ការចុះប្រតិបត្តិការឃាត់ខ្លួនក្រុមជនជាតិចិននេះ ធ្វើឡើងនៅម៉ោងប្រមាណ ២១និង០០នាទីយប់ ថ្ងៃទី២១ ខែឧសភា ឆ្នាំ២០២៦ បន្ទាប់ពីមានប្រជាពលរដ្ឋរាយការណ៍ថា មានជនជាតិចិនមួយក្រុមកាន់អាវុធភ្ជង់ជនជាតិចិនដូចគ្នា។

ក្នុងប្រតិបត្តិការ កម្លាំងជំនាញបានឃាត់ខ្លួនជនសង្ស័យចំនួន៥នាក់ ដកហូតអាវុធខ្លី ២ដើម និងរថយន្ត ២គ្រឿង និងបានរំដោះជនរងគ្រោះជាជនជាតិចិនម្នាក់ និងបានបញ្ជូនមកស្នងការដ្ឋាននគរបាលខេត្តដើម្បីសួរនាំ និងអនុវត្តនិតិវិធីច្បាប់បន្ត។ ទោះបីយ៉ាងណា ក្នុងហេតុការន៍នេះ កម្លាំងសមត្ថកិច្ចនៅមិនទាន់បញ្ជាក់ថា ជាករណីអ្វីនោះទេ៕

The post ផ្ទុះអាវុធមួយប្រាវ ឃាត់ខ្លួនជនជាតិចិន៥នាក់ និងដកហូតអាវុធខ្លី ២ដើម appeared first on Kampuchea Thmey Daily.

តាមប្រភពព័ត៍មានបានអោយដឹងថា មុនកើតហេតុ ជនសង្ស័យជាជនជាតិចិនខាងលើបានដើរចូលមកកាន់ខាងក្នុងហាង រួចដើរមើលទំនិញដូចភ្ញៀវផ្សេងធម្មតា។ លុះមួយសន្ទុះក្រោយមកបែរជាគេឃើញបុរសជនសង្ស័យខាងលើ ឈ្លោះប្រកែកគ្នាជាមួយម្ចាស់ហាង ប៉ុន្តែមិនបានដឹងថា មូលហេតុអ្វីនោះឡើយទើបរហូតឈានដល់ដកកាំភ្លើងភ្ជង់គំរាមម្ចាស់ហាង និងបាញ់ឡើងលើ ០២គ្រាប់ (ផ្ទុះមួយគ្រាប់) ទើបពលរដ្ឋនាំគ្នាទាក់ទងសមត្ថកិច្ចចុះមកអន្តរាគមន៍ ឃាត់ខ្លួនបាននៅហ្នឹងកន្លែងតែម្តង។

ក្រោយពេលកេីតហេតុ សមត្ថកិច្ចឃាត់ខ្លួនជនជាតិចិនខាងលេី និងបានដកហូតកាំភ្លើងខ្លីម៉ាក 54 និងវត្ថុតាងមួយចំនួនទៀតយកទៅប៉ុស្តិ៍នគរបាលរដ្ឋបាលចាក់អង្រែលេី ដេីម្បីធ្វេីការសាកសួរ និងបន្តនីតិវិធីតាផ្លូវច្បាប់៕

អត្ថបទ៖ រដ្ឋា

The post ឃាត់ខ្លួនជនជាតិចិនម្នាក់ភ្លាមៗ ក្រោយដកកាំភ្លើងបាញ់គំរាមម្ចាស់ហាងមួយកន្លែងនៅផ្លូវ៦០ម៉ែត្រ appeared first on Kampuchea Thmey Daily.

ជនសង្ស័យត្រូវបានឃាត់ខ្លួនកាលពីថ្ងៃទី១៩ ខែធ្នូ ឆ្នាំ២០២៥ វេលាម៉ោង១៧:៣០នាទី នៅចំណុចផ្ទះជួល ស្ថិតនៅភូមិកែវក្រសាំង សង្កាត់កែប ក្រុងកែប ខេត្តកែប។ ជនសង្ស័យមានឈ្មោះ FEI YICHAO ភេទប្រុស អាយុ៣០ឆ្នាំ មុខរបរបើកបររថយន្ត ស្នាក់នៅផ្ទះជួល ស្ថិតនៅភូមិ សង្កាត់កើតហេតុ ដែលបានធ្វើសកម្មភាពយកអាវុធខ្លីម៉ាក COONAN លេខ357 ពណ៌ទឹកប្រាក់ ស្ដាប់ដៃពណ៌ខ្មៅ បាញ់សំដៅឡើងលើ ចំនួន ៦គ្រាប់ នៅដីឡូតិ៍មួយកន្លែងចម្ងាយប្រមាណ ៨០០ម៉ែត្រ ពីទីតាំងផ្ទះជួលដែលខ្លួនស្នាក់នៅ។

ក្រោយពីឃាត់ខ្លួន កម្លាំងជំនាញបានឆែកឆេផ្ទះជួលខាងលើ រកឃើញអាវុធខ្លីសរុបចំនួន៤ដើម សំបកគ្រាប់បាញ់ហើយចំនួន៣៥គ្រាប់ និងមិនទាន់បាញ់ចំនួន១៧៩គ្រាប់ រួចបញ្ជូនមកកាន់ស្នងការដ្ឋាននគរបាលខេត្ត ដើម្បីសាកសួរ និងកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត និងស្នើសុំគោលការណ៍ទៅអគ្គនាយកដ្ឋានអន្តោប្រវេសន៍ ដើម្បីចាប់បណ្ដេញចេញពីព្រះរាជាណាចក្រកម្ពុជា៕

The post នគរបាលខេត្តកែប ចាប់ខ្លួនជនជាតិចិនម្នាក់ដកហូតអាវុធខ្លី៤ដើម ក្រោយបាញ់មេឃ៦គ្រាប់ appeared first on Kampuchea Thmey Daily.

សូមរំលឹកថា កាលពីវេលាម៉ោង១០ យប់ថ្ងៃទី០៣ ខែតុលា ឆ្នាំ ២០២៥ នៅតាមផ្លូវបេតុង ស្ថិតក្នុងភូមិក្រញូង ឃុំពោធិ៍អង្ក្រង ស្រុកបសេដ្ឋ ខេត្ត កំពង់ស្ពឺ មានករណីផ្ទុះអាវុធចំនួន០១គ្រាប់ ដែលបង្កឡើងដោយជនសង្ស័យ ទ្រី បូរិន ភេទប្រុស អាយុ ៣៨ឆ្នាំ ជានាយប៉ុស្តិ៍នគរបាលរដ្ឋបាលពោធិ៍អង្ក្រង បណ្តាលឲ្យជនរងគ្រោះឈ្មោះ ផាន ផាយុ វ័យ១៧ឆ្នាំ ស្លាប់បាត់បង់ជីវិត។

ករណីផ្ទុះអាវុធនេះ កើតឡើងនៅពេលដែលនាយប៉ុស្ត៍ពោធិ៍អង្គ្រង ទ្រី បូរិន  ដឹកនាំកម្លាំងចុះល្បាតក្នុងមូលដ្ឋាន លុះដល់ចំណុចកើតហេតុ ប្រទះឃើញមានយុវជនពីរនាក់ ជិះម៉ូតូមួយគ្រឿងម៉ាកហុងដាឌ្រីម ផ្លាកលេខ កំពង់ស្ពឺ 1Z-2338 ពេលនោះសមត្ថកិច្ចបានស្ទាក់ឃាត់ដើម្បីសួរនាំ ប៉ុន្តែជនរងគ្រោះបើកម៉ូតូរត់គេ​ចមិនព្រមឈប់ ទើបកើតមានករណីផ្ទុះអាវុធបណ្ដាលឱ្យជនរងគ្រោះ ផាន ផាយុ បាត់បង់ជីវិតតែម្ដង។

ក្រោយហេតុការណ៍ អនុសេនីយ៍ឯក ទ្រី បូរិន នាយប៉ុស្តិ៍ពោធិ៍អង្គ្រង បានរាយការណ៍ភ្លាមៗទៅលោកអធិការនគរបាលស្រុកបសេដ្ឋ និងបានប្រគល់ខ្លួនមកផ្នែកព្រហ្មទណ្ឌនៃអធិការដ្ឋាននគរបាលស្រុកបសេដ្ឋ ដើម្បីទទួលខុសត្រូវចំពោះសកម្មភាពកើតឡើង និងការធ្វេសប្រហែសរបស់ខ្លួនក្នុងពេលចុះបំពេញភារកិច្ចការពាររក្សាសន្តិសុខសណ្តាប់ធ្នាប់សាធារណៈសង្គម។​

បន្ទាប់មកនៅថ្ងៃទី៦ ខែតុលា កម្លាំងសមត្ថកិច្ចនៃស្នងការដ្ឋាន នគរបាលខេត្តកំពង់ស្ពឺ បានឃាត់ខ្លួនលោក ទ្រី បូរិន រួមជាមួយវត្ថុតាង កាំភ្លើងAK47 រួចកសាងសំណុំរឿង បញ្ជូនមកអយ្យការអមសាលាដំបូងខេត្តកំពង់ស្ពឺ ដើម្បីចាត់ការតាមនីតិវិធី។

គួរបញ្ជាក់ថា ក្រមព្រហ្មទណ្ឌ នៃព្រះរាជាណាចក្រកម្ពុជា មាត្រា១៩៩ បានបញ្ញត្តិថា «បទឃាតកម្ម» គឺជាអំពើសម្លាប់មនុស្សដោយចេតនា ដោយប្រើអាវុធ ឬមិនប្រើអាវុធ ដោយគ្មានស្ថានទម្ងន់ណាមួយដូចបានកំណត់ក្នុងមាត្រា២០០ (បទឃាតកម្មគិតទុកជាមុន) ដល់មាត្រា២០៥ (បទឃាតកម្មដោយមានទារុណកម្ម អំពើឃោរឃៅ ឬអំពើរំលោភសេពសន្ថវៈ)។ «បទឃាតកម្ម» ត្រូវផ្តន្ទាទោសដាក់ពន្ធនាគារពី ១០ឆ្នាំ ដល់ ១៥ឆ្នាំ៕

ដោយ៖ង៉ិល ណារ៉ាត់

The post តុលាការចោទនាយប៉ុស្តិ៍ពោធិ៍អង្គ្រងពី«បទឃាតកម្ម» ប្រឈមជាប់ពន្ធនាគារពី១០ទៅ១៥ឆ្នាំ appeared first on Kampuchea Thmey Daily.

សូមជម្រាបថា កាលពីថ្ងៃទី៣ ខែតុលា ឆ្នាំ២០២៥ វេលាម៉ោង១០យប់ លោក ទ្រី បូរិន ដែលមានតួនាទីជានាយប៉ុស្តិ៍នគរបាលរដ្ឋបាលពោធិ៍អង្ក្រង នៃអធិការដ្ឋាននគរបាលស្រុកបសេដ្ឋ បានផ្ទុះអាវុធមួយគ្រាប់បណ្ដាលឲ្យស្លាប់យុវជនម្នាក់ឈ្មោះ ផាន ផាយុ ភេទប្រុស អាយុ ១៧ឆ្នាំ រស់នៅភូមិព្រៃស្រួល ឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ នៅពេលដែលលោកនាយប៉ុស្ដិ៍ដឹកនាំកម្លាំងចុះល្បាលក្នុងមូលដ្ឋាន នៅចំណុចផ្លូវបេតុង ក្នុងភូមិក្រញូង ឃុំពោធិ៍អង្គ្រង ស្រុកបសេដ្ឋ ខេត្តកំពង់ស្ពឺ។

ក្រោយកើតហេតុ ជនសង្ស័យបានប្រគល់ខ្លួនជូនជំនាញព្រហ្មទណ្ឌនៃអធិការដ្ឋាននគរបាលស្រុកបសេដ្ឋ ដើម្បីទទួលខុសត្រូវចំពោះសកម្មភាពកើតឡើងក្នុងពេលបំពេញភារកិច្ច ក្នុងនោះកម្លាំងផ្នែកព្រហ្មទណ្ឌបានចាប់ យកអាវុធ AK47 ស្វាយបត់ មួយដើម លេខ៤០៣៤ បង់ ១គ្រាប់ចំនួន ១៩។

តាមសេក្ដីបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកំពង់ស្ពឺ បានឲ្យដឹងថា នៅថ្ងៃកើតហេតុ លោក ទ្រី បូរិន នាយប៉ុស្ដិ៍រដ្ឋបាលនគរបាលពោធិ៍អង្ក្រង បានដឹកនាំកម្លាំង៥នាក់ចុះល្បាតក្នុងមូលដ្ឋាន លុះមកដល់ចំណុចផ្លូវបេតុងកើតហេតុ មានមុខសញ្ញាពីរនាក់ ជិះម៉ូតូមួយគ្រឿងម៉ាកហុងដាឌ្រីម ផ្លាកលេខ កំពង់ស្ពឺ 1Z-2338 ពេលនោះសមត្ថកិច្ចបានស្ទាក់ឃាត់ដើម្បីសួរនាំ ប៉ុន្តែមុខសញ្ញាបើកម៉ូតូមិនព្រមបញ្ឈប់ និងបានព្យាយាមបើកគេចពីសមត្ថកិច្ចបកថយក្រោយរួចបានជ្រុលបុកលោកអនុសេនីយ៍ឯក ទ្រី បូរិន នាយប៉ុស្តិ៍ បុកចំអាវុធAK47 បណ្តាល​ឱ្យរាលកៃផ្ទះចំឈ្មោះ ផា រ៉ាយុ ភេទប្រុស អាយុ ១៧ឆ្នាំ ជាអ្នកបើកម៉ូតូ បណ្តាលឱ្យជនរងគ្រោះស្លាប់តែម្ដង។

ក្រោយហេតុការណ៍ លោកអនុសេនីយ៍ឯក ទ្រី បូរិន នាយប៉ុស្តិ៍បានគោរពរាយការណ៍ភ្លាមៗទៅលោកអធិការនគរបាលស្រុកបសេដ្ឋ និងបានប្រគល់ខ្លួនមកផ្នែកព្រហ្មទណ្ឌនៃអធិការដ្ឋាននគរបាលស្រុកបសេដ្ឋ ដើម្បីទទួលខុសត្រូវចំពោះសកម្មភាពកើតឡើងដោយអចេតនា និងការធ្វេសប្រហែសរបស់ខ្លួនក្នុងពេលចុះបំពេញភារកិច្ចការពាររក្សាសន្តិសុខសណ្តាប់ធ្នាប់សាធារណៈសង្គម៕

អត្ថបទ៖ សុខុម

The post ស្នងការខេត្តកំពង់ស្ពឺ បញ្ជូនមេប៉ុស្ដិ៍ពោធិ៍អង្រ្កងដែលផ្ទុះអាវុធបណ្ដាលឲ្យស្លាប់យុវជនម្នាក់ទៅតុលាការ appeared first on Kampuchea Thmey Daily.

ស្នងការដ្ឋាននគរបាលខេត្តព្រះសីហនុអះអាងថា បន្ទាប់ពីទទួលបានព័ត៌មានភ្លាមៗ ពីប្រជាពលរដ្ឋកាលពីវេលាម៉ោង២២និង០០នាទីយប់ ថ្ងៃទី១១ ខែកញ្ញា សមត្ថកិច្ចបានជំនាញ បានចុះទៅដល់ទីតាំងកើតហេតុ ដោយឃាត់ខ្លួនបានជនសង្ស័យជនជាតិចិន ១៤នាក់ (ស្រី១នាក់) និងដកហូតបានអាវុធខ្លី១ដើម ម៉ាក Zoraki មានបង់១ គ្រាប់១គ្រាប់។

បន្ទាប់មក កម្លាំងជំនាញបានបន្តធ្វើការស្រាវជ្រាវជាបន្តបន្ទាប់ រហូតឃាត់ខ្លួនបានជនសង្ស័យ ៣៣នាក់ (ស្រី២នាក់) បន្ថែមទៀត។

សរុបសមត្ថកិច្ចជំនាញ ឃាត់ខ្លួនជនសង្ស័យចំនួន ៤៧នាក់ ស្រី ៥នាក់ (ចិន ៣៥នាក់ ស្រី ៣នាក់,នេប៉ាល់ ៤នាក់ និងខ្មែរ ៨នាក់ ស្រី ២នាក់) ។វត្ថុតាងដកហូតបាន រួមមាន កាំភ្លើងចំនួន១៣ដើម (អាវុធវែង ២ដើម និងអាវុធខ្លី ១១ដើម) គ្រាប់ជាច្រើនគ្រាប់ ម្សៅស សង្ស័យជាសារធាតុញៀនមួយចំនួនរថយន្តចំនួន ៥គ្រឿង។

ស្នងការថានគរបាលខេត្តព្រះសីហនុអះអាងថា សមត្ថកិច្ចកំពុងធ្វើការស្រាវស្រាវបន្ថែមចំពោះមូលហេតុ ដែលនាំឲ្យមានករណីផ្ទុះអាវុធនេះ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តព្រះសីហនុ ចាត់ការតាមនីតិវិធី ៕

The post ករណីបាញ់បោះនៅខេត្តព្រះសីហនុ÷ សមត្ថកិច្ចឃាត់ខ្លួនជនជាតិចិន នេប៉ាល់ ខ្មែរសរុប៤៧នាក់ និងកាំភ្លើង១៣ដើម appeared first on Kampuchea Thmey Daily.

តាមរបាយការណ៍របស់ស្នងការដ្ឋាននគរបាលរាជធានីភ្នំពេញ អធិការរងខណ្ឌដង្កោដែលផ្ទុះអាវុធនោះ មានឈ្មោះ ទូច សេងហ៊ បានផ្ទុះអាវុធ០១គ្រាប់នៅតាមទីសាធារណៈកាលពីយប់ថ្ងៃទី៣០ខែមិថុនា ឆ្នាំ២០២៥ នៅចំណុចតាមផ្លូវបេតុង ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។

ករណីនេះ លោកឧត្តមសេនីយ៍ឯក ជួន ណារិន្ទ តម្រូវឲ្យមន្រ្តីជំនាញស្រាវជ្រាវ និងនាំលោកអធិការរងខាងលើយកមកសួរនាំ នៅស្នងការដ្ឋាននគរបាលរាជធានីភ្នំពេញ ដើម្បីធ្វើរបាយការណ៍ រាយការណ៍ជូនលោកស្នងការពិនិត្យសម្រេច។

សូមជម្រាបថា ​កាលពី​វេលា​ម៉ោង១០យប់ ថ្ងៃ​ទី៣០ ខែ​មិថុនា ឆ្នាំ២០២៥ លោក ទូច សេងហ៊ ដែលគេស្គាល់ថា ជាអធិការរងខណ្ឌដង្កោ ទទួលផែនគ្រឿងញៀន រហ័សនាម ០២៥ បានដក​កាំភ្លើង​បាញ់​ឡើង​លើ​ចំនួន​មួយ​គ្រាប់ដើម្បីគំរាមយុវជនម្នាក់ដែលជិះម៉ូតូកាត់កន្លែងលោកកំពុងផឹកស៊ី ដោយចោទថា យុវជនរូបនោះជិះម៉ូតូលឿន។

ទោះបីយ៉ាងណា មហាជនកំពុងរង់ចាំមើល តើលើចំណាត់ការរបស់ស្នងការរាជធានី នឹងមានវិធានការយ៉ាងណាចំពោះមន្ត្រីអនុវត្តច្បាប់ តែបែរជាផ្ទុះអាវុធតាមទីសាធារណៈពេលកំពុងផឹកស៊ីបែបនេះ៕

The post ស្នងការរាជធានី បញ្ជាឲ្យនាំខ្លួនអធិការរងខណ្ឌដង្កោដែលផ្ទុះអាវុធទៅសួរនាំ appeared first on Kampuchea Thmey Daily.

ហេតុការណ៍​នេះ​បាន​កេីត​ឡេីង​កាល​ពី​វេលា​ម៉ោង​១១និង៣០នាទី​យប់​ ថ្ងៃ​ទី​០៦​ ខែ​មិថុនា​ ឆ្នាំ​២០២៥​ ស្ថិត​តាម​បណ្ដោយ​ផ្លូវ​បេតុង​ ភូមិ​ទ្រុងមាន់​ សង្កាត់​អូរបែកក្អម​ ខណ្ឌ​សែនសុខ​ រាជធានី​ភ្នំពេញ​។

តាម​ប្រភព​ព័ត៌មាន​ពី​​ក្រុម​គ្រួសារ​ជនរងគ្រោះ​ដែល​ត្រូវ​ជន​បង្ក​វាយនឹង​ស្នាប់កាំភ្លេីង​ហេីយ​ផ្ទុះ​អាវុធ​មួយ​គ្រាប់​ បាន​និយាយប្រាប់​ថា​ នៅមុន​ពេល​កេីត​ហេតុ​ មាន​បុរស​ម្នាក់​ជិះ​ម៉ូតូ​អគ្គិសនី​មួយ​គ្រឿង​ ហេីយ​ត្រូវ​​ឆ្កែ​ដេញ​ខាំ​តែ​មិន​ទាន់​បាន​ខាំ​ផង​ក៏ត្រូវបុរស​ស្រែក​ជេរ​ ព្រម​ទាំង​យក​ដុំ​ឥដ្ឋ​មក​គប់ឆ្កែ។ បន្ទាប់​មក​ ក្រុម​គ្រួសារ​ជនរងគ្រោះ​២នាក់​ចុះ​មក​ប្រាប់​​កុំ​គប់​គ្រែង​ត្រូវ​ឡាន​ និង​​ផ្ទះ​ប្រជាពលរដ្ឋ​ជិត​ខាង​។ ភ្លាមនោះ ក៏បាន​ទាស់​ពាក្យ​សម្ដី​​គ្នា​ដោយ​បុរស​២នាក់​និយាយ​ថា ​ឆ្កែ​ខាំ​បង​ឯង​មែន​ បេីក​ខាំ​ចាំ​គាត់​ចាក់​ថ្នាំ​អោយ​ ព្រោះ​ឆ្កែ​ដែល​ដេញ​មាន​ចំនួន​៣ក្បាល​ មិន​ដឹង​ថា​ឆ្កែ​គាត់​ ឬក៏​ឆ្កែ​គេ​ទេ។

ប្រភពបន្ថែមថា ក្រោយពីកើតទំនាស់ពាក្យសម្ដី បុរសអ្នកជិះ​កង់​ម៉ូតូអគ្គិសនី​បាន​ទូរស័ព្ទ​ហៅ​បក្ខពួក​ម្នាក់​ទៀត​មក​កន្លែង​កេីត​ហេតុ​ ដោយ​ជិះ​ម៉ូតូ​ម៉ាក​PCX មួយ​គ្រឿង​ ខណៈ​កំពុង​តែ​ឈ្លោះ​គ្នា​ បុរសដែលជាបក្ខពួកជិះម៉ូតូPCX​ បាន​ដកកាំភ្លេីង​ខ្លី​មក​វាយ​ទៅលេី​ជន​រងគ្រោះ​២នាក់​បណ្តាល​ឲ្យ​បែក​ក្បាល​ ចំណែក​ស្រ្ដី​ម្នាក់​ទៀត​មក​ជួយ​ឃាត់​​រង​របួស​បែក​បបូរមាត់​ ហេីយ​បុរស​ម្នាក់​ជិះ​ម៉ូតូ​ម៉ាក​PCX​ខាង​លេី​បាន​ផ្ទុះ​អាវុធ​មួយ​គ្រាប់​ហេីយ​ជិះ​ម៉ូតូ​គេច​ខ្លួន​បាត់។

ក្រោយពីកើតហេតុ បុរស​ដែល​ជិះ​ម៉ូតូ​អគ្គិសនី​​ និង​ជនរងគ្រោះ​២នាក់​ទៀត​ត្រូវ​បាន​សមត្ថកិច្ច​នគរបាល​ប៉ុស្តិ៍​ ​ឃាត់​យក​ទៅ​សួរនាំ​នៅ​ប៉ុស្តិ៍​នគរបាល​សង្កាត់​អូបែក​ក្អម​ភ្លាមៗ​ដេីម្បី​សួរនាំ​បន្ត​ និង​ដេីម្បី​ចាត់ការ​តាម​និតិវិធី​បន្ត​៕

អត្ថបទ៖ សំណាង

The post ទំនាស់ពាក្យសម្ដីរឿងឆ្កែដេញខាំ រហូតបង្ករបួសស្នាម និងផ្ទុះអាវុធ appeared first on Kampuchea Thmey Daily.