៤យ៉ាងកំណត់ថា អ្នក​ជា«អ្នក​មាន» ពិត​មែន​ នា​ពេល​នេះ​និង​អនាគត
Connect with us
Helistar Cambodia - Helicopter Charter Services

KPT+

៤យ៉ាងកំណត់ថា អ្នក​ជា«អ្នក​មាន» ពិត​មែន​ នា​ពេល​នេះ​និង​អនាគត

បានផុស

នៅ

អត្ថបទ​នេះ​និយាយ​អំពី​ទ្រឹស្ដី​នៃ​ការ​ប្រមូល​ផ្ដុំ​ទ្រព្យសម្បត្តិ ប្រមូល​ដើមទុន​ដែល​ជា​ដើម​ហេតុ​នាំ​ឲ្យ​អ្នក​មាន​​កាន់​តែ​មាន​ឡើង​ហើយ​អ្នកក្រ​កាន់​តែ​ក្រ​ទៅ។ ពួកគេ​មាន​រឿងបី​យ៉ាង​នេះ​ខុស​ពី​យើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ រស់នៅ​ជាមួយ​ផ្នត់គំនិត​ផ្នែក​ហិរញ្ញវត្ថុ

អ្នកមានគឺ​ជាមនុស្សដែល​មាន​គំនិត​ច្នៃប្រឌិត​មិន​គួរ​ឲ្យ​ជឿ​នៅ​ពេល​និយាយ​អំពី​ការ​រកស៊ី​និង​ស្វែងរក​វិធី​រក​លុយ​ផ្សេងៗ។ ពួកគេ​ញែកខ្លួនឯងដាច់ពីអ្នកក្រ​ដោយសារ ពួកគេ​ចិញ្ចឹម​បីបាច់​ផ្នត់​គំនិត​រក​កំណើន​សេដ្ឋកិច្ច​ជានិច្ច​ដែល​​មាន​ទស្សនៈ​ខុសពីអ្នកក្រ​គិតពីការចាយប្រាក់​ហ៊ឺហារ។

ផ្នត់គំនិតនេះ​ជួយមនុស្សនានា​ឲ្យ​ជោគជ័យហើយ​ពួកអ្នកមានជំនឿថាតែងតែមានគម្រោងធំ ៗ និង​ល្អប្រសើរជាងមុន ដើម្បីធ្វើការហើយតែងតែរកបានលុយចូលច្រើនខ្សែ។ ទោះជា​ត្រូវ​បរាជ័យ​មួយ​នៅ​មាន​មួយទៀត។ ពួកគេបើក​ចំហរ​ដើម្បីស្វែងរកគំនិតថ្មីៗ។ ពួកគេ​ជឿជាក់ថា​ពួកគេតែងតែ​មាន​សមត្ថភាព​ធ្វើការ​ផ្លាស់ប្ដូរ​និង​បង្កើត​លទ្ធផល​វិជ្ជមាន។

២ បង្កើត​លំហូរ​ប្រាក់​ចំណូល​ច្រើន


អ្នកមាន​លុយកាន់តែច្រើនវាកាន់តែងាយស្រួលក្នុងការរកលុយបានច្រើនបន្ថែម​ប្រសិនអ្នក​ចេះគិត ហើយ​មធ្យោបាយងាយស្រួល​និងលឿនបំផុត​ដើម្បី​រក​លុយ​បាន​ច្រើន​គឺ​ត្រូវ​មាន​ចំណូល​ច្រើន។ វិធីនោះ អ្នកតែងតែមានលុយចូលហើយ​អាចប្រើប្រាក់​ចំណូល​លើស​ដើម្បី​វិនិយោគ​លើ​លំហូរ​ចំណូល​ថ្មី។ បើនិយាយ​ឲ្យ​ខ្លី​ទៅ​នេះ​គឺ​ជា​វិធី​ចម្បង​ដែល​អ្នក​មាន​រក្សា​ទ្រព្យសម្បត្តិ។

មានទម្រង់​ជាមូលដ្ឋានពីរនៃប្រាក់ចំណូល គឺប្រាក់​ចំណូល​សកម្ម​ដែល​អ្នក​ធ្វើការ​ដើម្បី​ប្រាក់​ដែល​អ្នក​រក​បាន និងប្រាក់ចំណូលអកម្មដែលការទូទាត់មិនទាក់ទង​ដោយផ្ទាល់​ទៅនឹង​ចំនួន​ម៉ោង​ដែល​អ្នកធ្វើការ​ទេ។ ប្រាក់ចំណូល​អកម្មរួមមាន​ទ្រព្យសម្បត្តិជួល​ភាគហ៊ុន​ភាគលាភ​មូល​និធិ​លិបិក្រម​ការ​សរសេរ​សៀវភៅ​ឬ​បង្កើត​កម្មវិធី​ដែល​ទាំងអស់​នេះ​នឹង​នាំ​មក​នូវ​ប្រាក់​ចំណូល​ថេរ​ពី​ការ​លក់​ឬ​សួយ​សារ។

៣ ទទួល​យក​ហានិភ័យ​តែ​ម៉ត់ចត់

អ្នកមាន មិន​និយម​លេងសើចតាមអារម្មណ៍ លើការសម្រេចចិត្តហិរញ្ញវត្ថុធំ ៗ ឡើយ។ ពួកគេ​ធ្វើអ្វី​ដែល​ពួកគេ​អាច​ធ្វើ​បាន ដើម្បី​កាត់បន្ថយ​ហានិភ័យ។ ពួកគេធ្វើការស្រាវជ្រាវនិង​វិភាគជា​និច្ច ពួកគេ​ជួល​មនុស្ស​ថ្លៃៗ ហើយកំណត់ថា តើជម្រើសមួយណាសមនឹងតម្រូវការហិរញ្ញវត្ថុ និង​បំណង​ប្រាថ្នា​អាជីវកម្មរបស់ខ្លួន។ ពួកគេថ្លឹងថ្លែង​ពីគុណសម្បត្តិ​និង​គុណវិបត្តិ​មិន​ប្រើ​អារម្មណ៍​ការអួតអាងឡើយ។

ពួកគេ​ធ្វើការ​​​​​​​​​​​​​​​​​​​​​​សម្រេចចិត្ត​ផ្នែក​ហិរញ្ញវត្ថុដោយសួរខ្លួនឯង​ថា “តើការ​នេះនឹង​នាំ​ខិត​ទៅ​ជិត​គោលដៅ​ទេ?”

៤ ពួកគេ​តែង​ជៀសវាង​ការចំណាយ

ខណៈពេលដែលមនុស្សដែលមិនមែនជាអ្នកមានគិតតែអំពីការ​ចំណាយលុយ​ដោយ​គ្មាន​ការ​ព្រួយ​បារម្ភ ទិញ​ឡាន អួតផ្ទះ​ធំនិងសម្លៀកបំពាក់ថ្លៃ ៗ អ្នក​មាន​យល់ថា អ្នកចំណាយកាន់​តែ​ច្រើន​ឱកាស​មាន​បាន​កាន់តែ​រួមតូច​ឡើង។

អ្នកមាន​ទទួល​ស្គាល់​ថា អ្នក​ចំណាយ​តិច​អ្នក​នឹង​មាន​ប្រាក់​កាន់​តែ​ច្រើន​ឡើង​ដើម្បី​បង្កើន​ទ្រព្យសម្បត្តិ​ក្នុង​ទំហំ​វិនិយោគ ។ ភាព​សន្សំសំចៃ​គឺ​ទាក់ទង​នឹង​ប្រាក់​ចំណូល ព្រម​ទំាង​ផ្នត់គំនិត​ម្ចាស់​ចំណូល​នោះ៕

ប្រែសម្រួល៖ សុភា

ប្រភព៖ Vancruzer

ចុចអាន៖ខុសគ្នា​ច្បាស់​ដូច​ថ្ងៃ រវាង​ផ្នត់​គំនិត អ្នកក្រនិងអ្នកមាន

ចុចអាន៖អតីតកម្មករសំណង់ ផ្តួល Jack Ma ក្លាយជាអ្នកមានបំផុតរបស់ ចិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍៥ ម៉ោង មុន

រថយន្ត TOYOTA HILUX VIGO ប្រ​លះ​បង្គោល​ភ្លើង​បំភ្លឺ​ផ្លូវ​បាក់​អស់​១​ដើម​នៅក្នុង​បរិវេណ​បឹងកក់​

ព័ត៌មានជាតិ៥ ម៉ោង មុន

បិទ​ដំណើរការ​តូប​លក់ដូរ នៅ​ទីប្រជុំជន​ផ្សារ​វាល​យន្ត ក្រុង​ស្វាយរៀង រយៈពេល​៨​ថ្ងៃ ដើម្បី​ទប់ស្កាត់​ជំងឺ​កូ​វីដ​-១៩

ព័ត៌មានជាតិ៥ ម៉ោង មុន

ក្លឹប​កំសាន្ត​មួយ​ ត្រូវ​បាន​អគ្គិភ័យ​បំផ្លាញ​ជា​លើក​ទី​២​អស់ទាំង​ស្រុង

កីឡា៦ ម៉ោង មុន

ជិត​ដល់​ថ្ងៃ​ឡើង​ការពារ​ខ្សែក្រវាត់​! Pacio បាន​បង្ហើប​អំពី​ការ​ជួបគ្នា​លើក​ទី​៣​ទល់នឹង Saruta

ព័ត៌មានជាតិ៧ ម៉ោង មុន

សប្បុរសជន​ផ្តល់​អង្ករ​១០​តោន ជូន​រដ្ឋបាល​រាជធានី ដើម្បី​ជួយឧបត្ថម្ភ​ជីវភាព ពលរដ្ឋ​រងគ្រោះ​ឬ​រង​ផល​ប៉ះពាល់​ធ្ងន់ធ្ងរ​ដោយ​មេរោគ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services