បើតាមសម្ដីរបស់យុវតីរងគ្រោះ ដែលរៀបរាប់តាមរយៈប្រព័ន្ធផ្សព្វផ្សាយព័ត៌មាន គឺជនបង្កស្រវឹងស្រាបើករថយន្តមកប៉ះម៉ូតូ​ដែលខ្លួនជិះបណ្ដាលឱ្យខូចខាតតិចតួច ខណៈនោះយុវតីរងគ្រោះ និងបងប្រុសរបស់ខ្លួន បានសុំសំណងចំនួន ២ ម៉ឺនរៀល ពីជនបង្ក ប៉ុន្តែជនបង្ក ឈឹម ឆែម មិនព្រមផ្ដល់សំណងតិចតួចនេះឡើយ ផ្ទុយទៅវិញជនបង្កបានហៅយុវតី និងយុវជនទាំងពីរនាក់ ទៅក្បែររថយន្តរបស់ខ្លួន រួចដកកាំភ្លើងចេញពីរថយន្ត ស្លាកលេខ រដ្ឋ​០៦​ ២-៨៦៨៨​ ភ្ជង់ក្បាលយុវជនរូបនោះ។ ដោយឃើញជនបង្ករូបនេះភ្ជង់កាំភ្លើង និងប្រុងដេញបាញ់ខ្លួន យុវជនក៏បានរត់ចោលប្អូនស្រី។យុវជនដែលត្រូវមន្ត្រីកងរាជអាវុធហត្ថដកកាំភ្លើងភ្ជង់ អះអាងថា ក្នុងពេលដែលខ្លួនរត់គេច ជនបង្កបានស្រែកថា​៖«​ អាពៅឈប់ៗ …សូមផ្ញើគ្រាប់កាំភ្លើងលើក្បាលពីរគ្រាប់ផង»។

បន្ទាប់ពីស្រែកគំរាមបែបនេះ ជនបង្កក៏បានយកកាំភ្លើងវាយក្បាលយុវតី បណ្ដាលឱ្យបែកក្បាលចំនួនពីរកន្លែង ម្ខាងត្រង់ចំហៀងខាងឆ្វេង និងម្ខាងចំហៀងខាងស្ដាំ។ យុវតីរងគ្រោះ រៀបរាប់ទៀតថា ក្រោយពីយកកាំភ្លើងវាយក្បាលខ្លួនហើយ  ជនបង្កក៏ឡើងរថយន្តរួចបើកគេចខ្លួន បន្ទាប់ពីមហាជនមកដល់កន្លែងកើតហេតុ។

អ្នកនាំពាក្យកងរាជអាវុធហត្ថបានឱ្យដឹងថា បន្ទាប់ពីកើតហេតុ ក្រោមការសហការជាមួយស្នងការដ្ឋាននគរបាលរាជធានីភ្នំពេញ សមត្ថកិច្ចបានធ្វើការឃាត់ខ្លួន បុគ្គលឈ្មោះ ឈឹម ឆែម ឋានន្តរសក្តិឧត្តមសេនីយ៍ត្រី មុខតំណែងនាយករង មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ រួចនាំខ្លួនមកបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីបន្តអនុវត្តនីតិវិធី។

អ្នកនាំពាក្យអះអាងថា  កងរាជអាវុធហត្ថនឹងអនុវត្តច្បាប់ ទណ្ឌកម្មវិន័យចំពោះបុគ្គលនេះ ស្របតាមទិសស្លោក “ប្រទេសជាតិត្រូវតែការពារ ប្រជាត្រូវតែបម្រើ ច្បាប់ត្រូវតែគោរព បទល្មើសត្រូវតែបង្ក្រាប”។

បន្ថែមពីនវ អ្នកនាំពាក្យឱ្យដឹងថា កងរាជអាវុធហត្ថ ក៏បានទំនាក់ទំនងទៅកាន់យុវតីរងរបួស ដើម្បីទទួលខុសត្រូវចេញថ្លៃព្យាបាលរបួស។ អ្នកនាំពាក្យសន្យាថា នៅពេលបញ្ចប់នីតិវិធី កងរាជអាវុធហត្ថ នឹងប្រកាសព័ត៌មានអំពីចំណាត់ការនីតិវិធីលម្អិតជូនសាធារណជនជ្រាប៕

ដោយ៖ ង៉ិល ណារ៉ាត់

The post សមត្ថកិច្ចឃាត់ខ្លួន នាយករងសាលាអាវុធហត្ថ ដែលស្រវឹងស្រាដកកាំភ្លើងភ្ជង់ រួចវាយក្បាលយុវតីម្នាក់ឱ្យរបួស២កន្លែង ដើម្បីអនុវត្តច្បាប់ ទណ្ឌកម្ម appeared first on Kampuchea Thmey Daily.

ហេតុការណ៍​នេះ​បាន​កើត​ឡើង​កាលពី​វេលា​ម៉ោង ១២ និង ៣០ នាទី​យប់​រំលង​អធ្រាត្រ​ឈាន​ចូល​ថ្ងៃ​ទី ២៨ ខែ​កញ្ញា ឆ្នាំ ២០២៥ ស្ថិត​ក្នុង​សង្កាត់​ស្រះចក ខណ្ឌ​ដូនពេញ រាជធានី​ភ្នំពេញ។

បើ​តាម​ការ​បញ្ជាក់​ពី​ពលរដ្ឋ​នៅ​ក្បែរ​នោះ​បាន​ឲ្យ​ដឹង​ថា មុន​កើតហេតុ​ពួកគាត់​កំពុង​និយាយ​គ្នា​លេង​នៅមុខ​ផ្ទះ ស្រប​ពេលនោះ​ក៏​បាន​ឮ​សំឡេង​ផ្ទុះ​យ៉ាង​ខ្លាំង​ចំនួន ២ ដង។ ខណៈ​នោះ​គាត់​បាន​រត់​ចេញ​មក​មើល​ស្មានថា ផ្ទុះ​ហ្គាស ប៉ុន្តែ​ចៃដន្យ ក៏​ប្រទះឃើញ ដៃ​បុរស​ម្នាក់ កាន់​កាំភ្លើង ភ្ជង់​ឡើង​ទៅ​លើ​មេឃ ចេញពី​ខាងក្នុង​រថយន្ត​មិន​ចាំ​ម៉ាក ១ គ្រឿង រួច​ធ្វើ​សកម្មភាព​បាញ់​ទៅលើ​មេឃ​ចំនួន ៣ គ្រាប់​បន្ថែម​ទៀត រួច​ក៏​បើក​រត់គេចខ្លួន​បាត់ស្រមោល។ ភ្លាមៗ គាត់​ក៏​ប្រញាប់​ទាក់ទង​រក​សមត្ថកិច្ច​ចុះ​មក​អន្តរាគមន៍​ផង​ដែរ។

ក្រោយ​កើតហេតុ​កម្លាំង​សមត្ថកិច្ច និង​កងរាជអាវុធហត្ថ​ ចុះ​មក​ដល់​ទីតាំង​ខាងលើ​ និង​បាន​ប្រមូល​គ្រាប់កាំភ្លើង ​និង​បន្ត​ស៊ើបអង្កេត ​និង​រកមុខ​ជនសង្ស័យ​ ដើម្បី​ធ្វើការ​ទៅតាម​នីតិវិធី​ច្បាប់៕

អត្ថបទ ៖ រដ្ឋា

The post មិនដឹងមានបញ្ហាអ្វី បុរសម្នាក់ ជិះរថយន្តសុខៗ ដកកាំភ្លើងបាញ់ទៅលើមេឃ ៥ គ្រាប់ រួចគេចខ្លួនបាត់ នៅបឹងកក់ appeared first on Kampuchea Thmey Daily.

យោងតាម news1live ប៉ូលិសក្រុងបាងកកបានធ្វើការឃាត់ខ្លួនបុរសជនជាតិថៃ ស្ថិតនៅផ្ទះមួយក្នុងតំបន់ Soi Wat Chan Nai សង្កាត់ Bang Kho Lae ស្រុក Bang Kho Laem ទីក្រុងបាងកក។ វត្ថុតាងចាប់យកមាន៖ អាវុធកែច្នៃ គ្រាប់រំសេវ និងឧបករណ៍ប្រើប្រាស់សម្រាប់កែប្រែអាវុធជាដើម។

ឧត្តមសេនីយ៍ទោ Chotiwat បានប្រាប់ឲ្យដឹងថា ជនសង្ស័យ Rapiphat បានប្រើប្រាស់ហ្វេសប៊ុកឈ្មោះ Nakrob Lai Pramong កំពុងជួញដូរអាវុធ និងគ្រាប់រំសេវតាមអ៊ីនធឺណិត។ ការស៊ើបអង្កេតបានបង្ហាញពីព័ត៌មានគួរឲ្យទុកចិត្តថា ជនសង្ស័យឈ្មោះ Rapiphat ពិតជាអ្នកប្រើប្រាស់គណនីហ្វេសប៊ុក និងជាប់ពាក់ព័ន្ធក្នុងការលក់អាវុធ និងគ្រាប់រំសេវតាមអ៊ីនធឺណិត។ មន្ត្រីចាប់ខ្លួនបានឆែកឆេរផ្ទះជួលគ្មានការចុះបញ្ជីនៅជាប់នឹងផ្ទះរបស់លោក និងដកហូតបានវត្ថុរួមមានអាវុធកែច្នៃ គ្រាប់រំសេវ និងឧបករណ៍សម្រាប់កែប្រែ និងផ្គុំផ្នែកផ្សេងៗជាអាវុធ។

ក្នុងពេលសាកសួរ លោកRapiphat បានសារភាពថា ខ្លួនបានបញ្ជាទិញគ្រឿងសព្វាវុធផ្សេងៗតាមប្រព័ន្ធអ៊ីនធឺណិត ដើម្បីប្រមូលផ្តុំកេះ និងអាវុធ រួមទាំងគ្រាប់រំសេវផងដែរ ដើម្បីលក់ឲ្យអ្នកទិញដោយផ្អែកលើការបញ្ជាទិញពីអ្នកលក់អាវុធតាមអ៊ីនធឺណិត។

ប៉ូល. លោកឧត្តមសេនីយទោ Chotiwat បានបន្ថែមថា ជនសង្ស័យបានប្រកបមុខរបរនេះប្រហែល១០ឆ្នាំមកហើយ។ ការត្រួតពិនិត្យផ្ទៃខាងក្រោយបង្ហាញពីការចោទប្រកាន់ពីមុន ដោយសារគាត់បានបង្កើតជំនាញក្នុងវិស័យនេះក្នុងអំឡុងពេលបម្រើយោធានៅភាគខាងត្បូង។ ពេល​ចុះ​ចេញ​វិញ គាត់​ឃើញ​ឱកាស​បញ្ជា​អាវុធ និង​កែប្រែ​ធុង​សម្រាប់​ប្រើប្រាស់​ជាក់ស្តែង។ ជនសង្ស័យ​ត្រូវ​បាន​គេ​បង្ហោះ​លក់​តាម​អ៊ីនធឺណិត ដែល​ធ្វើ​ឲ្យមានការ​បញ្ជា​ទិញ​ជា​ច្រើន ។

ដំបូងឡើយ មន្ត្រីជំនាញបានចោទប្រកាន់លើជនសង្ស័យពីបទ កាន់កាប់អាវុធ និងគ្រាប់រំសេវដោយគ្មានអាជ្ញាប័ណ្ណ ផលិត ដំឡើង ជួសជុល កែប្រែ បញ្ជាទិញ នាំចូល កាន់កាប់ ឬលក់អាវុធ ឬគ្រាប់រំសេវសម្រាប់គោលបំណងពាណិជ្ជកម្មដោយគ្មានអាជ្ញាប័ណ្ណ។ ជនសង្ស័យ​រួម​នឹង​វត្ថុ​តាង​ត្រូវ​បាន​សមត្ថកិច្ច​នាំ​យក​ទៅ​សាកសួរ​នៅ​អធិការដ្ឋាន​នគរបាល​ស្រុក​វត្ត​ពោធិ​រៀង ដើម្បី​ចាត់ការ​បន្ត​តាម​ច្បាប់៕

អត្ថបទ៖ សាង ស្រីល័ក្ខ

ចុចអាន៖បុរស អូស្ត្រាលី វ័យ៧៥ឆ្នាំម្នាក់ អង្វរសុំការសង្គ្រោះ ក្រោយប្រពន្ធថៃញៀនថ្នាំ ដុតលុយចោលខ្ទេច

The post ប៉ូលិសថៃចាប់ខ្លួនបុរសម្នាក់ សង្ស័យលក់កាំភ្លើងតាមអនឡាញ appeared first on Kampuchea Thmey Daily.

យោងតាមការចេញផ្សាយរបស់សារព័ត៌មាន ABC មនុស្ស៣ នាក់ត្រូវបានសម្លាប់ និង១០នាក់ផ្សេងទៀតបានរងរបួស នៅ​ក្នុង​ការបាញ់ប្រហារក្នុងតំបន់ Grays Ferry ទីក្រុង South Philadelphia រដ្ឋ Pennsylvania ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១​រំលង​អធ្រាត្រថ្ងៃចន្ទ ដោយ​មានការ​បាញ់ប្រហារ​ជាច្រើន​ជុំ​នៅ​តាម​បណ្តោយ​ផ្លូវលំ​មួយ​កន្លែង។

ក្រោយការបាញ់ប្រហារនេះ មនុស្ស​ម្នាក់​​ប្រដាប់​ដោយ​អាវុធ​ត្រូវ​បាន​ចាប់​ខ្លួន ខណៈមូលហេតុដែលនាំឲ្យមានការបាញ់ប្រហារដ៏សាហាវនេះ​នៅ​មិនទាន់​ដឹង​នៅឡើយ​ទេ​ ដោយប៉ូលិសកំពុងធ្វើការស៉ើបអង្គេត។ ការបាញ់ប្រហារនេះបានបន្ថែមការព្រួយបារម្ភបន្ថែមទៀតដោយសារ កាលពីថ្ងៃទី០៤ខែកក្កដាក៏មានមនុស្ស​៨​នាក់​ត្រូវ​បាន​គេ​បាញ់​សម្លាប់នៅ​ក្បែរ​ក្លិប​រាត្រី​មួយ ក្នុងទីក្រុង Philadelphia ផងដែរ។

ចំណែកបើយោងតាមការចេញផ្សាយរបស់សារព័ត៌មាន ​BBC ក៏មានការបាញ់ប្រហារមួយទៀតបានកើតឡើង ដោយបុរសអាយុ ២៧ឆ្នាំម្នាក់ឈ្មោះ Ryan Lewis Mosqueda ប្រដាប់​ដោយ​កាំភ្លើងនិងបាន​បាញ់​ប្រហាររាប់​សិប​គ្រាប់​ទៅ​លើ​អគារស្ថានីយ៍ល្បាតព្រំដែនអាមេរិក-ម៉ិកសិក McAllen រដ្ឋ Texasកាលពីព្រឹកថ្ងៃចន្ទ។ ក្រោយមក​ភ្នាក់ងារប៉ូលិស​បាន​បាញ់​តប​វិញ និងបាន​សម្លាប់​បុរសជាខ្មាន់កាំភ្លើង។

នៅក្នុងហេតុការណ៍នេះមានមនុស្ស ៣ នាក់ មន្រ្តីពីរនាក់និងបុគ្គលិកល្បាតព្រំដែនម្នាក់បានរងរបួស ដោយអ្នកទាំងអស់កំពុងសម្រាកព្យាបាលនៅមន្ទីរពេទ្យ។

ប៉ូលិស​បាន​រក​ឃើញ​អាវុធ​បន្ថែម​ទៀត​នៅ​ក្នុង​រថយន្ត​របស់ Mosqueda ដែល​មាន​ពាក្យ​ថា «Cordis Die» លាប​លើ​ទ្វារឡាន។ ពាក្យ​នេះ​បាន​មក​ពី​ហ្គេម​វីដេអូ​មួយ ​ទាក់ទង​ទៅ​នឹង​ក្រុម​ដែល​ប្រឆាំង​នឹង​រដ្ឋាភិបាល។ បើតាមប៉ូលិស បុរសរូបនេះ​មិន​មាន​ប្រវត្តិ​បទ​ឧក្រិដ្ឋពីមុនមកទេ ហើយ​ក៏​មិន​ទាន់មាន​មូលហេតុ​ច្បាស់លាស់​ដែរដែលជំរុញឲ្យមានការបាញ់ប្រហារ​ ដោយ FBI កំពុងដឹកនាំការស៊ើបអង្កេតនេះ។

គួរបញ្ជាក់ថាហេតុការណ៍ទាំងពីរដាច់ដោយឡែកពីគ្នានេះបានបង្ហាញពីការកើនឡើងយ៉ាងខ្លាំងនៃការវាយប្រហារដោយហិង្សាប្រើប្រាស់កាំភ្លើង និងព្រួយបារម្ភអំពីសុវត្ថិភាពសាធារណៈនៅក្នុងសហរដ្ឋអាមេរិកនាពេលថ្មីៗនេះ៕

អត្ថបទ៖ ប៊ុន សុភាព

The post មួយថ្ងៃផ្ទុះការបាញ់ប្រហារពីរលើកសម្លាប់មនុស្ស ៤ នាក់ នៅសហរដ្ឋអាមេរិក appeared first on Kampuchea Thmey Daily.

លោកចៅក្រមស៊ើបសួរ នៃសាលាដំបូងខេត្តសៀមរាប សម្រេចឲ្យកម្លាំងនគរបាលការិយាល័យព្រហ្មទណ្ឌកម្រិតធ្ងន់ ឃុំខ្លួនជនសង្ស័យឈ្មោះ សាន ចំរើន ដាក់ពន្ធនាគារបណ្តោះអាសន្ន តាមមាត្រា៤៨៨ នៃក្រមព្រហ្មទណ្ឌ កាលពីល្ងាចថ្ងៃទី៦ ខែកុម្ភ: ឆ្នាំ ២០២៥ ពីករណី បទផលិត ឬ ធ្វើចរាចរណ៍  អាវុធ គ្រឿងផ្ទុះ និង គ្រាប់រំសេវគ្រប់ប្រភេទ ( សន្និធិអាវុធ ) “ប្រព្រឹត្តនៅភូមិតាចេក សង្កាត់ជ្រាវ ក្រុងសៀមរាប កាលពីអំឡុងឆ្នាំ ២០២២ រហូតដល់ ថ្ងៃទី៥ ខែកុម្ភៈ ឆ្នាំ ២០២៥ បទល្មើសព្រហ្មទណ្ឌដែលមានចែងតាមមាត្រា៤៨៨នៃក្រមព្រហ្មទណ្ឌ” និងបង្គាប់ឲ្យប្រធានពន្ធនាគារខេត្តសៀមរាបទទួលឃុំខ្លួនឈ្មោះ សាន ចំរើន ជាបណ្តោះអាសន្ន រហូតដល់មានបទបញ្ជាថ្មីសម្រេចផ្សេងពីនេះ។

តាមប្រភពពីសមត្ថកិច្ចជំនាញ បានឲ្យដឹងថា នៅថ្ងៃទី៥ ខែកុម្ភៈ ឆ្នាំ ២០២៥ ត្រូវបាននាយកដ្ឋានប្រឆាំងបទល្មើសបច្ចេកវិទ្យា បានបើកការស៊ើបអង្កេត ស្រាវជ្រាវករណីការជួញដូរអាវុធតាមប្រព័ន្ធតេឡេក្រាម ជិត១ខែ ហើយបានចុះសហការជាមួយ ស្នងការដ្ឋាននគរបាលខេត្តសៀមរាប និងមានការសម្របសម្រួលពីអយ្យការអមសាលាដំបូងខេត្តសៀមរាប ធ្វើការឃាត់ខ្លួនជនសង្ស័យ ឈ្មោះ សាន ចំរើន ភេទប្រុស អាយុ២១ ឆ្នាំ មុខរបរ ជាងកាត់សក់ ស្ថិតនៅក្នុងផ្ទះរបស់ជនសង្ស័យដែលមានអាសយដ្ឋានស្ថិតនៅភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប ដោយរឹបអូសបានវត្ថុតាងរួមមាន កាំភ្លើងកែច្នៃបាញ់គ្រាប់ពិត និង កាំភ្លើងប្រើហ្គាស ចំនួន ០៧ដើម ព្រមទាំងគ្រាប់មួយចំនួនផងដែរ។

តាមការសួរនាំរបស់សមត្ថកិច្ច ជនសង្ស័យខាងលើបានសារភាពថា ខ្លួនពិតជាបានបង្កើត channel telegram និងទាក់ទងតាមបណ្ដាញសង្គមនានា ដើម្បីអូសទាញឲ្យគេកម្មង់ទិញគ្រឿងសពា្វវុធទាំងនោះ ដោយបង្គាប់ឲ្យគេ ផ្ទេរប្រាក់មកឲ្យខ្លួនជាមុន។ បន្ទាប់ពីទទួលបានប្រាក់រួចហើយ គេក៏ធ្វើការផ្តាច់ទំនាក់ទំនងជាមួយអតិថិជនទាំងនោះ ដែលទង្វើនេះ គឺជាអំពើឆបោកពិតប្រាកដ ។  

សូមបញ្ជាក់ផងដែរថា បច្ចុប្បន្ន លោកចៅក្រមស៊ើបសួរ នៃសាលាដំបូងខេត្តសៀមរាប បានសម្រេចឲ្យកម្លាំងនគរបាលការិយាល័យព្រហ្មទណ្ឌកម្រិតធ្ងន់ នាំជនសង្ស័យឈ្មោះ សាន ចំរើន ទៅដាក់ឃុំ នៅពន្ធនាគារជាបណ្តោះអាសន្ន ៕

ដោយ៖ គឿនវេត

The post សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម appeared first on Kampuchea Thmey Daily.

សូម​រំលឹក​ថា ដោយ​អនុវត្ត​តាម​បទបញ្ជា​របស់​លោក​ឧត្ដមសេនីយ៍​ឯក ង៉េង ជួ ប្រធាន​នាយកដ្ឋាន​នគរបាល​ព្រហ្មទណ្ឌ​, កម្លាំង​ការិយាល័យ​ព្រហ្មទណ្ឌ​កម្រិត​ស្រាល នៃ​នាយកដ្ឋាន​នគរបាល​ព្រហ្មទណ្ឌ ដឹកនាំ​ដោយ​លោក​ឧត្ដមសេនីយ៍​ត្រី វុទ្ធី វង្សវិបុល និង​លោក​វរសេនីយ៍ទោ វុធ ស៊ែ អនុ​ប្រធាន​នាយកដ្ឋាន និង​លោក​វរសេនីយ៍ឯក ឡេង ប៊ុនហួរ នាយការិយាល័យ បាន​ធ្វើការ​ស្រាវជ្រាវ​បន្ទាន់​ភ្លាមៗ ប្រកប​ដោយ​ការ​យកចិត្តទុកដាក់​ខ្ពស់។

ក្រោម​ការ​សម្របសម្រួល​នីតិវិធី​ពី​លោក​ព្រះរាជអាជ្ញា​រង នៃ​តំណាង​អយ្យការ​អម​សាលាដំបូង​រាជធានី​ភ្នំពេញ កម្លាំង​ជំនាញ​កំណត់​បាន​ទីតាំង​ស្នាក់នៅ និង​ឈាន​ដល់​ការ​នាំ​ខ្លួន​ស្ត្រី​ម្នាក់​ឈ្មោះ ម៉េង លីហ័រ អាយុ ២៤ ឆ្នាំ មក​ធ្វើការ​សួរនាំ​ទាំង​យប់​ថ្ងៃ​ទី ២០ ខែ​សីហា ឆ្នាំ ២០២៤ នៅ​នាយកដ្ឋាន​នគរបាល​ព្រហ្មទណ្ឌ។ ផ្អែក​តាម​ការ​សាកសួរ​ជំហាន​ដំបូង ស្ត្រី​ឈ្មោះ ម៉េង លីហ័រ បាន​សារភាព​ថា វីដេអូ​បាញ់​ឡើង​លើ​មួយ​គ្រាប់​នេះ​តាំងពី​ឆ្នាំ ២០២២ មក​ម្ល៉េះ ប៉ុន្តែ​គេ​ទើប​យក​មក​បង្ហោះ​ឡើងវិញ នៅ​ក្នុង​គណនី​ក្លែងក្លាយ​ដែល​ប្រើប្រាស់​ឈ្មោះ Yubee Ly។

បច្ចុប្បន្ន នារី​ជនសង្ស័យ រូបនេះ ត្រូវ​បាន​បញ្ជូន​ទៅ​ដល់​សាលាដំបូង​រាជធានី​ភ្នំពេញ​ហើយ កំពុង​ស្ថិត​ក្នុង​ដំណាក់កាល​តំណាង​អយ្យកា​បើក​ការ​ស៊ើបសួរ​បន្ត​នីតិវិធី៕

អត្ថបទ ៖ សុខា

The post សមត្ថកិច្ចបញ្ជូនខ្លួននារីម្នាក់ដកកាំភ្លើងបាញ់ឡើងលើ ទៅតុលាការ appeared first on Kampuchea Thmey Daily.

គួរឱ្យដឹងថា កាលពីល្ងាចថ្ងៃទី២០ ខែសីហា គណនីហ្វេសប៊ុកឈ្មោះ Yubee Ly បានបង្ហោះវីដេអូប្រើប្រាស់កាំភ្លើង ដោយភ្ជាប់ជាមួយខ្លឹមសារ «អូនកាចចឹងធ្វើប្រពន្ធបងបាននៅ»។

តាមសំណេរនៅលើទំព័រហ្វេសប៊ុកនាយកដ្ឋាននគរបាលព្រហ្មទណ្ឌ អះអាងថាក្រោយឃើញការបង្ហោះបែបនេះ ដោយអនុវត្តតាមបទបញ្ជារបស់ប្រធាននាយកដ្ឋាននគរបាលព្រហ្មទណ្ឌ, កម្លាំងការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ បានធ្វើការស្រាវជ្រាវបន្ទាន់ភ្លាមៗប្រកបដោយការយកចិត្តទុកដាក់ខ្ពស់។

ប្រហែល១ម៉ោងក្រោយការបង្ហោះ ក្រោមការសម្របសម្រួលនីតិវិធីពីលោកព្រះរាជអាជ្ញារង នៃតំណាងអយ្យការអមសាលាដំបូងរាជធានីភ្នំពេញ កម្លាំងជំនាញកំណត់បានទីតាំងស្នាក់នៅ និងឈានដល់ការនាំខ្លួនស្ដ្រីម្នាក់ឈ្មោះ ម៉េង លីហ័រ អាយុ២៤ឆ្នាំ មកធ្វើការសួរនាំទាំងយប់ថ្ងៃទី២០ ខែសីហា ឆ្នាំ២០២៤ នៅនាយកដ្ឋាននគរបាលព្រហ្មទណ្ឌ។ រហូតមកដល់ព្រឹកថ្ងៃទី២១ ខែសីហា ឆ្នាំ២០២៤នេះ កម្លាំងជំនាញការិយាល័យព្រហ្មទណ្ឌកម្រិតស្រាល បាននិងកំពុងបន្ដធ្វើការសួរនាំស្ដ្រីខាងលើ ដើម្បីចាត់ការបន្ដតាមនីតិវិធី។

ផ្អែកតាមការសាកសួរជំហ៊ានដំបូង ស្ដ្រីឈ្មោះ ម៉េង លីហ័រ បានសារភាពថា វីដេអូបាញ់ឡើងលើមួយគ្រាប់នេះតាំងពីឆ្នាំ២០២២មកម្ល៉េះ ប៉ុន្ដែគេទើបយកមកបង្ហោះឡើងវិញ នៅក្នុងគណនីក្លែងក្លាយដែលប្រើប្រាស់ឈ្មោះ Yubee Ly។

យ៉ាងណាមិញ ករណីនេះកម្លាំងជំនាញនាយកដ្ឋាននគរបាលព្រហ្មទណ្ឌ កំពុងបន្ដស្រាវជ្រាវយ៉ាងយកចិត្តទុកដាក់។ ចំណាត់ការបន្ដនឹងផ្សព្វផ្សាយជូនជាបន្ដបន្ទាប់៕

The post សមត្ថកិច្ច ឃាត់ខ្លួនស្ត្រីបង្ហោះវីដេអូបាញ់កាំភ្លើង ភ្ជាប់ខ្លឹមសារ «អូនកាចចឹងធ្វើប្រពន្ធបងបាននៅ» appeared first on Kampuchea Thmey Daily.

ក្នុងទិន្នន័យរបស់ GVA ដែលចេញផ្សាយកាលពីថ្ងៃពុធ ទី២៧ បានឲ្យដឹង ក្នុងចំណោមអ្នកស្លាប់ទាំងនោះ មាន ២៣,៧៦០ នាក់ គឺជាការធ្វើអត្តឃាត ខណៈមនុស្ស ១៨,៥០៧ នាក់ផ្សេងទៀត ត្រូវបាត់បង់ជីវិតក្នុងការបាញ់ប្រហារដោយអចេតនា អំពើឃាតកម្ម និងការប្រើប្រាស់កាំភ្លើងដើម្បីការពារខ្លួន។

GVA និយាយថា តួលេខនេះ បូករួមទាំងឧបទ្ទវហេតុបាញ់សម្លាប់រង្គាលចំនួន ៦៥០ ករណី, ឃាតកម្ម ៤០ ករណី, ប្រើប្រាស់កាំភ្លើងដើម្បីការពារខ្លួន ១,១៦១ ករណី និងការបាញ់ប្រហារដោយអចេតនា ១,៥៤៣ ករណី។

ទន្ទឹមនោះ កុមារជាង ១,៦០០ នាក់អាយុ ១៧ ឆ្នាំចុះ ត្រូវបានសម្លាប់ក្នុងឧបទ្ទវហេតុហិង្សាដោយកាំភ្លើង និង ៤,៤៤៤ នាក់ផ្សេងទៀត រងរបួស។

GVA បន្ថែមថា មន្ត្រីអនុវត្តច្បាប់ចំនួន ៤៦ នាក់ ក៏ត្រូវបានសម្លាប់ផងដែរ នៅក្នុងអំពើហិង្សាដោ​យកាំភ្លើង ហើយជនសង្ស័យ ១,៤១២ នាក់បាត់បង់ជីវិតក្នុងការបាញ់តបតជាមួយសមត្ថកិច្ច។

សូមបញ្ជាក់ថា GVA បានតាមដានឧប្បត្តិហេតុអំពើហិង្សាដោយកាំភ្លើង ដោយពឹងផ្អែកលើប្រភពពីអនុវត្តច្បាប់ ប្រព័ន្ធផ្សព្វផ្សាយ ប្រភពរដ្ឋាភិបាល និងពាណិជ្ជកម្ម ។

កាលពីខែមិថុនា ប្រធានាធិបតីអាមេរិកលោក ចូ បៃដិន បានចុះហត្ថលេខាលើច្បាប់សុវត្ថិភាពកាំភ្លើង ដែលអនុម័តដោយសភា ។ វា​ជា​ច្បាប់​កំណែទម្រង់​កាំភ្លើង​ដំបូង​ពី​សភា ​ក្នុង​រយៈពេល​ប៉ុន្មាន​ទសវត្សរ៍ចុងក្រោយ ប៉ុន្តែក្រុម​អ្នក​តស៊ូ​មតិ​​បានបន្ត​ជំរុញ​ឲ្យ​មាន​វិធានការ​តឹងរ៉ឹងជាងនេះ៕

ប្រែសម្រួល៖ Vann Vann

ប្រភព៖ Astro​ Awani

ចុចអាន៖ ខ្មាន់កាំភ្លើងបាញ់ប្រហារក្នុងមន្ទីរពេទ្យនៅអាមេរិក បណ្តាលឲ្យមានជនរងគ្រោះច្រើននាក់

The post មនុស្សជាង ៤២០០០នាក់ ស្លាប់ដោយការបាញ់ប្រហារនៅអាមេរិក ក្នុងឆ្នាំ២០២៣ appeared first on Kampuchea Thmey Daily.