កីឡា
ម្ចាស់ក្លិប Leicester City បន្ធូរបន្ថយបំណុលដែលនៅសេសសល់របស់ក្លិប ចំពោះក្រុមហ៊ុនខ្លួន
ក្លិប Leicester City បានប្រកាសជាសាធារណៈថា ម្ចាស់ក្លិបជនជាតិថៃ លោក Aiyawatt Srivaddhanaprabha បានរំដោះក្លិបដោយជោគជ័យពីបំណុលដែលជំពាក់ពីក្រុមហ៊ុនរបស់ខ្លួន King Power ស្នងពីឪពុក។
King Power គឺជាដៃគូឧបត្ថម្ភដ៏ធំរបស់ក្លិប ហើយត្រូវបានស្គាល់ថាជារបស់ម្ចាស់ក្លិបផ្ទាល់ ដែលមានមូលដ្ឋាននៅប្រទេសថៃ។
ចំនួនទឹកប្រាក់ដែលបានរាយការណ៍ថាមានចំនួនជាង ១៩៤ លានផោន (ប្រមាណ ២៤០ លានដុល្លារ) នៅក្នុងប្រាក់កម្ចី និងការប្រាក់ផ្ដល់ទៅឲ្យក្រុមរហស្សនាមកញ្ជ្រោង (Foxes) ក្នុងរយៈពេល ៤ ឆ្នាំចុងក្រោយនេះ ដើម្បីផ្ដល់មូលនិធិសម្រាប់ការសាងសង់កន្លែងបណ្ដុះបណ្ដាលថ្មីរបស់ពួកគេ។
នៅក្នុងសេចក្ដីថ្លែងការណ៍ផ្លូវការ Aiyawatt Srivaddhanaprabha បានបង្ហាញថា “ការរក្សាស្ថិរភាពរយៈពេលវែងគឺមានសារៈសំខាន់សម្រាប់កំណើនប្រកបដោយនិរន្តរភាព និងជាគោលការណ៍គ្រឹះដែលតែងតែដឹកនាំការវិនិយោគរបស់យើងនៅក្នុងអនាគតរបស់ក្លិប។ យើងចង់ធ្វើឲ្យប្រាកដថា យើងបន្តទៅលើផ្លូវនោះពីគោលជំហរហិរញ្ញវត្ថុដ៏រឹងមាំ និងសុវត្ថិភាពបំផុត»។
ចាប់តាំងពីទិញបានក្លិប Leicester City ក្នុងឆ្នាំ ២០១០ មក គ្រួសារ Srivaddhanaprabha បាននាំក្លិបតាំងពីប្រកួតនៅក្របខ័ណ្ឌលីគទី ២ អង់គ្លេស (Championship) ដើម្បីលើកពាន Premier League ដ៏អស្ចារ្យបំផុតមួយក្នុងប្រវត្តិសាស្ត្ររបស់ក្លិប។
Foxes ក៏បានឈ្នះពានរង្វាន់ FA Cup និង Community Shield ក្នុងឆ្នាំ ២០២១ ផងដែរ។ ទោះជាយ៉ាងណា អ្វីៗមិនបានទៅក្នុងទិសដៅដែលពួកគេសង្ឃឹមសម្រាប់យុទ្ធនាការនេះទេ។
ពួកគេក៏មិនឈ្នះដែរក្នុងការប្រកួត ៥ លើកចុងក្រោយរបស់ពួកគេក្នុងលីគ។ ទោះជាយ៉ាងណាក៏ដោយ លោក Aiyawatt Srivaddhanaprabha នៅតែប្ដេជ្ញាចិត្តយ៉ាងពេញលេញក្នុងការបង្កើតអនាគតដ៏ភ្លឺស្វាងសម្រាប់ក្លិប។
ប្រធានបានចែករំលែកថា “ខ្ញុំជឿជាក់ដោយអស់ពីចិត្តនៅក្នុងទីក្រុង Leicester City និងអ្វីដែលក្លិបអាចសម្រេចបានសម្រាប់អ្នកគាំទ្ររបស់យើង ប្រជាជន និងសហគមន៍របស់យើង នៅក្នុងទីក្រុង Leicester ប្រទេសថៃ និងជុំវិញពិភពលោក”។
“ជំនឿដែលពួកគេបន្តជឿលើពួកយើងដើម្បីដំណើរការក្លិបរបស់ពួកគេប្រកបដោយទំនួលខុសត្រូវជាមួយនឹងមហិច្ឆតា និងភាពស្មោះត្រង់ ដឹកនាំការសម្រេចចិត្តរបស់យើង ហើយនៅតែមានសារៈសំខាន់សម្រាប់ពួកយើងក្នុងការកសាងនូវយុគសម័យដ៏ជោគជ័យបំផុតមួយនៅក្នុងប្រវត្តិសាស្ត្ររបស់ក្លិប”។
Leicester City ឈរនៅលេខរៀងទី ១៤ ក្នុងតារាង EPL ដោយមាន ១៨ ពិន្ទុ ពីការប្រកួតឈ្នះ ៥ ស្មើ ៣ និងចាញ់ ១២ ដង នៅរដូវកាលនេះ៕
ប្រភព ៖ skysports.com
អត្ថបទ ៖ មន្នីរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ