កញ្ញា ស៊ីន យូប៊ីន Archives - Kampuchea Thmey Daily

អ្នកនាង នៅ សូនីតា សុំចិត្តមហាជន កុំពង្រីករឿងកាន់តែធំ ក្រោយមានការរិះគន់ ស៊ីន យូប៊ីន រឿងពាក់ម៉ាស់

Chan Sotheavy — Fri, 09 Jan 2026 10:25:20 +0000

ដោយមានមតិវែកញែក និងរិះគន់តារាសម្តែងកញ្ញា ស៊ីម យូប៊ីន ពាក់ព័ន្ធនឹងរឿងដែលពាក់ម៉ាស់មិនព្រមដោះចេញអំឡុងពេលធ្វើសន្និសីទសារព័ត៌មានថ្មីៗនោះ ស្រាប់តែរៀមច្បងសិល្ប:អ្នកនាង នៅ សូនីតា បានចេញមុខការពារដោយអះអាងថា ខ្លួនអាចធ្វើសាក្សីបានព្រោះ យូប៊ីន ពិតជាមានបញ្ហាធ្មេញមែន។

អនុប្រធានសមាគមសិល្បករខ្មែរ និងជាអតីតតារាសម្តែងអ្នកនាង នៅ សូនីតា លើកឡើងថា “ហេតុអ្វីគ្រាន់តែរឿងគាត់ពាក់ម៉ាសក៏យកជាប្រធានបទដែរ បងប្អូនខ្ញុំជាសាក្សី គាត់ពិតជាមានបញ្ហាពាក់ព័ន្ធនឹងធ្មេញមែនសូមបងប្អូនបកក្រោយគិតមួយជំហានៗយ៉ាងណាក៏គាត់បានធ្វើល្អច្រើនមកហើយ។ យករឿងធំមកច្របាញ់ឱ្យតូចយករឿងតូចច្របាញ់ឱ្យបាត់កុំឱ្យមានបញ្ហា”។

អនុប្រធានសមាគមសិល្បករខ្មែររូបនេះ បញ្ជាក់ទៀតថា “អ្វីៗក៏អាចដោះស្រាយបានដែរសូមយកពេលវេលានេះមកគិតរឿងរកសុី ជាពិសេសរឿងប្រទេសជាតិ បងប្អូនដែលឭពាក្យចាស់ពោលថា សាមគ្គីរស់ បែកបាក់សាមគ្គីស្លាប់”។

ជាមួយគ្នានេះ ក៏មានការលើកឡើងដែរថា “អារម្មណ៍ផ្ទាល់ខ្លួន ខឹងអី្វខឹងទៅ តែរឿងពាក់ម៉ាសគាត់បានបញ្ជាក់ហើយថាគាត់មានបញ្ហាទើបគាត់ពាក់កុំដល់ថ្នាក់ហ្នឹងពេក និយាយត្រង់អាណិត មិនស្តាប់ហេតុផលគ្នាសោះ ស្អប់ៗទៅតែរឿងខ្លះបើសមហេតុផលបើកចិត្តស្តាប់ផង ខ្មែរដូចតែគ្នាទេ៣៕ ដោយ ៖ ចាន់រ៉ា

The post អ្នកនាង នៅ សូនីតា សុំចិត្តមហាជន កុំពង្រីករឿងកាន់តែធំ ក្រោយមានការរិះគន់ ស៊ីន យូប៊ីន រឿងពាក់ម៉ាស់ appeared first on Kampuchea Thmey Daily.

ស៊ីន យូប៊ីន ស្លៀករ៉ូបច្នៃតំណាងខេត្ត-ក្រុងកម្ពុជាទាំង២៥ ទៅទទួលពានរង្វាន់ HOFS លើឆាកអន្តរជាតិ

Chan Sotheavy — Wed, 04 Jun 2025 07:33:12 +0000

ទស្សនិកជននិងអ្នកគាំទ្របានបង្ហាញការចាប់អារម្មណ៍ជាថ្មី បន្ទាប់ពីឃើញតារាសម្តែងស្រីកញ្ញា ស៊ីន យូប៊ីន បានលេចវត្តមានទទួលពានរង្វាន់នៅក្នុងកម្មវិធី HOFS (Hall Of Fame Singapore) នៅប្រទេសសិង្ហបុរី។

ភាពជោគជ័យរបស់តារាស្រីកូនកាត់កញ្ញា ស៊ីន យូប៊ីន ពេលនេះគឺកើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ញើចសសើរទៀតនោះ នាងក៏ជាតារាវ័យក្មេងដែលមានប្រជាប្រិយភាពខ្ពស់សម្រាប់ទីផ្សារភាពយន្តបច្ចុប្បន្នផងដែរ។

រឿងកាន់តែធ្វើឲ្យមហាជនចាប់អារម្មណ៍ថែមទៀត វត្តមានរបស់កញ្ញា ស៊ីន យូប៊ីន លើឆាកអន្តរជាតិនេះ គឺតារាស្រីរូបនេះ បានបង្ហាញនូវអត្តសញ្ញាណជាតិ តាមរយៈការច្នៃម៉ូដប៉ាក់ឌិនយ៉ាងប្រណិត រំលេចរូបតំណាងឱ្យខេត្តក្រុងរបស់កម្ពុជា ស្លៀកបង្ហាញដល់បរទេសឱ្យកាន់ស្គាល់ច្បាស់ប្រទេសកម្ពុជា។

គួរបញ្ជាក់ថានេះ ជាលើកទី ៣ហើយដែលតារាសម្តែងរូបស្រស់កញ្ញា ស៊ីន យូប៊ីន បានបង្ហាញវត្តមានទទួលពានរង្វាន់នៅក្នុងកម្មវិធី HOFS (Hall Of Fame Singapore) នៅប្រទេសសិង្ហបុរីខណ:ឆ្នាំ២០២៥ នេះ យូប៊ីន ទទួលបានពានរង្វាន់លើផ្នែក The Iconic Figure of Social Media ដែលពានរង្វាន់របស់កម្មវិធី HOFS ជាការផ្តល់ជូនដល់អ្នកធុរកិច្ច និងបុគ្គលមានឥទ្ធិពលក្នុងបណ្តាញសង្គមមកពីបណ្តាប្រទេសផ្សេងៗជាច្រើន។

ប្រាកដណាស់កញ្ញា ស៊ីន យូប៊ីនត្រូវបានគេដឹងថា នាងជាតារាស្រីដែលមានរូបសម្រស់ស្រស់ស្អាត និងមានសមត្ថភាពនៅក្នុងការងារសម្តែងទាំងប្រភេទរឿងភាគ រឿងដុំ ថតបទចម្រៀង និងការផ្សាយពាណិជ្ជកម្មជាដើម។ ដោយមិនត្រឹមតែជាតារាមានឈ្មោះល្បីកញ្ញា ស៊ីនយូ ប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មងវ័យស្ទើរតែមិនគួរឱ្យជឿ៕ ចាន់រ៉ា

The post ស៊ីន យូប៊ីន ស្លៀករ៉ូបច្នៃតំណាងខេត្ត-ក្រុងកម្ពុជាទាំង២៥ ទៅទទួលពានរង្វាន់ HOFS លើឆាកអន្តរជាតិ appeared first on Kampuchea Thmey Daily.

ស៊ីន យូប៉ីន៖ ចលនាគាំទ្រពីរាជរដ្ឋាភិបាល និងទស្សនិកជនជា កូនសោបើកទ្វាអន្តរជាតិនាំភាពយន្តខ្មែរទៅកាន់ពិភពលោក

Din Thary — Thu, 29 Aug 2024 02:32:55 +0000

តារាសម្ដែងរូបស្រស់កញ្ញា ស៊ីន យូប៉ីន ចាត់ទុកចលនានៃការគាំទ្ររបស់ទស្សនិកជន និងក្រោមការយកចិត្តទុកដាក់របស់រាជរដ្ឋាភិបាលគឺជាកូនសោរដ៏សំខាន់សម្រាប់បើកទ្វាអន្តរជាតិនាំភាពយន្តខ្មែរទៅកាន់ពិភពលោក។

កញ្ញា ស៊ីន យូប៉ីន គឺជា តារាស្រីកូនកាត់ដែលមានរូបសម្រស់ស្រស់ស្អាត និងមានសមត្ថភាពនៅក្នុងវិស័យឧស្សាហកម្មភាពយន្តរបស់ខ្មែរដែលអាចសម្តែងទាំងប្រភេទរឿងភាគ,រឿងខ្នាងធំ ,រឿងភាគ ឬអាចថតបទចម្រៀង និងការផ្សាយពាណិជ្ជកម្មជាដើម។ នាងមិនត្រឹមតែជាតារាមានឈ្មោះល្បីទេតែកញ្ញា ស៊ីន យូប៉ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យទៀតផង។

កញ្ញា ស៊ីន យូប៉ីន ថ្មីៗនេះនាង ក៏ទើបទទួលបានពានរង្វាន់តារាសម្តែងស្រីឆ្នើម2024 ពីខ្សែភាពយន្តរឿង “បណ្ដាសានាងរាត្រី” golden romdul” ផងដែរ។ នេះជារឿងដែលគួរឲ្យស្ងើចសរសើរ និងអបអរចំពោះតារាស្រី យូប៉ី ដែលជាតារាខ្មែរដ៏លេចធ្លោខ្លាំងទាំងនៅឆាកជាតិ និងលើឆាកអន្តរជាតិ។

ក្រោយពេលទទួលបានពាន់រង្វាន់នេះស្រីស្អាត ស៊ីន យូប៉ីន បានបង្ហាញក្ដីរំភើបរីករាយយ៉ាងខ្លាំងដោយនាងលើកឡើងថា នេះគឺជា ពានរង្វាន់តារាសម្តែងស្រីឆ្នើម2024 ពីខ្សែភាពយន្តរឿងបណ្តាសានាងរាត្រី “golden romdul ” ផ្តល់ដោយ 2nd cambodia Asian film festival ដែលកម្ពុជាជាម្ចាស់ផ្ទះ។ នាងខ្ញុំ សូមគោរពអរគុណចំពោះការគាំទ្រទាំងអស់ចំពោះនាងខ្ញុំ និងភាពយន្តខ្មែរ។

តារាសម្តែង ស៊ីន យូប៉ីន បានបញ្ជាក់ទៀតថា “ចលនា នៃការគាំទ្ររបស់ទស្សនិកជន រួមជាមួយបេះដូងស្រលាញ់ និងតស៊ូរបស់ផលិតករ និងតារាសម្តែង ក្រោមការយកចិត្តទុកដាក់ខ្ពស់របស់រាជរដ្ឋាភិបាលគឺជា កូនសោរដ៏សំខាន់សម្រាប់បើកទ្វាអន្តរជាតិនាំភាពយន្តខ្មែរទៅកាន់ពិភពលោក”។

ភាពជោគជ័យរបស់តារាស្រីកូនកាត់កញ្ញា ស៊ីន យូប៉ីន ពេលនេះគឺ កើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ងើចសរសើរទៀតនោះនាង ក៏ជា តារាវ័យក្មេងដែលមានហាងឆេងខ្ពស់សម្រាប់ទីផ្សាភាពយន្តបច្ចុប្បន្ន៕

អត្ថបទ៖ ចាន់រ៉ា

The post ស៊ីន យូប៉ីន៖ ចលនាគាំទ្រពីរាជរដ្ឋាភិបាល និងទស្សនិកជនជា កូនសោបើកទ្វាអន្តរជាតិនាំភាពយន្តខ្មែរទៅកាន់ពិភពលោក appeared first on Kampuchea Thmey Daily.

ស៊ីន យូប៊ីន រំភើបខ្លាំង ខណៈត្រូវបាន សម្តេចធិបតី ហ៊ុន ម៉ាណែត សរសើរសមិទ្ធផលលើឆាកជាតិ-អន្តរជាតិ

អ៊ិន ពិសី — Sat, 06 Jul 2024 07:52:23 +0000

តារាសម្តែង កញ្ញា ស៊ីន យូប៊ីន រំភើបចិត្តខ្លាំង ខណៈដែលត្រូវបាន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានសរសើរចំពោះសមិទ្ធផលរបស់នាងទាំងលើឆាកជាតិ និងអន្តរជាតិ ដែលខំប្រឹងប្រែងសាងកន្លងមក។

តារាស្រី កញ្ញា ស៊ីន យូប៊ីន បច្ចុប្បន្នកំពុងមានភាពល្បីល្បាញសុសសាយលំដាប់អន្តរជាតិ ក៏បានលើកឡើងថា នេះគឺជាកម្លាំងចិត្តដ៏ធំធេងបំផុតសម្រាប់នាង ក៏ដូចជាសិល្បករ-សិល្បការិនីដទៃទៀត ក្នុងការពាំនាំសិល្បៈវប្បធម៌កម្ពុជាទៅបង្ហាញផ្សព្វផ្សាយទៅកាន់ពិភពលោក។

តារាសម្តែង ស៊ីន យូប៊ីន លើកឡើងបន្តថា សូមគោរពអរគុណ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានអនុញ្ញាតឲ្យនាងបានចូលជួបសម្តែងការគួរសម ក្រោមការដឹកនាំរបស់ លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ នៅវិមានសន្តិភាព។

ស៊ីន យូប៊ីន លើកឡើងបន្តទៀតថា «នៅក្នុងជំនួបលើកនេះ នាងខ្ញុំ ពិតជាទទួលបាននូវសារដ៏មានតម្លៃជាច្រើនពី សម្តេច ហើយ នាងខ្ញុំ នឹងយកទៅអនុវត្តបន្ត ដើម្បីជាប្រយោជន៍ដល់កម្ពុជា នាងខ្ញុំ ពិតជាមានសេចក្តីរំភើប ក្រោយបានស្តាប់ការកោតសរសើររបស់ សម្តេច មកលើនាងខ្ញុំចំពោះសមិទ្ធផលទាំងឆាកជាតិ និងលើឆាកអន្តរជាតិ ដែលនាងខ្ញុំបានសាងកន្លងមក»។

កញ្ញា ស៊ីន យូប៊ីន បញ្ជាក់បន្ថែមថា «នេះជាកម្លាំងចិត្តដ៏ធំបំផុតសម្រាប់ខ្ញុំ ក៏ដូចជាសិល្បករដទៃទៀត ក្នុងការពាំនាំសិល្បៈវប្បធម៌ និងទេសចរណ៍របស់កម្ពុជា ទៅកាន់ពិភពលោក។ អរគុណរាជរដ្ឋាភិបាលដែលតែងតែយកចិត្តទុកដាក់»។

សូមបញ្ជាក់ថា កាលពីថ្ងៃទី ០២ ខែកក្កដា ឆ្នាំ ២០២៤ ថ្មីៗ នេះ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបជាមួយក្រុមប្រឹក្សាភិបាលសមាគមសិល្បករខ្មែរ ដឹកនាំដោយលោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ ចូលជួបសម្ដែងការគួរសម និងពិភាក្សាការងារ ក្នុងឱកាសនោះ កញ្ញា ស៊ីន យូប៊ីន ក៏បានចូលរួមផងដែរ៕

អត្ថបទ ៖ ចាន់រ៉ា

The post ស៊ីន យូប៊ីន រំភើបខ្លាំង ខណៈត្រូវបាន សម្តេចធិបតី ហ៊ុន ម៉ាណែត សរសើរសមិទ្ធផលលើឆាកជាតិ-អន្តរជាតិ appeared first on Kampuchea Thmey Daily.

ស៊ីន យូប៊ីន ពន្យល់អត្ថន័យឈុត “នារីចម្បាំងព្រះមហានគរឥន្រ្ទប្រត្ថព្រះពិស្ណុលោក

Din Thary — Thu, 23 May 2024 03:42:34 +0000

ស្របពេលទីផ្សាសិល្បៈកាន់តែមានប្រជាប្រិយភាពគួរឲ្យកត់សម្គាល់ តារាសម្តែងរូបស្រស់កញ្ញា ស៊ីន យូប៊ីន ថ្មីៗនេះបានលេចវត្តមាននៅក្នុងកម្មវិធីធំលំដាក់ពិភពលោកគឺដើរលើកម្រាលព្រំ The 77th canes film festival 2024 នាទីក្រុងកាន ប្រទេសបារាំង។

អំឡុងពេលដែល ស៊ីន យូប៊ីន បានបង្ហាញខ្លួនលើកម្រាលព្រំក្រហមនោះដែរនាងបានរំលេចខ្លួនតាមរយៈ ការនាំយកឈុតដែលបង្ហាញពីអត្តសញ្ញាណជាតិរបស់ខ្មែរមួយចំនួនទៅបង្អួតភ្នែកអន្តរជាតិផងដែរ។ ក្នុងនោះសម្រាប់ឈុតទី៣ លើកម្រាលព្រំ The 77th canes film festival នាទីក្រុងកាន ប្រទេសបារាំង គឺជាឈុត “នារីចម្បាំងព្រះមហានគរឥន្ទ្រប្រត្ថព្រះពិស្ណុលោក”។

ទាក់ទងនឹងអត្ថន័យនៃឈុតនេះត្រូវបានកញ្ញា ស៊ីន យូប៊ីន ពន្យល់ដូច្នេះថា «ឈុតទី៣ លើកម្រាលព្រំ The 77th canes film festival ទីក្រុងកាន ប្រទេសបារាំង ឈុត” នារីចម្បាំងព្រះមហានគរឥន្រ្ទប្រត្ថព្រះពិស្ណុលោក” មិនមែនច្បាំងតែលើសឹកសង្រ្កាមតែច្បាំង និងចំណេះវិជ្ជា ច្បាំងនឹងភាពទន់ខ្សោយរបស់ខ្លួនឯងដូចគ្នា។

តារាស្រីកញ្ញា ស៊ីន យូប៊ីន បានបញ្ជាក់ថា “ឈុតនេះនាងខ្ញុំចង់បង្ហាញពីភាពរឹងមាំតែមិនរឹងរូសទន់ភ្លន់តែមិនទន់ជ្រាយរបស់ស្រ្តីខ្មែរដែលមានការបូកបញ្ចូល ល្ខោនស្រមោលស្បែកធំរបស់ខ្មែរដែលបានចុះបញ្ចីបេតិកភណ្ឌវិប្បធម៌អរូបីនៃមនុស្សជាតិឆ្នាំ២០០៥ របស់អង្គការយូណេស្កូ”។

បន្ថែមពីនេះ ស៊ីន យូប៊ីន លើកឡើងថា នេះជាចំណែកតូចមួយក្នុងការជួយផ្សព្វផ្សាយវិប្បធម៌ដ៏ផូរផង់របស់កម្ពុជាទៅកាន់ពិភពលោកដែលនាងខ្ញុំអាចធ្វើបាន បើមានខ្វះចន្លោះត្រង់ណាសូមមេត្តាខន្តី អភ័យទោសទុកជាមុន និងសូមគោរពអរគុណប្រជាជនកម្ពុជាទាំងអស់ដែលផ្ដល់កម្លាំងចិត្តពីចម្ងាយ៕

អត្ថបទ៖ ចាន់រ៉ា

The post ស៊ីន យូប៊ីន ពន្យល់អត្ថន័យឈុត “នារីចម្បាំងព្រះមហានគរឥន្រ្ទប្រត្ថព្រះពិស្ណុលោក appeared first on Kampuchea Thmey Daily.

តារាប្រុស ស្រីខ្មែរពីរដួងកំពុងដើរលើវិថីតារាលំដាប់អន្តរជាតិ និងការផ្សព្វផ្សាយវប្បធម៌ខ្មែរ

Sokhom Khon — Sat, 23 Dec 2023 09:14:07 +0000

ប្រាកដណាស់មកទល់ពេលនេះទស្សនិកជនមើលឃើញថា តារាសម្តែងប្រុស-ស្រីរបស់ខ្មែរពីរដួងកំពុងតែមានភាពលេចធ្លោខ្លាំងនៅលើឆាកអន្តរជាតិតាមរយ:ការចូលរួមកម្មវិធីធំៗមួយចំនួនដោយក្នុងនោះពួកគេតែងពាំនាំវប្បធម៌ អរិយធម៌សិល្ប:ខ្មែរទៅបង្ហាញឲ្យពិភពលោកបានឃើញបានស្គាល់ទៀតផង។

ជាក់ស្តែងតារាសម្តែងទាំងពីររូបលោក ខាត់ វៃហាំង ត្រូវបានគេដឹងថា រូបលោកព្រមជាមួយនឹងតារាស្រីដៃគូសម្តែងកញ្ញា ស៊ីន យូប៊ីន បានដឹកដៃគ្នាបង្ហាញមានវត្តមាននៅប្រទេសចិនដើម្បីចូលរួមក្នុងកម្មវិធីសប្តាហ៍ផ្លាស់ប្តូវប្បធម៌ និងភាពយន្តកម្ពុជា-ចិន នៅសៀកមិន ខេត្តហ្វុចូវ នាឱកាសខួបទី៦៥នៃចំណងមិត្តភាពកម្ពុជា-ចិន។ ចូលរួមកម្មវិធីនាពេលនេះតារាប្រុស-ស្រីខ្មែរទាំងពីរដួងនេះ គឺសុទ្ធតែបាននាំយកឈុតសម្លៀកបំពាក់ដែលជាប្រពៃណីជាតិដើម្បីចូលរួមចំណែកផ្សព្វ ផ្សាយពីវប្បធម៌អរិយធម៌ផងដែរ។

តួយ៉ាងលោក ខាត់ វៃហាំង នៅក្នុងឱកាសនោះក៏បានរំលេចខ្លួនក្នុងសម្លៀកបំពាក់ដែលមានក្រវ៉ាត់.ក រូបទង់ជាតិកម្ពុជានិងពាក់ខោលមុខយក្សទៀតផង ចំណែកកញ្ញា ស៊ីន យូប៊ីន ក៏បានរំលេចខ្លួនយ៉ាងស្រស់ស្អាតជាមួយសំលៀកបំពាក់ពីរឈុតហើយសុទ្ធតែលើកស្ទួយអត្តសញ្ញាណជាតិបង្កប់អត្ថន័យមិនធម្មតា។

សកម្មភាពនេះត្រូវបានផលិតករភាពយន្តខ្មែរលោក ហ៊ុយ យ៉ាងឡេង ក៏បានចាត់ទុកថា តារាប្រុស-ស្រីខ្មែរពីរដួងនេះគឺ កំពុងដើរលើវិថីតារាលំដាប់អន្តរជាតិ។ លោកលើកឡើងថា good job Shin Yubin ស៊ីន យូ ប៊ីន Khat Vaihang ពួកអ្នកកំពុងដើរលើវិថីតារាលំដាប់អន្តរជាតិហើយ ហើយពួកអ្នកតែងតែតំណាងអោយតារាកម្ពុជាដែលបរទេសលាន់មាត់ថាវ៉ាវ….។

លោក ហ៊ុយ យ៉ាឡេង ដែលជាអ្នកដឹកនាំសម្តែង និងផលិតកររឿង “ដើម្បីកូន” បានបញ្ជាក់បន្ថែមថា ក្នុងនាមបងជារៀមច្បងសូមកោតសរសើរ និងសូមផ្តល់កម្លាំងចិត្តអោយពួកប្អូនបន្តធ្វើសកម្មភាពបង្ហាញថា យើងជាខ្មែរបែបនេះតទៅទៀត។ ឆ្លើយតបការលើកឡើងនេះ លោក ខាត់ វៃហាំង និងកញ្ញា ស៊ីន យូប៊ី បានបញ្ជាក់ដោយខ្លីថា“អគុណបងប្រុស ពួកយើងបន្តធ្វើទាំងអស់គ្នា“៕

អត្ថបទ៖ ចាន់រ៉ា

The post តារាប្រុស ស្រីខ្មែរពីរដួងកំពុងដើរលើវិថីតារាលំដាប់អន្តរជាតិ និងការផ្សព្វផ្សាយវប្បធម៌ខ្មែរ appeared first on Kampuchea Thmey Daily.

ផលិតករ ចាត់ទុក ស៊ីន យូប៊ីន ជាតារាខ្មែរមានគំនិត មនសិការ លើកស្ទួយអ្វីជាខ្មែរ

Din Thary — Thu, 07 Dec 2023 03:37:32 +0000

ស្របពេលទីផ្សារសិល្ប:កាន់តែមានប្រជាប្រិយភាពហក់ឡើងដូចកាំជណ្តើរ តារាសម្តែងរូបស្រស់កញ្ញា ស៊ីន យូប៊ីន ស្រាប់តែត្រូវបានផលិតករភាពយន្តក្នុងស្រុកលោក ហ៊ុយ យ៉ាឡេង បានចេញមកពោលសរសើរពីសមត្ថភាព និងចាត់ទុកថា នាងជាតារាខ្មែរមួយរូបដែលមានគំនិត មនសិការលើកស្ទួយវប្បធម៌សិល្បៈរបស់ខ្មែរ។

ប្រាកដណាស់កញ្ញា ស៊ីន យូប៊ីន ត្រូវបានគេដឹងថា នាងជាតារាស្រីដែលមានរូបសម្រស់ស្រស់ស្អាត និងមានសមត្ថភាពនៅក្នុងការងារសម្តែងទាំងប្រភេទរឿងភាគ,រឿងដុំ ថតបទចម្រៀង និងការផ្សាយពាណិជ្ជកម្ម ជាដើម។ ដោយមិនត្រឹមតែជាតារាមានឈ្មោះល្បី កញ្ញា ស៊ីន យូប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យស្ទើរតែមិនគួរឲ្យជឿ។

ដោយឡែកងាកមកចាប់អារម្មណ៍លោក ហ៊ុយ យ៉ាឡេង ដែលជាផលិតករភាពយន្តខ្មែរក៏បានចេញមកសរសើរតារាស្រីកញ្ញា ស៊ីន យូប៊ីន ដូច្នេះថា ជាតារាខ្មែរត្រូវមានគំនិតមនសិការខ្មែរលើកស្ទួយអ្វីជាខ្មែរ ដោយលោកបានសង្កេតឃើញគាត់(យូប៊ីន)បានខិតខំប្រឹងប្រែងបង្ហាញអន្តរជាតិឲ្យបានដឹងថាយើងមកពីណា។

លោក ហ៊ុយ យ៉ាឡេង បន្ថែមទៀតថា «នេះជាកាតព្វកិច្ចដែលកូនខ្មែរគ្រប់រូបត្រូវធ្វើ ក្នុងនាមជាកូនខ្មែរត្រូវប្រឹងលើកតម្កើងជាតិយើងអរគុណ យូប៊ីន និងអ្នកឆ្នៃម៉ូតនេះពិតជាប្លែក និងអស្ចារ្យ។ ភាពជោគជ័យរបស់តារាស្រីកូនកាត់កញ្ញា ស៊ីន យូប៊ីន ពេលនេះគឺកើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ»។

គួរបញ្ជាក់ដែរថា តារាសម្តែងស្រីដ៏មានប្រជាប្រិយភាពកញ្ញា ស៊ីន យូប៊ីន គឺជាតារាស្រីខ្មែរដំបូងគេបង្អស់ ដែលត្រូវបានអញ្ញើញឲ្យចូលរួមកម្មវិធី REDSEA F ILM FESTIVAL 2023 នៅប្រទេស អារ៉ាប៊ីសាអ៊ូឌីត តកាលពីថ្ងៃទី០៥ ខែធ្នូ ឆ្នាំ២០២៣។ កម្មវិធីមហោស្រពភាពយន្តធំជាងគេនៅលើពិភពលោកនេះគឺមានការចូលរួមពីកំពូលតារាភាពយន្តអាស៊ី និងហូលីវូដយ៉ាងច្រើនកុះករចូលរួម៕

អត្ថបទ៖ ចាន់រ៉ា

The post ផលិតករ ចាត់ទុក ស៊ីន យូប៊ីន ជាតារាខ្មែរមានគំនិត មនសិការ លើកស្ទួយអ្វីជាខ្មែរ appeared first on Kampuchea Thmey Daily.

យូប៊ីន ចាត់ទុកជោគជ័យពីឆាកអន្តរជាតិមិនមែនតែនាងទេ សម្រាប់ប្រជាជាតិកម្ពុជាទាំងមូល

អ៊ិន ពិសី — Wed, 05 Jul 2023 08:52:03 +0000

ភាពជោគជ័យរបស់តារាស្រីកូនកាត់ កញ្ញា ស៊ីន យូប៊ីន ពេលនេះ កើតចេញពីការតាំងចិត្តខ្ពស់ តស៊ូជម្នះរាល់ឧបសគ្គ ដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ងើចសរសើរទៀតនោះ នាងក៏ជាតារាវ័យក្មេងមានហាងឆេងខ្ពស់សម្រាប់ទីផ្សារភាពយន្តបច្ចុប្បន្ន។

អ្វីដែលកាន់តែមោទនភាព និងត្រេកអរថែមទៀត តារាសម្ដែងរបស់កម្ពុជាស្រីស្អាត ស៊ីន យូប៊ីន ថ្មីៗនេះ ទើបទទួលបានការឈ្នះពានរង្វាន់ Popular actress of the year ពីកម្មវិធី Asia Top Award 2023 នៅប្រទេសថៃ។ នេះជារឿងគួរឲ្យស្ងើចសរសើរ និងអបអរចំពោះតារាស្រី យូប៊ីន ដែលជាតារាខ្មែរដ៏លេចធ្លោខ្លាំងនៅលើឆាកអន្តរជាតិ។

ជោគជ័យនេះ ត្រូវបាន ស៊ីន យូប៊ីន ចាត់ទុកថាមិនមែនតែនាងទេ គឺសម្រាប់ប្រជាជាតិកម្ពុជាទាំងមូល។ យូប៊ីន បាននិយាយថា «ពានរង្វាន់តារាសម្ដែងស្រីដែលមានប្រជាប្រិយភាពប្រចាំឆ្នាំ(popular actressof the year) ផ្ដល់ដោយកម្មវិធី ASIA TOP AWARD 20 23 ប្រទេសថៃ។ ជោគជ័យថ្ងៃនេះ មិនមែនសម្រាប់តែ Yubin ប៉ុន្តែសម្រាប់ប្រជាជាតិកម្ពុជាទាំងមូល សូមចូលរួមសាទរជាមួយYubin ទាំងអស់គ្នា proud to be Khmer»។

កន្លងមកកញ្ញា ស៊ីន យូប៊ីន ត្រូវបានគេដឹងថា នាងជាតារាស្រីមានរូបសម្រស់ស្រស់ស្អាត និងមានសមត្ថភាពនៅក្នុងការងារសម្ដែង ទាំងប្រភេទរឿងភាគ រឿងដុំ ថតបទចម្រៀង និងការផ្សាយពាណិជ្ជកម្មជាដើម។ បន្ថែមនោះ មិនត្រឹមតែជាតារាមានឈ្មោះល្បី កញ្ញា ស៊ីន យូប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យស្ទើរតែមិនគួរឲ្យជឿ៕

អត្ថបទ ៖ ចាន់រ៉ា

The post យូប៊ីន ចាត់ទុកជោគជ័យពីឆាកអន្តរជាតិមិនមែនតែនាងទេ សម្រាប់ប្រជាជាតិកម្ពុជាទាំងមូល appeared first on Kampuchea Thmey Daily.