កីឡា

ប៊ុន សុធា នៅតែមិនអាចឈ្នះ យ៉ាស៊ីន ខណៈលោក សេន ប៊ុនថេន លើកទឹកចិត្តឲ្យខំបន្ត

បានផុស

៩ ខែ មុន

នៅ

ថ្ងៃចន្ទ ១៥ កញ្ញា ២០២៥

ដោយ

ការប្រកួតដ៏កក្រើកជក់ចិត្ត និងជាការប្រកួតដណ្ដើមខ្សែក្រវាត់គ្រុឌរវាង យ៉ា ស៊ីន ប៉ះ ប៊ុន សុធា ពិតជាល្អមើល ខណៈជ័យជម្នះនៅតែបានលើកូនសិស្សលោក សេន ប៊ុនថេន ដដែលក្នុងជំនួបកាលពីយប់មិញនៅលើសង្វៀនទទក បណ្ដោយផ្លូវវេងស្រេង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេន ប៊ុនថេន និងយ៉ាស៊ីន

ការប្រកួតដណ្ដើមខ្សែក្រវាត់នេះគឺពិតជាមិនធ្វើឲ្យអ្នកគាំទ្រខកបំណងមែន ពោលជួងគោះភ្លាម យ៉ាស៊ីន ដើរចូលវាយសម្រុកយកពិន្ទុតាំងពីដើមទឹកដោយគ្មានខ្លាចញញើតលើកីឡាករ ប៊ុន សុធា បន្តិចសោះឡើយ។

សុធា ហាក់ចាញ់កម្លាំង និងចាញ់ញ៉ាប់ យ៉ាស៊ីន បន្តិច ប៉ុន្តែម្នាក់ៗសឿង និងតស៊ូគ្នាជាខ្លាំងដើម្បីដណ្ដើមពិន្ទុលើដៃគូឆ្ពោះទៅរកជ័យជម្នះ។ យ៉ាងណាលទ្ធផលចុងក្រោយកូនសិស្សលោក សេន ប៊ុនថេន នៅតែបន្តឈ្នះលើ ប៊ុន សុធា ជាលើកទី២។

រូបភាពហ្វេសបុកលោក សេន ប៊ុនថេន

ចំណែកលោក សេន ប៊ុនថេន វិញបានបង្ហោះសារលើហ្វេសបុកផេករបស់ខ្លួនអបអរសារទរចំពោះជ័យជម្នះរបស់ យ៉ាស៊ីន ដែលបានឈ្នះខ្សែក្រវាត់កាលពីយប់មិញនេះ ស្របពេលលោកលើកទឹកចិត្តកីឡាករ ប៊ុន សុធា ឲ្យបន្តខំប្រឹងប្រែងបន្ថែមទៀត។

យ៉ាស៊ីន និង សុធា

បញ្ជាក់ដែរថា ជំនួបលើកទី២ និងជាការប្រកួតដណ្ដើមខ្សែក្រវាត់គ្រុឌយប់មិញនេះគឺកីឡាករ យ៉ាស៊ីន ឈ្នះពិន្ទុលើកីឡាករ ប៊ុន សុធា លើសង្វៀនទទក ទីតាំងនៅឯសួនឧស្សាហកម្មវឌ្ឍនៈ បណ្ដោយផ្លូវវេងស្រេង រាជធានីភ្នំពេញ៕