យោងតាមការបញ្ជាក់ពីលោកស្នងការរង ប៊ុន សត្យា ទទួលផែនការងារព្រហ្មទណ្ឌរាជធានីភ្នំពេញ លោកប្រធានការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ និងលោកវរសេនីយ៍ឯក ម៉ម សាវន បានដឹកនាំកម្លាំង ចុះស្រាវជ្រាវ ករណីឆក់ទូរសព្ទ័ដៃ IPhone 17promax ពីស្រ្តីជនជាតិខ្មែរ នៅចំណុចផ្លូវលេខ ៣១២ កែង ២១ បាសាក់លេន ភូមិ ០៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ វេលាម៉ោង ០៧ ព្រឹក ថ្ងៃទី ០២ ខែឧសភា ឆ្នាំ ២០២៦ ដើម្បីកំណត់មុខសញ្ញាជនសង្ស័យខាងលើ។

លោកស្នងការរង បានបន្តថា លុះមកដល់ថ្ងៃទី ០៣ ខែឧសភា ឆ្នាំ ២០២៦ សមត្ថកិច្ចបានស្រាវជ្រាវ និងប្រទះឃើញជនសង្ស័យទាំង ០២ នាក់ កំពុងចាក់សាំងនៅស្ថានីយប្រេងឥន្ធនៈ ០១ កន្លែង លើបណ្តោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយឃាត់បញ្ជូនទៅស្នងការដ្ឋាននគរបាលរាជធានីភ្នំពេញតែម្តង។

បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងជំនាញការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
អត្ថបទ ៖ រដ្ឋា

The post បញ្ជូនជនសង្ស័យ ០២ នាក់ ឆក់ទូរស័ព្ទដៃ និងជាមុខសញ្ញាចាស់សកម្មធ្លាប់ជាប់ពន្ធនាគារ ទៅតុលាការ appeared first on Kampuchea Thmey Daily.

ជនសង្ស័យទាំង០២នាក់ ទី១ ឈ្មោះ ធឿន ប្រុសពៅ ភេទប្រុស អាយុ២០ឆ្នាំ ជនជាតិខែ្មរ មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវបេតុង  ភូមិខ្មែរលើ សង្កាត់គោករកា ខណ្ឌព្រែកព្នៅ រាជធានីភ្នំពេញ។២-ឈ្មោះអាង សុខជាតិ ភេទប្រុស អាយុ២៤ឆ្នាំ ជនជាតិខែ្មរ មុខរបរមិនពិតប្រាកដ មានទីលំនៅផ្ទះលេខ៧៣៨ ផ្លូវបេតុង  ភូមិអណ្ដូង៥ សង្កាត់គោករកា ខណ្ឌព្រែកព្នៅ រាជធានីភ្នំពេញ។

តាមនគរបាលបានឲ្យដឹងថា ជនសង្ស័យទាំង០២នាក់ត្រូវបានសមត្ថកិច្ចឃាត់ខ្លួននៅវេលាម៉ោងប្រមាណ ០១រសៀល ថ្ងៃទី២០ខែវិច្ឆិកាឆ្នាំ២០២៥ កម្លាំងប៉ុស្តិ៍នគរបាលរដ្ឋបាលគោករកា  នៃអធិការដ្ឋាននគរបាលខណ្ឌព្រែកព្នៅ បានសហការ ជាមួយកម្លាំងអធិការដ្ឋាននគរបាលខណ្ឌពោធិ៍សែនជ័យ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ឃាត់ខ្លួនបាននៅចំណុចនៅខាងកើតវត្តជុំ ក្នុងភូមិខ្មែរលើ សង្កាត់គោករការ ខណ្ឌព្រែកព្នៅ រាជធានីភ្នំពេញ។

គូបញ្ជាក់ថា កាលពីវេលាម៉ោង១១និង៤៤នាទីថ្ងៃត្រង់ ថ្ងៃទី១៨ខែវិច្ឆិកា ឆ្នាំ២០២៥ កន្លងទៅ ជនសង្ស័យមានគ្នាចំនួន ០៣នាក់ជិះម៉ូតូមួយគ្រឿងបានធ្វើសកម្មភាពឆក់ទូរស័ព្ទពីក្មេងកំពុងលេងហ្គេមនៅមុខក្បែរផ្ទះ ភូមិតឹក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ។ បន្ទាប់ពីឆក់ទូរស័ព្ទបានសម្រេចក្មេងបានស្រែកឆោឡោ ក្រោយមកក៏មានការបង្ហោះវីដេអូ ពីសកម្មភាពនៅក្នុងបណ្ដាញសង្គមនិងស៊ែរតៗគ្នាលុះរំលងបានពីរថ្ងៃជនសង្ស័យត្រូវបានសមត្ថកិច្ចស្រាវជ្រាវឃាត់ខ្លួនបានចំនួន០២នាក់និងម្នាក់ទៀតបានរត់គេចខ្លួនបាត់។

បច្ចុប្បន្នជនសង្ស័យទាំង០២នាក់ត្រូវបានសមត្ថកិច្ចបញ្ជូនទៅកាន់ការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលរាជធានីភ្នំពេញដើម្បីសាកសួរនិងចាត់ការតាមនីតិវិធី៕ អត្ថបទ៖សុភា

The post ជនសង្ស័យមួយក្រុមធើ្វសកម្មភាពឆក់ទូរស័ព្ទដៃ ក្មេងកំពុងអង្គុយលេងហ្គេមរត់គេចខ្លួនបាន២ថ្ងៃ ត្រូវជាប់ខ្នោះសមត្ថកិច្ច appeared first on Kampuchea Thmey Daily.

ករណីឆក់កាបូប និងមានផ្ទុះអាវុធនេះ បានកើតឡើងកាលពី២រំលងអធ្រាត្រថ្ងៃទី១១ ខែសីហា ឆ្នាំ២០២៥ នៅមុខវត្តរស្មីសោភណារាម (វត្តសន្លូង) តាមបណ្ដោយផ្លូវជាតិលេខ២ ភូមិព្រះពុទ្ធ ស្រុកកណ្ដាលស្ទឹង ខេត្តកណ្ដាល ជាប់ព្រំខណ្ឌដង្កោ។

តាមប្រភពព័ត៌មាន មុនកើតហេតុមាននារី២នាក់ បានជិះម៉ូតូកង់បីពីមូលដ្ឋានស្រុកទន្លេបាទី ខេត្តតាកែវ ដើម្បីទៅក្រុងតាខ្មៅ ខេត្តកណ្ដាល។ នៅពេលដំណើរតាមផ្លូវជាតិលេខ២ មកដល់កន្លែងកើតហេតុមានជនសង្ស័យ៣នាក់ ជិះម៉ូតូ ២គ្រឿង ម៉ាកហុងដាឌ្រីម១គ្រឿង និងហុងដាខ្លីក១គ្រឿង បានធ្វើសកម្មភាពឆក់កាបូបពីនារីរងគ្រោះបណ្តាល​ឲ្យ​កាបូប​ធ្លាក់​លើក​ផ្លូវ​ ហេីយ​ពេល​នោះ​ក្រុម​ជន​សង្ស័យ​បានជិះ​បកមក​រេីស​យក​កាបូប​វិញ​ និងបានដកកាំភ្លើងបាញ់គំរាមចំនួន ២គ្រាប់។ បន្ទាប់មកជនសង្ស័យម្នាក់បានរត់គេចខ្លួនជាមួយកាបូប ខណៈជនសង្ស័យ២នាក់ ដែលជិះម៉ូតូហុងដាឌ្រីម ត្រូវប្រជាពលរដ្ឋដែលឃើញហេតុការណ៍ជិះម៉ូតូបំបុកបណ្ដាលឲ្យដួលរងរបួស​ និងឃាត់ខ្លួនប្រគល់សមត្ថកិច្ច។

ក្នុងហេតុការណ៍នេះ សមត្ថកិច្ចបានដកហូតសម្ភារៈរួមមាន កាបូបមួយ ទូរស័ព្ទ១គ្រឿង ម៉ូតូហុងដាឌ្រីម ពណ៌ខ្មៅ ស្លាកលេខ ស្វាយរៀង 1T-2523 កាំភ្លើងខ្លីមួយដើម និងគ្រាប់កាំភ្លើង៣គ្រាប់។

ជនរងគ្រោះបានបញ្ជាក់ថា សម្ភារៈដែលបាត់បង់មានទូរស័ព្ទ iPhone 15 Pro Max មួយគ្រឿង និងលុយសរុប ២០ម៉ឺនរៀល។ បច្ចុប្បន្ន សមត្ថកិច្ចស្រុកកណ្ដាលស្ទឹង កំពុងដឹកនាំជនសង្ស័យ និងវត្ថុតាង ទៅសួរនាំបន្តតាមនិតិវិធី៕

អត្ថបទ៖ សំណាង

The post ពលរដ្ឋជិះម៉ូតូបំបុកជនសង្ស័យពីរនាក់ក្រោយ​ឆក់កាបូបពីនារីម្នាក់ និងបាញ់គំរាមពីរគ្រាប់ appeared first on Kampuchea Thmey Daily.

តាម​ប្រភព​ព័ត៌មាន​ពី​ជនរងគ្រោះ​បាន​និយាយ​ប្រាប់​ថា នៅ​មុន​ពេល​កើតហេតុ ជនរងគ្រោះ​ជិះ​ម៉ូតូ ម៉ាក​ស៊ុយ​សូ​គី​និ​ច ពណ៌​ទឹកប្រាក់ ពាក់​ស្លាក​លេខ ភ្នំពេញ 1GG-5615 ធ្វើដំណើរ​តាម​បណ្ដោយ​ផ្លូវ ១០០៣ ក្នុង​ទិសដៅ​ពី​ជើង​ទៅ​ត្បូង លុះ​មក​ដល់​ចំណុច​កើតហេតុ ស្រាប់​តែ​មាន​ជនសង្ស័យ ២ នាក់ ជិះ​ម៉ូតូ​ម៉ាក ស៊ុយ​សូ​គី​និ​ច ពណ៌​ស​លាយ​លឿង ពាក់​ស្លាក​លេខ ​ភ្នំពេញ ​1IH-9959 ធ្វើដំណើរ​តាម​មកពី​ក្រោយ រួច​ធ្វើ​សកម្មភាព​ឆក់​ទូរស័ព្ទ​ដៃ​ជនរងគ្រោះ​បាន​ហើយ​ព្យាយាម​បើក​រត់​ពី​កន្លែង​កើតហេតុ។

ជនរងគ្រោះ​បន្ត​ថា បន្ទាប់មក​ជនរងគ្រោះ​បាន​ជិះ​ម៉ូតូ​ដេញ​តាម កៀរ រហូត​ដួល​ទាំង​ម៉ូតូ​ជនរងគ្រោះ និង​ម៉ូតូ​ជនសង្ស័យ បណ្តាល​ឲ្យ​ជនសង្ស័យ​ម្នាក់​បាក់​ដៃ​ម្ខាង ត្រូវ​បាន​ជនរងគ្រោះ​ឃាត់​បាន​ម្នាក់។ ចំណែក​ជនសង្ស័យ​ម្នាក់ទៀត ​រត់​គេច​ខ្លួន តែ​ត្រូវ​សមត្ថកិច្ច និង​សន្តិសុខ នាំគ្នា​ឃាត់​បាន​ភ្លាមៗ។ ចំពោះ​ទូរស័ព្ទ​ដែល​ជនសង្ស័យ​ឆក់​នោះ គឺ ម៉ាក អាយ​ហ្វូន ១២ ប្រូ​មិច។

ក្រោយពេល​កើតហេតុ​សមត្ថកិច្ច​នគរបាល​ជំនាញ​ព្រហ្មទណ្ឌ​ខណ្ឌ​សែន​សុខ បាន​នាំ​ជនសង្ស័យ​ម្នាក់ យក​ទៅ​សួរនាំ។ ចំណែក​ជនសង្ស័យ​ម្នាក់ទៀត​ បាក់​ដៃ​ម្ខាង​ ត្រូវ​បាន​សមត្ថកិច្ច​នគរបាល​ខណ្ឌ​សែន​សុខ បញ្ជូន​ទៅ​សង្គ្រោះ​បន្ទាន់​នៅ​មន្ទីរពេទ្យ​ព្រះកុសុមៈ ដើម្បី​បន្ត​តាម​នីតិវិធី​ច្បាប់​បន្ត៕

អត្ថបទ ៖ សំណាង

The post ជនសង្ស័យ ២ នាក់ ឆក់ទូរស័ព្ទបានហើយ ត្រូវជនរងគ្រោះដេញតាមដួលម៉ូតូ ឃាត់ប្រគល់ជូនសមត្ថកិច្ច appeared first on Kampuchea Thmey Daily.

ហេតុការណ៍​នេះ​បាន​បង្ក​ការ​ភ្ញាក់ផ្អើល​កាលពី​វេលា​ម៉ោង ២ យប់ ឈាន​ចូល​ថ្ងៃ​ទី ២៤ ខែ​មីនា ឆ្នាំ ២០២៥ នៅ​ចំណុច​ម្ដុំ​មាត់ទន្លេ សង្កាត់​ជ័យជំនះ ខណ្ឌ​ដូនពេញ រាជធានី​ភ្នំពេញ។

ប្រភព​ពី​នារី​ម្នាក់​ដែល​នៅ​ជាមួយ​ជនបរទេស​បាន​ឲ្យ​ដឹង​ថា មុនពេល​កើតហេតុ​មាន​ជនសង្ស័យ​បាន​ធ្វើ​សកម្មភាព​ឆក់​យក​ទូរស័ព្ទ​ដៃ​ពី​បុរស​បរទេស​ខាងលើ រួច​ព្យាយាម​បើក​រត់ ស្រាប់តែ​ពេលនោះ​មាន​គ្នា​បរទេស​បើក​ម៉ូតូ​ដេញ​តាម។

នារី​ខាងលើ​បាន​បន្ត​ថា ខណៈ​ពេល​ដេញ​តាម​នោះ គាត់​បាន​មើល Maps តាម​នាឡិកា​ដៃ រហូត​តាម​មក​ទាន់​នៅ​ផ្លូវ ១៥៤ កែង ១៩ ក្នុង​មូលដ្ឋាន​សង្កាត់​ផ្សារកណ្ដាល​ទី ២ ក៏បាន​ធាក់​ម៉ូតូ​ជនសង្ស័យ​ដួល និង​ឃាត់​ម្នាក់ ចំណែក​ម្នាក់ទៀត​បាន​លើក​ម៉ូតូ​ជិះ​គេច​ខ្លួន​បាត់។

ចំពោះ​ករណី​នេះ​ដែរ​ត្រូវ​បាន​ជនសង្ស័យ​និយាយ​ប្រាប់​ប្រជាពលរដ្ឋ និង​ក្រុម​ជនបរទេស​ថា ខ្លួន​មិន​បាន​ឆក់​ទេ តែ​ទោះជា​យ៉ាង​ណា ក៏​ក្រុម​បរទេស​ខាង​លើ​នេះ​នៅតែ​ចោទ​លើ​យុវជន​នោះ​ថា ពិតជា​បាន​ធ្វើ​សកម្មភាព​ឆក់​គាត់​មែន។

បន្ទាប់ពី​សមត្ថកិច្ច​ប៉ុស្តិ៍​ផ្សារ​កណ្ដាល​ទី ២ បាន​ចុះ​មក និង​នាំ​ខ្លួន​ជនសង្ស័យ​ខាងលើ​ទៅ​ធ្វើ​ការ​សួរនាំ​ ដើម្បី​ឲ្យ​ដឹង​ច្បាស់​ថា​ករណី​ខាង​លើ​នេះ​ឆក់​នៅ​ទីណា​។ ក្រោយពី​យក​ដល់​ប៉ុស្តិ៍ ទើប​សមត្ថកិច្ច​សួរនាំ​ទៅ​បាន​ដឹង​ថា ឆក់​នៅ​ម្ដុំ​មាត់ទន្លេ សង្កាត់​ជ័យជំនះ តែ​ក្រុម​ជនបរទេស​តាម​ទាន់​នៅ​ផ្លូវ ១៥៤ កែង ១៩ សង្កាត់​ផ្សារ​កណ្ដាល​ទី ២។

បច្ចុប្បន្ន​ជនសង្ស័យ និង ជនរងគ្រោះ ត្រូវ​បាន​សមត្ថកិច្ច​ប៉ុស្តិ៍​ផ្សារ​កណ្ដាល​ទី ២ ដឹក​យក​ទៅ​ប្រគល់​ឲ្យ​ប៉ុស្តិ៍​ជ័យជំនះ​វិញ ដើម្បី​សួរនាំ និង​អនុវត្ត​នីតិវិធី​ច្បាប់៕

អត្ថបទ ៖ សំណាង

The post ជនបរទេសមួយក្រុម ដេញឃាត់យុវជនម្នាក់ ចោទថាឆក់ទូរស័ព្ទដៃ appeared first on Kampuchea Thmey Daily.

ហេតុការណ៍​នេះ​បង្ក​ឲ្យ​មាន​ការ​ភ្ញាក់ផ្អើល​កាលពី​វេលា​ម៉ោង ៩ និង ៣៥ នាទី​យប់ ថ្ងៃ​ទី ១៩ ខែ​មករា ឆ្នាំ ២០២៥ ចំណុច​ផ្លូវ ២០០៤ ភូមិ​ត្រពាំង​ល្វា សង្កាត់​កា​កាប​ទី ១ ខណ្ឌ​ពោធិ៍​សែន​ជ័យ រាជធានី​ភ្នំពេញ។

ប្រភព​ព័ត៌មាន​បញ្ជាក់​ពី​ជនរងគ្រោះ​ខាង​លើ បាន​ឲ្យ​ដឹង​ថា មុន​ពេល​កើតហេតុ ខណៈ​ជនរងគ្រោះ​ជិះ​ម៉ូតូ​មក​រក​ទិញ​ទឹកដោះគោ​ឲ្យ​កូន ស្រាប់តែ​លេច​មុខ​ជនសង្ស័យ​ម្នាក់ ជិះ​ម៉ូតូ ១ គ្រឿង ម៉ាក​ស្កុប​ពី ពណ៌​ស ពាក់​ស្លាក​លេខ​ភ្នំពេញ 1KK-1751 មក​ធ្វើ​សកម្មភាព​ឆក់​យក​ទូរសព្ទ​ពី​នារី​ជនរងគ្រោះ ម៉ាក IPhon 12 ១ គ្រឿង ដែល​ជាប់​ប្រព័ន្ធ ICLOUD បាន​សម្រេច។ បន្ទាប់មក ជនសង្ស័យ​រូប​នោះ ក៏​ជិះ​ម៉ូតូ​រត់​គេច​ខ្លួន​ពី​សង្កាត់​ចោមចៅ ៣ ទៅ​ឈប់​ម៉ូតូ​ទុកចោល​មុខ​ផ្ទះ​ប្រជាពលរដ្ឋ​មួយ​កន្លែង ស្ថិត​នៅ​ចំណុច​ផ្លូវ ២០០៤ ភូមិ​ត្រពាំង​ល្វា សង្កាត់​កាកាប​ទី ១ ខណ្ឌ​ពោធិ៍​សែន​ជ័យ។

ជនរងគ្រោះ​ បន្ត​ថា បន្ទាប់មក​ជនរងគ្រោះ​បាន​ឆែក​តាម​ប្រព័ន្ធ ICLOUD តាម​មក​បាត់​នៅ​ចំណុច​ខាងលើ ក៏​ទាក់ទង​ទៅ​កម្លាំង​អាវុធហត្ថ​ខណ្ឌ ឲ្យ​ជួយ​អន្តរាគមន៍ ស្រាវជ្រាវ​រក។ ខណៈ​ពេលនោះ កងកម្លាំង​បាន​ចុះ​មក​ព័ទ្ធ​ជុំវិញ​ទីតាំង​ខាងលើ តែ​ជនសង្ស័យ​ហាក់​ដូច​ជា​ដឹងខ្លួន​ជាមុន ក៏​ផ្លោះ​រត់​គេច​ខ្លួន​ពី​ដំបូល​ផ្ទះ​មួយ​ទៅ​ផ្ទះ​មួយ​គេច​ខ្លួន​បាត់​ស្រមោល​ទៅ។

ក្រោយ​កើតហេតុ កម្លាំង​អាវុធហត្ថ បាន​យក​ម៉ូតូ​ជនសង្ស័យ​ទៅ​រក្សាទុក​នៅ​ផ្នែក​ជំនាញ​អាវុធហត្ថ​ខណ្ឌ​ពោធិ៍​សែន​ជ័យ និង​ទទួល​ពាក្យបណ្ដឹង​ពី​ជនរងគ្រោះ ដើម្បី​កំណត់​ស្រាវជ្រាវ​រក​មុខ​សញ្ញា​ជនសង្ស័យ​មក​ផ្ដន្ទាទោស​តាម​ផ្លូវ​ច្បាប់​ថ្ងៃក្រោយ៕

អត្ថបទ ៖ សំណាង

The post ឆក់ទូរស័ព្ទបានសម្រេច តែជាប់ ICloud ម្ចាស់ប្ដឹងប៉េអិម តាមទាន់ ទុកម៉ូតូរត់គេចបាត់ appeared first on Kampuchea Thmey Daily.

ជនសង្ស័យ​ខាង​លើ បាន​ធ្វើ​សកម្មភាព​ត្រង់​ចំណុច​បុរី​ចំការ​ដូង សង្កាត់​ដង្កោ ខណ្ឌ​ដង្កោ រាជធានី​ភ្នំពេញ កាលពី​វេលា​ម៉ោង ០៨ យប់ ថ្ងៃ​ទី ១៦ ខែ​ធ្នូ ឆ្នាំ ២០២៤។

តាម​សម្ដី​ជនរងគ្រោះ បាន​ឲ្យ​ដឹង​ថា នៅ​មុន​ពេល​កើតហេតុ ខណៈ​ជនរងគ្រោះ​ជិះ​ម៉ូតូ​ដោយ​ទុក​ទូរស័ព្ទ​ក្នុង​ឃ្លុប​ម៉ូតូ​តាម​ដង​ផ្លូវ ក៏​មាន​ជនសង្ស័យ ០២ នាក់ ជិះ​ម៉ូតូ ០១ គ្រឿង ម៉ាក​ហុងដា​ឌ្រីម​សង់ ២០២២ ពណ៌​ខ្មៅ ពាក់​ស្លាក​លេខ​ភ្នំពេញ 1KE-2274 មក​ក្បែរ​ធ្វើ​សកម្មភាព​ឆក់​យក​បានសម្រេច​ហើយ​ជិះ​គេចខ្លួន​ពី​ចំណុច​កើតហេតុ។ ពេលនោះ​ដែរ ជនរងគ្រោះ​បាន​ស្រែក​ចោរៗ ហើយ​ជិះ​ម៉ូតូ​ប្រដេញ​តាម​ពីក្រោយ ក៏​មាន​ប្រជាពលរដ្ឋ​ឃើញ​នាំគ្នា​ដេញ​តាម​ពីក្រោយ​រហូត​ដល់​ស្តុប​ទួល​ពង្រ ក្នុង​សង្កាត់​ចោមចៅ​ទី ០១ ស្រាប់តែ​ជនសង្ស័យ​ជិះ​ម៉ូតូ​ទៅ​បុក​ជាមួយ​នឹង​ម៉ូតូ ០១ គ្រឿង​ទៀត ដែល​ឈប់​រង់ចាំ​ស្តុប បណ្ដាល​ឲ្យ​ដួល​ខ្ទាត​ប៉ះ​នឹង​បង្គោល​ស៊ីម៉ងត៍។ ភ្លាមៗ នោះ ប្រជាពលរដ្ឋ​នាំ​គ្នា​ឃាត់ខ្លួន​បាន​ម្នាក់​ភ្លាមៗ រីឯ​ម្នាក់ទៀត​រត់ចោល​គ្នា​បាត់ស្រមោល។ លុះ​ក្រោយ​មក ពលរដ្ឋ​បាន​ទាក់​ទង​ទៅ​សមត្ថកិច្ច​មូលដ្ឋាន​ចុះ​មក​អន្តរាគមន៍​ភ្លាមៗ និង​នាំ​ខ្លួន​ជនសង្ស័យ​យក​ទៅ​ប៉ុស្តិ៍ ដើម្បី​សួរនាំ។

បច្ចុប្បន្ន​ជនសង្ស័យ​ខាងលើ រួម​នឹង​វត្ថុតាង ត្រូវ​បាន​សមត្ថកិច្ច​នគរបាល​សង្កាត់​ចោមចៅ ០១ ខណ្ឌ​ពោធិ៍​សែន​ជ័យ ប្រគល់​ទៅ​ឲ្យ​ម្ចាស់​ករណី​ខណ្ឌ​ដង្កោ​វិញ ដើម្បី​ធ្វើការ​ស្រាវជ្រាវ​រក​បក្ខពួក​បន្ត​ចាត់ការ​តាម​នីតិវិធី​ផ្លូវច្បាប់៕

អត្ថបទ ៖ សំណាង

The post ជនសង្ស័យ ០២ នាក់ ឆក់ទូរស័ព្ទបានសម្រេច ជិះម៉ូតូគេចខ្លួន ជ្រុលបុកម៉ូតូ ០១ គ្រឿងទៀត ឃាត់បានម្នាក់ appeared first on Kampuchea Thmey Daily.

ហេតុការណ៍​ឃាត់ខ្លួន​នេះ​កាលពី​វេលា​ម៉ោង ២១ និង ២០ នាទី ថ្ងៃ​ទី ២៤ ខែ​វិច្ឆិកា ឆ្នាំ ២០២៤ នៅ​តាម​បណ្ដោយ​ផ្លូវ ២៥៧ សង្កាត់​បឹងកក់​ទី ២ ខណ្ឌ​ទួលគោក រាជធានី​ភ្នំពេញ។

លោក​ឧត្ដមសេនីយ៍​ត្រី ប៊ុត វណ្ណារដ្ឋ អនុ​ប្រធាន​នាយកដ្ឋាន បាន​ប្រាប់​ឱ្យ​ដឹង​ថា ដោយ​អនុវត្ត​តាម​បទបញ្ជា​របស់​លោក​ឧត្ដមសេនីយ៍​ឯក ង៉េង ជួរ ប្រធាន​នាយកដ្ឋាន បាន​ឱ្យ​រូបលោក​ដឹកនាំ​កម្លាំង​ជំនាញ​ការិយាល័យ​ប្រដេញ​ម៉ូតូ (​នាម​សាគរ​ជ័យ​) ចេញ​ល្បាត​ជាប្រចាំ ដើម្បី​បង្ការ បង្ក្រាប ទប់ស្កាត់​បទល្មើស​ជាក់ស្ដែង នៅ​វេលា​ម៉ោង​ខាងលើ ក៏​ឃើញ​ជនសង្ស័យ​ចំនួន ៣ នាក់ ជិះ​ម៉ូតូ ២ គ្រឿង បាន​ធ្វើ​សកម្មភាព​ឆក់​ទូរស័ព្ទ​ដៃ​ពី​បុរស​រងគ្រោះ​(​ជន​ជាតិ​ចិន​) កំពុង​ជិះ​កង់​បី​ឥណ្ឌា តែ​មិនបាន​សម្រេច។ ភ្លាម​នោះ កម្លាំង​ជំនាញ​នាយកដ្ឋាន បាន​ធ្វើការ​ប្រដេញ និង​ឃាត់​បាន​ជនសង្ស័យ​ម្នាក់ រួម​ទាំង​ម៉ូតូ ១ គ្រឿង ផង​ដែរ។

ប្រភព​ដដែល​បាន​ឱ្យ​ដឹង​ទៀត​ថា ជនសង្ស័យ​ដែល​ឃាត់​បាន​មាន​ឈ្មោះ មី ពន្លឺ អាយុ ២៤ ឆ្នាំ ជនជាតិ​ខ្មែរ មុខរបរ​មិន​ពិតប្រាកដ ទីកន្លែង​ស្នាក់នៅ​ផ្ទះ​ជួល​មិន​ចាំ​លេខ ផ្លូវលំ សង្កាត់​គីឡូ​លេខ ៦ ខណ្ឌ​ឫស្សីកែវ រាជធានី​ភ្នំពេញ​ (​ជា​អ្នក​បិទគូទ​)។ រីឯ​ជនសង្ស័យ​មាន​ឈ្មោះ ហ្វីន និង​ឈ្មោះ ជូ ដែល​ជា​ជន​ដៃដល់​បាន​ជិះ​រត់​គេច​ខ្លួន​បាត់។

បច្ចុប្បន្ន ជនសង្ស័យ ត្រូវ​បាន​ជំនាញ​ការិយាល័យ នៃ​នាយកដ្ឋាន​នគរបាល​ព្រហ្មទណ្ឌ កសាង​សំណុំរឿង ដើម្បី​បញ្ជូន​ទៅ​តុលាការ​ចាត់ការ​បន្ត​តាម​នីតិវិធី​ច្បាប់៕

អត្ថបទ ៖ សំណាង

The post ឆក់ទូរស័ព្ទពីជនបរទេសមិនសម្រេច មកជាប់អន្ទាក់សមត្ថកិច្ចនាយកដ្ឋាន​នគរបាលព្រហ្មទណ្ឌ appeared first on Kampuchea Thmey Daily.