ប្រតិបត្តិការជួយសង្គ្រោះនេះ ធ្វើឡើងបន្ទាប់ពីកម្លាំងជំនាញទទួលបានពាក្យបណ្តឹងរបស់ឈ្មោះ Liu Weihua ភេទប្រុស អាយុ៤៣ឆ្នាំ ជនជាតិចិន ដោយក្មួយស្រីរបស់ឈ្មោះ Huang Xiyi ភេទស្រី អាយុ២២ឆ្នាំ ជនជាតិចិន ត្រូវបានជនមិនស្គាល់អត្តសញ្ញាណធ្វើសកម្មភាពបង្ខាំង និងជំរិតទារប្រាក់ចំនួន ២លានយ័ន្ត។

ក្នុងប្រតិបត្តិការ កម្លាំងជំនាញ បានរំដោះជួយសង្គ្រោះស្ត្រីរងគ្រោះឈ្មោះ HUANG XIYI ភេទស្រី អាយុ២២ឆ្នាំ ជនជាតិចិ។ ឈ្មោះ XU YUE ភេទស្រី អាយុ៣០ឆ្នាំ ជនជាតិចិន។ និងឈ្មោះ DIAN JIE ភេទស្រី អាយុ២៦ឆ្នាំ ជនជាតិចិន នៅចំណុចភូមិភៀនសារ ឃុំព្រះនិពាន្ធ ស្រុកគងពិសី ខេត្តកំពង់ស្ពឺ។

ប្រតិបត្តិការនេះ កម្លាំងជំនាញក៏បានឃាត់ខ្លួនបានជនសង្ស័យជាជនជាតិមីយ៉ាន់ម៉ាចំនួន០២នាក់ឈ្មោះ AR SAN ភេទប្រុស អាយុ២៩ឆ្នាំ និងឈ្មោះ AI NI ភេទប្រុស អាយុ២០ឆ្នាំ។

តាមការបញ្ជាក់ពីកម្លាំងជំនាញ ក្រោយប្រតិបត្តិការ ទាំងជនសង្ស័យ និងជនរងគ្រោះត្រូវបានបញ្ជូនមកនាយកដ្ឋាននគរបាលព្រហ្មទណ្ឌ ដើម្បីសាកសួរ និងបន្តនិតិវិធីច្បាប់៕

អត្ថបទ៖ សុខុម

The post នគរបាលព្រហ្មទណ្ឌ ជួយសង្គ្រោះស្ត្រីជនជាតិ​ចិន​៣នាក់ ពីឧក្រិដ្ឋជនចាប់ជំរិតទារប្រាក់ appeared first on Kampuchea Thmey Daily.

ប្រតិបត្តិការនេះ ធ្វើឡើងជាបន្តបន្ទាប់ក្រោយពីកម្លាំងជំនាញបានទទួលពាក្យបណ្តឹងពីជនរងគ្រោះឈ្មោះ TANG CAIYOU ភេទប្រុស អាយុ៣២ឆ្នាំ ជនជាតិចិន ដែលបានប្ដឹងថា ខ្លួនត្រូវបានជនមិនស្គាល់អត្តសញ្ញាណមួយក្រុមមានគ្នា៣នាក់ ជាជនជាតិខ្មែរ និងចិន បានធ្វើសកម្មភាពបង្ខាំង និងជំរិតទារប្រាក់ពីខ្លួនអស់ចំនួន១២,០០០USD និង៨១,០០០USDT វេលាម៉ោង០០និង៣០នាទី ថ្ងៃទី៩ ខែឧសភា ឆ្នាំ២០២៦កន្លងទៅ។ តាមការបញ្ជាក់ពីជនរងគ្រោះ ក្រោយពីធ្វើសកម្មភាព ក្រុមជនសង្ស័យបានដឹករូបខ្លួនទៅដាក់នៅក្បែរអាកាសយានដ្ឋានអន្តរជាតិភ្នំពេញ ពោធិ៍ចិនតុង។

ក្រោយពីទទួលបានពាក្យបណ្តឹង កម្លាំងនាយកដ្ឋាននគរបាលព្រហ្មទណ្ឌបានធ្វើការស្រាវជ្រាវតាមនីតិវិធី និងជំនាញរកឃើញថា បន្ទាប់ពីធ្វើសកម្មភាពរួចក្រុមជនសង្ស័យបានយករថយន្តប្រព្រឹត្តបទល្មើសទៅផ្លុងចោលនៅចំណុចភូមិ១ សង្កាត់៣ ក្រុង-ខេត្តព្រះសីហនុ រួចក៏បានបន្តឡើងជិះរថយន្តតាក់ស៊ី១គ្រឿងម៉ាក Toyota Prius។

ក្រោយមកនៅថ្ងៃទី១៥​ ខែឧសភា​ ឆ្នាំ២០២៦​ កម្លាំងជំនាញនៃនាយកដ្ឋាននគរបាលព្រហ្មទណ្ឌ​ ដឹកនាំសហការជាមួយកម្លាំង​ជំនាញ នៃស្នងការដ្ឋាននគរបាលខេត្តព្រះសីហនុ បានធ្វើការឃាត់ខ្លួនជនសង្ស័យជាបន្តបន្ទាប់ចំនួន៨នាក់រួមមាន ១៖ ឈ្មោះ​ HUANG WENJING ភេទប្រុស​ អាយុ៣១ឆ្នាំ​ ជនជាតិចិន​ ត្រង់ចំណុចផ្លូវ113ខេ​ សង្កាត់កាកាប២​ ខណ្ឌពោធិ៍សែនជ័យ​ រាជធានីភ្នំពេញ។ ២៖ ឈ្មោះ​ YAW BAY NAR ភេទប្រុស​ អាយុ២៦ឆ្នាំ​ ជនជាតិមីយ៉ាន់ម៉ា។ ៣៖ ឈ្មោះ​ CHIT PO PO ភេទប្រុស​ អាយុ២៤ឆ្នាំ​ ជនជាតិមីយ៉ាន់ម៉ា។ ៤៖ ឈ្មោះ​ SAI MWAN KHAY ភេទប្រុស​ អាយុ២២ឆ្នាំ​ ជនជាតិមីយ៉ាន់ម៉ា។ ៥៖ ឈ្មោះ LI YANG ភេទប្រុស អាយុ៣៤ឆ្នាំ ជនជាតិចិន។ ៦៖ ឈ្មោះ LONG XIAOHUI ភេទប្រុស អាយុ៣៣ឆ្នាំ ជនជាតិចិន។ ៧៖ ឈ្មោះ CHEN XIAOQIANG ភេទប្រុស អាយុ៣៦ឆ្នាំ ជនជាតិចិន ត្រង់ចំណុចភូមិ៤​ សង្កាត់៤​ ក្រុង-ខេត្តព្រះសីហនុ​។ ៨៖ ឈ្មោះ​ SHAO MINGBO ភេទប្រុស​ អាយុ៣១ឆ្នាំ​ ជនជាតិចិន​ ត្រង់ចំណុចភូមិ៣ សង្កាត់៤ ក្រុង-ខេត្តព្រះសីហនុ។

ក្រោយពីឃាត់ខ្លួន ក្រុមជនសង្ស័យ​ត្រូវបានកម្លាំងជំនាញបញ្ជូនមកកាន់នាយកដ្ឋាននគរបាលព្រហ្មទណ្ឌដើម្បីធ្វើការសាកសួរ​ និងអនុវត្តតាមនិតិវិធីច្បាប៕

The post នគរបាលព្រហ្មទណ្ឌក្រសួងមហាផ្ទៃ បង្ក្រាបករណីជំរិតទារប្រាក់ បន្លំជានគរបាល ឃាត់ខ្លួនជនសង្ស័យ៨នាក់ appeared first on Kampuchea Thmey Daily.

ជនសង្ស័យជាស្ត្រីរូបនេះ នឹងត្រូវបាណបញ្ជូនទៅកាន់សាលាដំបូងខេត្តកណ្តាលនៅថ្ងៃសុក្រ ទី១៥ឧសភា នេះ ដើម្បីអនុវត្តនីតិវិធីចោទប្រកាន់ជាផ្លូវការពីបទ «ចាប់ជំរិត និងឃាតកម្មលើកុមារ»។ ទោះបីមានការឃាត់ជនសង្ស័យទី២ក៏ពិតមែន សមត្ថកិច្ចជំនាញក៏កំពុងបន្តកិច្ចប្រតិបត្តិការស៊ើបអង្កេតយ៉ាងសកម្មបន្ថែមទៀត ដើម្បីធានាថា គ្រប់បុគ្គលដែលពាក់ព័ន្ធទាំងអស់ត្រូវតែទទួលខុសត្រូវចំពោះមុខច្បាប់ជាដាច់ខាត។

សូមជម្រានថា ករណីចាប់ជំរិតទារប្រាក់លើក្មេងស្រីអាយុ៥ឆ្នាំបណ្ដាលឲ្យជនរងគ្រោះស្លាប់នេះ បានកើតឡើងនៅវេលាម៉ោង០៨និង៣០នាទី ថ្ងៃទី១០ ខែឧសភា ឆ្នាំ២០២៦ នៅចំណុចផ្ទះជនដៃដល់ឈ្មោះ គីម វណ្ណា ស្ថិតនៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្ដាល។ របាយការណ៍ជនដៃដល់ត្រូវជាពូសាច់ថ្លៃរបស់ជនរងគ្រោះ។

នៅចំពោះមុខសមត្ថកិច្ច ជនដៃដល់បានឆ្លើយសារភាពថា ខ្លួនពិតជាបានធ្វើសកម្មភាពតែម្នាក់ឯង ចាប់ឃុំឃាំង និងចាប់ជំរិតទារប្រាក់បណ្តាលឱ្យជនរងគ្រោះស្លាប់ ពិតប្រាកដមែន ដោយសារខឹងម្តាយជនរងគ្រោះមើលងាយក្រុមគ្រួសារខ្លួន និងខ្ចីលុយពីម្តាយជនរងគ្រោះមិនបាន។

តាមរយៈសាររប​ស់ជនដៃដល់ដែលបានផ្ញើទៅឪពុកម្តាយកុមារីរងគ្រោះ ជនដៃដល់បានបង្ខំឲ្យពួកគេផ្ញើលុយចំនួន ១ម៉ឺនដុល្លារតាមវីងឲ្យខ្លួន ដោយទុកពេលត្រឹម១ម៉ោងប៉ុណ្ណោះ បើលើសម៉ោងកំណត់សូមរង់ចាំសពកូនស្រីចុះ ហើយជនដៃដល់ក៏បានគំរាមកុំប្រាប់រឿងនេះដល់នគរបាល និងអ្នកជិតខាងដែរ៕

The post ករណីជំរិតទារប្រាក់ស្លាប់ក្មេងស្រីអាយុ៥ឆ្នាំនៅខេត្តកណ្ដាល មន្ត្រីជំនាញឃាត់ខ្លួនម្ដាយមីងបង្កើតជនរងគ្រោះម្នាក់ទៀត appeared first on Kampuchea Thmey Daily.

តាមរបាយការណ៍របស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល ករណីនេះកើតឡើងនៅវេលាម៉ោង០៨និង៣០នាទី ថ្ងៃទី១០ ខែឧសភា ឆ្នាំ២០២៦ នៅចំណុចផ្ទះជនដៃដល់ឈ្មោះ គីម វណ្ណា ស្ថិតនៅភូមិកូនជ្រែ ឃុំព្រែកអំបិល ស្រុកស្អាង ខេត្តកណ្ដាល។ របាយការណ៍ដដែលបញ្ជាក់ថា ជនដៃដល់ក៏ត្រូវជាពូសាច់ថ្លៃរបស់ជនរងគ្រោះផងដែរ។

បើតាមរបាយការណ៍របស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល នៅរាងរាល់ថ្ងៃសោរ៍ ឬថ្ងៃអាទិត្យ គ្រួសារជនរងគ្រោះតែងតែនាំជនរងគ្រោះចេញពីផ្ទះនៅក្រុងតាខ្មៅទៅលេងជីដូន ជីតា នៅភូមិកូនជ្រែ ឃុំព្រែកអំបិល ស្រុកស្អាង ដែលនៅទល់មុខគ្នាជាមួយផ្ទះជនសង្ស័យ។

នៅចំពោះមុខសមត្ថកិច្ច ជនដៃដល់បានឆ្លើយសារភាពថា ខ្លួនពិតជាបានធ្វើសកម្មភាពតែម្នាក់ឯង ចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស (ចាប់ជំរិតបណ្តាលឱ្យជនរងគ្រោះស្លាប់) ពិតប្រាកដមែន ដោយសារខឹងម្តាយជនរងគ្រោះមើលងាយក្រុមគ្រួសារខ្លួន និងខ្ចីលុយពីម្តាយជនរងគ្រោះមិនបាន។

តាមរយៈសាររប​ស់ជនដៃដល់ដែលបានផ្ញើទៅឪពុកម្តាយកុមារីរងគ្រោះ ជនដៃដល់បានបង្ខំឲ្យពួកគេផ្ញើលុយចំនួន ១ម៉ឺនដុល្លារតាមវីងឲ្យខ្លួន ដោយទុកពេលត្រឹម១ម៉ោងប៉ុណ្ណោះ បើលើសម៉ោងកំណត់សូមរង់ចាំសពកូនស្រីចុះ ហើយជនដៃដល់ក៏បានគំរាមកុំប្រាប់រឿងនេះដល់នគរបាល និងអ្នកជិតខាងដែរ។

ក្រោយជួបហេតុការណ៍ដ៏រន្ធត់នេះ ឪពុកម្តាយក្មេងស្រីរងគ្រោះបានប្តឹងទៅកម្លាំងនគរបាលភ្លាមៗ ហើយកម្លាំងនគរបាលជំនាញព្រហ្មទណ្ឌ សហការជាមួយនគរបាលមូលដ្ឋានបើកប្រតិបត្តិការ និងឈានដល់ការចាប់ខ្លួនជនដៃដល់ តែអកុសលក្មេងស្រីរងគ្រោះបានស្លាប់ទៅហើយ៕

The post សមត្ថកិច្ចបញ្ជាក់ពីករណីចាប់ជំរិតរហូតធ្វើឲ្យក្មេងស្រីអាយុ៥ឆ្នាំបាត់បង់ជីវិតនៅស្រុកស្អាង appeared first on Kampuchea Thmey Daily.

ក្រោមការបញ្ជាផ្ទាល់របស់នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស, លោក ម៉ាង ស៊ីណេត អភិបាលខេត្តព្រះសីហនុ និងលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ក្រោមការសម្របសម្រួលរបស់តំណាងអយ្យការអមសាលាដំបូងខេត្តព្រះសីហនុ។

បន្ទាប់ពីទទួលបានព័ត៌មានករណីចាប់ឃុំឃាំង និងបង្ខាំងមនុស្សដោយខុសច្បាប់ (ជំរិតទារប្រាក់), រំលោភសេពសន្ថវៈ, លក់-ដូរមនុស្ស និងករណីគ្រឿងញៀន ដែលប្រព្រឹត្ដកាលពីថ្ងៃទី២៩ ខែមេសា ឆ្នាំ២០២៦ រហូតដល់ថ្ងៃទី៦ ខែឧសភា ឆ្នាំ២០២៦ នៅចំណុចក្រុងព្រះសីហនុ និងក្រុងកំពង់សោម។ កាលពីថ្ងៃទី៦ ខែឧសភា ឆ្នាំ២០២៦ទៀបភ្លឺ កងកម្លាំងការិយាល័យព្រហ្មទណ្ឌបានទទួលបណ្ដឹងពីមិត្តភក្កិជនរងគ្រោះ មានករណីគេចាប់បង្ខាំងជំរិតទារប្រាក់ នៅក្នុងផ្ទះវីឡាមួយកន្លែងស្ថិតក្នុងភូមិ១ សង្កាត់លេខ២ ក្រុងព្រះសីហនុ ខេត្តព្រះសីហនុ។

ក្រោយពីទទួលបានបណ្ដឹងនៅវេលាម៉ោង ៨:៣០នាទីថ្ងៃខែឆ្នាំដដែល កម្លាំងកងរាជអាវុធហត្ថខេត្តដឹកនាំដោយលោកវរសេនីយ៍ទោ សួ ស៊ន ប្រធានមន្ទីរស្រាវជ្រាវ និងបង្ក្រាបបទល្មើស ដោយមានការសម្របសម្រួលនីតិវិធីពីលោក វុធ សាវី ព្រះរាជអាជ្ញារងនៃអយ្យការអមសាលាដំបូងខេត្តព្រះសីហនុ បានចុះទៅដល់ចំណុចផ្ទះវីឡាខាងលើ ប៉ុន្តែជនសង្ស័យបានយកជនរងគ្រោះចេញពីផ្ទះនោះបាត់ហើយ រួចកម្លាំងជំនាញបន្ដស្រាវជ្រាវ រហូតដល់ចំណុចខុនដូរ «ស្ដាបេ» ស្ថិតក្នុងភូមិ១ សង្កាត់លេខ៣ ក្រុងព្រះសីហនុ ខេត្ដព្រះសីហនុ បានធ្វើការនាំខ្លួនជនសង្ស័យ ចំនួន០៣នាក់ (ស្រី ០២នាក់)​ កម្លាំងជំនាញរកឃើញដកហូតវត្ថុតាងមួយចំនួន៖ រថយន្ដចំនួន ០១គ្រឿង ម៉ាក MAYBACH SG50 ពណ៌ខ្មៅ ផ្លាកលេខភ្នំពេញ 2AZ-6866 និងទូរស័ព្ទដៃ ចំនួន ០២គ្រឿង។

លុះដល់វេលាម៉ោង ១១:១០នាទី ថ្ងៃខែឆ្នាំដដែលកម្លាំងជំនាញ បានបន្តធ្វើការស្រាវជ្រាវដល់ចំណុចបុរី «លន់ស៊ីធី» ស្ថិតក្នុងភូមិចំណោតរាម សង្កាត់បិតត្រាំង ក្រុងកំពង់សោម ខេត្តព្រះសីហនុ ទើបជួយសង្គ្រោះជនរងគ្រោះ ជាជនជាតិចិន ព្រមទាំងឃាត់ខ្លួនជនសង្ស័យចំនួន០៣នាក់ (ប្រុស) ជនជាតិចិន និងដកហូតវត្ថុតាងរួមមាន៖ ទូរស័ព្ទដៃចំនួន០៣គ្រឿង, រថយន្ដចំនួន ០១គ្រឿង ម៉ាក PRLUS ពណ៌ស ផ្លាកលេខ 2BX-3076, ក្រណាត់បូពណ៌ទឹកមាស រុំថង់ខ្មៅបិទស្គុត (សម្រាប់រុំភ្នែក) ចំនួន០១ និងគ្រឿងញៀនមួយចំនួន។

តាមការស្រាវជ្រាវរបស់កម្លាំងជំនាញអាវុធហតហត្ថ ជនរងគ្រោះត្រូវបានជនសង្ស័យបោកប្រាស់ឱ្យមកប្រទេសកម្ពុជា ដែលក្រុមជនល្មើសមានអង្គការចាត់តាំង ដោយឱ្យស្ដ្រីដែលបម្រើការងារជានារីកំដរ ធ្វើការទាក់ទងជាមួយស្ដ្រីៗកំដរដូចគ្នា តាមរយៈកុហុកថា ជួយរកការងារឱ្យ (មានថៅកែចិញ្ចឹម)។ បន្ទាប់ពីចាញ់បោកការលួងលោម ស្រ្តីរងគ្រោះបានចាកចេញពីប្រទេសម៉ាឡេស៊ី ចូលមកប្រទេសកម្ពុជា ហើយក្រុមឧក្រិដ្ឋជន ក៏បានរៀបចំរថយន្ដទៅទទួលជនរងគ្រោះពីព្រលានយន្ដហោះថ្មី រួចដឹកមកខេត្ដព្រះសីហនុ និងយកមកឃុំឃាំងនៅក្នុងខុនដូរមួយកន្លែងចំកណ្ដាលទីក្រុង ព្រមទាំងជំរិតយកប្រាក់ពីជនរងគ្រោះ ដោយផ្ទេរប្រាក់ពីគណនីធនាគារចិន អស់ចំនួនជិត ៣០ម៉ឺនយ័ន និងបង្ខំជនរងគ្រោះរួមភេទ ប្រើប្រាស់គ្រឿងញៀន ប៉ុន្ដែ មិនប្រើហិង្សា ប៉ុន្ដែពួកគេបានបង្ខំឱ្យជនរងគ្រោះទាក់ទងទៅមិត្ដភក្ដិដែលជានារី ដើម្បីបោកបញ្ឆោតពួកគេ នឹងដោះលែងជនរងគ្រោះឱ្យមានសេរីភាពវិញ។ បន្ទាប់ពីជនរងគ្រោះអស់ប្រាក់ឱ្យពួកគេ គឺពួកគេបានលក់ជនរងគ្រោះ ឱ្យទៅក្រុមជនជាតិចិនផ្សេងទៀត ក្នុងតម្លៃ ៥ម៉ឺនដុល្លារ (USTD) បន្ដទៀត។

តាមរបាយការណ៍ដដែល បានគូសបញ្ជាក់ថា ចំពោះក្រុមឧក្រិដ្ឋខាងលើនោះ គឺបោកតែស្ដ្រីភាគច្រើនជានារីកំដរភ្ញៀវ បន្ទាប់ពីជំរិតអស់ប្រាក់ហើយ គោលបំណងរបស់ពួកគេ គឺលក់ជនរងគ្រោះឱ្យទៅក្រុមជួញដូរមនុស្ស មិនមានបំណងដោះលែងនោះទេ ប៉ុន្ដែបើជនរងគ្រោះស្ម័គ្រចិត្ដធ្វើតាមពួកគេ ដោយបោកនារីណាម្នាក់មកជំនួសនោះ ទើបក្រុមឧក្រិដ្ឋដោះលែងជនរងគ្រោះអាចមានសេរីភាពវិញ៕

The post អាវុធហត្ថខេត្តព្រះសីហនុ ចាប់ខ្លួនជនល្មើស៦នាក់ ដែលចាប់បង្ខាំង និង ជំរិតទារប្រាក់ពីស្ត្រីជនជាតិចិនដូចគ្នា appeared first on Kampuchea Thmey Daily.

យ៉ាង​ណា​ក្តីមាន​សិស្ស​និង​បុគ្គលិកបម្រើការងារជាង​ ២៥០នាក់ ​ត្រូវ​បាន​ចាប់​ខ្លួន​នៅ​លើផ្លូវម៉ារី ក្នុង​សាលាកាតូលិក ​​តំបន់ Papiri កាល​ពី​ថ្ងៃ​ទី ២១ខែ​ឆ្នូ​ ហើយ​ក្នុង​ដើម​ខែនេះ​ក្មេងៗ​ប្រហែល​១០០នាក់​ ត្រូវ​បាន​ដោះ​លែង​។

នៅ​ក្នុង​សេចក្តី​ថ្លែង​ការណ៍មួយ​អាជ្ញាធរ​បាន​បញ្ជាក់​ថា​៖ «​កុមារ និង​បុគ្គលិក​ចំនួន១៣០នាក់​ ការ​ត្រូវ​បាន​ជួយ​សង្គ្រោះ។ ហើយ​គ្មាន​​សិស្ស​ណា​​ម្នាក់​​ត្រូវ​​បាន​​ទុក​ឱ្យ​​នៅ​​ជាប់​​ឃុំ​​ទេ» ។

អ្នក​នាំ​ពាក្យ​ប្រធានា​ធិបតី​លោក Bayo Onanuga បាន​និយាយ​កាល​ពីថ្ងៃ​អាទិត្យថាសិស្ស​សរុប​ដែល​ត្រូវ​បាន​ដោះ​លែង​មាន​ចំនួន ២៣០​​នាក់​។

ចាប់​​តាំង​​ពី​​មាន​ការ​​ចាប់​​ជំរិត​​មក ចំនួន​​ពិត​​ប្រាកដ​​នៃ​​មនុស្ស​​ត្រូវ​​បាន​​គេ​ចាប់​យកទៅ​ និង​​​​អ្នក​ដែល​​​​ជាប់​​ឃុំ​​នៅ​​មិន​​ទាន់​​ដឹង​ច្បាស់នោះ​​ទេ។

ជាក់​ស្តែង​ព័ត៌មាន​នេះ​មិន​ត្រូវ​បាន​គេ​ផ្សព្វ​ផ្សាយ​ជា​សាធារណៈពី​របៀបដែល​រដ្ឋា​ភិបាលធ្វើ​ការ​ ដើម្បី​​ធានានូវ​​ការ​ចេញ​ផ្សាយ​ចុង​ក្រោយ​នេះ​​ទេ​ ថា​ប៉ុន្មាននាក់​ពិត​ជា​បាន​សង្រ្គោះ​​ និង​ប៉ុន្មាន​នាក់​ទៀត​មិន​ទាន់​ដោះ​​លែង​។

ទោះ​ជា​យ៉ាង​ណា​មិន​មាន​ភស្តុតាង​ច្បាស់​លាស់ ​ថា​អ្នក​ណា​នៅ​ពី​ក្រោយ​ការ​ចាប់​ជំរិត​នេះទេ ចំណែក​អ្នក​វិភាគ​ជា​ច្រើន​ជឿ​ថា​ពួក​គេ​ត្រូវ​បានចាប់​ដោយ​ក្រុម​ឧក្រិដ្ឋជន ​ដើម្បី​រក​ប្រាក់​ពី​បទ​ឧក្រិដ្ឋ​មួយ​នេះ ដោយ​ឱ្យ​ឳពុក​ម្តាយ​បង់​រំលោះ​ ករណី​បើ​គ្មាន​ប្រាក់​គ្រប់​គ្រាន់​។

កាល​ពី​ថ្ងៃ​ទី៩ ខែធ្នូ ប្រធានា​ធិបតី​នីហ្សេរីយ៉ា លោក​ Bola Ahmed Tinubu បាន​និយាយ​ថា រដ្ឋា​ភិបាល​របស់​លោក​នឹង​បន្ត​ធ្វើ​ការ​ជា​មួយប្រទេស​នីហ្សេរីយ៉ា និង​រដ្ឋ​ផ្សេង​ទៀត៖ «ដើម្បី​ធានា​ឱ្យ​បាន​នូវ​សាលា​រៀន​ដែល​មាន​សុវត្ថិភាព​ ​ធ្វើយ៉ាង​ណា​​ឱ្យ​បរិយាកាស​សិក្សា​កាន់​តែ​មាន​ភាព​ងាយ​ស្រួល​ និង​អំណោយ​ផល​សម្រាប់​ក្មេងៗ​របស់​យើង»។

គួរ​ឱ្យ​ដឹង​ផង​ដែរ​ថានៅភាគខាងជើងប្រទេសនីហ្សេរីយ៉ា ​​​ចន្លោះ​ខែមករា ឆ្នាំ២០២៣ ដល់​ខែ​មីនា ឆ្នាំ២០២៤ យ៉ាង​ហោច​ណាស់​មាន​ការ​ចាប់​ជំរិត​ទ្រង់​ទ្រាយ​ធំ​ចំនួន​ប្រាំផ្សេង​គ្នា​ នៅ​ក្នុង​បរិវេណ​សាលា​៕

អត្ថបទ៖ ណឺ មិនា

The post ​ប្រទេស​នីហ្សេរីយ៉ា​បាន​សង្រ្គោះ​សិស្សចំនួន​១៣០នាក់ បន្ទាប់​ពី​ការ​ចាប់​ជំរិត appeared first on Kampuchea Thmey Daily.

លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់ បានឲ្យដឹងថា ដោយមានបទបញ្ជាដ៏ខ្ពង់ខ្ពស់ ពីលោកឧត្តមសេនីយ៍ឯក ជួន ណារិន្ទ អគ្គស្នងការរង នឹងជាស្នងការនគរបាលរាជធានីភ្នំពរញ រួមជាមួយ ឧត្តមសេនីយ៍ត្រី ប៊ុន សត្យា ស្នងការរង និង លោកឧត្តមសេនីយ៍ទោ ញ៉ុង រស់មេត្តា ស្នងការងទទួលការិយាល័យកម្រិតធ្ងន់ បានបញ្ជាឲ្យកម្លាំងនគរបាលព្រហ្មទណ្ឌកម្រិតធ្ងន់ ចុះស្រាវជ្រាវករណីចាប់បង្ខាំងជនជាតិចិន និងជំរិតទារប្រាក់ចំនួន ៥មុឺន ២ពាន់ដុល្លារ កាលពីថ្ងៃទី១៥ ខែវិច្ឆិកា ឆ្នាំ២០២៥ វេលាម៉ោង០៣ និង២០នាទី ទៀបភ្លឺ នៅចំណុចខុនដូមួយកន្លែង តាមបណ្តោយផ្លូវលេខ៣៥២ ភូមិ៨ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

នាយការិយាល័យបានបន្តថា តាមការស្រាវជ្រាវតាមកាមេរ៉ាសុវត្ថិភាព ការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានសហការជាមួយអធិការដ្ឋាននគរបាលទាំង១៤ខណ្ឌ និងស្នងការដ្ឋាននគរបាលខេត្តកណ្ដាល , ខេត្តតាកែវ , ខេត្តកំពត ,សៀមរាប និងខេត្តព្រះសីហនុ កំណត់បាននូវទីតាំងរបស់ជនសង្ស័យ កំពុងពួនសម្ងំលាក់ខ្លួន រហូតឈានដល់ការបង្រ្កាបជនសង្ស័យចំនួន ០៨នាក់ ជាជនជាតិខ្មែរ។

ក្នុងនោះនគរបាលជំនាញបានដកហូតវត្ថុតាងពីជនសង្ស័យរួមមាន រថយន្តម៉ាកព្រុស ពណ៌ស ពាក់ស្លាកលេខ កំពត 2B-8818 , រថយន្តម៉ាកព្រុស ពណ៌ប្រផេះ ពាក់ស្លាកលេខ ភ្នំពេញ 2BQ-8101 , កាំភ្លើងខ្លី ០៤ដើម , ទូរស័ព្ទចំនួន ០៦គ្រឿង , គ្រាប់ចំនួន ៣៨គ្រាប់ , ខ្នោះដៃចំនួន ០៧ , សម្លៀកបំពាក់កងរាជអាវុធហត្ថចំនួន ០៤កំប្លេ , កាតកងរាជអាវុធហត្ថចំនួន ០២សន្លឹក(COPY) និងកាបូបស្ពាយចំនួន ០១។

បច្ចុប្បន្ន ជនសង្ស័យទាំង ០៨នាក់ខាងលើ ត្រូវបានការិយាល័យនគរបាលព្រហ្មទណ្ឌកម្រិតធ្ងន់ ធ្វើការកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីបន្តនីតិវិធីច្បាប់៕

អត្ថបទ ៖ រដ្ឋា

The post នគរបាលកម្រិតធ្ងន់ បង្ហាញមុខជនសង្ស័យ ០៨ នាក់ ក្លែងបន្លំឯកសណ្ឋានជា​សមត្ថកិច្ច ពាក់ព័ន្ធករណីចាប់បង្ខាំងមនុស្សខុសច្បាប់  appeared first on Kampuchea Thmey Daily.

ស្នងការដ្ឋាននគរបាលខេត្តព្រះសីហនុ ឱ្យដឹងតាមរយៈទំព័រហ្វេសប៊ុកផ្លូវការថា ជនសង្ស័យចំនួន៥នាក់ បានធ្វើសកម្មភាពចាប់ជនរងគ្រោះ ០១នាក់ ភេទប្រុស ជនជាតិប៉ាគីស្ថាន ចូលក្នុងរថយន្ត ១គ្រឿង ម៉ាក GS-300 ពណ៌ស នៅវេលាម៉ោង០៧ ព្រឹក ថ្ងៃទី១៤ ខែកញ្ញា ឆ្នាំ២០២៥ នៅចំណុច JR Bar ក្រុមទី១៤ ភូមិ៤ សង្កាត់លេខ៤ ក្រុង-ខេត្តព្រះសីហនុ។

តាមសមត្ថកិច្ចនៅក្នុងរថយន្ត ជនសង្ស័យបានវាយគំរាមជនរងគ្រោះយកប្រាក់ចំនួន ១,៤០០ដុល្លារអាមេរិក និងទូរសព្ទ័ ១គ្រឿង ម៉ាក IPhone 16 Pro Max ព្រមទាំងនិយាយគំរាមជនរងគ្រោះថា ២ថ្ងៃក្រោយ ត្រូវយកប្រាក់ឱ្យពួកគេចំនួន ១០,០០០ដុល្លារអាមេរិកទៀត ។ បន្ទាប់ពីកើតហេតុ ១ម៉ោងក្រោយមក នៅវេលាម៉ោងប្រហែល ០៨និង០០នាទី ថ្ងៃខែឆ្នាំដដែល ជនសង្ស័យបានយកជនរងគ្រោះមកទម្លាក់ចោលនៅក្នុងឆាយណាថោន ហើយជនសង្ស័យក៏បានបើករថយន្តគេចខ្លួនបាត់។ បន្ទាប់មក ជនរងគ្រោះ បានមកដាក់ពាក្យបណ្ដឹងនៅអធិការដ្ឋាននគរបាលក្រុងព្រះសីហនុ ។

ភ្លាមៗ សមត្ថកិច្ចបានបើកការស្រាវជ្រាវ រហូតនៅម៉ោងប្រហែល ១១៖ ៥៥នាទីយប់ ថ្ងៃទី១៤ ខែកញ្ញា  ដោយបានការសហការពីកម្លាំង នៃស្នងការដ្ឋាននគរបាលខេត្តកំពត សមត្ថកិច្ចបានឃាត់ខ្លួនជនសង្ស័យ ១នាក់ បន្ទាប់មក បានបន្តកិច្ចសហការជាមួយកម្លាំងអធិការដ្ឋាននគរបាលខណ្ឌសែនសុខ នៃស្នងការដ្ឋាននគរបាលរាជធានីភ្នំពេញ ធ្វើការឃាត់ខ្លួនបានបក្ខពួកជនសង្ស័យចំនួន ០២នាក់បន្ថែមទៀត ៕

The post សមត្ថកិច្ចខេត្តព្រះសីហនុ ចាប់បានជនសង្ស័យ៣នាក់ ករណីជំរិតទារប្រាក់ជាង១ម៉ឺនដុល្លារពីជនជាតិប៉ាគីស្ថានម្នាក់ appeared first on Kampuchea Thmey Daily.