Connect with us

កីឡា

កីឡាកាយសម្ព័ន្ធ ក្លាយជាប្រភេទកីឡាទី១៣ ជួយឱ្យកម្ពុជា ឈ្នះមេដាយក្នុងព្រឹត្តិការណ៍ស៊ីហ្គេម នៅវៀតណាម

បានផុស

នៅ

អត្តពលិកកីឡាកាយសម្ព័ន្ធម្ពុជា បានឈ្នះមេដាយចំនួន ២គ្រឿង (ប្រាក់១ សំរឹទ្ធ១) នៅថ្ងៃទី២១ ខែឧសភា ឆ្នាំ២០២២​នេះ ខណៈនេះជាប្រភេទកីឡាទី១៣ ជួយឱ្យកម្ពុជា ឈ្នះមេដាយ ក្នុងព្រឹត្តិការណ៍កីឡាស៊ីហ្គេម នៅលើកទី៣១​ឆ្នាំ២០២២​ នៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ-កីឡាការិនីកីឡាកាយសម្ព័ន្ធកម្ពុជា ដែលឈ្នះមេដាយនៅថ្ងៃរួមមាន កីឡាករ ហាស់ សុខហ៊, ត្រន ប៊ុនធឿន​និងកីឡាការិនី ម៉ូ ស្រីពៅ ទទួលបានមេដាយប្រាក់ លើវិញ្ញាសា Mixed Trio ដោយរកបាន ១៩.៣០០ពិន្ទុ​ លើក្រុម​លេខ​៣ ថៃ ដែលរកបាន ១៧.៥៨៨ពិន្ទុ និងក្រុមលេខ៤ ហ្វីលីពីន រកបាន ១៦.៥៣៣ពិន្ទុ ខណៈម្ចាស់ផ្ទះវៀតណាមឈ្នះមេដាយមាស ជាមួយពិន្ទុសរុប ២០.៤៧៨។ 

ដោយឡែកកីឡាករ ជឿន ចាន់បុរី ទទួលបានមេដាយសំរឹទ្ធ លើវិញ្ញាសា Aerobic Gymnastics ឯកត្តជន ក្រោយរកបាន ១៨.៤៥០ពិន្ទុ តាមពីក្រោយម្ចាស់មេដាយមាស ថៃ រកបាន ១៩.៦០០ពិន្ទុ, ម្ចាស់ផ្ទះវៀតណាម មេដាយប្រាក់ រកបាន ១៨.៨០០ពិន្ទុ និងលេខ៤ ហ្វីលីពីន ១៧.៤០០ពិន្ទុ។

ដូច្នេះគិតត្រឹមពេលនេះ មេដាយរបស់កម្ពុជា កើនដល់ ៥២គ្រឿង លើ ១៣ប្រភេទកីឡាផ្សេងគ្នា ក្នុងចំណោម ៣៣ប្រភេទកីឡា រួមមាន៖ មាស ៧គ្រឿង, ប្រាក់ ១០គ្រឿង និងសំរឹទ្ធ ៣៥គ្រឿង (សំរឹទ្ធ ៨គ្រឿងពុំទាន់ធ្វើពិធីបំពាក់មេដាយ)។

ប្រភេទកីឡាទាំង ១៣ដែលឈ្នះមេដាយទាំងមាស ប្រាក់ និងសំរឹទ្ធ រួមមាន កីឡាប៊ូល និងប៉េតង់, វ៉ូវីណាម, ឃីកបុកស៊ីង, ចំបាប់, តេក្វាន់ដូ WT, កាយសម្ព័ន្ធ, ប្រដាល់គុនខ្មែរ, វូស៊ូ, ការ៉ាតេ, ប្រដាល់សកល, យូដូ, ជឺជិតស៊ូ និងទូកកានូ/រ៉ូអ៊ីង៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

លោក ស៊ី ជីន​ពីង អញ្ជើញ​សម្តេច​តេ​ជោ ហ៊ុន សែន ចូលរួម​កិច្ច​សន្ទនា​ជាន់ខ្ពស់ ស្តីពី​ការអភិវឌ្ឍន៍​សកល​

ជីវិតកម្សាន្ដ៥៧ នាទី មុន

Kim ឆ្លើយតបពាក្យចចាមអារ៉ាមថានាងធ្វើរហែករ៉ូបតម្លៃជិត ៥លានដុល្លារ

សន្តិសុខសង្គម២ ម៉ោង មុន

ចាប់​បាន​ខ្មាំង​កាំភ្លើង​ និង​ជនសង្ស័យ​ជួញដូរ​អាវុធ​ រួម​នឹង​បក្ខពួក​ស្រីប្រុស​សរុប៦នាក់

ព័ត៌មានជាតិ២ ម៉ោង មុន

​ថ្ងៃទី​២៨ ខែមិថុនា​ ​រដ្ឋបាល​រាជធានី​នឹង​បញ្ចៀស​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​ចាប់ពី​ស្តុ​ប​ជលផល​ដល់ស្ពាន​អាកាស​ក្បាលថ្នល់

ព័ត៌មានជាតិ៣ ម៉ោង មុន

មន្ទីរ​សាធារណការ​ខេត្តព្រះវិហារ ជួសជុល ថែទាំ ផ្លូវ​ក្រាល​គ្រួស​ក្រហម តាមផ្លូវ​ក្រវ៉ាត់​ព្រំដែន កម្ពុជា​-​ថៃ ប្រវែង​ជិត​១០​គីឡូម៉ែត្រ

Sokha Hotels

ព័ត៌មានពេញនិយម