Connect with us

ជីវិតកម្សាន្ដ

ស៊ីន យូប៊ីន រំភើបខ្លាំង ខណៈត្រូវបាន សម្តេចធិបតី ហ៊ុន ម៉ាណែត សរសើរសមិទ្ធផលលើឆាកជាតិ-អន្តរជាតិ

បានផុស

នៅ

តារា​សម្តែង កញ្ញា ស៊ីន យូប៊ីន រំភើប​ចិត្ត​ខ្លាំង ខណៈ​ដែល​ត្រូវ​បាន សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា បាន​សរសើរ​ចំពោះ​សមិទ្ធផល​របស់​នាង​ទាំង​លើ​ឆាក​ជាតិ និង​អន្តរជាតិ ដែល​ខំ​ប្រឹងប្រែង​សាង​កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារា​ស្រី កញ្ញា ស៊ីន យូប៊ីន បច្ចុប្បន្ន​កំពុង​មាន​ភាព​ល្បីល្បាញ​សុសសាយ​លំដាប់​អន្តរជាតិ ក៏បាន​លើក​ឡើង​ថា នេះ​គឺជា​កម្លាំងចិត្ត​ដ៏​ធំធេង​បំផុត​សម្រាប់​នាង ក៏​ដូចជា​សិល្បករ​-​សិល្ប​ការិនី​ដទៃ​ទៀត ក្នុង​ការ​ពាំនាំ​សិល្បៈ​វប្បធម៌​កម្ពុជា​ទៅ​បង្ហាញ​ផ្សព្វផ្សាយ​ទៅកាន់​ពិភពលោក។

តារា​សម្តែង ស៊ីន យូប៊ីន លើក​ឡើង​បន្ត​ថា សូម​គោរព​អរគុណ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល​បាន​អនុញ្ញាត​ឲ្យ​នាង​បាន​ចូល​ជួប​សម្តែង​ការ​គួរសម ក្រោម​ការ​ដឹកនាំ​របស់ លោក​ជំទាវ​អ្នកឧកញ៉ា ម៉ៅ ចំណាន ប្រធាន​សមាគម​សិល្បករ​ខ្មែរ នៅ​វិមាន​សន្តិភាព។

ស៊ីន យូប៊ីន លើក​ឡើង​បន្ត​ទៀត​ថា «នៅ​ក្នុង​ជំនួប​លើក​នេះ នាង​ខ្ញុំ ពិត​ជា​ទទួល​បាន​នូវ​សារ​ដ៏​មាន​តម្លៃ​ជាច្រើន​ពី សម្តេច ហើយ នាង​ខ្ញុំ នឹង​យក​ទៅ​អនុវត្ត​បន្ត ដើម្បី​ជា​ប្រយោជន៍​ដល់​កម្ពុជា នាងខ្ញុំ ពិត​ជា​មាន​សេចក្តី​រំភើប ក្រោយ​បាន​ស្តាប់​ការ​កោតសរសើរ​របស់ សម្តេច មក​លើ​នាង​ខ្ញុំ​ចំពោះ​សមិទ្ធផល​ទាំង​ឆាក​ជាតិ និង​លើ​ឆាក​អន្តរជាតិ ដែល​នាង​ខ្ញុំ​បាន​សាង​កន្លងមក»។

កញ្ញា ស៊ីន យូប៊ីន បញ្ជាក់​បន្ថែម​ថា «នេះ​ជា​កម្លាំង​ចិត្ត​ដ៏​ធំ​បំផុត​សម្រាប់​ខ្ញុំ ក៏ដូចជា​សិល្បករ​ដទៃ​ទៀត ក្នុង​ការ​ពាំនាំ​សិល្បៈ​វប្បធម៌ និង​ទេសចរណ៍​របស់​កម្ពុជា ទៅកាន់​ពិភពលោក។ អរគុណ​រាជរដ្ឋាភិបាល​ដែល​តែងតែ​យកចិត្តទុកដាក់»។

សូម​បញ្ជាក់​ថា កាលពី​ថ្ងៃ​ទី ០២ ខែ​កក្កដា ឆ្នាំ ២០២៤ ថ្មីៗ នេះ សម្តេច​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បាន​ទទួល​ជួប​ជាមួយ​ក្រុមប្រឹក្សាភិបាល​សមាគម​សិល្បករ​ខ្មែរ ដឹកនាំ​ដោយ​លោកជំទាវ​អ្នកឧកញ៉ា ម៉ៅ ចំណាន ប្រធាន​សមាគម​សិល្បករ​ខ្មែរ ចូល​ជួប​សម្ដែង​ការ​គួរសម និង​ពិភាក្សា​ការងារ ក្នុង​ឱកាស​នោះ កញ្ញា ស៊ីន យូប៊ីន ក៏បាន​ចូលរួម​ផង​ដែរ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ភ្លៀងធ្លាក់ខ្លាំង ធ្វើឲ្យស្ថានភាពទឹកទន្លេមេគង្គក្រចេះបន្តហក់ឡើង តែមិនទាន់ដល់កម្រិតប្រកាសអាសន្ន

ព័ត៌មានជាតិ៤៨ នាទី មុន

អាជ្ញាធរស្រុកសំឡូត អំពាវនាវឱ្យពលរដ្ឋប្រុងប្រយ័ត្ន ព្រោះជំនន់ទឹកស្ទឹងគ្រញូងកើនឡើងលឿន

ព័ត៌មានជាតិ១ ម៉ោង មុន

អភិបាលរងខេត្តកោះកុង ស្នើឱ្យផ្តល់ព័ត៌មានពីតំបន់ដែលមានគ្រាប់មីន ដើម្បីបោះសម្អាត

ព័ត៌មានជាតិ២ ម៉ោង មុន

វិស័យធានារ៉ាប់រងនៅកម្ពុជាមានកំណើនទាបនៅឆមាសទី១ ឆ្នាំនេះ

ព័ត៌មានជាតិ២ ម៉ោង មុន

លោក រ៉ូ ប៊ីនណៃ៖ រាជរដ្ឋាភិបាលនីតិកាលទី៧ បន្តការប្តេជ្ញាចិត្តខ្ពស់ក្នុងការលើកកម្ពស់សិទ្ធិមនុស្ស និងពង្រឹងនីតិរដ្ឋនៅកម្ពុជា

Sokha Hotels

ព័ត៌មានពេញនិយម