សម្រស់អតីត “ក្មេងស្រីស្អាតបំផុតលើលោក” នៅតែស្រស់ស្អាតមិនប្ដូរ ក្រោយកន្លងទៅ ១៤ឆ្នាំ

ពេលវេលាកន្លងអស់រយៈពេល ១៤ឆ្នាំទៅហើយ សម្រស់តារាបង្ហាញម៉ូដវ័យក្មេង Kristina Pimenova អតីត “ក្មេងស្រីស្អាតបំផុតលើកលោក” នៅតែស្រស់ស្អាតមិនផ្លាស់ប្ដូរ ខណៈឆ្នាំនេះនាងឈានចូលដល់វ័យ ១៨ឆ្នាំ។

Kristina Pimenova កើតក្នុងកំលុងឆ្នាំ២០០៥ នៅប្រទេសរុស្ស៊ី ជាកូនស្រីរបស់កីឡាករបាល់ទាត់ Ruslan Pimenov និងអតីតតារាម៉ូដែល Glikeriya Shirokova ។ ដោយសារកើត និងធំធាត់​ក្នុង​គ្រួសារ​ដ៏​ល្បី​ល្បាញ ទារិការូបនេះ​ទទួល​បាន​ការ​ចាប់​អារម្មណ៍យ៉ាងខ្លាំង​ពី​សាធារណជន​ទូទាំងពិភពលោក។

នៅឆ្នាំ២០០៩ ពោលគឺពេលនាងឈានចូលវ័យ ៤ឆ្នាំ សម្រស់របស់កុមារី Kristina បានក្លាយជាចំណុចទាក់ទាញពីបណ្ដាសាធារណជន អ្នកសារព័ត៌មាន និងអ្នកច្នៃម៉ូដល្បីៗ រហូតនាំឱ្យនាងដណ្ដើមបានតំណែងជា “ក្មេងស្រីស្អាតបំផុតលើលោក” នាពេលនោះ។ មិនតែប៉ុណ្ណោះនាងបានរក្សាតំណែងនេះ រហូតដល់នាងអាយុ ៩ឆ្នាំ។

ជាង ១៤ឆ្នាំបានកន្លងផុតទៅ តារាម៉ូដែលវ័យក្មេងរូបនេះ បានក្លាយជានារីពេញវ័យដ៏ស្រស់ស្អាត និងនៅតែទាក់ទាញការគាំទ្រច្រើនពីទស្សនិក ក៏ដូចជាការពេញចិត្តពីបណ្ដាអ្នកច្នៃម៉ូដធំៗ ទោះបីបច្ចុប្បន្នជីវិតផ្ទាល់ខ្លួនហាក់ឯកជនបន្តិចក៏ដោយ៕

ប្រែសម្រួល៖ សន្យា

ចុចអាន៖ អតីត “ក្មេងស្រីស្អាតជាងគេលើលោក” ​ក្លាយជាសេដ្ឋីនីក្នុងវ័យ ១៧ឆ្នាំ

ចុចអាន៖ មិននឹកស្មាន អតីតតួ លី តាវហួ អត់ហូបបាយ ១០ឆ្នាំ ដើម្បីថែរក្សារាង