Connect with us

កីឡា

កីឡាករ​ ទូច រ៉ាឆាន់​ ឈ្នះមេដាយ​មាសក្នុង​ព្រឹត្តិការណ៍​កីឡាស៊ីហ្គេម​នៅវៀតណាម

បានផុស

នៅ

កីឡាឃីក​បុកស៊ីង បានក្លាយ​ជាកីឡា​នាំមេដាយមាស​ជូនកម្ពុជាមុនគេ ក្នុងព្រឹត្តិការណ៍​កីឡាស៊ីហ្គេម លើកទី ៣១ នៅ​ប្រទេស​វៀតណាមនៅថ្ងៃទី ១៣ ​ខែឧសភា ឆ្នាំ២០២២នេះ​។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ទូច រ៉ាឆាន់ (បឹត សង្ឃឹម) ដែលប្រកួតមុនគេបានឈ្នះមេដាយមាស មុនគេបន្ទាប់ពីឈ្នះថៃ Arunno Sivapan វគ្គផ្តាច់ព្រ័ត្រទម្ងន់៥៧គីឡូក្រាម។

ចូលដល់គូទី ២ របស់កម្ពុជាកីឡាករ កាន់ ម៉េងហុង បានត្រឹមមេដាយប្រាក់ បន្ទាប់ពីចាញ់កីឡាករថៃ Sungnoi Chaiwat វគ្គផ្តាច់ព្រ័ត្រទម្ងន់ ៥៤គីឡូក្រាម។

បន្ទាប់មកទៀតកីឡាករ លន បញ្ញា បានរងបរាជ័យក្រោមថ្វីជើងកីឡាករម្ចាស់ផ្ទះវៀតណាម Nguyen The Huong ដោយពិន្ទុ ក្នុងវិញ្ញាសាទម្ងន់ ៦៧គីឡូក្រាម។ 

យ៉ាងណាមិញ គូចុងក្រោយគឺកីឡាករ ឈឿង ល្វៃ បានចាញ់កីឡាករថៃ Thapphili Thongchai ដោយពិន្ទុ ក្នុងប្រភេទទម្ងន់ ៧១គីឡូក្រាម។

ដូច្នេះ គិតត្រឹមថ្ងៃនេះបើនិយាយជារួមកម្ពុជា ឈ្នះមេដាយសរុប ៨គ្រឿងហើយ ក្នុងនោះមាស ១គ្រឿង ប្រាក់ ៣គ្រឿង និងសំរឹទ្ធ ៤គ្រឿង។

មេដាយមាស លើប្រភេទកីឡាឃីកបុកស៊ីង មេដាយប្រាក់ ២លើកីឡាឃីកបុកស៊ីងដូចគ្នា និងមេដាយសំរឹទ្ធ៤ លើកីឡាឃីកបុកស៊ីង១ កីឡាប្រណាំងទូក១ និងកីឡាប៉េតង់២៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម