កាយវិការ Archives - Kampuchea Thmey Daily

ចិត្តសាស្ត្រ! សង្កេតកាយវិការសម្គាល់អារម្មណ៍មនុស្ស

Sonya — Tue, 04 May 2021 09:42:05 +0000

បើចង់ដឹងថា នរណាម្នាក់គិតអ្វីពេលកំពុងសន្ទនាជាមួយយើង មិនពិបាកពេកនោះទេ! គ្រាន់តែសង្កេតកាយវិការរបស់គេបន្តិច ក៏អាចដឹងថាគេមានអារម្មណ៍បែបណាចំពោះការសន្ទនានេះបានដែរ។ ទឹកមុខ កែវភ្នែក សកម្មភាពដៃឬជើង សុទ្ធតែអាចបង្ហាញប្រាប់អ្នកដទៃអំពីបុគ្គលិកលក្ខណៈនិងអារម្មណ៍របស់គេបានយ៉ាងងាយ។ តោះ! មកសង្កេតជាមួយ KPT Plus!

អង្គុយឬឈរងាកខ្លួន

កាយវិការនេះបង្ហាញថា ដៃគូសន្ទនារបស់យើងកំពុងតែមានអារម្មណ៍មិនស្រួល គ្មានសុវត្ថិភាព និងមិនសូវទុកចិត្តលើខ្លួនឯង។

ក្រពាត់ដៃឬខ្វែងជើង

កាយវិការបែបនេះមានន័យថា គេមានអារម្មណ៍មិនទុកចិត្តក្នុងការសន្ទនាជាមួយយើង និងចង់បង្ហាញថា គេចង់ការពាខ្លួនឯង។

រសាប់រសល់

កាយវិការម្ដងច្រូងសក់ ម្ដងមើលនាឡិកាឬប៉ះចិញ្ចៀន បានន័យថា គេកំពុងមានអារម្មណ៍រសាប់រសល់និងធុញទ្រាន់ ។

ការត្រដុស ក

ការត្រដុសកបង្ហាញថា គេមានអារម្មណ៍តានតឹងនិងថប់បារម្ភ។

ខាំក្រចក

ការខាំក្រចកជួនកាលចង់បង្ហាញថា គេកំពុងតានតឹងស្មុគស្មាញ និងជួនកាលចង់បង្ហាញថា គេភ័យ។

មិនសម្លឹងចំឬមិនដាក់ភ្នែក

ទង្វើបែបនេះចង់បង្ហាញថា គេខ្វះទំនុកចិត្តលើខ្លួនឯង មួយវិញទៀតគឺបង្ហាញការមិនចូលចិត្តនឹងអ្នកសន្ទនាជាមួយ។

អារម្មណ៍មិនជាប់ខ្លួន

អារម្មណ៍ហោះហើរអណ្ដែតអណ្ដូង បង្ហាញថា គេមិនឲ្យតម្លៃនិងមិនគោរពលើដៃគូសន្ទនាទេ ។

ភ្នែកក្រឡិបក្រឡាប់

កែវភ្នែកបែបនេះ បង្ហាញថាគេធុញទ្រាន់ឬមានអារម្មណ៍រំខាន និងមិនយកចិត្តទុកដាក់ជាមួយយើងទេ។

មិនញញឹម

ការដែលគេមិនញញឹមញញែម គឺមានន័យថាគេកំពុងមានទុក្ខព្រួយ ហើយគេកំពុងតែបង្ខំខ្លួនឯងមកនិយាយជាមួយយើង។

ស្ងប់ស្ងាត់ពេក

ខណៈកំពុងនិយាយគ្នា គេបែរជាស្ងប់ស្ងាត់ខ្លាំង បានន័យថា គេលែងយកចិត្តទុកដាក់នឹងយើងហើយ និងមិនចាត់ទុកការសន្ទនានេះថាសំខាន់ទៀតទេ៕

ប្រែសម្រួល៖ សន្យា

ប្រភព៖ Bright Side

ចុចអាន៖ មើលដំណើរប៉ុន្មានប្រភេទនេះ អាចឲ្យយើងស្គាល់ចរិតរបស់គេ

ចុចអាន៖ របាំងមុខដែលយើងស្រលាញ់ នឹងប្រាប់ពីអ្វីអាថ៌កំបាំងក្នុងចិត្ត

The post ចិត្តសាស្ត្រ! សង្កេតកាយវិការសម្គាល់អារម្មណ៍មនុស្ស appeared first on Kampuchea Thmey Daily.

កាយវិការចំនួន ៥ ដែលចេះជាប់ខ្លួនកាលណា ទៅធ្វើការផ្នែកអ្វីក៏មិនចេះទ័ល

សាង ស្រីល័ក្ខ — Fri, 19 Mar 2021 07:09:36 +0000

យើងភាគច្រើនផ្ដោតលើការងារដែលយើងត្រូវធ្វើរាល់ថ្ងៃ ហើយកម្រនឹងយកចិត្តទុកដាក់លើភាសាកាយវិការនៃការិយាល័យរបស់យើងណាស់។ មិនថាអ្នកធ្វើការងារបានល្អប៉ុណ្ណា ភាសារាងកាយ គឺជាគន្លឹះក្នុងអាជីពដែលទទួលបានជោគជ័យជាងនេះ។

១. គ្រប់គ្រងអារម្មណ៍និងទឹកមុខ

នៅពេលអ្នកមានបញ្ហានៅផ្ទះ ឬនៅកន្លែងធ្វើការ អ្នកច្បាស់ជាមិនមានអារម្មណ៍រីករាយទេ។ មនុស្សគ្រប់គ្នាកត់សម្គាល់ទឹកមុខទុទ្ទិដ្ឋិនិយម ឬខឹង ហើយព្យាយាមនៅឆ្ងាយពីអ្នក ឬលួងលោម។

មិនថាមានអ្វីកើតឡើងនៅក្នុងជីវិតរបស់អ្នកទេ ចៅហ្វាយនិងអ្នករួមការងារគឺមិនគួរឲ្យពួកគេដឹងអំពីរឿងនោះទេ។ គ្រប់គ្រងទឹកមុខរបស់អ្នក ដើម្បីមើលទៅមានលក្ខណៈវិជ្ជាជីវៈ។

២. ទំនាក់ទំនងកែវភ្នែក

ការទាក់ទងភ្នែកគឺពិតជាមានសារៈសំខាន់ណាស់ នៅគ្រប់ទិដ្ឋភាពនៃជីវិត។ វាជួយយើងឱ្យឈ្នះបេះដូងរបស់មនុស្សនៅពេលជួបដំបូង ឬបង្កើតចំណាប់អារម្មណ៍ដំបូងនៅគ្រប់ទីកន្លែងដែលយើងទៅ។ ការទាក់ទងកែវភ្នែក ក៏អាចជួយយើងបង្កើនអាជីពរបស់យើងបានដែរ។

មានហេតុផលមួយចំនួនដែលធ្វើឱ្យមនុស្សនិយាយមិនសម្លឹងភ្នែកគ្នា ។ បើចង់ឲ្យអ្នកដទៃយល់ថាយើងជាមនុស្សដែលគួរឲ្យទុកចិត្តនិងស្មោះត្រង់ សូមសម្លឹងភ្នែកនៅពេលដែលនិយាយជាមួយនរណាម្នាក់នៅការិយាល័យ។

៣. គ្រប់គ្រងសំឡេង

សំឡេងមានសារៈសំខាន់ដូចការទាក់ទងភ្នែកដែរ។ ការនិយាយស្ដីត្រូវចេះលើកដាក់សំឡេងដោយកាត់បន្ថយសំឡេងកោងកាច ឬគំហកដាក់អ្នកទល់មុខ។ វិធីនេះនឹងស្ដាប់ទៅមិនសូវឈ្លើយ ហើយគេក៏ចូលចិត្តយើងវិញ។

៤. កុំក្លែងបន្លំទំនុកចិត្ត

ដោយមិនគិតពីតួនាទីការងារ អ្នកមិនគួរលាក់បាំងទំនុកចិត្តរបស់អ្នកទៅកាន់នរណាម្នាក់ឡើយ។ ដើរដោយភាពជឿជាក់ ទោះបីអ្នកណាម្នាក់មិនចាប់អារម្មណ៍នឹងអ្នកក៏ដោយ។ ប្រសិនបើអ្នកជាមនុស្សអៀនខ្មាសពីធម្មជាតិ សូមកុំព្យាយាមក្លែងបន្លំទំនុកចិត្តរបស់អ្នក នៅពេលជួបដំបូង។

ចៅហ្វាយរបស់យើងប្រាកដជាកត់សម្គាល់ពីទំនុកចិត្តរបស់យើង ហើយអាចពិចារណាឡើងវិញ ពីមុខតំណែងការងារយើងម្ដងទៀត។

៥. គ្រប់គ្រងកាយវិការរបស់យើង

វាមិនមានន័យថា ឲ្យយើងឈរស្ងៀមហើយមិននិយាយ ឬផ្ដល់សុន្ទរកថាឆ្កឹងៗឡើយ។ ទោះយ៉ាងណាកាយវិការក្នុងការនិយាយស្ដីពេលខ្លះ អាចធ្វើឲ្យយើងល្អ ឬពេលខ្លះទៀត ក៏អាចបំផ្លាញយើងដែរ។

នៅពេលកាយវិការរបស់អ្នកសមនឹងពាក្យសំដី វាជួយជំរុញឱ្យមានភាពទាក់ទាញ និងធ្វើឱ្យការនិយាយរបស់អ្នក ទទួលបានជោគជ័យ៕

ប្រែសម្រួល៖ សាង ស្រីល័ក្ខ

ចុចអាន៖ការប្ដេជ្ញាចិត្តធំ៥ យ៉ាងដែលអាចដឹកនាំយើងដល់កន្លែងដែលចង់ទៅ

ចុចអាន៖៤យ៉ាងកំណត់ថា អ្នកជា«អ្នកមាន» ពិតមែន នាពេលនេះនិងអនាគត

The post កាយវិការចំនួន ៥ ដែលចេះជាប់ខ្លួនកាលណា ទៅធ្វើការផ្នែកអ្វីក៏មិនចេះទ័ល appeared first on Kampuchea Thmey Daily.

អត្ថន័យខុសគ្នានៃកាយវិការដៃទាំង១៥ ពីបណ្ដាប្រទេសផ្សេងៗជុំវិញពិភពលោក

សាង ស្រីល័ក្ខ — Tue, 29 Dec 2020 08:25:12 +0000

ក្រៅពីភាសានិយាយ គេអាចប្រើភាសាកាយវិការជំនួស ដើម្បីឲ្យយល់អត្ថន័យមួយចំនួននៅពេលប្រាស្រ័យទាក់ទងគ្នា។ ប៉ុន្តែភាសាកាយវិការទាំងអស់ពិតជាមានន័យពុំដូចគ្នានោះទេ ដោយវាផ្អែកលើវប្បធម៌តាមបណ្ដាប្រទេសផ្សេងៗផងដែរ។

១. កាយវិការ “យល់ព្រម” ឬ “Ok”

អាមេរិក៖ មិនអីទេ។

ជប៉ុន៖ លុយ។

ប្រេស៊ីល៖ កាយវិការឈ្លើយនៃមនុស្សអំនួត។

២. កាយវិការ “មេដៃលៀនកណ្ដាល”

អាមេរិក៖ មេដៃលៀនចន្លោះរវាងម្រាមដៃកណ្តាលនិងចង្អុលដៃ តំណាងឲ្យច្រមុះ។ វាត្រូវបានយកមកពីក្នុងហ្គេមក្មេងៗ។

តួកគី៖ វាជាកាយវិការអាសអាភាសស្រដៀងនឹងម្រាមកណ្តាលដែរ ហើយក៏ត្រូវបានប្រើដើម្បីបង្ហាញពីការមិនចុះសម្រុងឬបដិសេធសំណើ។

ប្រេស៊ីល៖ ជាមន្តស្នេហ៍សំណាងដ៏ល្អមួយដើម្បីបញ្ចៀសរឿងអាក្រក់និងការច្រណែន។

ឥណ្ឌូណេស៊ី៖ កាយវិការវាយប្រហារ។

៣. កាយវិការអក្សរ “V”

អាមេរិក៖ សញ្ញាសន្តិភាព ឬជ័យជំនះ។

ចិន ជប៉ុន កូរ៉េខាងត្បូង តៃវ៉ាន់ ថៃ៖ សញ្ញាគួរឱ្យស្រឡាញ់ពេលកំពុងថតរូប។

ចក្រភពអង់គ្លេស អាហ្វ្រិកខាងត្បូង អូស្ត្រាលី ញូវហ្សេឡែន អៀរឡង់៖ ជាការប្រមាថមួយ។

៤. កាយវិការ “អ្នកចាញ់”

អាមេរិក៖ ជាធម្មតាប្រើវាជាការចំអក វាមានន័យថា “អ្នកចាញ់ហើយ” ។

ចិន៖ បង្ហាញពីលេខ ៨ ដែលត្រូវបានគេចាត់ទុកថា ជាលេខសំណាង។

៥. មេដៃ

អាមេរិក៖ មានន័យ ល្អ។ វាត្រូវបានប្រើនៅពេលដើរកម្សាន្តផងដែរ។

អ៊ីរ៉ាក់ និង អ៊ីរ៉ង់៖ ការប្រមាថឲ្យមិត្តជិតស្និទ្ធ។

៦. ដៃផ្កាឈូក

អាមេរិក៖ វាចង្អុលពីកាយវិការនៅពេលផឹកតែ ឬជាសញ្ញាមួយដែលបង្ហាញថា អ្នកកំពុងសន្យាឬស្បថ។

ចិន៖ មានន័យដូចគ្នាទៅនឹងការឲ្យមេដៃចុះក្រោមដែរ។

ជប៉ុន៖ ជានិមិត្តរូបនៃគូស្នេហ៍។

៧. កាយវិការ “ចង្អុលហៅ”

អាមេរិកអេក្វាទ័រ៖ មានន័យថា “មកទីនេះ” ។ កាយវិការនេះប្រើនៅពេលល្បួងនរណាម្នាក់ធ្វើអ្វីមួយ។

ហ្វីលីពីន៖ សញ្ញាហៅសត្វឆ្កែ។ ការប្រើកាយវិការនេះលើមនុស្ស មានន័យថា ម្នាក់នោះអន់បំផុត ហើយអ្នកអាចត្រូវបានចាប់ខ្លួនពីបទប្រើវាខុស។

៨. កាយវិការ “ឈប់”

អាមេរិក៖ មានន័យថា “ឈប់” ឬ លេខ ៥។

ក្រិក និង ប៉ាគីស្ថាន៖ ហៅថា “ម៉ាតូហ្សា” ឬ “ម៉ោនហ្សា” ដែលត្រូវបានគេចាត់ទុកថា ជាការប្រមាថមួយ។

ម៉ិកស៊ីកូ ប៉ាណាម៉ា៖ ធ្លាប់ប្រើក្នុងន័យថា “សួស្តី” ប៉ុន្តែបើវាមានចលនាឬផ្លាស់ប្តូរ មានន័យ ជាការព្រមានពីមនុស្សមានអំណាច។

ម៉ាឡេស៊ី៖ គេអាចប្រើជាការសួស្តីទៅកាន់អ្នកដែលស្គាល់ ឬហៅអ្នករត់តុ ឬនិយាយអរគុណទៅកាន់អ្នកបើកបរ។ ន័យម្យ៉ាងទៀត ប្រើនៅពេលើឆ្លងកាត់ផ្លូវ ដើម្បីឲ្យឡានឈប់។

៩. កាយវិការ “ប្រយ័ត្នស្លាប់!”

អាមេរិក៖ មានន័យថា “អ្នកបានធ្វើហើយ”

ជប៉ុន៖ វាមានន័យថា “អ្នកត្រូវបានបណ្តេញចេញ” នេះដោយសារតែពាក្យ kubi ដែលមានន័យថា បណ្តេញចេញពីការងារ មានសំឡេងដូចគ្នាទៅនឹង kubi ដែលមានន័យថា កឬបំពង់ក។

១០. កាយវិការអ៊ីតាលី

អាមេរិក៖ ធ្វើត្រាប់តាមកាយវិការអ៊ីតាលី។

អ៊ីតាលី៖ ប្រើនៅពេលមានអ្វីមិនច្បាស់លាស់។ ស្រដៀងនឹង “តើអ្នកកំពុងនិយាយអ្វី?”

ម៉ាឡេស៊ី៖ ពួកគេហៅថា “ជប់” វាមានន័យថា “ រង់ចាំបន្តិច” ។ ប៉ុន្តែនៅពេលកាយវិការប្ដូរចលនាឆ្ពោះទៅកាន់មាត់ វាមានន័យថា “ញ៉ាំ” ។

១១. កាយវិការ “ធុំក្លិន”

អាមេរិក៖ បង្ហាញថា មានក្លិនមិនល្អ។

ជប៉ុន៖ មានន័យថា “ទេ” “មិនអាចធ្វើបាន” “មិនអាចទៅរួច” ឬ “ទេ! អរគុណ” ។

១២. កាយវិការ “លុយ”

អាមេរិក និង អាឡឺម៉ង់៖ ចង្អុលបង្ហាញពីលុយ។

កូរ៉េខាងត្បូង៖ មានន័យថា “សេចក្តីស្រឡាញ់” ។

១៣. កាយវិការ “ត្រចៀកសត្វ” ឬ “ស្នែង”

អាមេរិក៖ វាមិនត្រូវបានប្រើជាទូទៅទេ ប៉ុន្តែមានន័យថា ត្រចៀកសត្វឬស្នែង។ ជារឿយៗវាត្រូវបានគេប្រើបង្ហាញពីភាពឆោតល្ងង់ ឬធ្វើត្រាប់តាមសត្វនៅពេលលេងជាមួយក្មេងៗ។

ជប៉ុន៖ ត្រូវបានគេស្គាល់ថាជា ស្នែងបិសាច ឬ និមិត្តសញ្ញានៃកំហឹង។

១៤. . ម្រាមដៃកាត់គ្នា

អាមេរិក៖ សង្ឃឹមថាអ្នកនឹងមានសំណាងល្អ។

វៀតណាម៖ គេគិតថា វាស្រដៀងនឹងប្រដាប់បន្តពូជស្ត្រី ហើយស្រដៀងនឹងការផ្តល់ម្រាមដៃកណ្តាលដែរ។

១៥. ម្រាមដៃស្នែង

អាមេរិក៖ ជាទូទៅជាសញ្ញានៃការយល់ព្រម ឬ “បន្តទៅមុខទៀត” ។

អាហ្សង់ទីន ប្រេស៊ីល កូឡុំប៊ី គុយបា អេស្ប៉ាញ អ៊ីតាលី ព័រទុយហ្កាល់៖ សញ្ញានេះត្រូវបានធ្វើឡើងនៅនរណាម្នាក់ចង់ប្រាប់ថា ប្តីឬប្រពន្ធរបស់ខ្លួនកំពុងបោកប្រាស់ពួកគេ៕

ប្រែសម្រួល៖ សន្យា

ប្រភព៖ Bright Side

ចុចអាន៖រឿងនិទានស្នេហ៍និងព័ត៌មានសំខាន់ៗអំពីព្រះមហាក្សត្រី នៃប្រទេសប៊ូតង់

ចុចអាន៖រឿង ៤ យ៉ាងដែលត្រូវដឹងពីតែគុជ

The post អត្ថន័យខុសគ្នានៃកាយវិការដៃទាំង១៥ ពីបណ្ដាប្រទេសផ្សេងៗជុំវិញពិភពលោក appeared first on Kampuchea Thmey Daily.

អានចិត្តមនុស្សស្គាល់ភ្លាមៗ តាមរយៈកាយវិការ ៤ យ៉ាងនេះ

សាង ស្រីល័ក្ខ — Wed, 25 Nov 2020 04:45:42 +0000

ចង់ដឹងចិត្តនរណាម្នាក់ មិនពិបាកពេកទេ ឲ្យតែយើងពូកែសង្កេតបន្តិច នឹងមើលធ្លុះចិត្តគេមិនខាន។ តាមរយៈសកម្មភាពរបស់មនុស្សម្នាក់ៗ យើងអាចសម្គាល់ចិត្តគេបានយ៉ាងងាយ។

១. ការចាប់ដៃ

អ្នកចូលចិត្តចាប់ដៃគ្នាខ្លាំងៗ ដើម្បីបង្ហាញពីការទទួលស្វាគមន៍ គឺជាមនុស្សដែលមានទំនុកចិត្តខ្ពស់ រួសរាយរាក់ទាក់ ចូលចិត្តបង្ហាញអារម្មណ៍ពិត ប៉ុន្តែខ្វះភាពអត់ធ្មត់បន្តិច។

ចំពោះអ្នកចាប់ដៃបែបខ្សោយៗវិញ ភាគច្រើនខ្វះការជឿជាក់ និងឆាប់បោះបង់មុនឧបសគ្គចូលមកដល់។

២. ពេលវេលា

ទោះបីការណាត់ជួប ឬពេលប្រជុំក្ដី អ្នកដែលឧស្សាហ៍មកយឺតយ៉ាវ ជាមនុស្សដែលមិនចង់សាងរូបភាពល្អសម្រាប់ខ្លួនឯង និងខ្ជះខ្ជាយបំផុត។

រីឯអ្នកដែលតែងតែមកទៀងម៉ោង អាចបញ្ជាក់ថា គេជាមនុស្សដែលឲ្យតម្លៃខ្លួនឯងនិងអ្នកដទៃ គោរពពេលវេលា រួមទាំងមានភាពជាអ្នកដឹកនាំផងដែរ។

៣. តួអក្សរ

អ្នកដែលចូលចិត្តសរសេរអក្សរតូចៗ តែងមានភាពអៀនខ្មាស ម៉ត់ចត់ និងស្វាហាប់ក្នុងការចង់ចេះចង់ដឹងបន្ថែម។ រីឯអ្នកសរសេរធំៗវិញ តែងមានការយកចិត្តទុកដាក់ និងចង់បានចំណាប់អារម្មណ៍ច្រើន។

ចំពោះអ្នកចូលចិត្តសរសេរសង្កត់ដៃ មានន័យថា ជាមនុស្សម៉ឺងម៉ាត់ច្បាស់លាស់ ចំណែកអ្នកសរសេរដៃស្រាល រមែងឆាប់ប្រតិកម្មនឹងរឿងអ្វីមួយ ប៉ុន្តែជាមនុស្សដែលពូកែយល់ចិត្តអ្នកដទៃ។

៤. ចំណូលចិត្តពណ៌

អ្នកចូលចិត្តពណ៌ខ្មៅ ភាគច្រើនជាមនុស្សដែលឆាប់បញ្ចេញប្រតិកម្ម មានសិល្បៈក្នុងខ្លួន និងពូកែយកចិត្តទុកដាក់ចំពោះរឿងតូចធំទាំងអស់។ ពណ៌ក្រហម ជាមនុស្សសកម្មជានិច្ចនិងមានភាពទាក់ទាញ។ ពណ៌បៃតង ជាមនុស្សដែលពោរពេញដោយក្តីស្រឡាញ់។ ពណ៌ស ជាមនុស្សដែលមានរបៀបរៀបរយ និងរមែងមានហេតុផល។ ពណ៌ស្វាយ ជាមនុស្សស្ងប់ស្ងាត់ និងផ្អែមល្ហែម។ ពណ៌ផ្កាឈូក ជាមនុស្សទន់ភ្លន់ និងពូកែយកចិត្តទុកដាក់ជាមួយអ្នកជុំវិញ។ ពណ៌លឿង ជាមនុស្សរួសរាយរាក់ទាក់ និងសុទិដ្ឋិនិយម។ ពណ៌ខៀវ ជាមនុស្សមានលំនឹងល្អ និងចេះបារម្ភពីអ្នកដទៃ៕

ប្រែសម្រួល៖ សន្យា

ប្រភព៖ Brightside

ចុចអាន៖ប្រវត្តិត្បូងពេជ្រដែលមានជាប់បណ្ដាសា សឹងមិនគួរឲ្យជឿ

ចុចអាន៖ស្គាល់ចរិតលក្ខណៈមនុស្សតាមរយៈសៀវភៅដែលគេចូលចិត្តអាន

The post អានចិត្តមនុស្សស្គាល់ភ្លាមៗ តាមរយៈកាយវិការ ៤ យ៉ាងនេះ appeared first on Kampuchea Thmey Daily.

កាយវិការ Archives - Kampuchea Thmey Daily

ចិត្តសាស្ត្រ! សង្កេតកាយវិការសម្គាល់អារម្មណ៍មនុស្ស

កាយវិការ​​ចំនួន ៥ ដែល​ចេះ​ជាប់​ខ្លួន​កាលណា ទៅ​ធ្វើការ​ផ្នែក​អ្វី​ក៏​មិន​ចេះ​ទ័ល

អត្ថន័យខុសគ្នានៃកាយវិការដៃទាំង១៥ ពីបណ្ដាប្រទេសផ្សេងៗជុំវិញពិភពលោក

អាន​ចិត្ត​មនុស្ស​ស្គាល់​ភ្លាមៗ តាមរយៈកាយវិការ ៤ ​យ៉ាង​នេះ

កាយវិការចំនួន ៥ ដែលចេះជាប់ខ្លួនកាលណា ទៅធ្វើការផ្នែកអ្វីក៏មិនចេះទ័ល

អានចិត្តមនុស្សស្គាល់ភ្លាមៗ តាមរយៈកាយវិការ ៤ យ៉ាងនេះ