កីឡា

U-22 កម្ពុជា នឹងទៅបោះជំរំហ្វឹកហាត់នៅថៃ ដើម្បីត្រៀមស៊ីហ្គេម ២០២៣

បានផុស

៣ សប្តាហ៍ មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ក្រុមជម្រើសជាតិកម្ពុជា អាយុក្រោម ២២ ឆ្នាំ ដែលជាក្រុមត្រូវប្រកួតក្នុងស៊ីហ្គេម លើកទី ៣២ ឆ្នាំ ២០២៣ នឹងចេញទៅបោះជំរំហ្វឹកហាត់នៅប្រទេសថៃ ដើម្បីត្រៀមសម្រាប់ព្រឹត្តិការណ៍ដដែលខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ សហព័ន្ធកីឡាបាល់ទាត់កម្ពុជា នឹងប្រកាសជាផ្លូវការពីបញ្ជីឈ្មោះបឋមរបស់កីឡាករក្រុមជម្រើសជាតិកម្ពុជាអាយុក្រោម ២២ ឆ្នាំ សម្រាប់ត្រៀមធ្វើការបោះជំរំហ្វឹកហាត់នៅប្រទេសថៃ។

គម្រោងដែលនឹងប្រកាសបញ្ជីឈ្មោះបឋមនោះគឺនៅថ្ងៃទី ២០ ខែកុម្ភៈ ឆ្នាំ ២០២៣ ខណៈដំណឹងចុងក្រោយមកថា ក្រុមនេះគ្រោងនឹងចាកចេញដើម្បីបោះជំរំហ្វឹកហាត់នៅថៃ នាចុងខែកុម្ភៈផ្ទាល់តែម្ដង។

សូមបញ្ជាក់ថា ការប្រកួតបាល់ទាត់ វិញ្ញាសាបុរស ក្នុងព្រឹត្តិការណ៍កីឡាអាស៊ីអាគ្នេយ៍ លើកទី ៣២ ឆ្នាំ ២០២៣ នៅកម្ពុជា នឹងកំណត់កូតាកីឡាករស្ថិតនៅអាយុក្រោម ២២ ឆ្នាំ និងមិនឲ្យប្រើកីឡាករលើសអាយុឡើយ។

បាល់ទាត់បុរស នៅស៊ីហ្គេម ២០២៣ នឹងចាប់ផ្ដើមប្រកួតមុនគេ ពោលគឺមុនពិធីបើកជាផ្លូវការ ដែលគ្រោងប្រកួតបើកឆាកនៅថ្ងៃទី ២៩ ខែមេសា ឆ្នាំ ២០២៣៕

អត្ថបទ ៖ មន្នីរ័ត្ន