កីឡា

យ៉េន ឌីណា ម្ចាស់មេដាយមាសស៊ីហ្គេម២០២២មិនមានឈ្មោះស៊ីហ្គេមនៅកម្ពុជា

បានផុស

៥ ខែ មុន

នៅ

ថ្ងៃពុធ ២៦ មេសា ២០២៣

ដោយ

តាមបញ្ជីឈ្មោះអត្តពលិកគុនខ្មែរដែលសហព័ន្ធកីឡាប្រដាល់គុនខ្មែរបានចេញជាផ្លូវការចុងក្រោយដែលសារព័ត៌មាន «កម្ពុជាថ្មី»ទទួលបាននៅព្រឹកថ្ងៃទី២៦ ខែមេសានេះ គ្មានវត្តមានកីឡាករ ប៉ោ ភារិទ្ធ (យ៉េន ឌីណា) សម្រាប់ការប្រកួតគុនខ្មែរ ក្នុងកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជាទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមកីឡាករ និងកីឡាការិនីគុនខ្មែរទៅប្រកួតស៊ីហ្គេម លើកទី៣១ ឆ្នាំ២០២១ (លើកមកឆ្នាំ២០២២) នៅប្រទេសវៀតណាម កីឡាករ យ៉េន ឌីណា តែម្នាក់គត់ដែលបានឈ្នះមេដាយមាស។ រូបគេបានប្រកួតឈ្នះកីឡាករម្ចាស់ផ្ទះវៀតណាម Truong Cao Minh Phat នៅវគ្គផ្តាច់ព្រ័ត្រដើម្បីទទួលបានមេដាយមាសលើប្រភេទទម្ងន់ ៦៣.៥គីឡូក្រាម។

យ៉ាងណា សម្រាប់ស៊ីហ្គេម លើកទី៣២ នៅលើទឹកដីកម្ពុជា វិញ្ញាសាទម្ងន់៦៣.៥គីឡូក្រាមនេះត្រូវបានដាក់ជំនួសដោយកីឡាករ ឃុន បូរ៉ា (ឃីម បូរ៉ា) ដែលបានប្រកួតទម្ងន់៦០គីឡូក្រាមកាលស៊ីហ្គេម នៅវៀតណាម។

បន្ទាប់ពីបានឈ្នះមេដាយមាសស៊ីហ្គេម កាលពីខែឧសភា ឆ្នាំ២០០២២ យ៉េន ឌីណា ត្រូវបានមហាជនមើលឃើញថា សមត្ថភាពរបស់គាត់ធ្លាក់ចុះច្រើន និងមិនសូវបានហ្វឹកហាត់ទៀងទាត់ទេ។ សូម្បីតែការប្រកួតជើងឯកគុនខ្មែរអាស៊ីអាគ្នេយ៍ កាលពីចុងឆ្នាំ២០២២ នៅខេត្តព្រះសីហនុ កីឡាករមកពីខេត្តកោះកុងរូបនេះធ្វើទម្ងន់មិនបានត្រូវតាមកំណត់ថែមទៀត។

ខាងក្រោមជាបញ្ជីឈ្មោះកឡាករ និងកីឡាការិនីសម្រាប់ការប្រកួតគុនខ្មែរទាំង១៩វិញ្ញាសា ក្នុងនោះនារីមាន៦វិញ្ញាសា បុរសមាន១១វិញ្ញាសា និងសម្តែងសម្តែងមាន២វិញ្ញាសា ដែលត្រូវប្រកួតចាប់ពីថ្ងៃទី៦ ដល់ទី១១ ខែឧសភា ក្នុងកីឡាស៊ីហ្គេម លើកទី៣២។

កីឡាការិនីវិញ្ញាសាប្រយុទ្ធ