ជីវិតកម្សាន្ដ

រ៉េត សារីតា ក្ដាប់បានតំណែងជាអ្នកគ្រប់គ្រងថ្នាក់ជាតិប្រចាំខេត្តកំពត កម្មវិធីប្រកួតបវរកញ្ញាកម្ពុជា ឆ្នាំ ២០២៣

បានផុស

១ year មុន

នៅ

ថ្ងៃអង្គារ ១៣ មិថុនា ២០២៣

ដោយ

ស្របពេលអាជីពសិល្បៈកំពុងបោះជំហានទៅមុខ បវរកញ្ញាចក្រវាលឆ្នាំ ២០២០ កញ្ញា រ៉េត សារីតា ក៏ស្រាប់តែមានដំណឹងដ៏រំភើបថា នាងទទួលបានតំណែងជាអ្នកគ្រប់គ្រងថ្នាក់ជាតិប្រចាំខេត្តកំពត កម្មវិធីប្រកួតបវរកញ្ញាកម្ពុជាឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅលើផេក Miss Cambodia បានប្រកាសថា «សូមអបអរសាទរ កញ្ញា Sarita Reth និងស្វាគមន៍មកកាន់ស្ថាប័នរបស់យើងក្នុងនាមជាអ្នកគ្រប់គ្រងថ្នាក់ជាតិប្រចាំខេត្តកំពត សម្រាប់កម្មវិធីប្រកួតបវរកញ្ញាកម្ពុជាឆ្នាំ ២០២៣»។

ប្រភពខាងលើបានបន្ថែមថា «លោកអ្នកក៏អាចជាដៃគូសហការរបស់យើងផងដែរ សូមផ្ញើសារមកយើងខ្ញុំសម្រាប់ការសាកសួរព័ត៌មានបន្ថែម»។ តាមរយៈដំណឹងនេះ បានធ្វើឲ្យអ្នកគាំទ្រជាច្រើនចូលរួមត្រេកអរ។

ជាការពិតណាស់ កញ្ញា រ៉េត សារីតា ជាតារាសម្ដែង បង្ហាញម៉ូដ មានសមត្ថភាព ប្រជាប្រិយភាព ទេពកោសល្យ និងរូបសម្រស់ស្រស់សោភា ដែលទាំងនេះគឺជាភាពជឿជាក់សម្រាប់នាង ក្នុងនោះមិនថាចំណេះដឹង និងការប្រើប្រាស់ភាសាក៏មិនធម្មតាដែរ៕

អត្ថបទ ៖ ចាន់រ៉ា