កញ្ញា រ៉េត សារីតា Archives - Kampuchea Thmey Daily

រ៉េត សារីតា ពន្លះចាស់ដៃអ្នកយកលេសស្នេហាជាតិមកជាន់ពន្លិចខ្មែរគ្នាឯង ខណ:ប្រទេសជាតិកំពុងជួបទុក្ខ

Chan Sotheavy — Sat, 15 Nov 2025 03:04:08 +0000

បវរកញ្ញាកម្ពុជា រ៉េត សារីតា បានបង្ហាញការខកចិត្តជាខ្លាំង បន្ទាប់មានបុគ្គលខ្លះបានតាំងខ្លួនដោយចាត់ទុកខ្លួនឯងជាអ្នកស្នេហាជាតិតែមកជាន់ពន្លិចខ្មែរគ្នាឯង ខណ:ប្រទេសជាតិកំពុងជួបទុក្ខលំបាកត្រូវចោរសៀមឈ្លានពាន។

កញ្ញា រ៉េត សារីតា បានរៀបរាប់ថា “សូមបញ្ចេញមតិមួយទាន់ទំនេរ ប្រទេសជាតិកំពុងតែជួបទុក្ខលំបាកកាលៈទេសៈផុយស្រួយ តែសម្បូរណាស់អ្នកតែស្ករ អ្នកឆ្លៀតឱកាសយកលេសយកឈ្មោះជាអ្នកស្នេហាជាតិមកជាន់ពន្លិចខ្មែរគ្នាឯង។ ចាកប្រធានខ្លាំងណាស់ ឯណាទៅ critical thinking?”។

រ៉េត សារីតា បន្តទៀតថា “បើទំនេរណាស់ មកនេះមក ចុះទៅបេសកកម្មផ្ទាល់ជាមួយខ្ញុំ ខ្ញុំមិនចេះហូបជោរទេ ដរាបណាខ្ញុំនៅមានឈាមជ័រជាកូនខ្មែរ សីលធម៌ខ្ញុំនៅប្រកាន់ខ្ជាប់ជានិច្ច ទៅកាន់អស់លោកអ្នកដែលប្រមាថមកលើខ្ញុំ ខ្ញុំមិនខឹងទេតែខ្ញុំពិតជាអាណិតទៅវិញ។ ចូលចិត្តណាស់រឿងថែមល្បោយហើយបើមានខ្លួនស្រូបយកឲ្យអស់ចុះយុគ៩នេះ”។

បវរកញ្ញា រ៉េត សារីតា សង្កត់ធ្ងន់ទៀតថា “នាងទុកចិត្តទាំងស្រុងលើថ្នាក់ដឹកនាំរាជរដ្ឋាភិបាលកម្ពុជា សម្រាប់កាលៈទេសៈដ៏ពិបាកមួយនេះ។ ជាចុងក្រោយនមានតែសូមបួងសួងដល់ទេវតាវត្ថុស័ក្តិសិទ្ធ ជួយការពារថែរក្សាដល់ប្រជាជនប្រទេសដ៏ស្លូតត្រង់មួយនេះឲ្យរួចផុតទុក្ខពីប្រទេសជិតខាង ដែលគ្មានសណ្តាប់ធ្នាប់គ្មានអ្នកដឹកនាំច្បាស់លាស់មួយនេះ។ សូមឱ្យកម្ពុជាមានពិភព លោកធ្វើជាសាក្សីនិងទទួលបាននៅសុខសន្តិភាពពេ ញលេញ១០០ភាគរយមកវិញឆាប់ៗខាងមុខនេះ”៕ អត្ថបទ៖ ចាន់រ៉ា

The post រ៉េត សារីតា ពន្លះចាស់ដៃអ្នកយកលេសស្នេហាជាតិមកជាន់ពន្លិចខ្មែរគ្នាឯង ខណ:ប្រទេសជាតិកំពុងជួបទុក្ខ appeared first on Kampuchea Thmey Daily.

រ៉េត សារីតា ក្ដាប់បានតំណែងជាអ្នកគ្រប់គ្រងថ្នាក់ជាតិប្រចាំខេត្តកំពត កម្មវិធីប្រកួតបវរកញ្ញាកម្ពុជា ឆ្នាំ ២០២៣

អ៊ិន ពិសី — Tue, 13 Jun 2023 08:21:45 +0000

ស្របពេលអាជីពសិល្បៈកំពុងបោះជំហានទៅមុខ បវរកញ្ញាចក្រវាលឆ្នាំ ២០២០ កញ្ញា រ៉េត សារីតា ក៏ស្រាប់តែមានដំណឹងដ៏រំភើបថា នាងទទួលបានតំណែងជាអ្នកគ្រប់គ្រងថ្នាក់ជាតិប្រចាំខេត្តកំពត កម្មវិធីប្រកួតបវរកញ្ញាកម្ពុជាឆ្នាំ ២០២៣។

ជាក់ស្ដែងនៅលើផេក Miss Cambodia បានប្រកាសថា «សូមអបអរសាទរ កញ្ញា Sarita Reth និងស្វាគមន៍មកកាន់ស្ថាប័នរបស់យើងក្នុងនាមជាអ្នកគ្រប់គ្រងថ្នាក់ជាតិប្រចាំខេត្តកំពត សម្រាប់កម្មវិធីប្រកួតបវរកញ្ញាកម្ពុជាឆ្នាំ ២០២៣»។

ប្រភពខាងលើបានបន្ថែមថា «លោកអ្នកក៏អាចជាដៃគូសហការរបស់យើងផងដែរ សូមផ្ញើសារមកយើងខ្ញុំសម្រាប់ការសាកសួរព័ត៌មានបន្ថែម»។ តាមរយៈដំណឹងនេះ បានធ្វើឲ្យអ្នកគាំទ្រជាច្រើនចូលរួមត្រេកអរ។

ជាការពិតណាស់ កញ្ញា រ៉េត សារីតា ជាតារាសម្ដែង បង្ហាញម៉ូដ មានសមត្ថភាព ប្រជាប្រិយភាព ទេពកោសល្យ និងរូបសម្រស់ស្រស់សោភា ដែលទាំងនេះគឺជាភាពជឿជាក់សម្រាប់នាង ក្នុងនោះមិនថាចំណេះដឹង និងការប្រើប្រាស់ភាសាក៏មិនធម្មតាដែរ៕

អត្ថបទ ៖ ចាន់រ៉ា

The post រ៉េត សារីតា ក្ដាប់បានតំណែងជាអ្នកគ្រប់គ្រងថ្នាក់ជាតិប្រចាំខេត្តកំពត កម្មវិធីប្រកួតបវរកញ្ញាកម្ពុជា ឆ្នាំ ២០២៣ appeared first on Kampuchea Thmey Daily.

Miss Universe ៣ រូប ហ៊ានបង្ហាញមុខគូស្នេហ៍ឲ្យអ្នកគាំទ្រស្គាល់ជាសាធារណៈ

Sorn Phanith — Thu, 26 May 2022 08:11:14 +0000

មិនត្រឹមតែបញ្ចេញសម្រស់ទាក់ទាញទស្សនិកជននិងអ្នកគាំទ្រប៉ុណ្ណោះទេ តែបវរកញ្ញាចក្រវាឡ ៣ រូបនេះ ក៏ហ៊ានបញ្ចេញមុខបុរសជាគូស្នេហ៍ឲ្យអ្នកគាំទ្រស្គាល់ជាសាធារណៈ។

មួយរយៈចុងក្រោយនេះ វិស័យបវរកញ្ញាកំពុងទទួលបានការគាំទ្រជោគជាំជាខ្លាំងពីសំណាក់ប្រជាជនកម្ពុជា ហើយក៏បានធ្វើឲ្យបរទេសចាប់អារម្មណ៍ជាមួយបេក្ខភាពតំណាងប្រទេសមិនថា សម្រស់ ចំណោះដឹង បូករួមនឹងទេពកោសល្យផងដែរ។ ស្របពេលវិស័យនេះកំពុងរីកចម្រើននៅក្នុងប្រទេស ស្រាប់តែបវរកញ្ញាចក្រវាឡ ៣ រូបនេះ បើកមុខបុរសជាគូស្នេហ៍ជាសាធារណៈឲ្យអ្នកគាំទ្រស្គាល់ ដោយមិនខ្លាចការបាត់បង់ប្រជាប្រិយភាព។

១. កញ្ញា ប៊ី សុធារី

កញ្ញា ប៊ី សុធារី អតីតបវរកញ្ញាចក្រវាឡឆ្នាំ ២០១៧ បានបង្ហាញមុខគូស្នេហ៍ជាបុរសសង្ហាសាច់សឲ្យអ្នកគាំទ្រស្គាល់ ដោយមិនញញើតពីអ្នករិះគន់។

២. កញ្ញា រ៉េត សារីតា

ក្រោយបញ្ចប់ការប្រកួតបវរកញ្ញាចក្រវាឡឆ្នាំ ២០២០ នៅប្រទេសអាមេរិក កញ្ញា រ៉េត សារីតា បានបង្ហាញមុខបុរសគូស្នេហ៍ជនជាតិបរទេសជាសាធារណៈ ដើម្បីជម្រះមន្ទិលសង្ស័យរបស់អ្នកគាំទ្រឲ្យដឹងពីទំនាក់ទំនងស្នេហារបស់ខ្លួន។

៣. កញ្ញា ងិន ម៉ារ៉ាឌី

កាលពីពេលថ្មីនេះ ស្រីតូចច្រឡឹង ងិន ម៉ារ៉ាឌី បវរកញ្ញាចក្រវាឡឆ្នាំ ២០២១ បានបង្ហោះរូបភាពមួយសន្លឹក បង្ហាញពីភាពស្និទ្ធស្នាលជាមួយគូស្នេហ៍ផ្អើលអ្នកគាំទ្រ ក្រោយជោគជ័យលើឆាតប្រកួតនៅប្រទេសអ៉ីស្រាអែល។

អត្ថបទ៖ ផានិត

The post Miss Universe ៣ រូប ហ៊ានបង្ហាញមុខគូស្នេហ៍ឲ្យអ្នកគាំទ្រស្គាល់ជាសាធារណៈ appeared first on Kampuchea Thmey Daily.

រ៉េត សារីតា បង្ខំចិត្តកាត់បន្ថយមនុស្សចូលរួមពី ២៧៧ មកនៅត្រឹម ១២៧ គ្រួសារវិញ ក្នុងការចែកអំណោយ

Sorn Phanith — Thu, 09 Dec 2021 08:02:11 +0000

អតីតបវរកញ្ញាចក្រវាលកម្ពុជាឆ្នាំ២០២០ កញ្ញា រ៉េត សារីតា ថ្មីៗកន្លងទៅនេះនាងបានប្រកាសបង្កើតមូលនិធិសប្បុរសធម៌ជួយដល់ប្រជាពលរដ្ឋខ្វះខាត ២៧៧ គ្រួសាររស់នៅតំបន់ដាច់ស្រយាលមួយនៃប្រទេសកម្ពុជា។

ដំណឹងនេះ បានធ្វើឲ្យទស្សនិកជនបង្ហាញការគាំទ្រ និងសរសើរគ្រប់គ្នា ព្រោះការប្រកាសរបស់តារាស្រី រ៉េត សារីតា កាលនោះស្របពេលឱកាសនៃថ្ងៃខួបកំណើត គម្រប់អាយុ២៧ឆ្នាំនាថ្ងៃទី ២២ ខែធ្នូ ឆ្នាំ ២០២១ខាងមុខនេះ។ កាលនោះ រ៉េត សារីតា បានលើកឡើងថា ក្នុងឱកាសខ្ញុំឈានចូលវ័យ២៧ឆ្នាំនាឆ្នាំនេះ ខ្ញុំមានគម្រោងរៀបចំកម្មវិធី”មូលនិធិ២៧៧” ដើម្បីរៃអង្គាសថវិកាជួយដល់២៧៧គ្រួសារ ដែលកំពុងខ្វះខាតស្បៀងអាហារនៅតំបន់ឆ្ងាយដាច់ស្រយាលមួយចំនួននៅប្រទេសកម្ពុជា។

ដោយឡែកកៀកជិតដល់ពេលវេលានៃថ្ងៃចែករំលែកអំណោយនិងក្តីស្រលាញ់នេះ ក៏ស្រាប់តែកញ្ញា រ៉េត សារីតា បានប្រកាសជាថ្មីៗពីការបង្ខំចិត្តកាត់បន្ថយចំនួនមនុស្សចូលរួមពី២៧៧គ្រួសារមកនៅត្រឹម ១២៧គ្រួសារវិញ។ កញ្ញា សារីតា បានលើកឡើងថា ខ្ញុំមានតែម្រាមដៃដប់អរគុណដល់ពុកម៉ែបងប្អូនទាំងអស់គ្នា ដែលបានចូលរួមចំណែកនៅក្នុងមូលនិធិរបស់នាងខ្ញុំ។ មួយសប្តាហ៍ទៀតយើងខ្ញុំ នឹងចុះទៅកាន់ទីតាំងផ្ទាល់ស្ថិតនៅខេត្តកំពង់ឆ្នាំង។

ចំពោះមូលហេតុ ដែលត្រូវបានកាត់បន្ថយចំនួនគ្រួសារអ្នកដែលខ្វះខាតពី ២៧៧ គ្រួសារមកនៅត្រឹម១២៧ គ្រួសារវិញ ត្រូវបាន រ៉េត សារីតា បញ្ជាក់ថា ដោយសារតែក្រុមការងារនាងមិនសូវមានពេលវេលាគ្រប់គ្រាន់ពិសេសទៀតនោះ គឺការរ៉ៃអង្គាសថវិកាពីសប្បុរសជនមិនអាចគ្រប់ចំនួនជួយដល់ក្រុម ២៧៧ គ្រួសារទេ ទើបនាងបានសម្រេចនឹងជួយបានត្រឹមតែ១២៧គ្រួសារសិន។

នាងបន្ថែមថា សម្រាប់ថវិកាដែលទទួលបានពីសប្បុរសជនកន្លងមកនោះ សរុបមានត្រឹមតែជាង ២០០០ ដុល្លារប៉ុណ្ណោះ ហើយនេះរាប់បញ្ចូលទាំងថវិកាផ្ទាល់ខ្លួនរបស់នាងខ្លះផងដែរ។ជាមួយគ្នានេះ រ៉េត សា រីតា ក៏បានបន្តអំពាវនាវដល់សប្បុរសជនមេត្តាចូលរួមជាមួយខ្លួនថែមទៀត តាមរយៈមូលនិធិ២៧៧ ហើយបងប្អូនអាចធ្វើការវេរទៅកាន់គណនីពិសេស គឺABA: 222121994 SARITA RETH ៕

អត្ថបទ៖ ចាន់រ៉ា

The post រ៉េត សារីតា បង្ខំចិត្តកាត់បន្ថយមនុស្សចូលរួមពី ២៧៧ មកនៅត្រឹម ១២៧ គ្រួសារវិញ ក្នុងការចែកអំណោយ appeared first on Kampuchea Thmey Daily.

រ៉េត សារីតា ប្រកាសបង្កើតមូលនិធិសប្បុរសធម៌ ជួយដល់ពលរដ្ឋ ២៧៧ គ្រួសារ នៅតំបន់ដាច់ស្រយាល

សាង ស្រីល័ក្ខ — Sat, 20 Nov 2021 06:44:10 +0000

ទស្សនិកជនបានបង្ហាញការគាំទ្រ និងសរសើរអតីតបវរកញ្ញាចក្រវាលកម្ពុជា ឆ្នាំ ២០២០ កញ្ញារ៉េត សារីតា ខណ:កាលថ្មីៗនេះ នាងបានប្រកាសបង្កើតមូលនិធិសប្បុរសធម៌ ជួយដល់ប្រជាពលរដ្ឋខ្វះខាត ជិត៣០០គ្រួសារ រស់នៅតំបន់ដាច់ស្រយាលមួយនៃប្រទេសកម្ពុជា។

ការប្រកាសរបស់តារាស្រី រ៉េត សារីតា នេះបានធ្វើឡើង ស្របពេលឱកាសនៃថ្ងៃខួបកំណើតគម្រប់អាយុ ២៧ ឆ្នាំ។ កញ្ញា រ៉េត សារីតា បានលើកឡើងថា ក្នុងឱកាសនាងខ្ញុំឈានចូលវ័យ២៧ឆ្នាំ នៅថ្ងៃទី ២២ ខែ ធ្នូ ឆ្នាំនេះ នាងខ្ញុំមានគម្រោងរៀបចំកម្មវិធី “មូលនិធិ ២៧៧” ដើម្បីរៃអង្គាសថវិការជួយដល់ ២៧៧ គ្រួសារ ដែលកំពុងខ្វះខាតស្បៀងអាហារនៅតំបន់ឆ្ងាយដាច់ស្រយាលមួយចំនួននៅប្រទេសកម្ពុជា។

រ៉េត សារីតា បន្តថា នាងខ្ញុំជឿជាក់ថា កញ្ចប់អាហារជំនួយនេះ អាចជួយសម្រួលនិងចិញ្ចឹមបងប្អូនដែលខ្វះខាត បានមួយរយៈ។ កូវីដពិតជាពិបាកណាស់ សម្រាប់យើងទាំងអស់គ្នា ដូច្នេះយើងពិតជាមិនអាចនឹកស្មានដល់ ពីទំហំនៃការលំបាករបស់បងប្អូន ដែលមានការខ្វះខាតក្នុងការចិញ្ចឹមគ្រួសាររបស់ពួកគាត់នាគ្រានេះ។

កញ្ញា រ៉េត សារីតា បានបញ្ជាក់ថា គំនិតរបស់ខ្ញុំគឺចំណាយក្នុងមួយគ្រួសារ គឺថវិកាចំនួន១៤ម៉ឺនរៀង (៣៥ដុល្លារ)។អង្ករ១បាវ (៥០គីឡូក្រាម)១០ម៉ឺនរៀល (២៥ដុល្លារ)។ គ្រឿងឧបភោគបរិភោគ ២ម៉ឺនរៀល (៥ដុល្លារ) និងសាច់ប្រាក់២ម៉ឺនរៀល (៥ដុល្លារ) ជូនដល់ក្រុមគ្រួសារគោលដៅ ទឹកប្រាក់សរុបគឺ ៣៨លាន៧៨ម៉ឺនរៀល(៩៦៩៥ដុល្លារ)។

បវរកញ្ញារ៉េត សារីតា បាននិយាយទៀតថា នាងខ្ញុំសង្ឃឹមថា បងប្អូននឹងចូលរួមចែករំលែកក្ដីស្រលាញ់ជាមួយនាងខ្ញុំ ទៅកាន់បងប្អូនដែលកំពុងជួបការលំបាកទាំងនោះ៕

អត្ថបទ៖ចាន់រ៉ា

The post រ៉េត សារីតា ប្រកាសបង្កើតមូលនិធិសប្បុរសធម៌ ជួយដល់ពលរដ្ឋ ២៧៧ គ្រួសារ នៅតំបន់ដាច់ស្រយាល appeared first on Kampuchea Thmey Daily.

រ៉េត សារីតា ប្តេជ្ញាបំពេញតួនាទីឲ្យល្អដើម្បីតំណាងភាពអង់អាចរបស់ស្ត្រី

Sokhom Khon — Mon, 30 Aug 2021 07:07:43 +0000

កញ្ញា រ៉េត សារីតា បវរកញ្ញាឯកចក្រវាលកម្ពុជា ថ្មីៗនេះត្រូវបានប្រកាសដោយជ្រើសរើសក្លាយជាទូតសុឆន្ទៈនៃក្រសួងកិច្ចការនារីសម្រាប់តួនាទីក្នុងការចូលរួមផ្សព្វផ្សាយក្នុងការរួមគ្នាលើកកម្ពស់សមភាពយេនឌ័រ។

បន្ទាប់ពីទទួលបានតំណែងជាទូតសុឆន្ទៈនៃក្រសួងកិច្ចការនារី កញ្ញា រ៉េត សារីតា ក៏បានប្រកាសពីការប្តេជ្ញាបំពេញតួនាទីឲ្យល្អបំផុត ដើម្បីតំណាងភាពអង់អាចរបស់ស្ត្រី។

រ៉េត សារីតា បានបង្ហាញពីឆន្ទ:ដូច្នេះថា«នាងខ្ញុំនឹងបំពេញតួនាទីនេះឲ្យបានល្អបំផុតដើម្បីតំណាងភាពអង់អាចរបស់ស្ត្រី និងជាគំរូសម្រាប់ស្ត្រីនិងក្មេងស្រីកម្ពុជា ក្នុងការចូលរួមលើកកម្ពស់សីលធម៌សង្គម និងសុខុមាលភាពព្រមទាំងកាត់បន្ថយភាពងាយរងគ្រោះរបស់អ្នកទាំងនោះ»។

សូមបញ្ជាក់ដែរថា តាមរយៈកិច្ចព្រមព្រាង កញ្ញា រ៉េត សារីតា បវរកញ្ញាឯកចក្រវាលកម្ពុជាមានតួនាទីក្នុងការចូលរួមផ្សព្វផ្សាយក្នុងការរួមគ្នាលើកកម្ពស់សមភាពយេនឌ័រ និងការបង្កើនភាពអង់អាចដល់ស្ត្រីនិងក្មេងស្រីប្រកបដោយបរិយាបន្នរួមទាំងក្រុមជនងាយរងគ្រោះនិងក្រុមបាត់បង់ឱកាសក្នុងព្រះរាជាណាចក្រកម្ពុជា ។

ពិសេសគឺការបង្កើនការយល់ដឹងជាសាធារណៈដើម្បីឱ្យមានការផ្លាស់ប្តូរឥរិយាបថនិងផ្នត់គំនិតអវិជ្ជមានរបស់សង្គមលើស្ត្រីនិងក្មេងស្រី ក្រុមជនងាយរងគ្រោះ និងក្រុមបាត់បង់ឱកាសសំដៅរួមចំណែកកាត់បន្ថយរាល់ទម្រង់នៃការរើសអើង និងអំពើហិង្សាគ្រប់រូបភាពនិងឈានឆ្ពោះទៅសម្រេចបានគោលដៅអភិវឌ្ឍន៍ប្រកបដោយចីរភាពកម្ពុជា « ដោយមិនទុកនរណាម្នាក់ឱ្យនៅឯកោ»៕

អត្ថបទ៖ ចាន់រ៉ា

The post រ៉េត សារីតា ប្តេជ្ញាបំពេញតួនាទីឲ្យល្អដើម្បីតំណាងភាពអង់អាចរបស់ស្ត្រី appeared first on Kampuchea Thmey Daily.

សូមជួយលើកទឹកចិត្ត រ៉េត សារីតា ចេញទៅប្រកួត Miss Universe ២០២០ នៅអាមេរិក

KC Virak — Fri, 23 Apr 2021 10:55:08 +0000

ភ្នំពេញ៖ កញ្ញា រ៉េត សារីតា ជា Miss Universe Cambodia 2020 នៅថ្ងៃទី២៣ ខែមេសា ឆ្នាំ២០២១នេះ បានចេញដំណើរទៅប្រកួតលើឆាកអន្តរជាតិ Miss Universe ២០២០ នៅលើទឹកដីរដ្ឋ Florida សហរដ្ឋអាមេរិកហើយ។

រ៉េត សារីតា បានចាកចេញពីប្រទេសកម្ពុជាដើម្បីត្រៀមខ្លួនប្រកួតវគ្គផ្តាច់ព្រ័ត្រនៅរដ្ឋ Florida ស ហរដ្ឋអាមេរិក នាថ្ងៃទី១៦ ខែឧសភា ឆ្នាំ២០២១ ខាងមុខ។ ប៉ុន្តែយ៉ាងណាមិញដំណើរឆ្ពោះទៅកាន់ការប្រកួត Miss Universe របស់កញ្ញា រ៉េត សារីតា នេះពុំមានការជូនដំណើរបេក្ខនារីរូបនេះទេ ដោយសារតែស្ថានភាពប្រទេសកម្ពុជាបច្ចុប្បន្នកំពុងមានការរាត្បាតជំងឺកូវីដ-១៩។

ទោះបីជាយ៉ាងណាក្តី រ៉េត សារីតា ក៏ត្រូវបានការលើកទឹកចិត្តយ៉ាងច្រើនពីសំណាក់មហាជនខ្មែរក្នុងដំណើរឆ្ពោះទៅប្រកួតសម្រស់លក្ខណៈពិភពលោកលើទឹកដីអាមេរិកផងដែរ។

គួរបញ្ជាក់ដែរថាគ្រប់បេក្ខនារីទាំងអស់ដែលបានទៅ ដល់ទឹកដីសហរដ្ឋអាមេរិកនឹងត្រូវរស់នៅដាច់ដោយឡែករយៈពេល១៤ថ្ងៃ ដើម្បីតាមដានសុខភាព ក៏ដូចជាការពារនៃការឆ្លងរីករាលដាលនៃជំងឺកូវីដ-១៩៕

អត្ថបទ៖ ចាន់រ៉ា

The post សូមជួយលើកទឹកចិត្ត រ៉េត សារីតា ចេញទៅប្រកួត Miss Universe ២០២០ នៅអាមេរិក appeared first on Kampuchea Thmey Daily.

បវរកញ្ញាចក្រវាលកម្ពុជា រ៉េត សារីតា បង្ហាញខ្លួនក្នុងឈុតតំណាងជាតិជាផ្លូវការ យ៉ាងមោះមុត

សាង ស្រីល័ក្ខ — Tue, 13 Apr 2021 08:37:07 +0000

ជាការពិតណាស់ កញ្ញា រ៉េត សារីតា បវរកញ្ញាចក្រវាលកម្ពុជាឆ្នាំ២០២០ ដែលបានត្រៀមខ្លួនរួចជាស្រេចក្នុងការចូលរួមប្រកួតបវរកញ្ញាចក្រវាលលើកទី៦៩ នៅលើឆាកអន្តរជាតិ នៅឯសហរដ្ឋអាមេរិកនាពេលឆាប់ៗខាងមុខនេះ។

ដោយឡែកថ្ងៃនេះ បវរកញ្ញាចក្រវាល រ៉េត សារីតា ក៏បានធ្វើការគ្រងឈុតតំណាងជាតិ ដែលបានបង្ហាញខ្លួនជាផ្លូវការក្នុងឈុតនេះសម្រាប់តំណាងជាតិកម្ពុជា ដើម្បីយកទៅប្រកួតនៅលើឆាកអន្តរជាតិ។ ឈុតមួយនេះមានឈ្មោះថា «ទេពរួបរួម» ដែលមានអត្ថន័យតំណាងឲ្យសាមគ្គីភាព សុខដុមនីយកម្ម និងសន្តិភាព ព្រមទាំងរចនាបថសិល្បៈនៃសំលៀកបំពាក់នេះ គឺកាលពីដំបូងឡើយត្រូវបានគេយកចេញពីគំនិតចម្លាក់បុរាណខ្មែរ។

ក្នុងឈុតតំណាងជាតិនេះ រ៉េត សារីតា ពិតជាពោរពេញដោយភាព មុះមុត ជឿជាក់ និងបង្ហាញពីភាពស្រស់ស្អាត និងរឹងមាំរបស់នារីខ្មែរកាលពីសម័យកាលមុន៕

អត្ថបទផ្ដល់ដោយ៖ Poraman

ចុចអាន៖ផ្លាស់ប្ដូរជាថ្មី! រ៉េត សារីតា នឹងគ្រងឈុតតំណាងជាតិនេះជំនួសវិញ នៅលើឆាកអន្តរជាតិ

ចុចអាន៖សំណួរចុងក្រោយដែលនាំឲ្យ រ៉េត សារីតា ឈ្នះមកុដបវរកញ្ញាចក្រវាលកម្ពុជា២០២០

The post បវរកញ្ញាចក្រវាលកម្ពុជា រ៉េត សារីតា បង្ហាញខ្លួនក្នុងឈុតតំណាងជាតិជាផ្លូវការ យ៉ាងមោះមុត appeared first on Kampuchea Thmey Daily.