ការអញ្ជើញចុះជួបសំណេះសំណាលជាមួយកម្មករ-និយោជិត ប្រកបដោយបរិយាកាសរីករាយ និង ភាពស្និទ្ធស្នាល នាពេលនេះ គឺជាឱកាសមួយដ៏មានសារៈសំខាន់សម្រាប់ថ្នាក់ដឹកនាំក្នុងការសាកសួរសុខទុក្ខដោយផ្ទាល់ និង ឈ្វេងយល់ពីស្ថានភាពការងារប្រចាំថ្ងៃពួកគាត់ ដើម្បីផ្តល់ជូនជាដំណោះស្រាយជាបន្តបន្ទាប់ ស្របតាមអនុសាសន៍ណែនាំដ៏ខ្ពង់ខ្ពស់ទាំង ១០ ចំណុច របស់ សម្តេចតេជោ និង ទាំង ១០ ចំណុច របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលខិតខំបង្កើតឱកាសការងារជូនប្រជាពលរដ្ឋ និង ប្រែក្លាយសហគ្រាសមួយជាសហគមន៍សុខសាន្តមួយ។

នាឱកាសនោះ លោក ហេង សួរ ក៏បានផ្តាំផ្ញើការសួរសុខទុក្ខពីសំណាក់ សម្តេចធិបតី និង លោកជំទាវបណ្ឌិត ដែលតែងតែយកចិត្តទុកដាក់ខ្ពស់ចំពោះសុខទុក្ខកម្មករ-និយោជិត និង គិតគូរធ្វើឲ្យជីវភាពរស់នៅរបស់កម្មករកាន់តែប្រសើរឡើង។ លោករដ្ឋមន្រ្តី ក៏បានជម្រាបជូនកម្មករ-និយោជិត ពីការប្រឹងប្រែងរបស់ក្រសួងការងារ និង បណ្តុះបណ្តាលវិជ្ជាជីវៈ ក្នុងការធានាឲ្យមានសុខដុមនីយកម្មទំនាក់ទំនងវិជ្ជាជីវៈ ដោយបង្កើននូវទំនាក់ទំនងយ៉ាងជិតស្និទ្ធរវាងកម្មករ-និយោជិត និង ម្ចាស់រោងចក្រ សហគ្រាស រួមគ្នាដោះស្រាយរាល់បញ្ហា ចៀសវាងវិវាទការងារដែលនាំដល់ការធ្វើកូដកម្មខុសនីតិវិធីច្បាប់។ ក្នុងករណីមានបញ្ហាដែលពិបាកដោះស្រាយ ឬ មិនច្បាស់លាស់លើចំណុចណាមួយនៅកន្លែងការងារ សូមទាក់ទងជាបន្ទាន់មកលេខ ១២៨៦ ដើម្បីក្រុមមន្រ្តីផ្សះផ្សាវិវាទរបស់ក្រសួង ឬ មន្ទីរការងារ ចុះសម្របសម្រួល ឬ ពន្យល់ជូន និង លេខ ១២៩៧ សម្រាប់ព័ត៌មានឱកាសការងារ ឬ រៀនជំនាញវិជ្ជាជីវៈ។ លោករដ្ឋមន្រ្តី ក៏បានលើកទឹកចិត្តឲ្យមានការចុះឈ្មោះចូលរៀនជំនាញវិជ្ជាជីវៈតាមរយៈកម្មវិធី TVET ១,៥ លាន ផងដែរ។

លោកបានថ្លែងអំណរគុណយ៉ាងជ្រាលជ្រៅ និង វាយតម្លៃខ្ពស់ចំពោះម្ចាស់រោងចក្រដែលបានផ្តល់ឱកាសការងារ និង អនុវត្តប្រកបដោយអនុលោមភាពតាមច្បាប់ស្តីពីការងារបានយ៉ាងល្អប្រសើរ ក៏ដូចជាផ្តល់អត្ថប្រយោជន៍នានាជូនដល់កម្មករ-និយោជិត។ រោងចក្រនេះ មានការគ្រប់គ្រង និង ដំណើរការចង្វាក់ផលិតកម្មទំនើបដោយប្រព័ន្ធបច្ចេកទេសស្វ័យប្រវត្តិកម្ម (automation) និង កន្លែងធ្វើការមានផាសុកភាពល្អផងដែរ។ លក្ខខណ្ឌការងារ និង លក្ខខណ្ឌសុវត្ថិភាព និង សុខភាពការងារនៅរោងចក្រមានស្តង់ដារខ្ពស់ ហើយកម្មករ-និយោជិត ទទួលបានអត្ថប្រយោជន៍ជាច្រើន រួមទាំងអត្ថប្រយោជន៍ពីបេឡាជាតិសន្តិសុខសង្គម (ប.ស.ស)។

ក្នុងបរិយាកាសប្រកបដោយភាពស្និទ្ធស្នាលនេះ កម្មករ-និយោជិត បានសម្តែងនូវសេចក្តីត្រេកអរយ៉ាងក្រៃលែងចំពោះវត្តមានរបស់ថ្នាក់ដឹកនាំក្រសួង ដែលពិតជាបង្ហាញឲ្យឃើញពីការយកចិត្តទុកដាក់ខ្ពស់ និង ផ្តល់ភាពកក់ក្តៅដល់ពួកគាត់ ស្របតាមអនុសាសន៍ដ៏ខ្ពង់ខ្ពស់របស់ សម្ដេចធិបតី។

រោងចក្រ ស៊ិនគី អឹភែរឹល បានបើកដំណើរការកាលពីឆ្នាំ ២០២៥ ដែលជាប្រភេទរោងចក្រ កាត់ដេរសម្លៀកបំពាក់ សម្រាប់ផ្គត់ផ្គង់ឲ្យម៉ាកល្បីៗ នៅលើពិភពលោក ដូចជា ម៉ាក UNIQLO។ បច្ចុប្បន្ន មានកម្មករ-និយោជិត បំពេញការងារចំនួន ៦ ៦១៤ នាក់ (ស្រី ៥ ១២៦ នាក់) ដែលទទួលបានលក្ខខណ្ឌការងារល្អ និង អត្ថប្រយោជន៍ផ្សេងៗ ជាច្រើន រួមមាន ៖ កន្លែងសម្រាប់កម្មករ-និយោជិត ទទួលទានអាហារ និង ផ្តល់បាយថ្ងៃត្រង់ដោយមិនគិតថ្លៃជាដើម៕

The post រដ្ឋមន្រ្តីក្រសួងការងារ បន្តជំរុញសុខដុមនីយកម្មវិជ្ជាជីវៈ តាមរយៈការចុះជួបកម្មករផ្ទាល់ appeared first on Kampuchea Thmey Daily.

លោកបណ្ឌិត ហេង សុផាន់ណារិទ្ធ អគ្គនាយករង នៃបេឡាជាតិសន្តិសុខសង្គម (ប.ស.ស) និងជាអ្នកនាំពាក្យ នៃក្រសួងការងារ និង បណ្តុះបណ្តាលវិជ្ជាជីវៈ បានមានប្រសាសន៍នៅព្រឹកថ្ងៃទី ២ មិថុនា នេះថា ក្នងរយៈពេល ៥ ខែ ឆ្នាំ ២០២៦ នេះ នៅទូទាំងប្រទេសកម្ពុជា មានករណីកម្មករ-និយោជិត ជួបករណីគ្រោះថ្នាក់ចរាចរណ៍ចំនួន ២ ៨០៨ ករណី មានជនរងគ្រោះសរុបចំនួន ៣ ១៣៤ នាក់ (ស្រី ២ ០៧៧ នាក់) ស្លាប់ចំនួន ៤៦ នាក់ របួសធ្ងន់ចំនួន ៧៩៩ នាក់ និង របួសស្រាលចំនួន ២ ២៨៩ នាក់។

លោកបណ្ឌិត បានបន្តថា ក្នុងចំណោមគ្រោះថ្នាក់ខាងលើ ក្នុងនោះមានករណីគ្រោះថ្នាក់ចរាចរណ៍លើរថយន្តដឹកកម្មករ-និយោជិត មានចំនួន ៩ ករណី មានជនរងគ្រោះសរុបចំនួន ១៩៨ នាក់ ស្លាប់ចំនួន ១៤ នាក់ របួសធ្ងន់ចំនួន ២៨ នាក់ និង របួសស្រាលចំនួន ១៥៦ នាក់។

លោកបណ្ឌិត បានពន្យល់ថា មានកត្តាសំខាន់មួយចំនួនដែលជំរុញឲ្យមានករណីគ្រោះថ្នាក់ចរាចរណ៍កើតឡើង រួមមាន បើកបរលើសល្បឿនកំណត់ មិនប្រកាន់ស្តាំ (បញ្ច្រាសទិស) កត្តាមិនគោរពសិទ្ធិអាទិភាព បត់មិនត្រឹមត្រូវ និង កត្តាយានយន្ត។

លោកបណ្ឌិត បានបន្តទៀតថា ដើម្បីកាត់បន្ថយហានិភ័យដោយសារគ្រោះថ្នាក់ចរាចរណ៍នៅលើដងផ្លូវសម្រាប់កម្មករ-និយោជិត ក្រុមការងារសុវត្ថិភាពចរាចរណ៍ផ្លូវគោកសម្រាប់គាំពារកម្មករ-និយោជិត (ស.ផ.ក) នៃបេឡាជាតិសន្តិសុខសង្គម បាននិងកំពុងអនុវត្តសកម្មភាព រួមមាន បន្តចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលធ្វើដំណើរតាមម៉ូតូ ជំរុញឲ្យពាក់មួកសុវត្ថិភាពឲ្យបានគ្រប់ៗ គ្នា។ ជំរុញការកែលម្អរថយន្តដឹកកម្មករ-និយោជិត ឲ្យកាន់តែមានផាសុកភាព និង សុវត្ថិភាព ឲ្យបានឆាប់រហ័ស។ ចុះអង្កេតសិក្សាស្រាវជ្រាវរកមូលហេតុចម្បងដែលបណ្តាលឲ្យកើតមានគ្រោះថ្នាក់ចរាចរណ៍មកលើកម្មករ-និយោជិត ឲ្យបានច្បាស់លាស់។ រៀបចំបទបង្ហាញជាមេរៀន វីដេអូណែនាំ ស្ពត និងជាសារសំឡេងសម្រាប់អប់រំ ផ្សព្វផ្សាយ នៅតាមបណ្តារោងចក្រសហគ្រាស គ្រឹះស្ថាន និង តាមរយៈបណ្តាញសង្គមនានា ដល់អ្នកបើកបរយានយន្តដឹកកម្មករ និង កម្មករ-និយោជិត ជាពិសេសកម្មករ-និយោជិត ដែលប្រើប្រាស់ម៉ូតូ កង់ និង ថ្មើរជើង ឲ្យបានយល់ដឹងច្បាស់ពីច្បាប់ និង សុវត្ថិភាពចរាចរណ៍ផ្លូវគោក។ ជំរុញរថយន្តប្រភេទដឹកទំនិញ និង ម៉ូតូសណ្តោងរ៉ឺម៉កដែលដឹកកម្មករ-និយោជិត ប្តូរមកប្រើប្រាស់រថយន្តប្រភេទដឹកអ្នកដំណើរ និង ជំរុញរថយន្តប្រភេទដឹកទំនិញ ដែលដឹកកម្មករ-និយោជិត ឈរ ឲ្យផ្លាស់ប្តូរមកជារថយន្តប្រភេទដឹកអ្នកដំណើរ ឬ កែច្នៃឲ្យមានកៅអីអង្គុយ។

លោកបណ្ឌិត ក៏បានអំពាវនាវដល់កម្មករ-និយោជិត ទាំងអស់ បង្កើនការប្រុងប្រយ័ត្នឲ្យបានខ្ពស់ក្នុងការធ្វើដំណើរ ទាំងអ្នកធ្វើដំណើរដោយម៉ូតូ និង ទាំងអ្នកធ្វើដំណើរដោយរថយន្តដឹកកម្មករ-និយោជិត ត្រូវគោរពច្បាប់ស្តីពីចរាចរណ៍ផ្លូវគោក ដើម្បីចៀសវាងករណីគ្រោះថ្នាក់ជាយថាហេតុ និង ក្រើនរំលឹកទៅកាន់អ្នកបើកបររថយន្ដដឹកកម្មករ-និយោជិត ទាំងអស់ ត្រូវមានស្មារតីទទួលខុសត្រូវខ្ពស់ និង យកចិត្តទុកដាក់រាល់ពេលបើកបរផងដែរ៕
អត្ថបទ ៖ សំអឿន

The post ៥​ ខែ ដើមឆ្នាំនេះ មានកម្មករ-និយោជិត ៤៦ នាក់ ស្លាប់បាត់បង់ជីវិតដោយសារគ្រោះថ្នាក់ចរាចរណ៍ appeared first on Kampuchea Thmey Daily.

លោកបានឲ្យដឹងថា “ក្រោយទទួលបានដំណឹងពីការទាមទារភ្លាម មន្រ្តីជំនាញរបស់ក្រសួង និងអាជ្ញាធរមូលដ្ឋាន បានចុះដោះស្រាយបញ្ចប់ភ្លាមៗ ផ្តល់អាទិភាពដល់អត្ថប្រយោជន៍របស់បងប្អូនកម្មករដែលស្របច្បាប់ និងការគោរពច្បាប់របស់និយោជក”។

យោងតាមលទ្ធផល នៃការដោះស្រាយដែលឯកភាពគ្នា ការបើកប្រាក់ឈ្នួល និងប្រាក់បំណាច់ផ្សេងៗ នឹងត្រូវធ្វើឡើងចំនួន ២ លើក គឺ លើកទី១.នៅថ្ងៃទី ២៨ ខែមេសា ឆ្នាំ ២០២៦ និងលើកទី២. យ៉ាងយូរត្រឹមថ្ងៃទី ២៨ ខែឧសភា ឆ្នាំ ២០២៦។ ដោយឡែកចំពោះកម្មការិនីដែលមានផ្ទៃពោះចាប់ពី ៣ ខែឡើង ចំនួន ៩ នាក់ នឹងនៅតែបន្តទទួលបានអត្ថប្រយោជន៍រហូតដល់ថ្ងៃសម្រាលដោយក្រុមហ៊ុនជាអ្នកបង់ ប.ស.ស ជំនួស។

សូមបញ្ជាក់ថា ក្រោយពីទទួលបានព័ត៌មាន នៃការទាមទាររបស់កម្មករ-និយោជិត នៃរោងចក្រ អិមអិល ភ្លាម លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចាត់ លោក ទុយ ស៊ីផាន់ រដ្ឋលេខាធិការក្រសួង រួមជាមួយក្រុមអន្តរាគមន៍ និងមន្ទីរការងារខេត្តបន្ទាយមានជ័យ ដោយសហការជាមួយអាជ្ញាធរមូលដ្ឋាន បានចុះដោះស្រាយភ្លាមៗ ដោយមិនបង្អង់ឡើយ។

ជាមួយនឹងយន្តការដោះស្រាយបញ្ចប់ដ៏លឿនរហ័ស និងមានប្រសិទ្ធភាពរបស់ក្រសួងការងារនេះ លោក ស៊ុន មេសា អ្នកនាំពាក្យក្រសួងការងារ បានអំពាវនាវឲ្យកម្មករ-និយោជិតទាំងអស់ដែលមានបំណងចង់ស្វែងរកការងារធ្វើ សូមទាក់ទងមន្ទីរការងារ និងបណ្តុះបណ្តាលវិជ្ជាជីវៈខេត្តបន្ទាយមានជ័យ ឬប្រព័ន្ធ Hotline ១២៩៧ ដើម្បីទទួលបានឱកាសការងារដ៏សម្បូរបែបប្រមាណ ៩ ម៉ឺនកន្លែង កំពុងមានតម្រូវការកម្លាំងពលកម្ម៕

The post ក្រសួងការងារ ដោះស្រាយបញ្ចប់ និងផ្តល់អត្ថប្រយោជន៍តាមគោលការណ៍ច្បាប់ជូនកម្មករ នៃរោងចក្រ អិមអិល យ៉ាងលឿនរហ័ស appeared first on Kampuchea Thmey Daily.

ក្នុងសារលិខិត នាឱកាសខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៦ ក្រោមប្រធានបទ «រួមគ្នាកសាងភាពធន់ដើម្បីការងារសមរម្យ»សម្តេច ហ៊ុន ម៉ាណែត  សង្កត់ធ្ងន់ថា៖«រាជរដ្ឋាភិបាលនៅតែបន្តផ្តល់អាទិភាពខ្ពស់លើការលើកកម្ពស់ជីវភាពរបស់បងប្អូនកម្មករនិយោជិតទោះបីជា ស្ថិតក្នុងស្ថានភាពសេដ្ឋកិច្ចសកលដែលពោរពេញដោយភាពមិនប្រាកដប្រជា និងរងសម្ពាធវិបត្តិដែលបង្ក ការរាំងស្ទះដល់ការដំឡើងប្រាក់ឈ្នួលអប្បបរមានៅក្នុងប្រទេសជាច្រើនក៏ដោយ។ »។

ក្នុងស្មារតីលើកកម្ពស់ជីវភាពរស់នៅរបស់កម្មករនិយោជិត សម្ដេច ហ៊ុន ម៉ាណែត គូសបញ្ជាក់ថា រាជរដ្ឋាភិបាល បានសម្រេចដំឡើងប្រាក់ឈ្នួលបន្ថែមចំនួន ២ដុល្លារអាម៉េរិក ដែលធ្វើឱ្យប្រាក់ឈ្នួលអប្បបរមាក្នុងវិស័យ វាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរនិងកាបូប កើនឡើងដល់ ២១០ដុល្លារអាម៉េរិក ក្នុងមួយខែ។ ក្រៅពីការដំឡើងប្រាក់ឈ្នួល រាជរដ្ឋាភិបាលក៏បានដាក់ចេញនូវវិធានការជាបន្តបន្ទាប់ ដើម្បីសម្រួល ដល់តម្លៃលក់រាយប្រេងឥន្ធនៈក្នុងអំឡុងពេលវិបត្តិសកល។

ស្របពេលវិបត្តិប្រេងឥន្ធនៈឡើងថ្លៃព្រោះសង្គ្រាមនៅមជ្ឈិមបូពា៌បង្កផលប៉ះពាល់ថែមមួយកម្រិតទៀតដល់កម្ពុជា សម្ដេច ហ៊ុន ម៉ាណែត រម្លឹកថា រាជរដ្ឋភិបាល និងនិយោជក បានសម្រេចផ្តល់ប្រាក់សោហ៊ុយធ្វើដំណើរបណ្តោះអាសន្នចំនួន ២,៥០ដុល្លារអាម៉េរិក បន្ថែមលើប្រាក់សោហ៊ុយធ្វើដំណើរនិងស្នាក់នៅដែលមានស្រាប់ រហូតដល់ស្ថានភាពតម្លៃប្រេងឥន្ធនៈវិលត្រឡប់មករកប្រក្រតីភាពវិញ។ ជាលទ្ធផល ដោយបូកបញ្ចូលទាំងអត្ថប្រយោជន៍ជាកាតព្វកិច្ចផ្សេងៗនិងប្រាក់សោហ៊ុយ ធ្វើដំណើរបណ្តោះអាសន្ននេះ កម្មករនិយោជិតម្នាក់ៗនឹងទទួលបានប្រាក់ចំណូលជាក់ស្តែងទាបបំផុតចន្លោះពី ២២៩,៥ ដល់ ២៤០,៥ដុល្លារអាម៉េរិក ក្នុងមួយខែ។

សម្ដេច ហ៊ុន​ ម៉ាណែត បន្ថែមថា រាជរដ្ឋាភិបាលបាននិងកំពុងបន្តយកចិត្តទុកដាក់ខ្ពស់ ក្នុងការលើកកម្ពស់សុវត្ថិភាពនិងសុខភាពការងារ នៅកន្លែងធ្វើការរបស់បងប្អូនកម្មករនិយោជិត តាមរយៈការពង្រឹងនិងពង្រីកយន្តការតាមដានត្រួតពិនិត្យ ប្រព័ន្ធសុវត្ថិភាពនិងសុខភាពការងារនៅតាមសហគ្រាស ក្រុមហ៊ុន រោងចក្រ និងវិសាលភាពគ្របដណ្តប់នៃ របបសន្តិសុខសង្គមជាបន្តបន្ទាប់។ ជាក់ស្តែង គិតត្រឹមត្រីមាសទី១ ឆ្នាំ២០២៦នេះ បេឡាជាតិសន្តិសុខសង្គម (ប.ស.ស.) នៃក្រសួងការងារនិងបណ្តុះបណ្តាលវិជ្ជាជីវៈបានបង្កើនសមាជិកឡើងដល់ប្រមាណ ៣,៦ លាននាក់ ក្នុងនោះសមាជិកតាមរបបភាគទានដោយស្ម័គ្រចិត្តមានចំនួនក្នុងរង្វង់ ៩២ម៉ឺននាក់។ បន្ថែមលើនេះ រាជរដ្ឋាភិបាលក៏បានបន្តអនុវត្តកម្មវិធីឧបត្ថម្ភសាច់ប្រាក់ដល់សមាជិក ប.ស.ស. ជាស្ត្រីមានផ្ទៃពោះ ដោយគិតត្រឹមត្រីមាសទី១ ឆ្នាំ២០២៦នេះ ស្ត្រីមានផ្ទៃពោះចំនួនប្រមាណ ៧៦,២ម៉ឺននាក់ និងកុមារអាយុក្រោម ២ឆ្នាំ ចំនួនប្រមាណ ៨៣ម៉ឺននាក់ បានទទួលអត្ថប្រយោជន៍ដោយផ្ទាល់ពីកម្មវិធីគាំពារសង្គមដ៏មានសារៈសំខាន់នេះ។

គិតត្រឹមត្រីមាសទី១ ឆ្នាំ២០២៦ ចំនួនសហគ្រាស ក្រុមហ៊ុន រោងចក្រ បានកើនឡើងដល់ចំនួន៤៧ ០២៩សហគ្រាស ជាមួយនឹងចំនួនកម្មករ និយោជិត សរុបកើនឡើងដល់ប្រមាណ២,៣លាននាក់៕

ដោយ៖ ង៉ិល ណារ៉ាត់

The post កម្ពុជាបន្តផ្តល់អាទិភាពខ្ពស់លើការលើកកម្ពស់ជីវភាពកម្មករ ខណៈប្រទេសជាច្រើនមិនដំឡើងប្រាក់ខែជូនកម្មករ ព្រោះសេដ្ឋកិច្ចសកលមិនប្រាកដប្រជា appeared first on Kampuchea Thmey Daily.

លោកបណ្ឌិត ហេង សុផាន់ណារិទ្ធ អគ្គនាយករង ប.ស.ស និងជាប្រធានក្រុមការងារសុវត្ថិភាពចរាចរណ៍ផ្លូវគោក សម្រាប់គាំពារកម្មករ-និយោជិត (ស.ផ.ក)បានមានប្រសាសន៍នៅរសៀលថ្ងៃទី ៣ មេសា នេះថា រយៈពេល ៣ ខែ ឆ្នាំ ២០២៦ កន្លងទៅនេះ នៅទូទាំងប្រទេសកម្ពុជា មានករណីកម្មករ-និយោជិត ជួបករណីគ្រោះថ្នាក់ចរាចរណ៍ចំនួន ១ ៧០៥ ករណី មានជនរងគ្រោះសរុបចំនួន ១ ៩០៨ នាក់ ស្រី ១ ២៦២ នាក់ របួសធ្ងន់ចំនួន ៤៨២ នាក់ និងរបួសស្រាលចំនួន ១ ៣៩៩ នាក់ និងស្លាប់ចំនួន ២៧ នាក់។

លោកបណ្ឌិត បានបន្តថា ក្នុងចំណោមគ្រោះថ្នាក់ខាងលើ ក្នុងនោះ ករណីគ្រោះថ្នាក់ចរាចរណ៍លើរថយន្តដឹកកម្មករ-និយោជិត មានចំនួន ៦ ករណី មានជនរងគ្រោះសរុបចំនួន ៩៩ នាក់ របួសធ្ងន់ចំនួន ១៣ នាក់ និងរបួសស្រាលចំនួន ៨៦ នាក់។

លោកបណ្ឌិត បានពន្យល់ថា មូលហេតុចម្បងៗ ដែលបណ្តាលឲ្យមានគ្រោះថ្នាក់ចរាចរណ៍រួមមាន ការបើកបរលើសល្បឿនកំណត់ ការមិនគោរពសិទ្ធិអាទិភាព ការមិនប្រកាន់ស្តាំ(បញ្ច្រាសទិស) ការបត់ខ្វះការប្រុងប្រយ័ត្ន ការជែងក្នុងស្ថានភាពគ្រោះថ្នាក់ កត្តាផ្លូវ និងលក្ខណៈបច្ចេកទេសយានយន្ត និងកត្តាផ្សេងៗ។

លោកបណ្ឌិត បានធ្វើការអំពាវនាវដល់កម្មករ-និយោជិត ទាំងអស់ សូមមេត្តាបង្កើនការប្រុងប្រយ័ត្នឲ្យបានខ្ពស់ក្នុងការធ្វើដំណើរ ទាំងអ្នកធ្វើដំណើរដោយម៉ូតូ និងទាំងអ្នកធ្វើដំណើរដោយរថយន្តដឹកកម្មករ-និយោជិត ត្រូវគោរពច្បាប់ស្ដីពីចរាចរណ៍ផ្លូវគោក ដើម្បីជៀសវាងករណីគ្រោះថ្នាក់ជាយថាហេតុ និងក្រើនរំលឹកទៅកាន់អ្នកបើកបររថយន្តដឹកកម្មករ-និយោជិត ទាំងអស់ ត្រូវមានស្មារតីទទួលខុសត្រូវខ្ពស់ និងយកចិត្តទុកដាក់រាល់ពេលបើកបរផងដែរ។

គួរបញ្ជាក់ថា ឆ្នាំ ២០២៥ កន្លងទៅ មានកម្មករ-និយោជិត ជួបគ្រោះថ្នាក់ចរាចរណ៍នៅទូទាំងប្រទេសចំនួន ៥ ៦៤២ ករណី មានជនរងគ្រោះចំនួន ៦ ៦១៧ នាក់ ស្រីចំនួន ៤ ០៨៣ នាក់ ស្លាប់ចំនួន ១៤៥ នាក់ របួសធ្ងន់ ១៨៥ នាក់ របួសស្រាល ៤ ៦៦៧ នាក់៕
អត្ថបទ ៖ សំអឿន

The post ៣ ខែ ឆ្នាំនេះ មានកម្មករ-និយោជិត ជួបគ្រោះថ្នាក់ចរាចរណ៍ជាង ១ ៧០០ ករណី ស្លាប់ជិត ៣០ នាក់ appeared first on Kampuchea Thmey Daily.

លោក សំ សឿន ប្រធាន​សហភាព​ពលកម្ម​ជាតិ​កម្ពុជា បាន​ថ្លែង​ថា លោក​គាំទ្រ​ចំពោះ​ចំណាត់​ការ​របស់ សម្ដេច​ធិបតី បាន​ណែនាំ​ដល់​ក្រសួង​ការងារ និង​បណ្ដុះបណ្ដាល​វិជ្ជាជីវៈ ជួប​ប្រជុំ​ជាមួយ​សហជីព តំណាង​សមាគម​រោងចក្រ ដើម្បី​រក​ដំណោះស្រាយ នៃ​ការ​ឡើង​តម្លៃ​ប្រេងឥន្ធនៈ ដែល​ជា​បញ្ហា​សកលលោក ខណៈ​កម្ពុជា​ក៏​ទទួល​រង​នូវ​ផល​ប៉ះពាល់​នេះ​ដែរ។

លោក​បន្ត​ថា ប្រមុខ​រាជរដ្ឋាភិបាល​កម្ពុជា តែងតែ​គិតគូរ​ពី​ដំណោះស្រាយ​ជូន​ប្រជាពលរដ្ឋ និង​កម្មករ-និយោជិត បាន​ទាន់​ពេលវេលា ដើម្បី​ឆ្លើយតប​ទៅ​នឹង​បញ្ហា​សកល​នេះ។ ដំណោះស្រាយ​នេះ នឹង​ជួយ​សម្រាល​បន្ទុក​ការ​ចំណាយ​របស់​កម្មករ-និយោជិត ដែល​ជា​ការ​រួម​ចំណែក​ដ៏​សំខាន់​ក្នុង​ការ​លើក​កម្ពស់​ជីវភាព​របស់​ពួកគាត់។

លោក​បញ្ជាក់​ថា «‍ជួស​មុខ​ឲ្យ​កម្មករ-និយោជិត ខ្ញុំ​ជា​ថ្នាក់​ដឹកនាំ​សហជីព សូម​គោរព​ថ្លែង​អំណរគុណ​ដល់ សម្ដេច​មហា​បវរ​ធិបតី ដែល​បាន​យក​ចិត្ត​ទុក​ដាក់​ខ្ពស់​ចំពោះ​បញ្ហា​នេះ ជា​ពិសេស​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​ជួប​ប្រជុំ​ជាមួយ​ភាគី​ពាក់ព័ន្ធ ដើម្បី​រក​ដំណោះស្រាយ​នេះ។ ការ​គិតគូរ​របស់​រាជរដ្ឋាភិបាល​នេះ គឺ​សំខាន់​ខ្លាំង​ណាស់​ជួយ​ដល់​ដោះស្រាយ​បញ្ហា​ជីវភាព​បងប្អូន​កម្មករ-និយោជិត​របស់​យើង​នៅ​ក្នុង​ស្ថានភាព​នេះ»។

អ្នកស្រី សុខា លីនដា កម្មករ​រោងចក្រ ដុង ឌូ ស្ថិត​នៅ​រាជធានី​ភ្នំពេញ បាន​សម្ដែង​ក្ដី​រីករាយ​ថា «ខ្ញុំ​សូម​ថ្លែង​អំណរគុណ​យ៉ាង​ជ្រាលជ្រៅ​ចំពោះ​រាជរដ្ឋាភិបាល​ដែល​តែងតែ​យកចិត្តទុកដាក់ និង​អន្តរាគមន៍​ទាន់​ពេលវេលា ដើម្បី​បន្ធូរបន្ថយ​បញ្ហា​តម្លៃ​ប្រេងឥន្ធនៈ​ឡើង​ថ្លៃ ដែល​អាច​ជួយ​សម្រួល​ដល់​ការ​ចំណាយ​ប្រចាំថ្ងៃ និង​រក្សា​ស្ថិរភាព​ជីវភាព​របស់​យើងខ្ញុំ​បាន​ល្អ​ប្រសើរ​ឡើង​ក្នុង​ស្ថានភាព​លំបាក​បច្ចុប្បន្ន​នេះ»។

នា​ថ្ងៃ​ទី ១៩ ខែ​មីនា ឆ្នាំ ២០២៦ នេះ សម្តេចធិបតី បាន​ណែនាំ​ឲ្យ លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ បើក​កិច្ចប្រជុំ​ពិភាក្សា​ជា​បន្ទាន់​ជាមួយ​ភាគី​ពាក់ព័ន្ធ ដើម្បី​ស្វែង​រក​លទ្ធភាព​ជួយ​សម្រាល​បន្ទុក​ចំណាយ​ថ្លៃ​ធ្វើ​ដំណើរ​របស់​កម្មករ-និយោជិត។

សម្តេច​ធិបតី បាន​បញ្ជាក់​ថា «ដើម្បី​ពិនិត្យ​ដោះស្រាយ​ផល​វិបាក​ដែល​កើត​ចេញ​ពីការកើនឡើង​តម្លៃ​ប្រេងឥន្ធនៈ​ជា​សកល​នាពេលថ្មីៗ នេះ ខ្ញុំ​បាន​ណែនាំ​ឲ្យ លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ រៀបចំ​កិច្ចប្រជុំ​ជាមួយ​តំណាង​ភាគី​និយោជក និង​ភាគី​សហជីព ដែល​តំណាង​បងប្អូន​កម្មករ-និយោជិត ដើម្បី​ពិនិត្យ​ពិភាក្សា​ស្វែងរក​លទ្ធភាព​ជួយ​សម្រាល​បន្ទុក​ចំណាយ​ថ្លៃ​ធ្វើដំណើរ​របស់​បងប្អូន​កម្មករ-និយោជិត​យើង នៅ​ក្នុង​រយៈពេល​អន្តរកាល​នេះ​ឲ្យ​បាន​ឆាប់​បំផុត»។

សម្តេច​មហា​បវរ​ធិបតី ហ៊ុន ម៉ាណែត ក៏បាន​បង្ហាញ​ក្តី​សង្ឃឹម​ថា ភាគី​និយោជក និង​ភាគី​សហជីព នឹង​អាច​រក​បាន​នូវ​ចំណុច​ប្រសព្វ​សមរម្យ​មួយ​ដែល​អាច​ជួយ​សម្រាល​បន្ទុក​ថ្លៃ​ធ្វើដំណើរ​របស់​កម្មករ​ផង និង​អាច​រក្សា​បាន​នូវ​ភាព​ប្រកួតប្រជែង នៃ​ឧស្សាហកម្ម​ផង​ដែរ៕

The post ក្នុងស្ថានភាពប្រេងសាំងឡើងថ្លៃ ៖ សហជីព និងកម្មករ-និយោជិត ថ្លែងអំណរគុណ សម្ដេចធិបតី ដែលតែងតែយកចិត្តទុកដាក់រិះរកវិធីសម្រាលបន្ទុក appeared first on Kampuchea Thmey Daily.

ការ​ចុះ​ជួប​សំណេះសំណាល​ប្រកប​ដោយ​ភាព​ស្និទ្ធស្នាល និង​បរិយាកាស​ដ៏​រីករាយ​ នាពេលនេះ បាន​ធ្វើ​ឲ្យ​កម្មករ-និយោជិត​ សម្តែង​នូវ​ក្តី​ត្រេកអរ​យ៉ាង​ខ្លាំង​ចំពោះ​វត្តមាន​របស់​ថ្នាក់ដឹកនាំ​ក្រសួង និង​ថ្នាក់ដឹកនាំ​ខេត្ត ដែល​ស​បញ្ជាក់​ពី​ការ​យកចិត្តទុកដាក់​ខ្ពស់ និង​ផ្តល់​នូវ​ភាព​កក់ក្តៅ​យ៉ាង​ខ្លាំង​ដល់​ពួកគាត់។

ការ​អញ្ជើញ​ចុះ​ជួប និង​ទទួលទាន​អាហារ​ផ្ទាល់​ជាមួយ​កម្មករ-និយោជិត​ នេះ គឺជា​ឱកាស​ដ៏​សំខាន់​សម្រាប់​ថ្នាក់ដឹកនាំ​ក្នុង​ការ​ស្វែងយល់​ពី​ស្ថានភាព​ការងារ​ប្រចាំថ្ងៃ និង​ទុក្ខធុរៈ​របស់​កម្មករ-និយោជិត​ដោយ​ផ្ទាល់ ស្រប​តាម​អនុសាសន៍​ដ៏​ខ្ពង់ខ្ពស់​របស់ ​សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា។

បច្ចុប្បន្ន រោងចក្រ ស៊ិន​គី អឹ​ភែ​រឹល មាន​កម្មករ-និយោជិត​ បំពេញ​ការងារ​សរុប​ប្រមាណ ៦ ៨០០ នាក់ ហើយក៏​កំពុង​មាន​តម្រូវការ​កម្លាំង​ពលកម្ម​បន្ថែម​ទៀត​ផង​ដែរ។ កម្មករ​នៅ​ទីនេះ ទទួល​បាន​ប្រាក់ឈ្នួល​សមរម្យ និង​អត្ថប្រយោជន៍​ផ្សេងៗ ជា​ច្រើន​តាម​គោលការណ៍​របស់​រាជរដ្ឋាភិបាល ជាមួយ​លក្ខខណ្ឌ​ការងារ​ល្អ​ប្រសើរ រួមមាន អាហារដ្ឋាន​ស្តង់ដារ និង​កន្លែង​ទទួលទាន​អាហារ​ថ្ងៃត្រង់​ប្រកប​ដោយ​ផាសុកភាព។

លោក​រដ្ឋមន្ត្រី ក៏បាន​ថ្លែងអំណរគុណ​ដល់​ម្ចាស់​រោងចក្រ​ដែល​បាន​សម្របសម្រួល​រៀបចំ​កម្មវិធី​សំណេះសំណាល​ដ៏​មាន​អត្ថន័យ​នេះ និង​ដែល​តែងតែ​ចូលរួម​គោរព​ច្បាប់​ស្តីពី​ការងារ អនុវត្ត​នូវ​ស្ដង់ដារ​ការងារ​បាន​យ៉ាង​ល្អ​ប្រសើរ ក៏ដូចជា​ផ្តល់​អត្ថប្រយោជន៍​នានា​ជូន​ដល់​កម្មករ ស្របតាម​គោលការណ៍​ណែនាំ​របស់​រាជរដ្ឋាភិបាល៕

​

The post រដ្ឋមន្ត្រីក្រសួងការងារ អញ្ជើញសំណេះសំណាល ទទួលទានអាហារថ្ងៃត្រង់ ជាមួយ កម្មករ-និយោជិត រោងចក្រ ស៊ិនគី អឹភែរឹល នៅខេត្តកំពង់ឆ្នាំង appeared first on Kampuchea Thmey Daily.

លោក​បាន​បន្ត​ឱ្យដឹងថា រោងចក្រ និង​សហគ្រាស​ ទាំងនោះ​ ត្រូវបាន​បែងចែក​ទៅតាម​វិស័យ​សំខាន់ៗ រួមមាន វិស័យ​កសិកម្ម​ចំនួន ៣៨៦ , វិស័យ​ឧស្សាហកម្ម​ចំនួន ៧ ៥៦៥ , វិស័យ​កម្មន្តសាល​មាន ៤ ៩៦៤ និង​វិស័យ​កាត់ដេរ​ចំនួន ១ ៨៦៧ សហគ្រាស។

លោក​បាន​គូសបញ្ជាក់ថា ការកើនឡើង​ចំនួន សហគ្រាស ក្រុមហ៊ុន រោងចក្រ ជា​បន្តបន្ទាប់​នេះ គឺជា​សញ្ញា​វិជ្ជមាន ដែល​ឆ្លុះបញ្ចាំង​ពី​ជំនឿ​ចិត្ត​របស់​អ្នក​វិនិយោគ​មក​លើ​រាជរដ្ឋាភិបាល​កម្ពុជា​ក្នុង​ការ​បណ្ដុះបណ្ដាល​កម្លាំង​ពលកម្ម​ជំនាញ។

បើតាម​អ្នកនាំពាក្យ​ដដែល បច្ចុប្បន្ន​ កម្ពុជា​ នៅមាន​ឱកាស​ការងារ​ជាង ៨ ម៉ឺន​កន្លែង​ទៀត ​សម្រាប់​ប្រជាពលរដ្ឋដែល​កំពុង​ស្វែងរក​ការងារ​ធ្វើ។ ជាមួយគ្នានេះ អ្នកនាំពាក្យ​ក្រសួង​ការងារ ក៏បាន​អំពាវនាវ​ដល់ អ្នកស្វែងរក​ការងារ ជាពិសេស​អតីត​ពលករ អាច​ទំនាក់ទំនង​មកកាន់​លេខ ១២៩៧ របស់​ក្រសួង​ការងារ និង​បណ្តុះបណ្តាល​វិជ្ជាជីវៈ ដែល​បម្រើការ ៧ ថ្ងៃ​ ក្នុង​មួយ​សប្ដាហ៍៕

The post ត្រឹមឆ្នាំ ២០២៥ សហគ្រាសនៅកម្ពុជាកើន ៤,៦ ម៉ឺន ដែលផ្ដល់ការងារដល់កម្មករ-និយោជិត ជាង ២,១៤ លាននាក់ appeared first on Kampuchea Thmey Daily.