Connect with us

កីឡា

ប៉ះប៉ូឡូញយប់មិញ កីឡាករបារាំង Kounde ពាក់ខ្សែ ក ចូលលេង តើ FIFA ពិន័យដែរឬទេ?

បានផុស

នៅ

ការប្រកួតរវាងក្រុមបាល់ទាត់ជម្រើសជាតិមាន់គកបារាំងជាមួយនឹងប៉ូឡូញវគ្គ ១៦ ក្រុមចុងក្រោយក្នុងព្រឹត្តិការណ៍បាល់ទាត់ពិភពលោក FIFA World Cup កាលពីយប់ថ្ងៃអាទិត្យ មានរឿងដ៏ហួសចិត្តមួយបានកើតឡើងសម្រាប់ខ្សែការពារបារាំង Jules Kounde ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែការពារពាក់លេខ ៥ របស់បារាំងរូបនេះបានពាក់ខ្សែ ក ចំនួន ២ ខ្សែចូលប្រកួតក្នុងទីលាន Al Thumama ក្នុងជ័យជម្នះ ៣-១ លើប៉ូឡូញ ខណៈរហូតទាល់តែនាទីទី៤១ ទើបលោកអាជ្ញាកណ្ដាល Jesus Valenzuela មើលឃើញ ហើយឲ្យដោះវាចេញ ។

ក្រោយមកក្រុមការងាររបស់បារាំងមួយរូបបានទៅជួយដោះខ្សែ ក ឲ្យ Kounde ដោយសារតែ​ការ​ពាក់​គ្រឿងអលង្ការ អំឡុងពេលប្រកួត ​គឺ​ខុស​នឹង​ច្បាប់​សម្រាប់​ហេតុផល​សុវត្ថិភាព ។

ច្បាប់របស់ក្រុមប្រឹក្សាសមាគមបាល់ទាត់អន្តរជាតិ (IFAB) បាននិយាយថា “វត្ថុ ឬគ្រឿងអលង្ការដូចជា ខ្សែ ក, ចិញ្ចៀន, កងដៃ, ក្រវិល, ខ្សែដៃស្បែក ឬជ័រ ត្រូវបានហាមឃាត់ និងតម្រូវឲ្យដោះចេញផងដែរ ហើយមន្ត្រីអាជ្ញាកណ្ដាល ក៏ដូចជាអ្នករៀបចំការប្រកួតត្រូវតែត្រួតពិនិត្យទាំងកីឡាករចូលប្រកួត និងកីឡាករបម្រុង មុនពេលពួកគេចូលទីលានប្រកួត” ។

ទន្ទឹមនោះ Kounde នឹង​មិន​ប្រឈម​ការពិន័យណាមួយពី FIFA នោះទេ ពាក់ព័ន្ធនឹងការពាក់ខ្សែ ក នេះ ដោយសារតែខ្សែការពារបារាំងរូបនេះធ្វើតាមសំណើររបស់​អាជ្ញាកណ្តាល​ក្នុងការដោះវាចេញ ។ ទោះយ៉ាងណា ប្រសិនបើ Kounde បន្តពាក់ខ្សែ ក នៅក្នុងការប្រកួតក្រោយទៀតនៅ World Cup, ខ្សែការពាររូបនេះអាចប្រឈមនឹងការពិន័យកាតលឿង ៕

ប្រែសម្រួលដោយ ៖ ជីវ័ន្ត

ប្រភព ៖ Goal

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ១ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ២ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៤ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៤ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម