កីឡា

លោក មាស សារិន បន្តជាប់ជាប្រធានសហព័ន្ធកីឡាទាញព្រ័ត្រកម្ពុជាអាណត្តិថ្មី

បានផុស

៥១ វិនាទី មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

សហព័ន្ធកីឡាទាញព្រ័ត្រកម្ពុជា បានធ្វើមហាសន្និបាតបញ្ចប់អាណត្តិចាស់ ទី៤ ឆ្នាំ២០២០-២០២៤ និងបន្តអាណត្តិថ្មី ទី៥ ឆ្នាំ២០២៤-២០២៨ ដោយលោក មាស សារិន បន្តជាប់ឆ្នោតជាប្រធានដើម្បីដឹកនាំកីឡាមួយនេះឆ្ពោះទៅរកការអភិវឌ្ឍន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មាស សារិន

ថ្លែងក្នុងមហាសន្និបាតលោក មាស សារិន បានប្តេជ្ញាចិត្តថា នឹងខិតខំប្រឹងប្រែងអភិវឌ្ឍន៍ដែលសហព័ន្ធចង់បានជាពិសេសទិសដៅការប្រកួតកីឡាទាញព្រ័ត្រជើងឯកអាស៊ីអាគ្នេយ៍តាមគម្រោងដែលនឹងចង់រៀបចំឲ្យបានបំផុត។

ព្រឹទ្ធាចារ្យកីឡារូននេះបន្ថែមទៀតថា ប្តេជ្ញាជំរុញឱ្យប្រភេទកីឡាទាញព្រ័ត្រឱ្យកាន់តែមានប្រជាប្រិយភាព ក្នុងការទាក់ទាញភ្ញៀវទេសចរមកទស្សនាកម្ពុជាកាន់តែច្រើន តាមរយៈការរៀបចំការប្រកួតកីឡាទាញព្រ័ត្រ ជើងឯកសមាគម នៅអង្គរវត្ត ចាប់ពីឆ្នាំ២០២៦តទៅ។

ទិដ្ឋភាពមហាសន្និបាត

ជាមួយគ្នានេះដែរលោកសង្ឃឹមថាសមាជិកគណៈកម្មាធិការប្រតិបត្តិថ្មីទាំងអស់ដែលជាប់ឆ្នោតនេះនឹងបន្តរួមគ្នាជួយជំរុញអភិវឌ្ឍន៍បន្ថែមទៀតឲ្យកាន់តែមានសកម្មភាព ពិសេសការរៀបចំព្រឹត្តិការណ៍ប្រកួតឲ្យបានច្រើនផ្សព្វផ្សាយទៅកាន់មហាជនរឹតតែមានភាពផុលផុស។

ទិដ្ឋភាពមហាសន្និបាត

បញ្ជាក់ដែរថា សហព័ន្ធកីឡាទាញព្រ័ត្រកម្ពុជា បានបោះឆ្នោតជាកញ្ចប់ជ្រើសរើសប្រធានសហព័ន្ធ ថ្នាក់ដឹកនាំអាណត្តិទី៥ ឆ្នាំ២០២៤-២០២៨ កាលពីថ្ងៃទី១៦ ខែមិថុនា ឆ្នាំ២០២៥ នៅទីស្នាក់ការគណៈកម្មាធិការជាតិអូឡាំពិកកម្ពុជា។ លោក មាស សារិន ប្រធានសហព័ន្ធ លោក សាម៉ន បណ្ឌិត្យ អនុប្រធានទី១ និងអនុប្រធាន១៦រូប។ ចំពោះអគ្គលេខាធិការ គឺលោក ចាប រតនា៕