អាជីព
ការប្ដេជ្ញាចិត្តធំ៥ យ៉ាងដែលអាចដឹកនាំយើងដល់កន្លែងដែលចង់ទៅ
អ្នកដឹកនាំត្រូវតែពូកែក្នុងការវិនិច្ឆ័យសក្ដានុពលរបស់អ្នកដទៃ និងពូកែសញ្ជឹងគិតពីកន្លែងដែលមនុស្សម្នាក់ដឹងថាគេគួរទៅទីណា ហើយផ្ដល់នូវអ្វីដែលពួកគេត្រូវការនៅពេលពួកគេទៅដល់ទីនោះ។
ចំណុចសំខាន់នៅក្នុងអាជីវកម្មឬអង្គការជោគជ័យ គឺគ្មាននរណាម្នាក់អាចធ្វើវាតែម្នាក់ឯងបានទេ។ មេដឹកនាំល្អត្រូវបានព័ទ្ធជុំវិញខ្លួនគេ ជាមួយអ្នកដឹកនាំផ្សេងទៀត។
នេះគឺជាគោលការណ៍ណែនាំមួយចំនួនសម្រាប់កាជ្រើសរើសមនុស្សដែលត្រឹមត្រូវ ដើម្បីណែនាំនិងអភិវឌ្ឍពួកគេ ក្នុងនាមជាមេដឹកនាំ៖
១. ជ្រើសរើសមនុស្សដែលមានទស្សនៈស្រដៀងនឹងទស្សនៈរបស់យើង
វានឹងពិបាកក្នុងការអភិវឌ្ឍនរណាម្នាក់ដែលមានតម្លៃខុសពីខ្លួនឯង។ ប៉ុន្តែគួរព្យាយាមបន្តិច ក្នុងរឿងនេះ។
២. ជ្រើសរើសមនុស្សដែលមានសក្ដានុពល
ប្រសិនបើយើងមិនជឿលើពួកគេទេ យើងមិនអាចផ្ដល់ពេលវេលានិងឱកាសដល់គេទេ។ ហើយមិនយូរប៉ុន្មាន ពួកគេនឹងដឹងពីការខ្វះទំនុកចិត្តលើខ្លួនឯង។
ផ្ទុយទៅវិញ ជំនឿលើសក្ដានុពលរបស់ពួកគេ នឹងផ្ដល់អំណាចដល់ពួកគេ។ អាថ៌កំបាំងនៃការផ្ដល់ប្រឹក្សានៅក្នុងវិស័យណាមួយ គឺដើម្បីជួយមនុស្សម្នាក់ទៀត ឱ្យទៅកន្លែងដែលគេចង់ទៅ។
៣. កំណត់នូវអ្វីដែលពួកគេត្រូវការ
កំណត់នូវអ្វីដែលអ្នកដឹកនាំសក្ដានុពលត្រូវការ គឺទាក់ទងទៅនឹងការមើលចំណុចខ្លាំងនិងចំណុចខ្សោយរបស់ពួកគេ។ ភាពខ្លាំងនឹងចង្អុលបង្ហាញទិសដៅដែលពួកគេត្រូវទៅ ឬអ្វីដែលពួកគេអាចក្លាយជានរណា។
ភាពទន់ខ្សោយបង្ហាញពីអ្វីដែលយើងត្រូវការជួយពួកគេឱ្យប្រសើរឡើង។ លើកទឹកចិត្តពួកគេក្នុងភាពខ្លាំង និងជួយពួកគេឱ្យយកឈ្នះភាពទន់ខ្សោយ ដើម្បីខិតទៅជិតឈានដល់សក្ដានុពលរបស់ពួកគេ។
៤. វាយតម្លៃវឌ្ឍនភាពរបស់ពួកគេជានិច្ច
មនុស្សត្រូវការការផ្ដល់យោបល់ ជាពិសេសនៅដំណាក់កាលដំបូងនៃការអភិវឌ្ឍន៍។ Ben Franklin បាននិយាយថា “ ភ្នែករបស់ម្ចាស់នឹងធ្វើការច្រើនជាងដៃទាំងពីរ” ។ គាត់ដឹងថាសមត្ថភាពរបស់អ្នកដឹកនាំក្នុងការវាយតម្លៃ គឺជាកម្លាំងខ្លាំងបំផុតរបស់ពួកគេ។
៥. មានការប្ដេជ្ញាចិត្តនិងយកចិត្តទុកដាក់ចំពោះមនុស្សដែលយើងណែនាំ
ភាពរីកចម្រើនរបស់អ្នកដឹកនាំសក្ដានុពលនៅជុំវិញយើង នឹងក្លាយជាការឆ្លុះបញ្ចាំងពីការប្ដេជ្ញាចិត្តចំពោះពួកគេ ការប្ដេជ្ញាចិត្តមិនល្អ ស្មើនឹងការអភិវឌ្ឍមិនល្អ។
មនុស្សភាគច្រើនយល់ស្របថា ការចិញ្ចឹមបីបាច់គឺសំខាន់ចំពោះការអភិវឌ្ឍចំពោះកុមារតែប៉ុណ្ណោះ។ ទោះយ៉ាងណាក៏ដោយ ពួកគេច្រើនតែមិនបានឃើញពីសារៈសំខាន់របស់វានៅកន្លែងធ្វើការ។
ពួកគេសន្មតថា មេដឹកនាំដែលមានសក្ដានុពលតែងតែចិញ្ចឹមបីបាច់ខ្លួនឯង។ ប្រសិនបើយើងជាអ្នកដឹកនាំមិនចិញ្ចឹមបីបាច់អ្នកដឹកនាំដែលមានសក្ដានុពលនៅជុំវិញខ្លួនទេ នោះពួកគេនឹងមិនអភិវឌ្ឍខ្លួនទៅជាប្រភេទមេដឹកនាំដែលយើងចង់បាននោះទេ៕
ប្រែសម្រួល៖ សាង ស្រីល័ក្ខ
ចុចអាន៖
ចុចអាន៖
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង