី២៥ ខែមេសា ឆ្នាំ២០២២ បានប្រកាសបញ្ជីឈ្មោះបឋមកីឡាករអាយុក្រោម២៣ឆ្នាំជម្រើសជាតិកម្ពុជា ចំនួន២៦នាក់ ដើម្បីត្រៀមការប្រកួតកីឡាបាល់ទាត់ នៃព្រឹត្តិការណ៍កីឡាអាស៊ីអាគ្នេយ៍ លើកទី៣១ ឆ្នាំ២០២២ នៅប្រទេសវៀតណាម។
បញ្ជីឈ្មោះនេះសរុបមានកីឡាករ២៦នាក់ មកពី១០ក្លិប នៃពានរង្វាន់លីគកំពូល និងលីគទី២ កម្ពុជា ពោលគឺមកពីក្លិបបឹងកេត៥នាក់, ណាហ្គាវើលដ៍៣នាក់, វិសាខា៣នាក់, ព្រះខ័នរាជស្វាយរៀង ៣នាក់, ភ្នំពេញក្រោន ៣នាក់, ព្រៃវែង ៤នាក់, អង្គរថាយហ្គឺរ ២នាក់, កងយោធពលខេមរភូមិន្ទ ១នាក់, អគ្គិសនីកម្ពុជា ១នាក់ និងគីរីវង់សុខសែនជ័យ ១នាក់។
កីឡាករទាំង ២៦នាក់នេះ នឹងហ្វឹកហាត់ពីថ្ងៃទី២៦ ខែមេសា តទៅ បន្ទាប់មកជម្រុះមកនៅត្រឹម ២០នាក់ចុងក្រោយ នៅ ១ថ្ងៃមុនចាកចេញទៅវៀតណាម។
ក្រុមបាល់ទាត់ជម្រើសជាតិកម្ពុជាអាយុក្រោម ២៣ឆ្នាំ ត្រូវបានចាប់ឆ្នោតស្ថិតទៅពូល B សម្រាប់ប្រភេទកីឡាបាល់ទាត់លើវិញ្ញាសាបាល់ទាត់បុរស ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣១ នៅប្រទេសវៀតណាម ដោយរួមពូលជាមួយក្រុមខ្លាំង U23 ថៃ, ម៉ាឡេស៊ី, សិង្ហបុរី និងឡាវ។
ចំពោះការប្រកួតវិញ U23 កម្ពុជា នឹងបើកឆាកគឺនៅថ្ងៃទី០៩ ខែឧសភា ដោយត្រូវជួបឡាវ បន្ទាប់មកនៅថ្ងៃទី១១ ជួបសិង្ហបុរី ថ្ងៃទី១៤ ជួបថៃ និងប្រកួតចុងក្រោយជួបម៉ាឡេស៊ី នៅថ្ងៃទី១៦ ខែឧសភា ឆ្នាំ២០២២៕
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ