នៅក្នុងពាក្យលែងលះ Ariana បានស្នើសុំការឧបត្ថម្ភពីប្តី និងទ្រព្យសម្បត្តិទាំងប៉ុន្មានដែលមានក្នុងកិច្ចព្រមព្រៀង ។ លើសពីនេះ Ariana ចង់បាន គ្រឿងអលង្ការផ្សេងៗ និងរបស់របរផ្ទាល់ខ្លួនមួយចំនួនផងដែរ ដូចជាប្រាក់ចំណូល និងប្រាក់បញ្ញើដែលរកបានមុន កំឡុងពេល និងក្រោយពេលរៀបការ ។

ជាក់ស្ដែង Ariana បែកគ្នាជាមួយប្ដីតាំងពីថ្ងៃទី១០ ខែកុម្ភៈ ដោយសារការមិនចុះសម្រុងគ្នា ។

គួររំលឹកថា ពួកគេទាំងពីរមានទំនាក់ទំនងស្នេហានៅថ្ងៃទី១៧ ខែកក្កដា  ហើយរៀបការនៅឆ្នាំ ២០២១ ។ បច្ចុប្បន្ន Ariana មានមិត្តប្រុសថ្មីម្នាក់ទៀតឈ្មោះ Ethan Slater ដែលជាតារាសម្ដែង និងចម្រៀងជនជាតិអាមេរិក ៕

ប្រែសម្រួល៖ វារី

ប្រភព៖ eonline

ចុចអាន៖ Ariana Grande ដាក់ពាក្យលែងលះស្វាមីផ្លូវការ ក្រោយមិត្តប្រុសថ្មីដាក់ពាក្យលែងលះភរិយា

The post Ariana Grande ទាមទារ ៤ ចំណុចនេះ ពីការលែងលះស្វាមី appeared first on Kampuchea Thmey Daily.

ការដាក់ពាក្យសុំលែងលះរបស់តារាស្រីវ័យ ៣០ឆ្នាំ បានកើតឡើងកំលុងពេលពីរខែ បន្ទាប់ពីមិត្តប្រុសថ្មីរបស់នាងលោក Ethan Slater វ័យ ៣១ឆ្នាំ បានដាក់ពាក្យលែងលះជាមួយប្រពន្ធនាង Lilly Jay វ័យ ២៩ឆ្នាំ។

នៅលើបណ្ដឹងលែងលះ Ariana បានលើកឡើងពីភាពមិនចុះសម្រុងគ្នា ចំពេលដែល Dalton បានដាក់ញត្តិលែងលះដំណាលគ្នាផងដែរ។ តាមពិតអាពាហ៍ពិពាហ៍ប្រេះឆារវាងអ្នកទាំងពីរបានកើតឡើងតាំងពីខែកុម្ភៈ ឆ្នាំ២០២៣ មកម្ល៉េះ ប៉ុន្តែដំណឹងផ្លូវការទើបតែផ្សព្វផ្សាយកាលពីពាក់កណ្ដាលខែកក្កដាកន្លងទៅ។ មុនពេលប្រកាសការបែកបាក់ចំណងអាពាហ៍ពិពាហ៍ជាសាធារណៈ អតីតស្វាមី Ariana ធ្លាប់ព្យាយាមផ្សះផ្សារជាមួយនាងម្ដងពីរដែរ ប៉ុន្តែមិនទទួលបានជោគជ័យឡើយ។

សូមបញ្ជាក់ថា Ariana បានរៀបការជាសម្ងាត់ជាមួយ ក្នុងខែឧសភា ឆ្នាំ២០២១ នៅផ្ទះរបស់នាង ក្នុងទីក្រុង Montecito រដ្ឋកាលីហ្វ័រញ៉ា បន្ទាប់ពី ៦ខែដែល Dalton បានសុំនាងរៀបការជាមួយចិញ្ចៀនពេជ្រមួយវង់៕

ប្រែសម្រួល៖ សន្យា

ចុចអាន៖ ប្រកាសលែងលះអតីតស្វាមីប៉ុន្មានថ្ងៃ Ariana Grande ណាត់ជួបជាមួយដៃគូសម្ដែង

ចុចអាន៖ សម្រស់អតីត “ក្មេងស្រីស្អាតបំផុតលើលោក” នៅតែស្រស់ស្អាតមិនប្ដូរ ក្រោយកន្លងទៅ ១៤ឆ្នាំ

The post Ariana Grande ដាក់ពាក្យលែងលះស្វាមីផ្លូវការ ក្រោយមិត្តប្រុសថ្មីដាក់ពាក្យលែងលះភរិយា appeared first on Kampuchea Thmey Daily.

អតីតគ្រូបង្វឹកផ្ទាល់ខ្លួន បានក្លាយជាស្វាមីពេញច្បាប់របស់ Britney Spears កាលពីដើមឆ្នាំ២០២២ កន្លងទៅ ហើយបច្ចុប្បន្នលោក Sam Asghari កំពុងប្ដឹងលែងលះភរិយា ក្រោមហេតុផលរស់នៅមិនចុះសម្រុង ខណៈភាគីខាងស្រីហាក់រងសម្ពាធយ៉ាងខ្លាំង ដែលពេលនេះកំពុងទទួលការព្យាបាលពីពេទ្យផ្លូវចិត្ត។

យោងតាមប្រភពផេក Six បានរាយការណ៍ថា ទោះបី Britney Spears កំពុងព្យាបាលផ្លូវចិត្តក្ដី ប៉ុន្តែមិត្តភក្តិកំពុងដុតដៃដុតជើងជួយរកមេធាវីឱ្យនាង ដើម្បីដោះស្រាយបណ្ដឹងលែងលះពីភាគីខាង Sam Asghari ។ ជុំវិញការបែកបាក់អាពាហ៍ពិពាហ៍ ចំពោះ Britney Spears ក៏មានការភ្ញាក់ផ្អើលដែរ ដែល Sam សម្រេចចែកផ្លូវពីនាង ព្រោះនាងនៅស្រឡាញ់ស្វាមីនៅឡើយ៕

ប្រែសម្រួល៖ សន្យា

ចុចអាន៖ ដាក់ពាក្យលែងលះរួច អតីតស្វាមី Britney Spears ទទួលបានទ្រព្យ ១០លានដុល្លារ

ចុចអាន៖ ឌីជេ សូដា ធ្លាប់ត្រូវចោរប្លន់រំលោភ កាលអាយុ ៦ឆ្នាំ

The post Britney Spears ទទួលការព្យាបាលផ្លូវចិត្ត ក្រោយស្វាមីវ័យក្មេងប្ដឹងលែងលះ appeared first on Kampuchea Thmey Daily.

កាលពីឆ្នាំ ២០០៤ Britney បានរៀបការជាមួយលោក Jason Alexander ដែលត្រូវជាមិត្តភ័ក្ដិយូរឆ្នាំរបស់នាង ប៉ុន្តែមង្គលការនេះត្រូវបញ្ចប់ក្នុងរយៈពេល ៥៥ ម៉ោងប៉ុណ្ណោះ ។

មិនយូរប៉ុន្មាននាងក៏មានទំនាក់ទំនងជាមួយអ្នករាំឈ្មោះ Kevin Ferderline រហូតរៀបការមានកូនប្រុស ២ នាក់គឺ Sean និង Jayden ។ ស្រដៀងជីវិតគូមុនដែរ Britney និង Kevin បានលែងលះគ្នានៅឆ្នាំ ២០០៧ ។

មកដល់ឆ្នាំ ២០១៦ ទើប Britney ជួបលោក Sam Asghari ក្នុងវីដេអូបទចម្រៀង Slumber Party ហើយឈានដល់ការភ្ជាប់ពាក្យនៅឆ្នាំ ២០២១ ។

ពួកគេបានរៀបការជាមួយគ្នានៅឆ្នាំ ២០២២ ខែមិថុនា ស្រាប់តែ ១៤ ខែក្រោយ លោក Sam ប្រកាសចង់លែងលះ ដោយសាររស់នៅមិនចុះសម្រុងគ្នា ៕

ប្រែសម្រួល៖ វារី

ប្រភព៖ coopwb

ចុចអាន៖ ដាក់ពាក្យលែងលះរួច អតីតស្វាមី Britney Spears ទទួលបានទ្រព្យ ១០លានដុល្លារ

The post មកទល់ពេលនេះ Britney Spears មានស្វាមី ៣ នាក់ហើយ appeared first on Kampuchea Thmey Daily.

អ្នកឧកញ៉ា គួច ម៉េងលី អគ្គនាយកប្រតិបត្តិនៃក្រុមហ៊ុន ម៉េងលី ជេ. គួច អេឌ្យូខេសិន បានប្រាប់“កម្ពុជាថ្មី” ថា ការលែងលះគ្នានេះ គឺកើតចេញមកពីកត្តាសេដ្ឋកិច្ច ខ្វះការអប់រំ រៀបការទាំងវ័យក្មេងពេក ខ្វះការយោគយល់គ្នា បាត់បង់នូវវិជ្ជាជីវៈ សុជីវធម៌ និងប្រពៃណីស្របពេលដែលសង្គមវិវត្តទៅរកភាពរីកចម្រើនដែលបុរស និងស្រ្តីមានសិទ្ធិស្មើគ្នា ហើយសង្គមមានសម្ភារៈនិយមដែលមនុស្សគ្រប់រូបត្រូវបំពេញតាមតម្រូវការផ្សេងៗគ្នា ។

អ្នកឧកញ៉ា គួច ម៉េងលី បានមានប្រសាសន៍ថា៖ “ការរៀបការវ័យក្មេងមិនសូវសំខាន់ប៉ុន្មានទេ។ តែភាពក្រីក្រ សម្ភារៈនិយម ភាពខ្វះខាតនៃការយល់ដឹង ផឹកស៊ី ខារ៉ាអូខេ សុទ្ធតែចំណុចដែលធ្វើឱ្យគ្រួសារបាក់បែក”។ លោកក៏បញ្ជាក់ថា ក្នុងសម័យនេះ សិទ្ធិស្រ្តី និងបុរស គឺស្មើភាពគ្នា ដូចនេះ ស្រ្តីហ៊ានទាមទារសិទ្ធិរបស់ពួកគេ ប្រសិនជាបុរសមិនសូវមានចំណេះដឹង ប្រើប្រាស់ហិង្សាមិនសូវគិតគូរពីហិរញ្ញវត្ថុគ្រួសារទេ នោះ គឺជាកត្តាដែលនាំឱ្យមានការលែងលះគ្នា។

រីឯ លោកបណ្ឌិត ឈត ប៊ុនថង ប្រធាន​វិទ្យា​ស្ថានទំនាក់​ទំនង​វប្ប​ធម៌ អប់រំ និង​ទេស​ចរណ៍ នៃ​រាជ​បណ្ឌិត្យ​សភា​កម្ពុជាបានឱ្យ “កម្ពុជាថ្មី”ដឹងថា ការលែងលះគ្នា គឺកើតមានជាយូរមកហើយ ប៉ុន្តែ បច្ចុប្បន្នករណីនេះ ហាក់មានការកើនឡើងព្រោះមានកត្តារួមផ្សំជាច្រើន។ កត្តាទី១ គឺការរៀបការវ័យក្មេងពេក (អាយុ២៥ឆ្នាំចុះក្រោម) ធ្វើឱ្យពួកគេមិនចេះគ្រប់គ្រងគ្រួសារ រស់នៅពឹងផ្អែកម្តាយឳពុកស្ទើរតែទាំងស្រុង ដូច្នេះ ទើបបណ្តាលឱ្យមានការលែលះកើតឡើង។ មួយទៀត នៅពេលដែលពួកគេមិនចេះយោគយល់គ្នា ក៏កើតឱ្យមានការលែងលះដូចគ្នា។

លោកបណ្ឌិតបន្តថា កត្តាបន្ទាប់ គឺកត្តាប្រពៃណីទំនៀមទម្លាប់។ តាំងពីបុរាណកាលមក បុរសមានអំណាច​គាប​សង្ក​ត់​លើស្រ្តីជាប្រពន្ធច្រើន ដូច្នេះ នាសម័យនោះ ទោះបីប្តីធ្វើបាបយ៉ាងណា ក៏នៅស៊ូទ្រាំសុខចិត្តសម្របសម្រួលគ្នាមិនហ៊ានលែងលះឡើយ។ ប៉ុន្តែ សម័យបច្ចុប្បន្ នគឺខុសគ្នា ស្រ្តីមានការរៀនសូត្របានខ្ពង់ខ្ពស់ ហ៊ានតស៊ូ និងទាមទារសិទ្ធិរបស់ខ្លួន ដូច្នេះ នៅពេលដែលប្តីប្រព្រឹត្តទង្វើណាដែលមិនគប្បី ភាគីស្ត្រីមិនខ្លាចក្នុងការលែងលះឡើយ។ នៅពេលដែលស្ត្រីរៀនសូត្របានខ្ពង់ខ្ពស់នឹងជួយឱ្យគេមានគំនិតទូលំទូលាយ ចេះពិចារណាបានច្រើនពីបញ្ហាគ្រួសារ។ យ៉ាងណាមិញ សព្វថ្ងៃនេះច្បាប់ ក៏បានកែសម្រួល និងធានាការពារដល់ច្រើនជាងពីមុនផងដែរ។

កត្តាសំខាន់មួយទៀតនោះ គឺកត្តាសេដ្ឋកិច្ច។ នាសម័យមុនគេតែងនិយាយថា ស្រ្តី គឺនៅតែផ្ទះបង្វិលចង្រ្កាន្តមិនជុំ តែសម័យនេះស្ត្រីមានការអប់រំខ្ពស់ ហើយក៏ចេញប្រកបការងាររកចំណូលបានដោយខ្លួនឯង ជាពិសេស គឺបំពេញការងារនៅតាមស្ថាប័ន ក្រុមហ៊ុនផ្សេងៗដូចបុរសដែរ។ ជួនកាលស្ត្រីធ្វើច្រើនជាងបុរសទៀត ពួកគេបំពេញការងារខាងក្រៅរួច ក៏បំពេញការងារក្នុងផ្ទះបន្ថែម។ ទាំងនេះ ប្រសិនជាគ្មានការជួយកិច្ចការងារផ្ទះពីភាគីប្តីទេ ក៏បណ្តាលឱ្យមានការលែងលះផងដែរ។ កត្តាចុងក្រោយ គឺគ្រឿងញៀន ស្ត្រីសម័យនេះខុសពីសម័យមុន ប្រសិនជាពួកគេដឹងថា ប្តីមានសេពគ្រឿង​ញៀន លួចលាក់មានសាហាយ គឺពួកគេនឹងគិតគូរពិចារណាលែងលះ មិនស៊ូទ្រាំឱ្យប្តីធ្វើបាបដូចពីមុនឡើយ។ នេះបើតាមការយល់ឃើញរបស់លោកបណ្ឌិត ឈត ប៊ុនថង។  

លោក ឈត ប៊ុនថង ក៏បានផ្តាំផ្ញើដល់មនុស្សគ្រប់រូបថា មនុស្សម្នាក់ៗ មុននឹងគិតចង់រៀបការ គួរខិតខំរៀនសូត្ររកចំណូលឱ្យបានច្រើន និងស្វែងយល់ពីជីវិតគូឱ្យបានច្រើន។ នៅពេលរៀបការរួច ត្រូវចេះយោគយល់អធ្យាស្រ័យគ្នា ស្រឡាញ់គ្នា និងស្មោះត្រង់ជាមួយគ្នា កុំសេពគ្រឿងញៀន ឬ ពិសារគ្រឿងស្រវឹងហួសហេតុពេក នាំឱ្យមានជម្លោះក្នុងគ្រួសារ។ មួយទៀត បុរស និងស្ត្រីមានសិទ្ធិស្មើគ្នា ដូច្នេះត្រូវបោះបង់ចោលនូវគំនិតដែលគិតថា ស្រ្តីមានអំណាចតូចជាងបុរស។ ក្នុងជីវិតគ្រួសារ បុរស និងស្រ្តី ត្រូវជួយគ្នាអប់រំកូន ជួយគ្នារៀបចំការងារផ្ទះ ទុកដាក់សម្បែង និងមើលថែគ្នាទៅវិញទៅមកទើបជាការប្រសើរ៕

ដោយ៖ អុន ស្រីមាន

The post អ្នកជំនាញសង្គមថា ការលែងលះគ្នា ភាគច្រើន​មក​ពីរៀបការក្មេងពេក និងមិនយល់ពីជីវិតគូ appeared first on Kampuchea Thmey Daily.

សាធារណរដ្ឋអៀរឡង់

សាធារណរដ្ឋអៀរឡង់ ពិតជាមានរឿងគួរឱ្យចាប់អារម្មណ៍មួយ ដែលអ្នកប្រហែលជាមិនទាន់ដឹងនៅឡើយ នោះគឺច្បាប់ពិសេសស្តីពីអាពាហ៍ពិពាហ៍ និងការលែងលះនៅក្នុងប្រទេសនេះ។

នៅក្នុងសាធារណរដ្ឋអៀរឡង់ ប្រជាពលរដ្ឋទទួលខុសត្រូវចំពោះនីតិវិធីចុះឈ្មោះអាពាហ៍ពិពាហ៍ប៉ុណ្ណោះ ចំពោះពាក្យសុំលែងលះវិញ មិនត្រូវអនុញ្ញាតនោះទេ។ ឮបែបនេះ មហាជនជាច្រើនប្រាកដជាភ្ញាក់ផ្អើល និងងឿងឆ្ងល់ថា ចុះបើប្ដីប្រពន្ធមិនអាចរស់នៅជាមួយគ្នាបានទៀត គួរធ្វើយ៉ាងណា? ចម្លើយគឺ ប្រទេសនេះអនុវត្តរបបអាពាហ៍ពិពាហ៍ដែលមានរយៈពេលកំណត់។

អាពាហ៍​ពិពាហ៍​រយៈពេលកំណត់​មាន​ន័យ​ថា ប្ដី​ប្រពន្ធ​គ្រប់គូ​អាច​ចុះ​ឈ្មោះ​អាពាហ៍​ពិពាហ៍​ក្នុង​រយៈ​ពេល ​១​ឆ្នាំ ឬ​១០០​ឆ្នាំ។ បន្ទាប់ពីរយៈពេលនៃការចុះឈ្មោះបានបញ្ចប់ ទំនាក់ទំនងអាពាហ៍ពិពាហ៍ក៏បានបញ្ចប់ ហើយពួកគេអាចរៀបការជាមួយអ្នកដទៃដោយស្របច្បាប់ ឬក៏អាចសុំបន្ថែមពេលអាពាហ៍ពិពាហ៍របស់អ្នកបន្ត ១ឆ្នាំទៀតបាន។

ជាមួយនឹងអាណត្តិ ១ឆ្នាំ ប្តីប្រពន្ធត្រូវចំណាយប្រាក់ ២០០០ផោន (ជិត ២៥០០ដុល្លារអាមេរិក)។ ផ្ទុយទៅវិញប្រសិនចុះឈ្មោះរយៈពេល ១០០ឆ្នាំ ប្តីប្រពន្ធត្រូវចំណាយត្រឹមតែ ០.៥ ផោនប៉ុណ្ណោះ (ប្រហែល ៦២សេន)។ ការធ្វើបែបនេះ ក្នុងបំណងជំរុញឱ្យគូស្វាមីភរិយារស់នៅជាមួយគ្នាបានយូរ។

រដ្ឋវ៉ាទីកង់ឮ

វ៉ាទីកង់ ជារដ្ឋអធិបតេយ្យមួយ ដែលព័ទ្ធជុំវិញនៅក្នុងទីក្រុងរ៉ូម ប្រទេសអ៊ីតាលី។ ស្ថិតនៅលើផ្ទៃដីត្រឹមតែ ៤៤ហិចតា និងមានប្រជាជនតិចជាង ១០០០នាក់ (ទិន្នន័យក្នុងឆ្នាំ ២០១៩) បុរីវ៉ាទីកង់ត្រូវបានទទួលស្គាល់ជាប្រទេសឯករាជ្យតូចបំផុតក្នុងពិភពលោក ទាំងផ្ទៃដី និងចំនួនប្រជាជន។

សាសនារបស់រដ្ឋ Vatican គឺសាសនាកាតូលិក ដែលមានសម្តេចប៉ាបជាប្រមុខដឹកនាំ។ ឥទ្ធិពលយ៉ាងជ្រាលជ្រៅនៃសាសនាកាតូលិកគឺថា មនុស្សនៅទីនេះមិនត្រូវបានអនុញ្ញាតឱ្យលែងលះគ្នានោះទេ។

សាធារណរដ្ឋហ្វីលីពីន

យោងតាមច្បាប់របស់ប្រទេសនានាជុំវិញពិភពលោក ប្រជាពលរដ្ឋមានសិទ្ធិចូលរោងការដោយស្ម័គ្រចិត្ត ហើយប្តីប្រពន្ធអាចប្តឹងលែងលះបាន ប្រសិនបើអាពាហ៍ពិពាហ៍មិនចុះសម្រុង។ ទោះយ៉ាងណា សាធារណរដ្ឋហ្វីលីពីន មានភាពខុសគ្នាពីប្រទេសនានាលើលោក។ ប្រទេសនេះមិនមានច្បាប់លែងលះឡើយ ដោយសាររដ្ឋធម្មនុញ្ញហ្វីលីពីនចែងយ៉ាងច្បាស់ថា “អាពាហ៍ពិពាហ៍គឺជាស្ថាប័នសង្គមដែលមិនអាចរំលោភបាន និងមូលដ្ឋានគ្រឹះនៃគ្រួសារ ហើយគួរតែត្រូវបានការពារដោយរដ្ឋ” ។

ការលែងលះនៅប្រទេសហ្វីលីពីនគឺពិបាកខ្លាំងណាស់។ ដោយសារតែ ភាគច្រើននៃអ្នកកាន់សាសនាគ្រឹស្តរៀបការនៅក្នុងព្រះវិហារ។ ដូច្នេះ ដើម្បី​ចាកចេញ​ពី​អាពាហ៍ពិពាហ៍​ដែល​មិន​ចុះសម្រុង ពួកគេ​ត្រូវ​តែ​ទទួល​បាន​ការ​យល់ព្រម​ពី​ព្រះវិហារ និង​ទទួល​បាន​ការ​យល់ព្រម​ពី​អាជ្ញាធរ។ ដំណើរការនេះចំណាយពេលច្រើនឆ្នាំ ហើយមានតម្លៃថ្លៃណាស់។

ជាទូទៅស្ត្រី​ជា​ច្រើន​មិន​អាចលែងលះពី​ស្វាមី​​បានទេ ទោះ​បី​ជា​អាពាហ៍ពិពាហ៍​មិន​បាន​នាំ​មក​នូវ​សុភមង្គល​ដល់​ពួក​នាង​ក៏​ដោយ។ បច្ចុប្បន្ន​ ញត្តិ​ស្នើ​ឲ្យ​ការ​មានលែងលះ​ស្រប​ច្បាប់ ​កំពុង​ត្រូវ​បាន​ពិចារណា​ដោយ​សភា​តំណាង​ហ្វីលីពីនហើយ៕

តើប្រិយមិត្តយល់យ៉ាងណាដែរ ចំពោះច្បាប់នេះ?

ប្រែសម្រួល៖ សន្យា

ចុចអាន៖ មិនស្រួលទេ! ដើម្បីក្លាយជាបុរសពេញលក្ខណៈ កុលសម្ព័ន្ធនៅព្រៃ Amazon ត្រូវឆ្លងកាត់ភាពឈឺចាប់ ឲ្យស្រមោចខាំ

ចុចអាន៖ ប្ដីប្រពន្ធមានកូនច្រើនជាងគេលើលោក កូនរហូតដល់ ៦៩នាក់

The post ប្រទេស និងរដ្ឋចំនួន ៣ មិនមានច្បាប់ឱ្យប្ដីប្រពន្ធលែងលះគ្នា appeared first on Kampuchea Thmey Daily.

អត្រាលែងលះគ្នានៅក្នុងប្រទេសអភិវឌ្ឍន៍មានលើសពី ៥០% ក្នុងចំណោមគ្រួសារទូទៅ។ មានន័យថា មាន​ប្ដីប្រពន្ធមួយគូក្នុងចំណោមប្ដីប្រពន្ធ២គូទំនងជាបែកគ្នានៅថ្ងៃណាមួយ​ ដោយសារហេតុផលជាច្រើនដូចជា ការយល់ដឹង ឱកាស និង​វប្បធម៌បើកទូលាយគោរការសម្រេចចិត្ត។

ត្រូវពិចារណាថា មានទិដ្ឋភាពហិរញ្ញវត្ថុ ខ្លះ​ដែលអាចឱ្យភាគីណាមួយ​បាត់បង់សម្បត្តិបានដោយងាយ​ដោយសារ​ការលែងលះនេះ។ ឧទាហរណ៍ ពេលដែលគេ​រៀបការជាមួយនរណាម្នាក់ ហិរញ្ញវត្ថុរបស់ពួកគេ​ត្រូវ​តែ​ប្រមូលផ្តុំរួម​គ្នាតាមផ្លូវ​ច្បាប់។ ការ​រៀបការជាមួយ​អ្នកណាម្នាក់បានន័យ​ថា​ យើង​ព្រម​ទទួលខុសត្រូវពាក់កណ្តាល​លើ​បំណុលរបស់ពួកគេ​ហើយពួកគេក៏មានសិទ្ធិទទួលបានពាក់កណ្តាលនៃអ្វីគ្រប់យ៉ាងដែលជារបស់យើង។​

ក្នុងគំនិត​អ្នកមាន​មួយចំនួន ច្បាប់លែងលះគ្នា បានក្លាយទៅជាករណីប្លន់លុយយ៉ាង​ស្របច្បាប់នៅប្រទេស​អ្នកមាន​។ មានឧទាហរណ៍ជាច្រើនរួចមកហើយ​ពីប្រភេទផលប៉ះពាល់ធ្ងន់ធ្ងរ​នៃ​ការលែងលះ​សម្រាប់ពួកសេដ្ឋី។ កាលពីឆ្នាំ ២០១៩កន្លងទៅ លោក Jeff Bezos ដែលជាស្ថាបនិកក្រុមហ៊ុន Amazon បានសម្រេចចិត្តលែងលះ​ភរិយា​ ដូច្នេះ​ទ្រព្យ​ដែល​គាត់បានលះបង់ស្ទើរតែពេញមួយជីវិត​ធ្វើការ​យ៉ាង​លំបាកនិង​ប្រឈម​ភាពតានតឹង​រហូត​ដល់​មានទ្រព្យ ១៤០ ប៊ីលានដុល្លារអាមេរិក ពេលនេះត្រូវផ្ទេរពាក់កណ្តាល​ទៅឱ្យភរិយា​របស់គាត់ ធ្វើឱ្យអ្នកស្រី ​MacKenzie Bezos ទទួលបាន ៧០ ប៊ីលានដុល្លារក្លាយជាអ្នកមានទ្រព្យ​ទីបីលើលោក។

ករណី​លោក Sergey Brin ដែលជាស្ថាបនិក google នៅពេលដែលការលែងលះឈានមកដល់ អតីតភរិយារបស់គាត់បានក្លាយជាអ្នកមានបំផុតទី ៥ នៅលើពិភពលោកដូចគ្នា​។

អាចនិយាយថា ក្នុងរយៈពេល ១០ ឆ្នាំសេដ្ឋីទំាងនោះ​បាន​បង្កើតជោគជ័យ​ក្រុមហ៊ុនដ៏អស្ចារ្យមួយ​ ហើយ​អ្នកមាន​តម្លៃលើផ្សារហ៊ុន​ ២០ លានដុល្លារ។ ភរិយា​របស់គេ ដែលលែងលះនោះ​ អាចទាមទារបន្ថែម​នូវ​​ប្រាក់​ឧបត្ថម្ភដល់កូនៗ​រហូតដល់ពួកគេ​មានវ័យ​ ១៨ ឆ្នាំ។ ​មិនតែ​ប៉ុណ្ណោះ​ការ​លែង​លះក្នុងគ្រួសារ​សេដ្ឋី​មិនត្រឹម​តែនាំមក​នូវការខាតបង់ថវិកា​ថែមទំាងនាំមកឱ្យ​នូវ​ផលអវិជ្ជមាន​លើបណ្តាញ​សង្គមផង ឧទាហរណ៍ ទំនុកចិត្ត​ពីសាធារណជន​ចំពោះបុគ្គលនោះធ្លាក់ចុះ ភាគហ៊ុនផ្សេងៗ​ក៏ដូចគ្នា ​ហើយ​ថែមទំាង​ក្លាយជាចំណី​ហែកហួរ​លើ​បណ្តាញ​ព័ត៌មាន​៕

អត្ថបទ៖ ចម្រើន​តារា​

ចុចអាន៖ នាង​កំពុង​តែពេញចិត្ត​អ្នកដែរអត់? ​ពិនិត្យ​មើល​សញ្ញាទំាងនេះ

ចុចអាន៖ លោក Warren Buffett ៖ពីនេះទៅមុខនៅតែគ្មានអ្វីរាំងខ្ទប់អាមេរិកបានដដែល!

The post រឿងមួយដែលក្រុមមហាសេដ្ឋីខ្លាចរអាបំផុត…. appeared first on Kampuchea Thmey Daily.

លោក​វរសេនីយ៍ឯក ហួរ ម៉េង​វ៉ាង អធិការ នៃ​អធិការដ្ឋាន​នគរបាល​ខណ្ឌ​សែន​សុខ ប្រាប់ឲ្យ​ដឹង នា​ថ្ងៃទី​១៣ ខែមិថុនា ឆ្នាំ​២០២១​ថា កម្លាំង​នគរបាល​អធិការដ្ឋាន​នគរបាល​ខណ្ឌ​សែន​សុខ​សហការ​ជាមួយ​ការិយាល័យ​ព្រហ្មទណ្ឌ​ស្នងការដ្ឋាន​នគរបាល​រាជធានី​ភ្នំពេញ និង​កម្លាំង​នាយកដ្ឋាន​នគរបាល​ព្រហ្មទណ្ឌ​ក្រួស​ង​មហាផ្ទៃ ស្នងការដ្ឋាន​នគរបាល​ខេត្តកំពង់ចាម ស្នងការដ្ឋាន​នគរបាល​ខេត្ត​ត្បូងឃ្មុំ និង​ស្នងការដ្ឋាន​នគរបាល​ខេត្តបាត់ដំបង ស្រាវជ្រាវ​ឃាត់ខ្លួន ជនសង្ស័យ ១​នាក់ កាលពី​ថ្ងៃទី​១២ ខែមិថុនា ឆ្នាំ​២០២១ ម៉ោង​១០ និង​៣០​នាទី។

ជនសង្ស័យ ឈ្មោះ ស៊ាន ហួរ ( ហៅ ) ហួរ ភេទ​ប្រុស អាយុ​៥៩​ឆ្នាំ ជនជាតិខ្មែរ មុខរបរ​លក់ដូរ ស្នាក់​នៅផ្ទះ​លេខ​៥៤​បេ ផ្លូវ​៥៩៨ ក្រុម​១ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ ជាប់ចោទ ករណី​ឃាត​កម្មក បង្កដោយ​សហព័ទ្ធ ទំនាស់​វាយ​ទាត់​កាប់ និង​កាំបិត​បណ្តាល​ឲ្យ​ជនរងគ្រោះ​ស្លាប់ ០១​នាក់ នៅ​ចំណុច​ក្នុងផ្ទះ​លេខ ៥៤​បេ ផ្លូវ​៥៩៨ ក្រុម​១ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ កាលពី​ថ្ងៃទី​០៩ ខែមិថុនា ឆ្នាំ​២០២១ ម៉ោង​០៦ និង​៣០​នាទី។

លោក​វរសេនីយ៍ឯក ហួរ ម៉េង​វ៉ាង អធិការ នៃ​អធិការដ្ឋាន​នគរបាល​ខណ្ឌ​សែន​សុខ ប្រាប់​បន្ត​អោយដឹងថា ជនសង្ស័យ ឈ្មោះ ស៊ាន ហួរ ( ហៅ ) ហួរ ( គ្មាន​សារធាតុ​ញៀន ) បានធ្វើ​សកម្មភាព​វាយ​កាប់សម្លាប់ ជនរងគ្រោះ​ជា​ប្រពន្ធ ឈ្មោះ គង់ វុទ្ធី ភេទ​ស្រី អាយុ​៥៤​ឆ្នាំ ជនជាតិខ្មែរ មុខរបរ​លក់ដូរ ស្នាក់​នៅផ្ទះ​លេខ​៥៤​បេ ផ្លូវ​៥៩៨ ក្រុម​១ ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ។ បន្ទាប់ពី​ធ្វើ​សកម្មភាព​វាយ​សម្លាប់​ប្រពន្ធ​ញាក់​ក្នុង​វ៉ាលិស​យ​ក​បោះចោល​នៅ​ខេត្ត​ត្បូងឃ្មុំ ៣​ថ្ងៃក្រោយ​ក៏​ត្រូវ​សមត្ថកិច្ច​ស្រាវជ្រាវ​តាម​ក្របួច​ជាប់ ដើម្បី​កសាង​សំណុំរឿង​ចាត់ការ​នីតិវិធី។

នៅក្នុង​ប្រតិបត្តិការ​នេះ​សមត្ថកិច្ច​រកឃើញ​វត្ថុតាងបន្សល់ទុករួមមាន៖ រថយន្ត ០១​គ្រឿង ម៉ាក​លុច​ស៊ី​ស RX 330 ផលិត​ឆ្នាំ ២០០៤ គ្មាន ស្លាក​លេខ, វ៉ាលិស ០១ , សំលៀកបំពាក់​មួយ​ចំនួន , និង​សម្ភារៈ​ផ្សេងៗ ០១​ចំនួន។ បច្ចុប្បន្ន ជនសង្ស័យ​សមត្ថកិច្ច​កំពុង​ឃាត់ខ្លួន​បណ្តោះអាសន្ន​នៅ​អធិការដ្ឋាន​នគរបាល​ខណ្ឌ​សែន​សុខ ដើម្បី​អនុវត្ត​តាម​នីតិវិធី ។​

សូម​ជម្រាបជូន​ឲ្យ​ដឹងថា សព​ស្ត្រី​រងគ្រោះ ត្រូវ​បាន​ប្រជាពលរដ្ឋ​ប្រទះ​ឃើញ​កាលពី​ថ្ងៃទី​១១ ខែមិថុនា ឆ្នាំ​២០២១ វេលា​ម៉ោង ១៣ និង​៣០​នាទី អណ្ដែត​ទឹក​ច្រក​នៅក្នុង​វ៉ាលិស នៅ​ចំណុច​មាត់ទន្លេ ក្រោយ​វិហារ ឥស្លាម ភូមិ​ព្រែក​តូច ឃុំ​ជី​រោទ៍​ទី​១ ស្រុក​ត្បូងឃ្មុំ ខេត្ត​ត្បូងឃ្មុំ​ចម្ងាយ​ពី​វិហារប្រមាណ២០០​ម៉ែត្រ ៕

​អត្ថបទ៖ រ៉ា​វុ​ទ្ធ​

The post វាយ​សម្លាប់​ប្រពន្ធ​ញាត់​ក្នុង​វ៉ាលិស​ យក​បោះចោល​នៅ​ខេត្ត​ត្បូងឃ្មុំ​ ៣​ថ្ងៃក្រោយ​ត្រូវ​សមត្ថកិច្ច​តាម​ក្របួច​ជាប់ appeared first on Kampuchea Thmey Daily.