កីឡា

កម្មវិធីប្រកួត ស្វាយរៀងខាប់ U18 សប្តាហ៍ទី៣មាន៦គូ

បានផុស

២ years មុន

នៅ

ថ្ងៃសុក្រ ១ កញ្ញា ២០២៣

ដោយ

ការប្រកួតបាល់ទាត់ជើងឯកយុវជន ស្វាយរៀងខាប់អាយុក្រោម១៨ឆ្នាំ ឈានដល់សប្តាហ៍ទី៣ ដែលមានការប្រកួត៦គូ វគ្គសន្សំក្នុងពូល នាថ្ងៃសៅរិ៍ ទី២ និងថ្ងៃអាទិត្យ ទី៣ ខែកញ្ញា ឆ្នាំ២០២៣ នៅទីលានវិទ្យាល័យស្វាយរំពារ ស្រុកស្វាយទាប ខេត្តស្វាយរៀង។

ការប៉ះគ្នារវាងក្រុមត្រកួនទែន ជាមួយក្រុម Rainbow FC ក្នុងពូល ក វេលាម៉ោង៨ព្រឹក ដើម្បីស្វែងរក៣ពិន្ទុលើកដំបូងដូចគ្នា។ ប្រកួតទី១ ត្រកួនទែនចាញ់ក្រុមយុវជនសាមគ្គីដោយលទ្ធផល ២-០ កាលពីថ្ងៃទី១៩ ខែសីហា ខណៈក្រុម Rainbow FC រកបាន១ពិន្ទុ តាមរយៈលទ្ធផលស្មើជាមួយក្រុមយុវជនស្វាយតាយាន ១-១ កាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ោង២រសៀល ក្រុមយុវជនបាទី ត្រូវប្រកួតជាមួយ សសយក ស្រុកកំពង់រោទិ៍ ក្នុងពូល ច ហើយវេលាម៉ោង៤រសៀល ក្រុមពូប្រុស លីងគួយ ប្រកួតជាមួយ ក្រុមយុវជនឆន្ទៈកីឡា នៅក្នុងពូល ខ។ ក្រុមពូប្រុស លីងគួយ ស្ថិតនៅលេខ៣ក្នុងពូល ដោយមានរកបាន១ពិន្ទុ ពីលទ្ធផល ស្មើ ០-០ ជាមួយ ក្រុមយុវជនព្រះខ័នរាជស្វាយរៀង ខណៈក្រុម ឆន្ទៈកីឡានៅបាតតារាង ក្រោយចាញ់ United Sez ដោយលទ្ធផល ០-៥ កាលពីថ្ងៃទី១៩ ខែសីហា។

សម្រាប់ការប្រកួតនៅថ្ងៃអាទិត្យ ទី៣ ខែកញ្ញា វេលាម៉ោង៨ព្រឹក ក្រុម Never Win ជាមួយក្រុមយុវជន Red Bull។ ក្រុម Never Win មិនទាន់មានពិន្ទុទេ ដោយស្ថិតនៅលេខ៣ក្នុងពូល គ បន្ទាប់ពីចាញ់ក្រុម Blue Dragon ៥-១ ខណៈក្រុម Red Bull មាន៣ពិន្ទុកំពុងឈរលេខ១ក្នុងពូល តាមរយៈជ័យជម្នះ លើកក្រុម យុវជន សសយក ស្រុកចន្រ្ទា ៥-០។

នៅពូល គ ការប៉ះគ្នារវាង ក្រុម សសយក ស្រុកចន្រ្ទា ជាមួយ Blue Dragon វេលាម៉ោង២រសៀល។ ក្រុម Blue Dragon មាន៣ពិន្ទុ កំពុងឈរលេខ២ក្នុងពូល បន្ទាប់ពីឈ្នះក្រុម Never Win ដោយលទ្ធផល ៥-១ កាលពីសប្តាហ៍មុន ប៉ុន្តែក្រុមស្រុកចន្ទ្រា ស្ថិតនៅបាតតារាងដោយគ្មានពិន្ទុក្រោយចាញ់ Red Bull ៥-0 កាលពីសប្តាហ៍មុន។

ចុងក្រោយជាជំនួបរវាង ក្រុម M.S.T. FC ជាមួយក្រុមយុវជន ត្នោត FC វេលាម៉ោង៤រសៀលសម្រាប់ពូល ឃ។ ក្រុម M.S.T FC មាន៣ពិន្ទុកំពុងឈរលេខ១ក្នុងពូល បន្ទាប់ពីឈ្នះការប្រកួតលើកទី១ដោយលទ្ធផលចាស់ដៃ ៨-០ លើក្រុមយុវជនតាពៅ ប៉ុន្តែនេះជាការប្រកួតលើកទី១របស់ក្រុមត្នោត FC។

កម្មវិធីប្រកួត ថ្ងៃសៅរិ៍ ទី០២ ខែកញ្ញា ឆ្នាំ២០២៣