ដោយអនុវត្តតាមបទបញ្ជារបស់លោកនាយឧត្តមសេនីយ៍ ស ថេត អគ្គស្នងការនគរបាលជាតិ, លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កាលថ្ងៃទី២១ ខែមេសា ឆ្នាំ២០២៦ វេលាម៉ោង១៧៖២៥នាទី លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន ចូលរួមដោយលោកវរសេនីយ៍ឯក ញ៉ែម វ៉ន នាយការិយាល័យ និងលោកវរសេនីយ៍ទោ ប៊ុត ស៊ីម៉េង នាយការិយាល័យ បានដឹកនាំកម្លាំងជំនាញធ្វើការស្រាវជ្រាវរហូតឈានដល់ឃាត់ខ្លួនជនសង្ស័យម្នាក់ ស្ថិតនៅត្រង់ចំណុចភូមិសុបិន្ដ ឃុំត្រពាំងគង ស្រុកសំរោងទង ខេត្តកំពង់ស្ពឺ ដោយសហការជាមួយកម្លាំងនគរបាលខេត្តកំពង់ស្ពឺ។ ជនសង្ស័យពាក់ព័ន្ធនឹងករណីលួចមានស្ថានទម្ងន់ទោស(ឆក់ទូរស័ព្ទ និងកាបូប) ដែលបានប្រព្រឹត្តនៅថ្ងៃទី១៩ ខែមេសា ឆ្នាំ២០២៦ វេលាម៉ោង០៩:៥០នាទី នៅត្រង់ចំណុចផ្លូវលេខ៧៣BT ភូមិចំរើនផល សង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។

ជនសង្ស័យខាងលើឈ្មោះ ហៀង ឧត្តម ភេទប្រុស អាយុ២៣ឆ្នាំ ជនជាតិខ្មែរ ក្នុងនោះកម្លាំងសមត្ថកិច្ចជំនាញដកហូតសម្ភារៈជាមធ្យោបាយធើ្វសកម្មភាព ម៉ូតូ ០១គ្រឿងម៉ាក ហុងដា សង់សេ១២៥ ពណ៌ខ្មៅ ពាក់ស្លាកលេខ ភ្នំពេញ 1MG-7104។

បច្ចុប្បន្នកម្លាំងជំនាញនាំជនសង្ស័យខាងលើ យកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕

The post នាយកដ្ឋាននគរបាលព្រហ្មទណ្ឌ ស្រាវជ្រាវឃាត់ខ្លួនជនសង្ស័យ១នាក់ឆក់យ៉ាងសកម្មក្នុងភូមិសាស្ត្រខណ្ឌមានជ័យ appeared first on Kampuchea Thmey Daily.

ហេតុការណ៍​បង្ក​ការ​ភ្ញាក់ផ្អើល​កាលពីវេលាម៉ោង ១២ និង ៣០ នាទី​ថ្ងៃត្រង់ ថ្ងៃទី១៧ ខែមេសា ឆ្នាំ២០២៥ ស្ថិតក្នុងចំណុចភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។

បើ​យោង​តាម​ប្រភព​ព័ត៌មាន​ពី ជនរងគ្រោះ​ឱ្យ​ដឹង​ថា មុន​ពេល​កើតហេតុ គាត់​បាន​បើកហាង​លក់​ដូរ​គ្រឿង​អលង្ការ មាស និង ផ្លាកទីន ដូចសព្វថ្ងៃ លុះ​ដល់វេលាម៉ោង ១១ និង ២០ នាទី ព្រឹកថ្ងៃដដែល ពេល​ឃើញ​ជន​រងគ្រោះ​កំពុង​តែ​អង្គុយ​លក់​តែ​ម្នាក់​ឯង ភ្លាម​នោះ​ក៏​បាន​ឃើញ​ជន​សង្ស័យបានជិះម៉ូតូមួយគ្រឿងខាងលើ មកឈប់​នៅ​ចំណុច​ខាង​មុខហាង រួច​ក៏​បាន​ដើរ​ចូល​មក​និយាយថា “ខ្ញុំចង់ទិញខ្សែក” ហើយក៏ជនរងគ្រោះបានយកខ្សែកចំនួន០១ខ្សែ ដើម្បី​ឱ្យជនសង្ស័យមើល រួច​មក​ជនសង្ស័យ ថាមិនទាន់ពេញចិត្តទេ ក៏​បាន​សុំ​ជនរងគ្រោះ​មើលខ្សែក​មួយ​ខ្សែ​ទៀត និង ខ្សែដៃ ពេល​នោះ​ជនរងគ្រោះក៏បានយកមកឱ្យមើល ស្រាប់តែជនសង្ស័យ បានយកខ្សែក​ចំនួន​០២ខ្សែ រួមជាមួយខ្សែដៃផ្លាកទីនចំនួន០១ខ្សែ ដាក់​ចូល​ក្នុង​ហោប៉ៅខោ រួច​រត់​ឡើងជិះម៉ូតូដើម្បីរត់គេចខ្លួន ។

ភ្លាមៗនោះជនរងគ្រោះ ឃើញបែបនេះ ក៏បានស្ទុះចេញពីក្នុងតូបលក់គ្រឿងអលង្ការ រត់​តាម​ពី​ក្រោយ រួចបានប្រតាយប្រតប់គ្នា​ជាមួយជនសង្ស័យ រួច​ក៏​បាន​យក​ដៃ​កាច់​បិទ​សោ​ម៉ូតូ​ជនសង្ស័យ ពេល​នោះម៉ូតូរបស់ជនសង្ស័យបានដួល បន្ទាប់​មក​ជនសង្ស័យបានស្ទុះមកវាយ ជនរងគ្រោះដើម្បីដណ្ដើមកូនសោ​ម៉ូតូវិញ ប៉ុន្តែស្របពេលដែលឃើញបែបនេះ ក៏ បងប្អូនប្រជាពលរដ្ឋបាននាំគ្នាចេញមកជួយចាប់ជនសង្ស័យ និង ស្វាគមន៍យ៉ាងចាស់ដៃតែម្តង ទើបប្រញាប់ប្រញាល់រាយការណ៍ជូនកម្លាំង ប៉ុស្តិ៍​នគរបាល​រដ្ឋត្រពាំងវែង សហការ​ជាមួយកម្លាំងនគរបាលជំនាញព្រហ្មទណ្ឌស្រុកកណ្ដាលស្ទឹង ធ្វើ​ការ​ចាប់ឃាត់ខ្លួនបញ្ជូល​មក​ធ្វើ​ការ​សួរនាំ។

បើតាមសមត្ថកិច្ចបានបញ្ជាក់ថា សង្ស័យមានឈ្មោះ ស៊ុន លីប៉េង ភេទប្រុស អាយុ២២ឆ្នាំ រស់នៅភូមិប៉ី ឃុំបឹងត្រាញ់ខាងជើង ស្រុកសំរោង ខេត្តតាកែវ មានមុខរបរ (មិនពិតប្រាកដ) ។ ចំណែកជនរងគ្រោះមានឈ្មោះ រស់ សុធា ភេទស្រី អាយុ៣៥ឆ្នាំ រស់នៅភូមិព្រៃទទឹង ឃុំ ត្រពាំងវែង ស្រុក កណ្ដាលស្ទឹង ខេត្តកណ្ដាល មានមុខរបរ (លក់ដូរគ្រឿងអលង្ការ មាស និង ផ្លាកទីន) ។

ជនសង្ស័យខាងលើបានឆ្លើយសារភាពថា ខ្លួនពិតជាបានធ្វើសកម្មភាពលួចខ្សែក ខ្សែដៃពិតប្រាកដមែន ដោយសារខ្លួនជំពាក់លុយមិត្តភ័ក្ដិរបស់ខ្លួនចំនួន មួយលានរៀល។

បច្ចុប្បន្ន​ជនសង្ស័យ​ខាង​លើ ត្រូវបានកម្លាំងនគរបាលស្រុកកណ្តាលស្ទឹង កំពុង​កសាង​សំណុំ​រឿង​បញ្ជូន​ទៅ​កាន់​តុលាការ ចាត់​ការ​តាម​នីតិវិធី​ផ្លូវ​ច្បាប់៕

អត្ថបទ ៖ ម៉េង

The post ជនសង្ស័យ​ម្នាក់​ឆក់ខ្សែក រត់​ទ្បើងម៉ូតូ ​ត្រូវអ្នកលក់ក្របួចជាប់ appeared first on Kampuchea Thmey Daily.

ហេតុការណ៍នេះ បង្កការភ្ញាក់ផ្អើលកាលពីវេលាម៉ោងប្រហែល១០ព្រឹក ថ្ងៃទី២៩ ខែមីនា ឆ្នាំ២០២៥ ក្នុងភូមិសាស្ត្រស្រុក អង្គស្នួល ខេត្តកណ្តាល ដែលបង្កឡើងដោយជនសង្ស័យ២នាក់ ជិះម៉ូតូ២គ្រឿង ដោយ ១គ្រឿងម៉ាក ADV ពណ៍ខ្មៅ និង១គ្រឿងទៀត ម៉ាក Click ពណ៍ស ប្រដាប់ដោយអាវុធខ្លី២ដើម (១ដើមក្លែងក្លាយ)។

បើតាមការឱ្យដឹងរបស់សមត្ថកិច្ចស្រុកអង្គស្នួល ជនសង្ស័យជាមុខសញ្ញាចាស់ ដែលសមត្ថកិច្ចតាមប្រមាញ់ លុះនៅព្រឹកថ្ងៃទី២៩ ខែមីនា ឆ្នាំ២០២៥នេះ អធិការនគរបាលស្រុលអង្គស្នួល ក៏បានប្រកាសឱ្យគ្រប់បណ្តាគោលដៅ និងប៉ុស្តិ៍ ចេញកម្លាំងល្បាតមើលភិនភាគជនសង្ស័យ២នាក់ខាងលើនេះ។

ប្រភព បានបន្តថា នៅម៉ោងប្រមាណជាង១០ព្រឹក ថ្ងៃទី២៩ ខែមីនានេះ ជនសង្ស័យបានធ្វើសកម្មភាពឆក់ ទៅលើជនរងគ្រោះកំពុងជិះម៉ូតូ នៅចំណុចផ្លូវជាតិលេខ៤ ម្តុំផ្សារថ្នល់ទទឹង រួចបានគេចខ្លួន តាមផ្លូវតូចៗក្នុងភូមិ ភ្លាមៗនោះ កម្លាំងសមត្ថកិច្ច បានតាមឃើញ ធ្វើការឃាត់ខ្លួនជនសង្ស័យបាន១នាក់ និងជនសង្ស័យ១នាក់ទៀតរត់គេចខ្លួន ឡើងលើផ្លូវល្បឿនលឿន និងបានភ្ជង់យករថយន្តម៉ាក GX470 ពណ៌ស ពីជនរងគ្រោះជិះលក្ខណៈគ្រួសារ ឱ្យជនរងគ្រោះចុះពីរថយន្តទាំងអស់ ដោយជិះគេចចេញតាមច្រកកំពង់ស្ពឺកើត ត្រឡប់ក្រោយមកផ្លូវជាតិលេខ៤វិញ។

ក្នុងពេលកិច្ចប្រតិបត្តិការដែលសមត្ថកិច្ចដេញតាមជនសង្ស័យរត់គេចខ្លួននេះ ជនសង្ស័យបានផ្ទុះអាវុធមកលើកម្លាំងសមត្ថកិច្ចយើង ហើយកម្លាំងសមត្ថកិច្ចបានស្ទាក់ និងបានដេញមុខសញ្ញានេះត្រឡប់មកខាងផ្លូវជាតិលេខ៥១វិញ និងបានផ្លុងរថយន្ត GX470 ពណ៌ស នោះចោល រួចគេចរត់ទៅ ភ្ជង់គំរាមបុរសម្នាក់ទៀត ដែលកំពុងឈប់រថយន្ត ដែលរថយន្តនោះម៉ាក LX 470ពណ៍ខ្មៅ ឱ្យឌុបជនសង្ស័យដើម្បីគេចពីការតាមប្រម៉ាញ់ពីសមត្ថកិច្ច។

ដោយគេចរហូតដល់ភូមិសាស្ត្រវត្តអង្គថ្ម ព្រំប្រទល់សង្កាត់ឪឡោក ខណ្ឌកំបូល រាជធានីភ្នំពេញ ទើបជនសង្ស័យចុះគេចចូលព្រៃតាមវាលស្រែបាត់ស្រមោលតែម្តង ដោយមានអាវុធខ្លី១ដើមជាប់នឹងខ្លួន។

បើតាមការបំភ្លឺរបស់ស្នងការនគរបាលខេត្តកណ្តាលថា ករណីនេះ មិនមែនជាករណីប្លន់ នៅផ្លូវល្បឿនលឿននោះទេ ជាករណី ឆក់ ជនរងគ្រោះជិះម៉ូតូ នៅចំណុចផ្លូវជាតិលេខ៤។ បច្ចុប្បន្ន កម្លាំងជំនាញពាក់ព័ន្ធកំពុងតាមស្វែងរកជនសង្ស័យដែលរត់គេចខ្លួន៕

ដោយ៖ សំណាង

The post ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន appeared first on Kampuchea Thmey Daily.

នគរបាល​បាន​ឱ្យ​ដឹង​ថា ក្រោយ​កើតហេតុ បន្ទាប់ពី​ទទួល​បាន​បទបញ្ជា​ពី​លោក​ឧត្ដមសេនីយ៍​ឯក ជួន ណា​រិន្ទ ស្នងការ​នគរបាល​រាជធានី​ភ្នំពេញ កម្លាំង​ការិយាល័យ​ព្រហ្មទណ្ឌ​កម្រិត​ស្រាល បាន​បើក​ការស្រាវជ្រាវ​រហូត​ឃាត់ខ្លួន​បាន​ជនសង្ស័យ​ចំនួន​ ៣​ នាក់ ៖ ១​-ឈ្មោះ ស៊ឹម សុខ​លាប ភេទ​ប្រុស អាយុ​ ១៧ ​ឆ្នាំ។ ២-​ឈ្មោះ គ្រៀល រថនា ភេទ​ប្រុស អាយុ​ ១៧ ​ឆ្នាំ។ ​៣-​ឈ្មោះ លន់ បញ្ញា ភេទ​ប្រុស អាយុ​ ១៧​ ឆ្នាំ។ ចំពោះ​វត្ថុ​តាង​ដកហូត​ម៉ូតូ​ម៉ាក​ហុងដា​ស្កុប​ពី ពណ៌​ខ្មៅ ពាក់​ផ្លាក​លេខ ភ្នំពេញ​ ១KR-៨៦៣០ ចំនួន ១ គ្រឿង ដែល​ជិះ​ធ្វើ​សកម្មភាព។

នគរបាល​បាន​បន្ត​ថា ជនសង្ស័យ​ទាំង ៣ នាក់ និង​បក្សពួក បាន​ធ្វើ​សកម្មភាព​ឆក់​ចំនួន ២ ករណី ដោយ ករណី​ទី​១-ឆក់​ទូរស័ព្ទដៃ កាលពី​ថ្ងៃទី ​២១ ខែកុម្ភៈ ឆ្នាំ ​២០២៥ វេលា​ម៉ោង​ ២០ និង ៤០​ នាទី ស្ថិតនៅ​ចំណុច​មុខ​បុរី​ជីក​ម៉ុង ផ្លូវ ​១១៣K ភូមិ​ក្បាលដំរី​ ២ សង្កាត់​កា​កាប​ទី ​២ ខណ្ឌ​ពោធិ៍​សែន​ជ័យ រាជធានី​ភ្នំពេញ។ ករណី​ទី​២-ឆក់​ខ្សែក កាលពី​ថ្ងៃទី ​០៧ ខែមករា ឆ្នាំ ​២០២៥ វេលា​ម៉ោង​ ១៧ និង ០០​ នាទី​យប់ ស្ថិតនៅ​ចំណុច​មុខ​បុរី​ជីប​ម៉ុង ផ្លូវ​ ១១៣K ភូមិ​ព្រៃទា ​១ សង្កាត់​ចោមចៅ ​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។

បច្ចុប្បន្ន​ជនសង្ស័យ​ត្រូវ​បាន​នគរបាល​ជំនាញ​សាកសួរ និង​កសាង​សំណុំរឿង​បញ្ជូន​ទៅ​តុលាការ​ចាត់​ការ​តាម​នីតិវិធី​ច្បាប់៕

អត្ថបទ ៖ សំណាង

The post ឃាត់ខ្លួនមុខសញ្ញាឆក់ទ្រព្យសម្បត្តិពលរដ្ឋ ៣ នាក់ ក្រោយធ្វើសកម្មភាព ២ ករណី appeared first on Kampuchea Thmey Daily.

ប្រតិបត្តិការ​នេះ​ធ្វើឡើង​កាលពី​វេលា​ម៉ោង ២២ និង ៣០ នាទី ថ្ងៃ​ទី ០៧ ខែ​វិច្ឆិកា ឆ្នាំ ២០២៤ តាម​បណ្ដោយ​ផ្លូវ​ម៉ៅ​សេទុង សង្កាត់​ទន្លេបាសាក់ ខណ្ឌ​ចំការមន។

សមត្ថកិច្ច​ជំនាញ បាន​ឲ្យ​ដឹង​ថា កម្លាំង​នគរបាល​ព្រហ្មទណ្ឌ​កម្រិត​ធ្ងន់ នៃ​នាយកដ្ឋាន​នគរបាល​ព្រហ្មទណ្ឌ ក្រសួងមហាផ្ទៃ បាន​ដឹកនាំ​កម្លាំង​ល្បាត​តាម​បណ្ដោយ​ផ្លូវ​ម៉ៅ​សេទុង ក្នុង​សង្កាត់​ទន្លេ​បាសាក់ ខណ្ឌ​ចំការមន ក៏​ប្រទះ​ឃើញ​ជនសង្ស័យ​ចំនួន ០២ នាក់ ជិះ​ម៉ូតូ ០១ គ្រឿង ម៉ាក ស៊ុយ​ស៊ូ​គី​និ​ច ពណ៌​ស ពាក់​ស្លាក​លេខ ភ្នំពេញ 1KB-8044 ដែល​ជា​មុខសញ្ញា​ឆក់​យ៉ាង​សកម្ម​នៅ​រាជធានី​ភ្នំពេញ ភ្លាមៗ នោះ កម្លាំង​ជំនាញ​នាយកដ្ឋាន ធ្វើការ​ប្រដេញ និង​ឃាត់​បាន​នៅ​ចំណុច​ផ្លូវ​ស្តុប​ចំការមន​(​មុខក្រសួង​កសិកម្ម​) សង្កាត់​ទន្លេបាសាក់ ខណ្ឌ​ចំការមន។

ជនសង្ស័យ​ទី ០១.ឈ្មោះ ហ៊ួយ ឃីម ភេទ​ប្រុស អាយុ ២៧ ឆ្នាំ ជនជាតិ​ខ្មែរ មុខរបរ​មិន​ពិតប្រាកដ ទី​កន្លែង​ស្នាក់នៅ​ផ្ទះ​លេខ ១៤ ផ្លូវជាតិ​លេខ ០១ សង្កាត់​ច្បារអំពៅ​ទី ០១ ខណ្ឌ​ច្បារអំពៅ រាជធានី​ភ្នំពេញ។ ទី ០២.ឈ្មោះ លី ហេង ភេទ​ប្រុស អាយុ ១៧ ឆ្នាំ ជនជាតិ​ខ្មែរ មុខរបរ​មិន​ពិតប្រាកដ ទី​កន្លែង​ស្នាក់នៅ​ផ្ទះ​ជួល​មិន​ចាំ​លេខ ផ្លូវលំ ភូមិ​តា​ង៉ូ​វ​ក្រោម សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ។

សូម​បញ្ជាក់​ថា កន្លងមក​ជនសង្ស័យ​ខាងលើ​បាន​ធ្វើ​សកម្មភាព​ចំនួន ០៤ លើក ដោយ​ករណី​ទី ០១. កាលពី​វេលា​ម៉ោង ២០ និង ១០ នាទី ថ្ងៃ​ទី ២៨ ខែ​តុលា ឆ្នាំ ២០២៤ បាន​ឆក់​ទូរស័ព្ទ​ដៃ​ម៉ាក realme ពី​បុរស​(​ជនជាតិ​ចិន​) កំពុង​ដើរ បាន​សម្រេច មុខ​ភោជនីយដ្ឋាន​ទីក្រុង​មាស ផ្លូវ​ព្រះមុនីវង្ស កែង​ផ្លូវ​លេខ ៣៩២ សង្កាត់​បឹង​កេងកង​ទី ០១ ខណ្ឌ​បឹង​កេងកង។ ករណី​ទី ០២.នៅ​វេលា​ម៉ោង ២១ និង ១៥ នាទី ថ្ងៃ​ទី ០១ ខែ​វិច្ឆិកា ឆ្នាំ ២០២៤ បាន​ឆក់​ទូរស័ព្ទ​ដៃ​ម៉ាក I-Phone15 ពី​បុរស​(​ជនជាតិ​បរទេស​) កំពុង​ជិះ​ម៉ូតូ បាន​សម្រេច នៅ​ចំណុច​ផ្លូវ​លេខ ២៤០ កែង​ផ្លូវ​លេខ ៥៥ សង្កាត់​បឹងរាំង ខណ្ឌ​ដូនពេញ។ ករណី​ទី ០៣.នៅ​វេលា​ម៉ោង ០៣ ទៀបភ្លឺ ថ្ងៃ​ទី ០៤ ខែ​វិច្ឆិកា ឆ្នាំ ២០២៤ បាន​ឆក់​ទូរស័ព្ទ​ដៃ ម៉ាក SamSung ពី​បុរស​(​ជនជាតិ​បរទេស​) កំពុង​ដើរ បាន​សម្រេច មុខ​ធនាគារ J Trust Royal ផ្លូវ​ព្រះសីហនុ សង្កាត់​បឹង​កេងកង​ទី ០១ ខណ្ឌ​បឹង​កេងកង។ និង ករណី​ទី ០៤.នៅ​វេលា​ម៉ោង ០៣ ជាង ថ្ងៃទី ០៧ ខែ​វិច្ឆិកា ឆ្នាំ ២០២៤ បាន​ធ្វើ​សកម្មភាព​ឆក់​កាបូបស្ពាយ​ពី​នារី​(​ជនជាតិ​បរទេស​) កំពុង​ដើរ តែ​មិន​បាន​សម្រេច ត្រង់​ចំណុច​ផ្លូវ​លេខ ១៣៥ កែង​ផ្លូវ​លេខ ៤៤៦ សង្កាត់​ទួល​ទំពូង​ទី ០១ ខណ្ឌ​ចំការមន។

បច្ចុប្បន្ន ជនសង្ស័យ សមត្ថកិច្ច​នាយកដ្ឋាន​នគរបាល​ព្រហ្មទណ្ឌ នៃ​ក្រសួងមហាផ្ទៃ បាន​កសាង​សំណុំរឿង​ចាត់ការ​បន្ត​ទៅ​តាម​នីតិវិធី៕

អត្ថបទ ៖ រដ្ឋា

The post ឃាត់ខ្លួនជនសង្ស័យ ២ នាក់ ជាមុខសញ្ញាឆក់យ៉ាងសកម្មក្នុងរាជធានីភ្នំពេញ appeared first on Kampuchea Thmey Daily.

បើ​តាម​ការ​បញ្ជាក់ ជនសង្ស័យ​ឈ្មោះ ឡាច ណុច ភេទ​ប្រុស អាយុ ២១ ឆ្នាំ មុខរបរ​អ្នក​ចម្រៀង​តាម​ភោជនីយដ្ឋាន បាន​សារភាព​ថា ខ្លួន​ពិតជា​បាន​ធ្វើ​សកម្មភាព​ឆក់​ខ្សែ.ក ពី​ជនរងគ្រោះ​ពិតប្រាកដ​មែន។

បន្ទាប់ពី​ឃាត់ខ្លួន បច្ចុប្បន្ន ជនសង្ស័យ ត្រូវ​បាន​កម្លាំង​ជំនាញ​ការិយាល័យ​ប្រឆាំង​បទល្មើស​ព្រហ្មទណ្ឌ នៃ​កង​រាជ​អាវុធហត្ថ​រាជធានី​ភ្នំពេញ កសាង​សំណុំរឿង​បញ្ជូន​ទៅ​តុលាការ ដើម្បី​ចាត់ការ​តាម​នីតិវិធី​ច្បាប់។

សូម​បញ្ជាក់​ថា ការ​ឃាត់ខ្លួន​តារា​ចម្រៀង​រូប​នេះ បាន​ធ្វើ​ឡើង​កាលពី​វេលា​ម៉ោង ២០ និង ១៥ នាទី ថ្ងៃ​ទី ០៤ ខែ​ធ្នូ ឆ្នាំ ២០២៣ ដែល​មាន​ករណី​លួច​ដោយ​ហិង្សា​មាន​ស្ថាន​ទម្ងន់​ទោស​(​ឆក់​ខ្សែ.ក​) កើត​ឡើង​ចំណុច​ផ្លូវ​លេខ ១៩៩ កែង ៣៣៨ សង្កាត់​ទួល​ស្វាយព្រៃ​ទី ១ ខណ្ឌ​បឹង​កេងកង។

ជនសង្ស័យ​ខាងលើ បាន​ធ្វើ​សកម្មភាព​ឆក់​យក​ខ្សែ.ក ជន​រងគ្រោះ​ដែល​កំពុង​ធ្វើ​ដំណើរ​តាម​ផ្លូវ និង បម្រុង​ជិះ​គេចខ្លួន ប៉ុន្តែ​ក៏​ទៅ​បុក​ជាមួយ​ម៉ូតូ​មួយ​គ្រឿង​ទៀត បណ្ដាល​ឲ្យ​ដួល បង្ក​ការ​ភ្ញាក់ផ្អើល​ដល់​ប្រជាពលរដ្ឋ និង​កម្លាំង​មូលដ្ឋាន​អាវុធហត្ថ​ខណ្ឌ​បឹង​កេងកង ចុះ​អន្តរាគមន៍​ឃាត់ខ្លួន​បាន​ភ្លាមៗ តែម្ដង។ ចំពោះ​វត្ថុ​តាង​ខ្សែ.ក ០១ ខ្សែ ក៏បាន​ប្រគល់​ជូន​ជន​រងគ្រោះ​វិញ​ផង​ដែរ៕

អត្ថបទ ៖ ចាន់រ៉ា

The post ឃាត់ខ្លួនអតីតបេក្ខភាពប្រឡងចម្រៀងលំដាប់ពិភពលោក ម្នាក់ បញ្ជូនទៅតុលាការ ករណីឆក់ខ្សែ.ក appeared first on Kampuchea Thmey Daily.

ហេតុការណ៍នេះបង្កការភ្ញាក់ផ្អើលកាលពីវេលាម៉ោង៦និង៤៥នាទីព្រឹក ថ្ងៃទី៣០ ខែកញ្ញា ឆ្នាំ២០២២ នៅចំណុចភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។

ជនសង្ស័យដែលពលរដ្ឋចាប់បានមានឈ្មោះ ហ៊ិន រ៉ាយុទ្ធ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិដីថ្មី សង្កាត់ស្ទឹងមានជ័យ៣ ខណ្ឌមានជ័យ។ មានស្រុកកំណើតនៅឃុំបន្ទាយមាសកើត ស្រុកបន្ទាយមាស ខេត្តកំពត ។ ចំណែកជនរងគ្រោះឈ្មោះ សៀន វិន ភេទស្រី អាយុ៥៦ឆ្នាំ មុខរបរលក់ដូរ រស់នៅភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ ។ បាត់បង់ប្រាក់ជាង៤០ម៉ឺនរៀល ។ រីឯជនរងគ្រោះម្នាក់ទៀត មិនស្គាល់ឈ្មោះ ព្រោះក្នុងកាបូបមានលុយតែ៧ពាន់រៀល ដោយជនសង្ស័យឆក់បានហើយបោះចោលវិញ ត្រូវបានជនរងគ្រោះរើសយកវិញហើយបន្តដំណើរទៅបាត់ មិនបានដាក់​ពាក្យបណ្តឹងឡើយ ។

តាមប្រជាពលរដ្ឋបានឲ្យដឹងថា មុនកើតហេតុជនសង្ស័យគ្នា៤នាក់ធ្វើសកម្មភាពឆក់កាបូបលុយពីស្ត្រីរងគ្រោះទី១ កំពុងជិះម៉ូតូកង់បី ពីត្បូងទៅជើង ក្នុងភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ បានសម្រេចហើយ ក្រុមជនសង្ស័យបត់ត្រឡប់ក្រោយ ជិះតាមបណ្តោយផ្លូវជាតិលេខ៣ ពីជើងទៅត្បូងនៅផ្លូវម្ខាងទៀត ទៅឆក់កាបូបលុយជាលើកទី២ នៅមុខក្លោងទ្វារវត្តអង្គត្រគៀត ភូមិអង្គត្រគៀត សង្កាត់កន្ទោក ខណ្ឌកំបូល បានសម្រេចហើយ ក្នុងកាបូបមានលុយតែ៧ពាន់រៀល ទើបជនសង្ស័យបោះកាបូបចោល ជនរងគ្រោះរើសយកបានវិញបន្តដំណើរទៅបាត់ ពលរដ្ឋឃើញហេតុការណ៍ស្រែកឆោឡោ ធ្វើឲ្យជនសង្ស័យ​ភ័យស្លន់ស្លោធ្លាក់អ្នកជិះខាងក្រោយម្នាក់ ហើយព្យាយាមរត់គេចឆ្លងផ្លូវចូលមកខាងភូមិក្រាំងដូនទៃវិញពលរដ្ឋដេញចាប់បានរួចប្រគល់ឲ្យសមត្ថកិច្ច។ ជនសង្ស័យត្រូវបានសមត្ថកិច្ច ដឹកតាមម៉ូតូកង់បីយកទៅប៉ុស្តិ៍ចោមចៅទី២ ខណ្ឌពោធិ៍សែនជ័យ ដើម្បីកសាងសំណុំរឿងតាមនីតិវិធី ៕

អត្ថបទ៖ សុខា

The post ចេញឆក់ ២ ករណីជាប់គ្នា ពលរដ្ឋចាប់បានម្នាក់ ខណៈ ៣ នាក់ទៀត កំពុងគេចខ្លួន appeared first on Kampuchea Thmey Daily.

ករណីឆក់កាបូបនេះ បានកើតឡើងកាលពីវេលាម៉ោង៩និង៤០នាទី ថ្ងៃទី២៣ ខែសីហា ឆ្នាំ២០២២ នៅចំណុចភូមិព្រែកប្រណាក សង្កាត់ជើងឯក ខណ្ឌដង្កោ រាជធានីភ្នំពេញ ហើយត្រូវ​កម្លាំងប្រដេញចាប់បាន​នៅចំណុចភូមិអរណ្តូង ឃុំបារគូ ស្រុកកណ្តាលស្ទឹង ខេត្តកណ្តាល។

យោងតាមរបាយការណ៍របស់សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ សេង សុវណ្ណឌី ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ចំណែកបក្ខពួក០៣​នាក់ទៀតបានគេចខ្លួនអស់ ។ ជនរងគ្រោះឈ្មោះ សេង សុខឡៃ ភេទស្រី អាយុ៣៩ឆ្នាំ មុខរបរកម្មកររោងចក្រ មានទីលំនៅភូមិខ្នរអំពិល ឃុំវាលលំពង ស្រុកឧដ្តុង ខេត្តកំពង់ស្ពឺ ។

របាយការណ៍បានបន្ថែមថា សម្ភារៈដែលចាប់យករួមមាន៖ ម៉ូតូ ចំនួន០១គ្រឿង ម៉ាកនិច ពណ៍ក្រហម+ស សេរីឆ្នាំ២០២២ ពាក់ស្លាកលេខភ្នំពេញ ១JP ៦២៥៤ (ម៉ូតូធ្វើសកម្មភាព) ។ ទូរស័ព្ទដៃ ចំនួន០១គ្រឿង (របស់ជនរងគ្រោះ) កាបូបស្ពាយចំនួន០១ កាបូបដៃ ចំនួន០១ ខ្សែក និងបន្តោង ចំនួន០១ខ្សែ។

ក្នុងរបាយការណ៍បានបញ្ជាក់ថា នៅវេលាកើតហេតុក្រោយពេលទទួលបានព័ត៏មានតាមវិទ្យុទាក់ទងថាមានករណី លួចមានស្ថានទម្ងន់ទោស (ឆក់កាបូប) នៅចំណុចកើតហេតុ ជនសង្ស័យបានបើកម៉ូតូរត់តាមផ្លូវ២០A កម្លាំងអាវុធហត្ថស្រុកកណ្ដាលស្ទឹង បានចុះសហការណ៍ជាមួយកម្លាំងនគរបាល និងប្រជាការពារចុះពួនស្ទាក់ប្រដេញប្រផាប់ប្រផីង មកដល់ចំណុចភូមិអរណ្តូង ឃុំបារគូ ស្រុកកណ្តាលស្ទឹង ខេត្តកណ្តាល ទើបឃាត់ជន​សង្ស័យបាន។

បច្ចុប្បន្នជនសង្ស័យ និងវត្ថុតាងត្រូវបានប្រគល់អោយកម្លាំងនគរបាលខណ្ឌដង្កោ ដើម្បីបន្តតាមនីតិវិធីតាមផ្លូវច្បាប់៕

The post ចាប់ខ្លួនក្រុមឆក់កាបូបម្នាក់ក្នុងចំណោមបក្ខពួក៤នាក់ ក្រោយធ្វើសកម្មភាពបានសម្រេច appeared first on Kampuchea Thmey Daily.