កីឡា

លទ្ធផល៣ប្រកួតដំបូង ក្រុម Long An របស់ គួន ម៉ុម ក្នុងជើងឯកវៀតណាម

បានផុស

៤៨ នាទី មុន

នៅ

ថ្ងៃពុធ ៣ មេសា ២០២៤

ដោយ

ក្រុមបាល់ទះ Lavie Long An ដែលកីឡាករកម្ពុជា គួន ម៉ុម កំពុងលេងធ្វើមិនសូវបានល្អទេសម្រាប់៣ប្រកួតដំបូងក្នុងការប្រកួតបាល់ទះជម្រើសជើងឯកជាតិវៀតណាមឆ្នាំ២០២៤។

បើកឆាកដំបូង ក្រុម Lavie Long An បានបរាជ័យក្រោមថ្វីដៃក្រុមខ្លាំងប្រចាំប្រទេសវៀតណាម Sanest Khanh Hoa ដោយលទ្ធផល ០-៣ កាលពីថ្ងៃទី៣១ ខែមីនា ឆ្នាំ២០២៤។ អ្នកគាំទ្រកីឡាបាល់ទះប្រហែលជាស្គាល់ហើយក្លិប Sanest Khanh Hoa ធ្លាប់មកប្រកួតមិត្តភាពជាមួយក្រុមវិសាខាសម្រាប់ការបើកឆាកបាល់ទះតេជោលីគកាលពីពេលថ្មីនេះ។ ពេលនោះ ពួកគេបានចាញ់ក្រុមវិសាខា ៣-១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតលើកទី២ Lavie Long An បានយកឈ្នះលើក្រុម Da Nang ដោយលទ្ធផលយ៉ាងតានតឹង ៣-២ កាលពីថ្ងៃទី១ ខែមេសា ឆ្នាំ២០២៤ និងប្រកួតលើកទី៣កាលពីយប់ថ្ងៃទី២ ខែមេសា ក្រុម Lavie Long An បានបរាជ័យដោយថ្វីដៃក្រុម Ninh Binh ដោយលទ្ធផល ១-៣។ ដូច្នេះ៣ប្រកួតដំបូង ឈ្នះ១ និងចាញ់២។

មើលទម្រង់លេងរបស់ក្រុម Lavie Long An ហាក់មិនសូវមានប្រសិទ្ធភាពសោះក្នុងការប្លុក ឬបិទចំពោះការវាយផ្តាច់របស់ដៃគូ។ ទោះបីជាយ៉ាងណា កីឡាករកម្ពុជា គួន ម៉ុម អាចចាត់ទុកជាសមាជិកដ៏សំខាន់ម្នាក់ដែលធ្វើបានល្អក្នុងចំណោមមិត្តរួមក្រុម។ សមាជិកក្រុមរបស់កីឡាករកម្ពុជាក៏មានកីឡាករវៀតណាម ហ្សាម ថ៉យឃឿង ដែលបានមកលេងឲ្យក្រុមក្រសួងមហាផ្ទៃក្នុងតេជោលីគ។

លទ្ធផល៣ប្រកួតដំបូង