បុរស អូស្ត្រាលី វ័យ៧៥ឆ្នាំម្នាក់ អង្វរសុំការសង្គ្រោះ ក្រោយប្រពន្ធថៃញៀនថ្នាំ ដុតលុយចោលខ្ទេច

បុរសជនពិការអូស្ត្រាលីអាយុ ៧៥ឆ្នាំម្នាក់ ឈ្មោះ កំពុងសុំជំនួយឲ្យត្រឡប់ទៅផ្ទះវិញ បន្ទាប់ពីប្រពន្ធក្មេងជាងវ័យរបស់គាត់ជាជនជាតិថៃម្នាក់បានទុកគាត់ចោល ហើយបំផ្លិចបំផ្លាញជីវិតរបស់គាត់ដោយសារតែញៀនថ្នាំ និង​ដុត​បំផ្លាញ​លុយអស់​ចំនួន ១៨៩,០០០ ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Marcus ដែលបានបាត់បង់ជើងឆ្វេងរបស់គាត់ក្នុងគ្រោះថ្នាក់ចរាចរណ៍ បានផ្លាស់ទៅរស់នៅខេត្ត Udon Thani ភាគឦសានប្រទេសថៃ ដើម្បីរស់នៅជាមួយប្រពន្ធឈ្មោះ Pikun អាយុ ៤៥ ឆ្នាំ។ នាងធ្លាប់ជាអ្នកមើលថែចម្បងរបស់គាត់ ហើយជាមនុស្សដែលគាត់ទុកចិត្តដើម្បីគ្រប់គ្រងលុយ១៨៩,០០០ដុល្លារ ដែលគាត់ទទួលបានពីការលក់ផ្ទះរបស់គាត់នៅទីក្រុងបាងកក។

ប្រធាន​សហគមន៍​លោក Boonthom Sorumpha បាន​និយាយ​ថា Pikun កើត​ជំងឺ​ញៀន​ថ្នាំ ហើយ​ដុត​លុយ​ទាំង​អស់ចោលខ្ទេចខ្ទី។ មន្ត្រីក្នុងតំបន់បានចោទប្រកាន់ថា ថ្មីៗនេះនាងត្រូវបានគេនាំទៅមជ្ឈមណ្ឌលស្តារនីតិសម្បទា បន្ទាប់ពីបានប្រព្រឹត្តអំពើហិង្សាដោយសារធាតុមេតាប៉ូលីស ដែលធ្វើឲ្យ Marcus ជាប់គាំង និងតស៊ូជាមួយជីវភាពប្រចាំថ្ងៃ ដោយសារពិការភាពរបស់គាត់។

កាសែត Daily Mail បានរាយការណ៍ដោយដកស្រង់សម្ដីលោក Marcusថា «ខ្ញុំចង់ត្រលប់ទៅអូស្ត្រាលីវិញ។ ខ្ញុំមិនចង់ធ្វើអ្វីទៀតទេជាមួយនាង»។

ប្រព័ន្ធ​ផ្សព្វផ្សាយ​ថៃ​បាន​រាយការណ៍​ថា កូនប្រុស​របស់​គូស្នេហ៍​នេះ​ក៏​ញៀន​ថ្នាំ​ផង​ដែរ​។ ម្តាយរបស់ Pikun ឈ្មោះ Ting បានសារភាពថា កូនស្រីរបស់គាត់បានប្រើប្រាស់គ្រឿងញៀន ប៉ុន្តែបានទទូចថា នាងស្រឡាញ់ប្តីបរទេសរបស់នាងណាស់។

Marcus បាននិយាយថា គាត់ធ្លាប់បានធ្វើដំណើរជាទៀងទាត់រវាងប្រទេសថៃ និងអូស្ត្រាលី ប៉ុន្តែបន្ទាប់ពីបាត់បង់ជើង គាត់បានសម្រេចចិត្តទៅតាំងលំនៅនៅ Udon Thani ជាមួយ Pikun ។ គាត់​អះអាង​ថា ទម្លាប់​ញៀន​ថ្នាំ​របស់​នាង​បាន​បំផ្លាញ​ធនធាន​ទាំង​អស់ ហើយ​ឥឡូវ​គាត់​នៅ​រស់​នៅ​ក្នុង​ប្រាក់ ១.៥០០ បាត (៧២ ដុល្លារ)។ ជាងនេះទៀត Boonthom បាន​ជំរុញ​ឲ្យ​រដ្ឋាភិបាល​អូស្ត្រាលី​ជួយ​អន្តរាគមន៍​ដើម្បី​ឲ្យ Marcus អាច​ត្រឡប់​មក​ប្រទេស​វិញ​បាន៕

អត្ថបទ៖ សាង ស្រីល័ក្ខ

ចុចអាន៖​ស៊ើបអង្កេតផ្ទះ​អតីត​ស្ត្រី​ទី​មួយ​កូរ៉េ​ខាង​ត្បូង ​រក​ឃើញ​អំណោយដ៏ប្រណីតជាច្រើនបន្ថែមទៀត