ប្រតិបត្តិការឃាត់ខ្លួននេះធ្វើកាលពីថ្ងៃទី២០ ខែខែឧសភា ឆ្នាំ២០២៦ ត្រង់ចំណុចជួលលេខ២៨ ផ្លូវបេតុង ស្ថិតនៅភូមិចំការឪឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។

លោកវរសេនីយ៍ទោ ជាង ហុកសែ អធិការរងទទួលផែនព្រហ្មទណ្ឌនៃអធិការដ្ឋាននគរបាលខណ្ឌដង្កោ បានឲ្យដឹងថា ជនសង្ស័យដែលឃាត់ខ្លួនមានឈ្មោះ រ័ត្ន វណ្ណៈ ហៅ អាហ្សា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលលេខ២៨ ស្ថិតនៅភូមិក្បាលដំរី១ សង្កាត់ការកាប១ ខណ្ឌពោធិ៍សែនជ័យ។ ឈ្មោះ វី ជីវ័ន្ត ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិពន្លៃ ឃុំបាបោង ស្រុកពាមរក៍ ខេត្តព្រៃវែង។ និងឈ្មោះ សាវុត សុភី ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលលេខ២៨ ស្ថិតនៅភូមិក្បាលដំរី សង្កាត់ការកាប ខណ្ឌពោធិ៍សែនជ័យ រាជធានីភ្នំពេញ។ ចំណែកជនរងគ្រោះឈ្មោះ សៅ រៀម ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅបន្ទប់ជួល ស្ថិតនៅភូមិត្រពាំងជ្រៃ សង្កាត់ការកាប២ ខណ្ឌពោធិ៍សែនជ័យ រាជធានីភ្នំពេញ​។

លោកវរសេនីយ៍ទោ ជាង ហុកសែ បន្ថែមថា ក្រុមជនសង្ស័យទាំងនេះបានធ្វើសកម្មភាពធាក់ប្លន់ម៉ូតូពីជនរងគ្រោះកាលពីវេលាម៉ោង២២និង០០នាទី ថ្ងៃទី១០ ខែឧសភា ឆ្នាំ២០២៦ ត្រង់ចំណុចផ្លូវក្រវ៉ាត់ក្រុងទី៣ ស្ថិតនៅភូមិគងនយ សង្កាត់គងនយ ខណ្ឌដង្កោ។ ក្នុងប្រតិបត្តិការឃាត់ខ្លួន កម្លាំងជំនាញបានដកហូតម៉ូតូចំនួន២គ្រឿង និងវត្ថុតាងមួយចំនួន។

ក្រោយពីឃាត់ខ្លួនក្រុមជនសង្ស័យ កម្លាំងជំនាញបានបញ្ជូនមកអធិការដ្ឋាននគរបាលខណ្ឌដង្កោដើម្បីកសាងសំណុំរឿងអនុវត្តតាមនិតិវិធីច្បាប់៕

The post នគរបាលខណ្ឌដង្កោ ស្រាវជ្រាវបង្ក្រាបក្រុមធាក់ប្លន់ម៉ូតូ៣នាក់ ក្រោយធ្វើសកម្មភាពនៅផ្លូវក្រវ៉ាត់ក្រុងទី៣ appeared first on Kampuchea Thmey Daily.

លោកវរេសនីយ៍ទោ ជាង ហុកសែ អធិការង ទទួលផែនការងារព្រហ្មទណ្ឌបានអោយដឹងថា បន្ទាប់ពីក្រុមក្មេងទំនើងបានធ្វើសកម្មភាពគប់វាយប្លន់ស្លាកលេខម៉ូតូនិងទូរស័ព្ទ ពីយុវជន១ក្រុមទៀត បណ្ដាលឲ្យជនរងគ្រោះ០២នាក់ រងរបួសធ្ងន់ស្រាល។ សមត្ថកិច្ចបានធ្វើការស្រាវជ្រាវ ឃាត់ខ្លួនជនសង្ស័យប្រុសស្រីបានចំនួន៩នាក់ និងដកហូតម៉ូតូចំនួន៥គ្រឿង SUZUKI NEX ពណ៌សលាយបៃតង ពាក់ស្លាកលេខ ភ្នំពេញ1LT-0792 ១គ្រឿង, ម៉ូតូម៉ាកSUZUKI NEX2 ស៊េរីឆ្នាំ២០១៩ ពណ៌ស ពាក់ស្លាកលេខភ្នំពេញ 1HW-5734 ១គ្រឿង , ម៉ូតូម៉ាក HONDA DREAM C125 ស៊េរីឆ្នាំ២០២៥ ពណ៌ខ្មៅ ពាក់ស្លាកលេខ ភ្នំពេញ 1LK-8431 ១គ្រឿង, ម៉ូតូម៉ាក HONDA DREAM C125 ស៊េរីឆ្នាំ២០២៥ ពណ៌ក្រហម ពាក់ស្លាកលេខភ្នំពេញ1LV-2040 ១គ្រឿង , ម៉ូតូម៉ាកHONDA DREAM C125 ស៊េរីឆ្នាំ២០២៦ ពណ៌ខ្មៅ ពាក់ស្លាកលេខភ្នំពេញ 1MH-5296 ១គ្រឿង, ទូរស័ព្ទដៃម៉ាក IPHONE ចំនួន០៣គ្រឿង ,ដងឆ័ត្រពណ៌ស១ដើម,ដុំថ្មចំនួន០៥ដុំ ។

បច្ចុប្បន្ន សមត្ថកិច្ចបានបញ្ជូនជនសង្ស័យប្រុសស្រីទាំង ០៩នាក់ ទៅសាលាដំបូងរាជធានីភ្នំពេញ ដើម្បីកាត់ទោសតាមផ្លូវច្បាប់ ។ ចំណែកបក្ខពួកសេសសល់ ជាង ១០នាក់ទៀត សមត្ថកិច្ចកំពុងបន្តការស្រាវជ្រាវ យកមកផ្តន្ទាទោស មិនអោយរួចខ្លួននោះឡើយ ។

គួរបញ្ជាក់ផងដែរថា កាលពីវេលាម៉ោង១៩យប់ថ្ងៃទី១៦ ខែឧសភា ឆ្នាំ២០២៦ ជនរងគ្រោះមើលប្រដាល់នៅស្ថានីយ៍ទូរទស្សន៍កងយោធពលខេមរភូមិន្ទប៉ុស្តិ៍លេខ៥ ស្ថិតនៅក្នុងភូមិកើតហេតុខាងលើ ។ បន្ទាប់មកបានបបួលគ្នាទៅអង្គុយលេង និងទិញស្រាបៀផឹកនៅតាមផ្លូវបេតុងច្រកចូលបុរីមួយជាប់មាត់ស្ទឹងស្ពានបាក់ ស្ថិតនៅភូមិព្រែកថ្លឹង សង្កាត់ព្រែកកំពឹស ខណ្ឌដង្កោ ។

ដោយបានអង្កុយផឹកស៊ីបណ្ដើរ និងមើលកម្មវិធីប្រដាល់ ដែលគេចាក់បញ្ចាំងតាមស្លាយរបស់ស្ថានីយ៍ទូរទស្សន៍កងយោធពលខេមរភូមិន្ទពីចម្ងាយបណ្តើរ កម្មវិធីប្រដាល់បានបិទការបញ្ចាំងស្លាយ ពួកគេនៅអង្គុយផឹកសុីបន្តរហូតដល់វេលាម៉ោង០១យប់រំលងអាធ្រាត្រឈានចូលថ្ងៃទី១៧ ខែឧសភា ឆ្នាំ២០២៦ ស្រាប់តែក្រុមជនសង្ស័យខាងលើ មានគ្នាប្រហែល២៤នាក់ ជិះម៉ូតូប្រហែល១២គ្រឿងទៅដល់ ធ្វើសកម្មភាពប្រើដុំថ្ម ដងឆ័ត្រ និងដាវ គប់ វាយនិងកាប់ទៅលើជនរងគ្រោះ ពេលនោះបណ្ដាលឲ្យជនរងគ្រោះឈ្មោះ ប៉ន ពេជ្រពន្លឺ បណ្ដាលឱ្យរងរបួសក្បាលយ៉ាងដំណំ ហើយក្រុមជនរងគ្រោះ ក៏បាននាំគ្នាគេចចេញ ហើយក្រុមជនសង្ស័យបានកាប់បំផ្លាញម៉ូតូម៉ាក HONDA DREAM C125 ពណ៌ខ្មៅ សេរីឆ្នាំ២០១៩ ពាក់ស្លាកលេខភ្នំពេញ1HZ-7108 របស់ជនរងគ្រោះឈ្មោះ រ៉េត វិសាល បណ្ដាលឱ្យខូចខាត

បន្តកាប់យកស្លាកលេខម៉ូតូភ្នំពេញ1HZ-7108 និងទូរស័ព្ទដៃម៉ាក IPHONE 14 PROMAX រួចនាំគ្នាជិះម៉ូតូគេចខ្លួន ៕ អត្ថបទ ៖ រដ្ឋា

The post នគរបាលខណ្ឌដង្កោ បញ្ជូនក្មេងទំនើង៩នាក់ ទៅតុលាការពាក់ព័ន្ធបង្កហិង្សាដោយចេតនានិងកាប់ប្លន់យកស្លាកលេខ appeared first on Kampuchea Thmey Daily.

ការបញ្ជូននេះបានធ្វើឡើងកាលពីព្រឹកថ្ងៃទី ០៧ ខែឧសភា ឆ្នាំ ២០២៦ ក្រោយបញ្ចប់នីតិវិធីសាកសួរ។

ជនសង្ស័យឈ្មោះ ម៉ៅ សំណាង ភេទប្រុស អាយុ ១៨ ឆ្នាំ មុខរបរមិនពិតប្រាកដ មានទីលំនៅភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ។

សមត្ថកិច្ច បានឲ្យដឹងថា បន្ទាប់ពីទទួលពាក្យបណ្តឹងរបស់ជនរងគ្រោះ កាលពីវេលាម៉ោង ០៤ និង ៥០ នាទី ថ្ងៃទី ០៣ ខែឧសភា ឆ្នាំ ២០២៦ ត្រង់ចំណុចផ្លូវបេតុង ស្ថិតនៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ មានករណីប្លន់យកម៉ូតូ និង ខ្សែក ធ្វើសកម្មភាពដោយជនសង្ស័យចំនួន ០២ នាក់។ ភ្លាមៗ សមត្ថកិច្ច បានបើកប្រតិបត្តិការស្រាវជ្រាវតាមបទបញ្ជាដ៏ម៉ឺងម៉ាត់របស់លោក អធិការខណ្ឌដង្កោ ដោយកម្លាំងជំនាញប្រើប្រាស់រយៈពេល ២៤ ម៉ោង ដើម្បីកំណត់មុខសញ្ញាបានយ៉ាងជាក់ច្បាស់ និង ទីតាំងលាក់ខ្លួនរបស់ជនសង្ស័យ។

សមត្ថកិច្ច បានបន្តថា លុះមកដល់វេលាម៉ោង ០៣ និង ៥០ នាទី ថ្ងៃទី ០៤ ខែឧសភា ឆ្នាំ ២០២៦ ត្រង់ចំណុចតារាងបាល់ទះ ផ្លូវបេតុង ភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ កម្លាំងនគរបាលខណ្ឌដង្កោ បានឃាត់ខ្លួនជនសង្ស័យ ចំនួន ០១ នាក់ យកទៅកាន់អធិការដ្ឋាននគរបាលខណ្ឌដង្កោ ដើម្បីសួរនាំ។ ក្នុងនោះ សម្ភារៈបាត់បង់ រួមមាន ម៉ូតូម៉ាក HONDA SCOOPY CLUB ១២ ពណ៌ខៀវ ផលិតឆ្នាំ ២០២២ ពាក់ស្លាកលេខ តាកែវ 1AB- 7817 ចំនួន ០១ គ្រឿង។

បច្ចុប្បន្ន ជនសង្ស័យ ត្រូវបានសមត្ថកិច្ចបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់។ ចំណែកបក្ខពួកសេសសល់ នគរបាលកំពុងបន្តការស្រាវជ្រាវយកមកផ្តន្ទាទោស៕
អត្ថបទ ៖ រដ្ឋា

The post នគរបាលខណ្ឌដង្កោ បញ្ជូនជនសង្ស័យម្នាក់ ទៅតុលាការ ករណីប្លន់ម៉ូតូ និង ខ្សែកកាឡៃ ០១ ខ្សែ appeared first on Kampuchea Thmey Daily.

តាមរបាយការណ៍របស់នាយកដ្ឋាននគរបាលព្រហ្មទណ្ឌ ជនសង្ស័យដែលឃាត់ខ្លួនមានឈ្មោះ NOMAN MUHAMMAD ភេទប្រុស អាយុ៣៤ឆ្នាំ និងឈ្មោះ ALI HASSAN ភេទប្រុស អាយុ២៦ឆ្នាំ។ ជនសង្ស័យត្រូវបានឃាត់ខ្លួនត្រង់ចំណុចផ្លូវទំនប់កប់ស្រូវ​ ភូមិចែងម៉ែង​ សង្កាត់សំរោងក្រោម​ ខណ្ឌពោធិ៍សែនជ័យ​ រាជធានីភ្នំពេញ។

តាមរបាយការណ៍ដដែល ក្រុមជនសង្ស័យបានសារភាពថា កាលពីថ្ងៃទី២៧ ខែមេសា ឆ្នាំ២០២៦ ពួកខ្លួនមានគ្នាចំនួន៣នាក់ ពិតជាបានធ្វើសកម្មភាពយកអាវុធខ្លីចំនួន១ដើម ភ្ជង់ជនរងគ្រោះយកកាបូបលុយនៅចំណុចដេប៉ូសាំង PTT ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ប្រាកដមែន។

សូមជម្រាបថា កាលពីថ្ងៃទី២៧ ខែមេសា ឆ្នាំ២០២៦ វេលាម៉ោង៤៖១៧នាទីទាបភ្លឺ ក្រុមជនសង្ស័យបានជិះរថយន្ត១​គ្រឿងម៉ាក TOYOTA PRIUS ពណ៌ស ផ្លាកលេខ 2BR-8282 បានធ្វើសកម្មភាពយកអាវុធខ្លីភ្ជង់ និងបាញ់គំរាម ហើយឆក់យកកាបូបស្ពាយពីជនរងគ្រោះឈ្មោះ ទូច សុវណ្ណឧត្តម ភេទប្រុស អាយុ២៧ឆ្នាំ ជាបុគ្គលិកលក់សាំង ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត រួចនាំគ្នាជិះគេចខ្លួនបាត់។

តាមរបាយការណ៍របស់សមត្ថកិច្ច ក្នុងករណីនេះ ជនរងគ្រោះបានបាត់បង់ កាបូបស្ពាយចំនួន១ ក្នុងនោះមានលុយសរុបជិត៣០០០ដុល្លារ៕

The post ករណីបាញ់គំរាមប្លន់បុគ្គលិកចាក់សាំងនៅក្រុងប៉ោយប៉ែត សមត្ថកិច្ចឃាត់ខ្លួនជនដៃដល់ជាជនជាតិប៉ាគីស្ថានពីរនាក់ appeared first on Kampuchea Thmey Daily.

ប្រតិបត្តិការឃាត់ខ្លួននេះ ធ្វើឡើងកាលពីថ្ងៃទី១៥ ខែមេសា បន្ទាប់ពីទទួលពាក្យបណ្ដឹង​ពី​ប្រជាពលរដ្ឋពីការកាប់ប្លន់ម៉ូតូតាមដងផ្លូវកាលពីយប់ថ្ងៃទី១៤ ខែមេសា។

ក្នុងប្រតិបត្តិការឃាត់ខ្លួន កម្លាំងសមត្ថកិច្ចបានដកហូតម៉ូតូសរុបចំនួន៣គ្រឿង ក្នុងនោះមានម៉ូតូជនរងគ្រោះមួយគ្រឿង និងកាំ​បិត​ ០៣ដើម។

សូមជម្រាបថា កាលពីវេលាម៉ោង២និង១០នាទី រំលងអាធ្រាត្រ ឈានចូលថ្ងៃទី១៤ ខែមេសា ឆ្នាំ២០២៦ ក្រុមជនសង្ស័យបានធ្វើសកម្មភាពស្ទាក់កាប់ប្លន់ម៉ូតូពីជនរងគ្រោះបានសម្រេចនៅចំណុចភូមិបន្ទាយ ឃុំកណ្ដៀងរាយ ស្រុកស្វាយទាប ខេត្តស្វាយរៀង។ ក្រោយពីធ្វើសកម្មភាព ក្រុមជនសង្ស័យបានគេចខ្លួន រហូតដល់ថ្ងៃទី១៥ មេសា ទើបកម្លាំងជំនាញស្រាវជ្រាវតាមចាប់ខ្លួនបានទេម្ដង។ ជន​សង្ស័យ​ រួម​ទាំង​វត្ថុ​តាង ត្រូវបានសមត្ថកិច្ចជំនាញកសាង​សំណុំ​រឿង​បញ្ជូន​ទៅ​សាលាដំបូង​ខេត្ត​ចាត់ការតាមនីតិវិធីច្បាប់៕

The post នគរបាលខេត្តស្វាយរៀង ចាប់ខ្លួនក្រុមកាប់ប្លន់​៤នាក់ ដកហូតម៉ូតូ៣គ្រឿង appeared first on Kampuchea Thmey Daily.

ការឃាត់ខ្លួនក្រុមកាប់ប្លន់នេះ​ធ្វើឡើងក្រោយក្រុមជនសង្ស័យធ្វើសកម្មភាព ធាក់ និងកាប់ប្លន់ម៉ូតូពីជនរងគ្រោះកាលពីវេលាម៉ោង ១២និង០៥នាទី យប់រំលងអធ្រាត្រ ឈានចូលថ្ងៃទី២០ ខែមីនា ឆ្នាំ២០២៦ នៅចំណុចផ្លូវបេតុង ក្នុងភូមិត្នោតម្ដើម ឃុំបែកចាន ស្រុកអង្គស្នួល ខេត្តកណ្តាល។

តាមរបាយការណ៍របស់ស្នងការដ្ឋាននគរបាលខេត្តកណ្ដាល ជនរងគ្រោះក្នុងករណីកាប់ប្លន់នេះមានឈ្មោះ បោក ពិសី ភេទប្រុស អាយុ២៤ឆ្នាំ មុខរបរនិស្សិត រស់នៅភូមិត្រពាំងក្ដូរ ឃុំត្រពាំងសាលាលិច ស្រុកបន្ទាយមាស ខេត្តកំពត ត្រូវបានក្រុមជនសង្ស័យធាក់ និងកាប់ប្លន់យកម៉ូតូ០១គ្រឿងម៉ាក Honda dream ពណ៌ក្រហម សេរីឆ្នាំ២០២៣ ឡើងសេរីទៅឆ្នាំ២០២៥ ពាក់ផ្លាកលេខ ព្រៃវែង 1V-3353 បានសម្រេច។

តាមរបាយការណ៍ដដែល ក្រុមជនសង្ស័យដែលត្រូវឃាត់ខ្លួន ត្រូវបានកម្លាំងជំនាញកំពុងកសាងសំណុំរឿងដើម្បីបញ្ជូនបន្តដើម្បីអនុវត្តតាមនិតិវិធីច្បាប់ ចំណែកក្រុមបក្ខពួកដែលកំពុងគេចខ្លួន កម្លាំងជំនាញកំពុងស្រាវជ្រាវបន្ត៕

The post នគរបាលខេត្តកណ្ដាល សហការជាមួយនគរបាលខេត្តកំពង់ស្ពឺឃាត់ខ្លួនក្រុមកាប់ប្លន់៦នាក់ ខណៈ៦នាក់ទៀតកំពុងគេចខ្លួន appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពីលោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ បើកការស្រាវជ្រាវកាលពីថ្ងៃទី១៩ និង ថ្ងៃទី២១ ខែមិនា ឆ្នាំ២០២៦ រហូតឈានដល់ឃាត់ខ្លួនជនសង្ស័យចំនួន៩នាក់។

ក្នុងរង្វង់ប្រតិបត្តិការនេះកម្លាំងជំនាញបានធើ្វការស្រាវជ្រាវចំនួយ៣ករណី០១ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (យកដៃព្រួតគ្នាវាយប្លន់យកម៉ូតូម៉ាកហុង ដាស្កូបពី ពណ៌ ចម្រុះ សេរីឆ្នាំ២០២៥ គ្មានផ្លាកលេខ ចំនួន០១គ្រឿង និងទូរសព្ទ័ដៃម៉ាកហ៊ីណូចំនួន ០១ គ្រឿង) ប្រព្រឹត្ត នៅចំណុចដីវាល ភូមិកាកាប សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៧ ខែមីនា ឆ្នាំ២០២៦ វេលាម៉ោង ០២ និង ២០ នាទី, រក្សាទុក ដឹកញ្ជូន ឬជួញដូរដោយខុសច្បាប់នូវសារធាតុញៀន,កាន់កាប់អាវុធដោយគ្មាន ការអនុញ្ញាត និងប្រើប្រាស់ដោយខុសច្បាប់ នូវសារធាតុញៀន ប្រព្រឹត្តនៅចំណុចបន្ទប់ជួលលេខ៩ សហគមន៍អណ្តូង៦ ផ្លូវបេតុង ភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី២០ ខែមីនា ឆ្នាំ២០២៦ វេលាម៉ោង១៥ និង ៤០ នាទី,

ករណីទី០២ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (យកដៃព្រួតគ្នាវាយប្លន់យកម៉ូតូម៉ាកហុង ដាំស្កុបពី ពណ៌ចម្រុះ សេរីឆ្នាំ២០២៥ គ្មានផ្លាកលេខ ចំនួន០១គ្រឿង និងទូរសព្ទ័ដៃម៉ាកហូណូចំនួន ០១ គ្រឿង) ប្រព្រឹត្តនៅចំណុច និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចផ្ទះជួល ផ្លូវលេខ៣៧១ ភូមិទ្រា៤ សង្កាត់ស្ទឹងមានជ័យ៣ រាជធានីភ្នំពេញ កាលពីថ្ងៃទី១៧ ខែមីនាំ ឆ្នាំ២០២៦ វេលាម៉ោងប្រហែល០១ និង៤៥ នាទី និង ករណីទី០៣ ៖ ចាប់ ឃុំឃាំង និងបង្ខាំងដោយខុសច្បាប់ ហិង្សាដោយចេតនាមានស្ថានទម្ងន់ទោស ,ជំរិតទារប្រាក់(ពុំបាន សម្រេច) និងអំពើលួចមានស្ថានទម្ងន់ទោស ប្រព្រឹត្តនៅចំណុចក្នុងបុរី មុខផ្ទះលេខ០២A ផ្លូវលេខ៣ ភូមិទួលកី សង្កាត់ភ្លើ ងឆេះរទេះ ខណ្ឌកំបូល រាជធានីភ្នំពេញ កាលពីថ្ងៃទី១៩ ខែមីនា ឆ្នាំ២០២៦ វេលាម៉ោងប្រហែល ២២ និង ០០ នាទី។

បច្ចុប្បន្នជនសង្ស័យទាំង៩នាក់ ត្រូវបានកម្លាំងសមត្ថកិច្ចជំនាញយកមកបង្ហាញមុខជាសាធារណៈ រួចបញ្ជូនខ្លួនទៅកាន់តុលាការដើម្បីអនុវត្តតាមនីតិវិធីច្បាប់៕

The post បញ្ជូនជនសង្ស័យ៩នាក់ទៅកាន់តុលាការ ពាក់ព័ន្ធករណីប្លន់និងចាប់ឃុំឃាំងដោយខុសច្បាប់ ដកហូតវត្ថុតាងគ្រឿង ញៀនមួយចំនួនធំ appeared first on Kampuchea Thmey Daily.

លោកឧត្តមសេនីយ៍ត្រី សោម សីហាក់ ស្នងការរងទទួលដឹកនាំការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកណ្តាល បានឱ្យដឹងថា៖ ដោយអនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាដល់កម្លាំងជំនាញរបស់ស្នងការដ្ឋានរួមជាមួយកម្លាំងអធិការដ្ឋាននគរបាលក្រុងតាខ្មៅ ស្រុកស្អាង និងស្រុកកណ្តាលស្ទឹង បានធ្វើការស្រាវជ្រាវបង្ក្រាបមុខសញ្ញា ករណីលួ.ចមានស្ថានទ.ម្ងន់.ទោ ស (ធា.ក់ប្ល.ន់.យកម៉ូតូ) ចំនួន៣ករណី រួមមាន៖ករណីទី១៖ កើតហេតុនៅថ្ងៃទី១៧ ខែសីហា ឆ្នាំ២០២៥ វេលាម៉ោង០១:៣០នាទី នៅចំណុចផ្លូវជាតិលេខ២១ ស្ថិតនៅក្នុងភូមិស្វាយជួរ ឃុំកោះខែល ស្រុកស្អាង ខេត្តកណ្តាល, ករណីទី២៖ កើតហេតុនៅថ្ងៃទី១៣ ខែធ្នូ ឆ្នាំ២០២៥ ម៉ោង០៥:០០នាទី នៅចំណុចជិតគណបក្សប្រជាជនកម្ពុជាភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល, ករណីទី៣៖ កើតហេតុនៅថ្ងៃទី៣០ ខែមករា ឆ្នាំ២០២៦ វេលាម៉ោង ០៣:៥៧នាទី នៅចំណុចបណ្ដោយផ្លូវជាតិលេខ២ ស្ថិតក្នុងភូមិព្រែកស្លែង ឃុំព្រែកស្លែង ស្រុកកណ្តាលស្ទឹង ខេត្តកណ្ដាល។

គួររំលឹកផងដែលថា កាលពីថ្ងៃទី៣០ ខែមករា ឆ្នាំ២០២៦ វេលាម៉ោង ០៣:៥៧នាទី (ទៀបភ្លឺ) នៅចំណុច តាបណ្ដោយ ផ្លូវជាតិលេខ២ ស្ថិតក្នុងភូមិព្រែកស្លែង ឃុំព្រែកស្លែង ស្រុកកណ្តាលស្ទឹង ខេត្តកណ្ដាល ជនសង្ស័យ២នាក់ ជិះម៉ូតូមួយគ្រឿងបានធើ្វសកម្មភាពប្លន់យកម៉ូតូមួយគ្រឿងម៉ាក Honda Dream C125 ពណ៌ខ្មៅ ស៊េរីឆ្នាំ២០១៧ បិតតែមឆ្នាំ២០២២ ពាក់ផ្លាកលេខ ព្រះវិហារ 1B-4654  ពីស្រី្ដជាអ្នកលក់បន្លែបានសម្រេចរួចជិះគេចខ្លួនបាត់ស្រមោល។

បច្ចុប្បន្នកម្លាំងជំនាញបានធ្វើការឃាត់ខ្លួនជនសង្ស័យចំនួន០៣នាក់ និងកំពុងកសាងសំណុំរឿងចាត់ការតាមនីតិវិធី។ ដោយឡែកចំពោះមុខសញ្ញាដែលនៅសេសសល់កម្លាំងជំនាញកំពុងស្រាវជ្រាវបន្ត ដើម្បីឃាត់ខ្លួនចាត់ការតាមនីតិវធី៕ ដោយ ៖ អុឹងម៉េង

The post កម្លាំងសមត្ថកិច្ចខេត្តកណ្ដាល ស្រាវជ្រាវឃាត់ខ្លួនជនសង្ស័យធាក់ប្លន់យកម៉ូតូស្ត្រីលក់បន្លែបាន០១នាក់ក្នុងចំណោមបក្សពួកម្នាក់រត់គេចខ្លួន appeared first on Kampuchea Thmey Daily.