កីឡាគុនខ្មែរ Archives - Kampuchea Thmey Daily

វីរកងទ័ព ព្រឿង សុជាតិ នឹងឡើងប្រកួតគុនខ្មែរថ្ងៃទី១៩ ខែមេសា ជាថ្មីនៅសង្វៀនបាយ័ន

Sina Noun — Mon, 30 Mar 2026 05:13:03 +0000

កីឡាករ ព្រឿង សុជាតិ ដែលគេស្គាល់ថាជាវីរកងទ័ពនឹងឡើងប្រកួតកម្ពៅសាច់ដុំនៅថ្ងៃទី១៩ ខែមេសា ឆ្នាំ២០២៦ នេះនៅសង្វៀនបាយ័ន ដើម្បីរំលឹកវិជ្ជាគុនផង និងជាការបង្ហាញមុខឡើងវិញជូនអ្នកគាំទ្រគុនខ្មែរផងដែរក្រោយជាប់ដៃនៅព្រំដែនអស់ជាច្រើនខែមកនេះ។

ព្រឿង សុជាតិ ពេលកំពុងហ្វឹកហាត់

កីឡាករ ព្រឿង សុជាតិ បានឲ្យដឹងថា រូបគេនឹងឡើងប្រកួតគុនខ្មែរមួយប្រកួតនៅថ្ងៃទី១៩ ខែមេសា នេះនៅលើសង្វៀនបាយ័នដោយត្រូវប៉ះបរទេស។ ឥលូវរូបគេចូលហ្វឹកហាត់បានប្រហែល ២សប្ដាហ៍ហើយ និងសម្រក់ទម្ងន់បានប្រហែល ៤គីឡូក្រាម។

វីរកងរូបនេះបន្ថែមទៀតថា ខ្លួននឹងត្រូវហ្វឹកហាត់ និងសម្រក់ទម្ងន់បន្ថែមទៀត ព្រោះលើកនេះឡើងប្រកួតទម្ងន់ ៦៥គីឡូក្រាមសិន។ ចំពោះការប៉ះបរទេសមកពីខាងណានោះ សុជាតិ នៅមិនទាន់ដឹងនៅឡើយទេ ពោលឥលូវនេះផ្ដោតលើតែលើការហ្វឹកហាត់ពង្រឹងសមត្ថភាពវិញ។

ព្រឿង សុជាតិ នៅសមរភូមិ

បញ្ជាក់ដែរថា ព្រឿង សុជាតិ ជាកីឡាករប្រដាល់គុនខ្មែរមួយរូបនៅក្លឹបប៉ែនកាក់គុនខ្មែរនាពេលបច្ចុប្បន្ននេះ។ រូបគេជាអតីតកូនសិស្សលោក ធន់ សុភា នៃសមាគមប្រដាល់ក្រសួងការពារជាតិពីមុន។ សុជាតិ ក៏ជាវីរកងមួយផងដែរនៅឯខេត្តឧត្តរមានជ័យ និងបានឈរជើងច្បាំងជាមួយសៀមអំឡុងការឈ្លានពានកន្លងទៅផងដែរ៕

អត្ថបទដោយ៖ នួន ស៊ីណា

The post វីរកងទ័ព ព្រឿង សុជាតិ នឹងឡើងប្រកួតគុនខ្មែរថ្ងៃទី១៩ ខែមេសា ជាថ្មីនៅសង្វៀនបាយ័ន appeared first on Kampuchea Thmey Daily.

លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ

Kosal Sem — Fri, 13 Feb 2026 00:33:00 +0000

កីឡាករកម្រិត A របស់ កម្ពុជា រហស្សនាមនាគចម្បាំង លន បញ្ញា នឹងត្រូវចេញទៅប្រកួតនៅប្រទេសបារាំង ក្នុងកម្មវិធី Rahu Fight IV នាចុងខែ កុម្ភៈ ឆ្នាំ ២០២៦ ដោយត្រូវជួបកីឡាករម្ចាស់ផ្ទះបារាំង Mohamed Cheikh ដែលជាលំដាប់ A ក្នុងទម្ងន់ ៦៧ គីឡូក្រាម។

ខិត្តបណ្ណប្រកួត

លន បញ្ញា នឹងត្រូវធ្វើការងារធ្ងន់ សម្រាប់ភារកិច្ចទៅប្រកួតនៅកម្មវិធីនេះ ដោយសារដៃគូរបស់គេកីឡាករ Mohamed Cheikh ជាកីឡាករមួយរូបចូលចិត្តលេងក្បាច់ និងធន់មិនចាញ់កូនសិស្សលោកគ្រូ ធន់ សុភា រូបនេះប៉ុន្មានឡើយ។

កីឡាករ Mohamed Cheikh ជាកីឡាករមួយរូប ដែលហាត់ប្រដាល់សេរីតាំងពីយូរមកហើយ ហើយកីឡាករអាចវាយបានចន្លោះពីទម្ងន់ ៦៧ ទៅ ៧០ គីឡូក្រាម។ សមិទ្ធផលដ៏ធំបំផុតរបស់គេ គឺបានឈ្នះជើងឯក ក្នុងកម្មវិធីប្រកួតប្រដាល់សេរីជើងឯកថ្នាក់ជាតិ បារាំង កាលពីឆ្នាំ ២០២៥ ដែលបានធ្វើឱ្យគេចាត់ថ្នាក់កីឡាកររូបនេះ ជាកីឡាករលំដាប់ A ក្នុងគីឡូ ៦៧ ប្រចាំប្រទេស បារាំង។

ចំណាត់ថ្នាក់របស់ Mohamed Cheikh

កីឡាករ Mohamed Cheikh ចូលចិត្តប្រកួតក្បាច់ មានចង្វាក់មួយៗ និងពូកែលេងជង្គង់។ បើនិយាយអំពីប្រវត្តិប្រកួតវិញ គឺមិនមានទិន្ន័យណាមួយបញ្ជាក់ច្បាស់លាស់នោះទេ ប៉ុន្តែបើតាមកំណត់ត្រា ដែល WKN ធ្លាប់បង្ហោះកាលពីខែ វិច្ឆិកា ឆ្នាំ ២០២៥ គឺរូបគេប្រកួតអាជីព ៥ លើកចុងក្រោយ ឈ្នះ ៤ និងចាញ់ ១។

Mohamed Cheikh

ការប្រកួតរវាង លន បញ្ញា និង Mohamed Cheikh នាចុងខែ កុម្ភៈ នេះ នឹងក្លាយជាកីឡាករប្រកួត ដែលអ្នកគាំទ្រទន្ទឹងរង់ចាំ ព្រោះកីឡាករម្ចាស់ផ្ទះ បារាំង ជាលំដាប់ A ក្នុងគីឡូ ៦៧។ ចំណែក បញ្ញា វិញ ជាកីឡាករកំពូលម្នាក់របស់ កម្ពុជា ក្នុងគីឡូ ៦៧ នេះផងដែរ ខណៈមួយរយៈចុងក្រោយនេះ រូបគេមិនទាន់បរាជ័យនោះទេ ហើយថែមទាំងដណ្តើមបានខ្សែក្រវាត់ជាច្រើនដូចជា WKN គុនខ្មែរពិភពលោក និង ISKA គុនខ្មែរពិភពលោក។

លន បញ្ញា

គួរឱ្យដឹង ថា ក្រៅពីលន បញ្ញា នៅមានកីឡាករគុនខ្មែរឆ្នើមៗ ៤ រូបទៀតចេញទៅប្រកួតនៅកម្មវិធីនោះដែរដូចជា ពេជ្រ សម្បត្តិ បឺត សង្ឃឹម ពេជ្រ អទិទេព និង គ្រូក្មេង ស៊ាងហៃ ។ ក្នុងនោះ បឺត សង្ឃឹម ត្រូវជួបជាមួយកីឡាករ Martin Steven។ ពេជ្រ អទិទេព ត្រូវជួបជាមួយក្រុម Mbye Samb។ គ្រូក្មេង ស៊ាង ហៃ ត្រូវជួបជាមួយកីឡាករ Niad Nassidou និងមួយគូទៀត ពេជ្រ សម្បត្តិ ត្រូវជួបជាមួយកីឡាករម្ចាស់ផ្ទះ Maxime Combes៕

ខិត្តបណ្ណប្រកួត

អត្ថបទ៖ សេម កុសល

The post លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ appeared first on Kampuchea Thmey Daily.

សម្រែក«ខ្ញុំត្រូវការសន្តិភាព»ទាំងអ្នកកីឡា និងប្រជាពលរដ្ឋគឺចង់បង្ហាញពិភពលោកថាកម្ពុជាមិនត្រូវការសង្គ្រាម

Sina Noun — Fri, 19 Dec 2025 06:55:24 +0000

កាលពីរសៀលថ្ងៃទី១៨ ខែធ្នូ ឆ្នាំ២០២៥ ម្សិលមិញនេះប្រជាពលរដ្ឋខ្មែរជាច្រើនម៉ឺននាក់ក្នុងនោះរួមទាំងផ្នែកកីឡាផងដែរបានចូលរួមកម្មវិធី «ដើរដើម្បីសន្តិភាព» និងជាការបង្ហាញទៅដល់ពិភពលោកថាកម្ពុជាមិនត្រូវការសង្គ្រាមនោះទេ។

ទិដ្ឋភាពម្សិលមិញ

ថ្លែងក្នុងកម្មវិធីដើរដើម្បីសន្តិភាព កីឡាករ លន បញ្ញា បានឲ្យដឹងថា ការមកចូលរួមនេះគឺរូបគេរួមទាំងប្រជាពលរដ្ឋខ្មែរទាំងចង់បង្ហាញដល់អន្តរជាតិថាកម្ពុជាមិនត្រូវការសង្គ្រាមនោះឡើយ។ សូមអន្តរជាតិជួយបញ្ឈប់សង្គ្រាមឈ្លានពានពីសំណាក់សៀមមកលើកម្ពុជានៅពេលនេះផង។

អ្នកប្រដាល់មកពីខេត្តព្រៃវែងរូបនេះបន្តទៀតថា កម្មវិធីដើរដើម្បីសន្តិភាព នេះគឺបានបង្ហាញពីការរួបរួមគ្នារបស់ខ្មែរគ្រប់ផ្នែកទាំងអស់មិនថាសិល្បៈ មន្ត្រីរាជការ កីឡា ឬប្រជាពលរដ្ឋទូទៅបានសាមគ្គីគ្នា និងគាំទ្រដល់វីរកងទ័ពជួរមុខដែលកំពុងច្បាំងជាមួយសត្រូវ។

ទិដ្ឋភាពម្សិលមិញ

កូនសិស្សលោក ធន់ សុភា ខាងលើសំណូមពរដល់ប្រជាពលរដ្ឋទាំងអស់ត្រូវបន្តសាមគ្គីគ្នាផ្ដល់កម្លាំងចិត្តដល់វីរកងទ័ពខ្មែរ និងបន្តជួយឧបត្ថម្ភគាំទ្រគ្រប់បែបយ៉ាងតាមដែលអាចធ្វើទៅបានមិនថាជាស្បៀងអាហារ ឬរបស់ប្រើប្រាស់ផ្សេងៗនោះឡើយដើម្បីជួយសម្រួលដល់ការលំបាករបស់ជនភៀសសឹក និងក្រុមគ្រួសារកងទ័ពផងដែរ។

កីឡាករ លន បញ្ញា

ចំណែកកីឡាករ សុខ ចាន់មាន ដែលមកពីកីឡាប៊ូល និងប៉េតង់ វិញក៏បានឲ្យដឹងនាឱកាសនោះដែរថា ការមកចូលរួមនេះគឺមានសារសំខាន់ជាខ្លាំងដល់ការបង្ហាញទៅអន្តរជាតិថាកម្ពុជាកំពុងរងការឈ្លានពានពីប្រទេសជិតខាង។ កម្ពុជាមិនត្រូវការមានសង្គ្រាមជាមួយបណ្ដាប្រទេសណាមួយឡើយ និងសូមឲ្យពិភពលោកជួយដោះស្រាយការឈ្លានពានមកលើកម្ពុជានេះផង។ ម្ចាស់មេដាយអន្តរជាតិជាច្រើនគ្រឿងខាងលើអំពាវនាវដល់ប្រជាពលរដ្ឋខ្មែរមិនត្រូវគាំទ្រផលិតរបស់ប្រទេសសៀមដែលជាប្រទេសឈ្លានពានមកលើកម្ពុជានោះទេ ព្រោះបើបន្តប្រើប្រាស់ដូចជាការឧបត្ថម្ភឲ្យមកធ្វើបាបខ្មែរអីចឹងដែរ។

កីឡាករ សុខ ចាន់មាន

បញ្ជាក់ដែរថា ព្រឹត្តិការណ៍ «ដើរដើម្បីសន្តិភាព» កាលម្សិលមិញនេះគឺដំណើរការចាប់ពីម៉ោង ៤រសៀលដោយមានការចូលរួមពីគ្រប់ភាគីពាក់ព័ន្ធ ប្រជាពលរដ្ឋខ្មែររាប់ម៉ឺននាក់ដែលបានធ្វើដំណើរចាប់ពីផ្សាររាត្រីឆ្ពោះមកកាន់វិមានឯករាជ្យ។ កម្មវិធីនេះផងដែរគឺផ្ដួចផ្ដើមឡើងដោយឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា៕

ទិដ្ឋភាពម្សិលមិញ

អត្ថបទដោយ៖ នួន ស៊ីណា

The post សម្រែក«ខ្ញុំត្រូវការសន្តិភាព»ទាំងអ្នកកីឡា និងប្រជាពលរដ្ឋគឺចង់បង្ហាញពិភពលោកថាកម្ពុជាមិនត្រូវការសង្គ្រាម appeared first on Kampuchea Thmey Daily.

កម្ពុជា មិនបញ្ជូន គុនខ្មែរ ទៅប្រកួតកីឡា ស៊ីហ្គេម នៅថៃ ខណៈមាន ឃីកបុកស៊ីង

chean virakbot — Mon, 24 Nov 2025 03:59:41 +0000

កម្ពុជាបានសម្រេចបញ្ជូនកីឡាចំនួន ២១ ប្រភេទទៅចូលរួមប្រកួតកីឡាស៊ីហ្គេម លើកទី៣៣ នាខែធ្នូ ឆ្នាំ ២០២៥ នៅប្រទេសថៃ។ ប្រភេទកីឡាមានសក្តានុពលគឺ គុនខ្មែរ មិនត្រូវបានបញ្ជូនទៅចូលរួមប្រកួតទេ ប៉ុន្តែកីឡា ឃីកបុកស៊ីង មានវត្តមានទៅប្រកួតនៅថៃដែរ។

កាលស៊ីហ្គេម លើកទី៣២ ឆ្នាំ ២០២៣ នៅប្រទេសកម្ពុជា ថៃមិនបានបញ្ជូនកីឡាករ កីឡាការិនីមួយថៃរបស់ខ្លួនមកចូលរួមប្រកួតកីឡាគុនខ្មែរទេ។ ពេលនេះ កម្ពុជាបានសម្រេចមិនបញ្ជូនកីឡាករ កីឡាការិនីគុនខ្មែរទៅចូលរួមប្រកួតមួយថៃវិញដែរ។ ទោះបីជាយ៉ាងណា ការមិនបញ្ជូនទៅនេះមិនមែនដោយសារតែហេតុផលឈ្មោះ មួយថៃ នោះទេ ប៉ុន្តែលើបញ្ហាសុវត្ថិភាពច្រើនជាង ពីព្រោះការប្រកួតគុនខ្មែរ ឬ មួយថៃ ហាក់ដូចជាពុះកញ្ជ្រោលជាងប្រភេទកីឡាផ្សេងៗសម្រាប់ប្រទេសទាំងពីរ ស្របពេលវិបត្តិព្រំដែនរវាងប្រទេសទាំងពីរនៅផុសស្រួយ។

ចំពោះ កីឡាឃីកបុកស៊ីង ជាប្រភេទកីឡាប្រយុទ្ធនៅលើសង្វៀនដែរ ប៉ុន្តែដោយសារជាកីឡាសកល ហើយមិនមែនជាកីឡាប្រពៃណីរបស់ប្រទេសណាមួយនោះទេ ដូច្នេះមិនសូវជាបញ្ហាប្រឈមច្រើនឡើយ។ សម្រាប់កម្ពុជា កីឡាឃីកបុកស៊ីងនេះក៏មានសក្តានុពលក្នុងការស្វែងរកមេដាយ។

សម្រាប់ប្រភេទកីឡាទាំង ២១ ដែលកម្ពុជា ត្រូវប្រកួតប្រជែងមាន អត្តពលកម្ម ហែលទឹក ជិះសេះ គុនដាវ កាយសម្ព័ន្ធ យូដូ តេក្វាន់ដូ WT ទ្រីយ៉ាត្លុង បាល់ទះ បាល់ទាត់ ចំបាប់ បញ្ចស៊ីឡាត់ ឃីកបុកស៊ីង ប៉េតង់ សីដក់ ម៉ូតូទឹក ការ៉ាតេ ជឺជីតស៊ូ វូស៊ូ បាល់ទាត់លើតុ និងកីឡាអេឡិចត្រូនិក។

លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានលើកឡោះងថា កីឡាមានគោលការណ៍មិត្តភាព សាមគ្គីភាព និងសន្តិភាព ដូច្នេះកម្ពុជាឈរលើគោលទាំងនេះជាធំសម្រាប់ការចូលរួមប្រកួតកីឡាស៊ីហ្គេម លើកទី៣៣ នៅប្រទេសថៃ។

លោកមានប្រសាសន៍ថា ៖«កីឡាស៊ីហ្គេម រៀងរាល់ ២ ឆ្នាំម្តង គឺយើងចូលរួមដូចរាល់ដង គ្មានមូលហេតុអ្វីទេ។ យើងចូលរួមធម្មតា ពីព្រោះកីឡាមានគោលការណ៍របស់វា។ កីឡាជាវេទិកា ជាព្រឹត្តិការណ៍មិត្តភាព សាមគ្គីភាព យោគយល់គ្នា និងសន្តិភាព ដូច្នេះយើងយកគោលគំនិតនេះជាធំ»។

លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានបញ្ជាក់ថា ៖«ម្ចាស់ផ្ទះថៃ គេរៀបចំសន្តិសុខ សណ្តាប់ធ្នាប់ដល់កម្ពុជា។ គេធានាសុវត្ថិភាពដល់យើង។ ក្តីបារម្ភរបស់យើងគឺគ្មានអ្វីទេ ក្រៅតែពីខិតខំហ្វឹកហាត់ ហើយទៅចូលរួមប្រកួតធម្មតាដើម្បីបង្កើនមិត្តភាពឡើងវិញរវាងប្រជាជនអាស៊ាន ក៏ដូចជាមួយម្ចាស់ផ្ទះដែរ។ យើងអត់មានគំនិតរើសអើងដែលខុសពីគោលការណ៍អន្តរជាតិឡើយ។ មូលហេតុអ្វី អត់មានទេ មានតែថា យើងត្រូវចូលរួម ក្រោយពីរាជរដ្ឋាភិបាលបានផ្តល់ការអនុញ្ញាត»៕

អត្ថបទ៖ វីរបុត្រ

The post កម្ពុជា មិនបញ្ជូន គុនខ្មែរ ទៅប្រកួតកីឡា ស៊ីហ្គេម នៅថៃ ខណៈមាន ឃីកបុកស៊ីង appeared first on Kampuchea Thmey Daily.

នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី

chean virakbot — Fri, 24 Oct 2025 02:00:55 +0000

កីឡាករ កីឡាការិនីគុនខ្មែរវ័យក្មេងធ្វើបានល្អដោយមាន ៨ នាក់ បានឡើងវគ្គបន្ត បន្ទាប់ពីធ្វើបានសម្រេចនៅជុំទី១។ នេះជាឱកាសល្អសម្រាប់កម្ពុជាក្នុងការស្វែងរកមេដាយកម្រិតអាស៊ី។

គូប្រកួតវគ្គ ៨ នាក់ចុងក្រោយ

កីឡាករ វុទ្ធី ចាន់ថន vs Abduvaliev Doston (អ៊ូបេគីស្ថាន) វគ្គ ៨នាក់
កីឡាករ ផន សារ៉ាពេជ្រ vs Hussein Abudullah Osamah (អ៉ីរ៉ាក់) វគ្គ ៨នាក់
កីឡាករ ថន ចន្ធូ vs Jafari Esmaeil (អ៉ីរ៉ង់) វគ្គ ៨នាក់
កីឡាការិនី អុំ ស្រីពេញ vs Taghipoorheidari Hananeh (អីរ៉ង់) វគ្គ ៨នាក់
កីឡាករ ឆុង វិសាល vs Khaleel Issam (អ៊ូបេគីស្ថាន) វគ្គ ១៦ នាក់ចុងក្រោយ
កីឡាករ ហេម ម៉េងស៊្រុន vs Ahmad Rayan (ហ៊្សក់ដានី) វគ្គ ៨នាក់
កីឡាការិនី សៃ សុភា vs Mai Nur Al Amani (ម៉ាឡេស៊ី) វគ្គ ៨នាក់

អត្ថបទ៖ វីរបុត្រ

The post នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី appeared first on Kampuchea Thmey Daily.

ឱកាសមេដាយច្រើន កីឡាករគុនខ្មែរ ៧ នាក់បានឡើងវគ្គបន្ត ក្រោយឈ្នះយប់មិញ ក្នុងកីឡាយុវជនអាស៊ី

chean virakbot — Fri, 24 Oct 2025 01:16:27 +0000

កាលពីថ្ងៃទី២៣ ខែតុលា កីឡាករយុវជនគុនខ្មែរ ៩ នាក់ បានប្រកួតក្នុងព្រឹត្តិការណ៍កីឡាយុវជនទ្វីបអាស៊ី លើកទី៣ នៅប្រទេសបារ៉ែន។ ក្នុងនោះមាន ៧ នាក់បានឡើងទៅកាន់វគ្គ ៨ នាក់ចុងក្រោយ និង ១ នាក់បានឆ្លងផុតវគ្គ ៣២ នាក់ចុងក្រោយ បានឡើងវគ្គ ១៦នាក់ចុងក្រោយ។ កីឡាការិនី លី ស្រីណុច ម្នាក់គត់ធ្លាក់ចេញ។ នៅថ្ងៃទី២៤ ខែតុលានេះ កីឡាករទាំង ៨ នាក់។

លទ្ធផលកាលពីយប់មិញ

កីឡាករ ឆុង វិសាល បានឈ្នះកីឡាករថៃ Suphak Chanthachaem ដោយពិន្ទុ ៣០-២៧ លើវិញ្ញាសា ទម្ងន់ -៥៤គក វគ្គ ៣២នាក់ បានឡើងទៅកាន់វគ្គ ១៦ នាក់ចុងក្រោយ
កីឡាករ វុទ្ធី ចាន់ថន បានឈ្នះកីឡាករបារ៉ែន Sayed Alawi Abdulla ដោយពិន្ទុ ២៩-២៨ លើវិញ្ញាសា ទម្ងន់ -៤៥គក វគ្គ ១៦នាក បានឡើងទៅកាន់វគ្គ ៨ នាក់ចុងក្រោយ។
កីឡាករ ហែម ម៉េងស្រ៊ុន ឈ្នះកីឡាករចិន Sheng Qian ដោយពិន្ទុ ៣០-២៧ លើវិញ្ញាសា ទម្ងន់ -៦០គក នៅវគ្គ ១៦នាក់ ហើយបានឡើងទៅកាន់វគ្គ ៨ នាក់ចុងក្រោយ។
កីឡាករ ឃុន ឌីម៉ី បានឈ្នះកីឡាករហ្វីលីពីន Martin James Ferando ដោយពិន្ទុ ២៩-២៨ លើវិញ្ញាសា ទម្ងន់ -៥៧គក នៅវគ្គ ១៦ នាក់ បានឡើងទៅកាន់វគ្គ ៨ នាក់ចុងក្រោយ។
កីឡាករ ថន ចន្ធូ បានឡើងវគ្គ ៨ នាក់ចុងក្រោយ ទម្ងន់ -៥១គក បន្ទាប់ពីកីឡាករ Sirawich Poomithaworn (ថៃ) មានបញ្ហាសុខភាព។
កីឡាករ ផន សារ៉ាពេជ្រ គ្មានដៃគូនៅជុំទី១ ហើយបានឡើងទៅជួបកីឡាករអ៉ីរ៉ាក់ Abdullah Osamah (អ៉ីរ៉ាក់) វគ្គ ៨ នាក់ចុងក្រោយ
កីឡាករ សៃ សុភា គ្មានដៃគូនៅជុំទី១ បានឡើងទៅជួបកីឡាករម៉ាឡេស៊ី Mai Nur Al Amani វគ្គ ៨ នាក់ចុងក្រោយ
កីឡាការិនី អុំ ស្រីពេញ គ្មានដៃគូនៅជុំទី១ បានឡើងទៅកាន់វគ្គ ៨ នាក់ចុងក្រោយ លើវិញ្ញាសាទម្ងន់ -៥១គក
កីឡាការិនិ លី ស្រីណុច បានចាញ់កីឡាការិនីថៃ Chinno Khwanpitcha ដោយពិន្ទុ ២៦-៣០ នៅវគ្គ ១៦ នាក់ ដូច្នេះអស់ឱកាស។

អត្ថបទ៖ វីរបុត្រ

The post ឱកាសមេដាយច្រើន កីឡាករគុនខ្មែរ ៧ នាក់បានឡើងវគ្គបន្ត ក្រោយឈ្នះយប់មិញ ក្នុងកីឡាយុវជនអាស៊ី appeared first on Kampuchea Thmey Daily.

ត្រឹមរយៈពេលជិត ១ឆ្នាំប៉ុណ្ណោះ មហាម៉ាត់ យ៉ាស៊ីន អាមៀ សម្របខ្លួនចង់ដូចខ្មែរទៅហើយ

Sina Noun — Tue, 07 Oct 2025 02:04:13 +0000

ក្រុមកីឡាករអាហ្វនីស្ថានមាន មហាម៉ាត់ យ៉ាស៊ីន អាមៀ ពិតជាសម្របខ្លួនបានលឿនមែននេះត្រឹមរយៈពេលប្រហែល ១ឆ្នាំប៉ុណ្ណោះរូបគេរស់នៅយ៉ាងចុះសម្រុងជាមួយមិត្តរួមក្លឹប និងមានការរស់នៅស្រួលដូចខ្មែរៗទៅហើយ។

ក្រុមកីឡាករអាហ្វនីស្ថាន

លោក សេន ប៊ុនថេន បានឲ្យដឹងថា ក្រុមកីឡាករបរទេសដែលហ្វឹកហាត់ជាមួយដូចជា មហាម៉ាត់ យ៉ាស៊ីន អាមៀ ក្ដីគឺសព្វថ្ងៃរស់នៅដូចប្រជាជនខ្មែរ ដូចកីឡាករខ្មែរផ្សេងៗទៅហើយត្រឹមរយៈពេលជិត ១ឆ្នាំប៉ុណ្ណោះ។

អ្នកនាង ឃឹម ខាន់សោភ័ណ្ឌ ក៏បានលើកឡើងស្រដៀងប្ដីដែរថា មហាម៉ាត់ យ៉ាស៊ីន គឺមានសីលធម៌ និងការរស់នៅស្រួលណាស់មិនដែលនាំផលវិបាក ឬបង្ករហេតុអ្វីដល់ក្លឹបៗនោះឡើយ។ ចំពោះការហូបចុកវិញគឺស្រួលណាស់ម្ហូបខ្មែរដូចប្រហុក ផ្អក់ លាសហាល និងម្ហូបមួយចំនួនទៀតគឺពួកគេញុំបាន និងចូលចិត្តខ្លាំងទៀតផង។

ភរិយារបស់ សេន ប៊ុនថេន ខាងលើបន្តទៀតថា ពេលខ្លះៗទំនេរពីការហ្វឹកហាត់ដើរទិញការ៉េម និងលេងបាញ់ឃ្លីជាមួយមិត្តរួមក្លឹបដោយភាពស្និតស្នាលផងដែរ។ លើសពីនេះទៅទៀតនៅរដូវបុណ្យទានពួកគេចេះទិញផ្លែឈើ ឬកាដូ ជូនគ្រូៗដូចកីឡាករខ្មែរដែលមានទំនៀមទម្លាប់ខ្មែរជូនចាស់ៗភរិយារបស់ សេន ប៊ុនថេន ខាងលើបន្តទៀតថា ពេលខ្លះៗទំនេរពីការហ្វឹកហាត់ដើរទិញការ៉េម និងលេងបាញ់ឃ្លីជាមួយមិត្តរួមក្លឹបដោយភាពស្និតស្នាលផងដែរ។ លើសពីនេះទៅទៀតនៅរដូវបុណ្យទានពួកគេចេះទិញផ្លែឈើ ឬកាដូ ជូនគ្រូៗដូចកីឡាករខ្មែរដែលមានទំនៀមទម្លាប់ខ្មែរជូនចាស់ៗអីចឹងផងដែរ។

បញ្ជាក់ដែរថា ក្រុមកីឡាករបរទេសរួមមាន មហាម៉ាត់ យ៉ាស៊ីន អាមៀ ចូលហ្វឹកហាត់នៅក្លឹបប្រដាល់ប៉ែនកាក់សេនប៊ុនថេនគុនខ្មែរបានរយៈពេលប្រហែលជិត ១ឆ្នាំប៉ុណ្ណោះ។ ពួកគេកំពុងសាងកេរ្តិ៍ឈ្មោះល្បីខ្លាំងក្នុងវិស័យប្រដាល់គុនខ្មែរនាពេលបច្ចុប្បន្ននេះ។ ជិត ១ឆ្នាំនេះពួកគេមានឈ្នះខ្សែក្រវាត់ ឈ្នះពានរង្វាន់ និងផ្ដួលជើងខ្លាំងកម្ពុជាមិនតិចនាក់ឡើយ៕

សេន ប៊ុនថេន និងសិស្សៗ

អត្ថបទដោយ៖ នួន ស៊ីណា

The post ត្រឹមរយៈពេលជិត ១ឆ្នាំប៉ុណ្ណោះ មហាម៉ាត់ យ៉ាស៊ីន អាមៀ សម្របខ្លួនចង់ដូចខ្មែរទៅហើយ appeared first on Kampuchea Thmey Daily.

វិស័យកីឡា សំ ថារ័ត្ន ជាប់ឈ្មោះប្រជែងពាន Women of The Future of Southeast Asia 2025

Sina Noun — Wed, 01 Oct 2025 07:47:40 +0000

ផ្នែកវិស័យកីឡានៅកម្ពុជា ដោយមានកីឡាការិនី សំ ថារ័ត្ន បានជាប់ឈ្មោះជាបេក្ខភាពចុងក្រោយត្រូវប្រកួតប្រជែងក្នុងកម្មវិធី WOMEN OF THE FUTURE of Southeast Asia 2025 ដែលរៀបចំឡើងដោយស្ថានទូតអង់គ្លេស។

កីឡាការិនី សំ ថារ័ត្ន

កីឡាការិនីល្បុក្កតោ និងគុនខ្មែរ សំ ថារ័ត្ន មានចិត្តរីករាយជាខ្លាំងដែលបានជាប់ឈ្មោះប្រកួតប្រជែងក្នុងកម្មវិធីដ៏ធំនៅប្រចាំតំបន់អាស៊ាននេះ។ រូបគេពិតជាអរគុណចំពោះការជួយជ្រោមជ្រែងពីខាងស្ថានទូតអង់គ្លេស និងក្រុមការងារទាំងអស់ប្រចាំនៅកម្ពុជា ដែលបានលើកទឹកចិត្ត និងជំរុញឲ្យបានចូលរួមការប្រកួត។

កីឡាការិនី សំ ថារ័ត្ន

កម្មវិធី WOMEN OF THE FUTURE of Southeast Asia 2025 រៀបចំឡើងដោយខាងស្ថានទូតអង់គ្លេស និងធ្វើឡើងជារៀងរាល់ឆ្នាំ។ ការប្រកួតប្រជែងនេះរៀបចំឡើងផ្ដោតលើកទឹកចិត្តលើស្ត្រីៗដែលមានភាពលេចធ្លោក្នុងសង្គមមិនថាលើកិច្ចការងារទូទៅ ឬវិស័យកីឡាអ្វីនោះឡើយ ពោលគឺរាល់សកម្មភាពជាច្រើនដែលជួយដល់ស្ត្រី ជួយដល់សង្គមជាតិជាដើម។ បេក្ខភាពចូលរួមគឺមកពីបណ្ដាប្រទេសនៅក្នុងតំបន់អាស៊ាន៕

អត្ថបទដោយ៖ នួន ស៊ីណា

The post វិស័យកីឡា សំ ថារ័ត្ន ជាប់ឈ្មោះប្រជែងពាន Women of The Future of Southeast Asia 2025 appeared first on Kampuchea Thmey Daily.

កីឡាគុនខ្មែរ Archives - Kampuchea Thmey Daily

វីរ​កងទ័ព​ ព្រឿង​ សុជាតិ​ នឹង​ឡើង​ប្រកួត​គុន​ខ្មែរ​ថ្ងៃ​ទី១៩​ ខែ​មេសា​ ជា​ថ្មី​នៅ​សង្វៀន​បាយ័ន​

លន បញ្ញា ត្រូវជួបលំដាប់ A ជា​ជើងឯកបារាំង នៅទឹកដី បារាំង ចុងខែនេះ

កម្ពុជា មិន​បញ្ជូន គុន​ខ្មែរ ទៅ​ប្រកួត​កីឡា ស៊ីហ្គេម​ នៅ​ថៃ ខណៈមាន ឃីកបុកស៊ីង

នេះ​ដៃ​គូ​​​កីឡាករ​គុន​ខ្មែរទាំង ៨ នាក់ ថ្ងៃ​នេះ​ក្នុងព្រឹត្តិការណ៍​កីឡា​យុវជន​អាស៊ី

ឱកាស​មេដាយច្រើន កីឡាករ​គុន​ខ្មែរ ៧ នាក់​បាន​ឡើង​វគ្គ​បន្ត ក្រោយឈ្នះ​យប់​មិញ ក្នុង​កីឡា​យុវជន​អាស៊ី

ត្រឹម​រយៈ​ពេល​ជិត ១ឆ្នាំ​ប៉ុណ្ណោះ​ មហាម៉ាត់​ យ៉ាស៊ីន​ អាមៀ​ សម្រប​ខ្លួន​ចង់​ដូច​ខ្មែរ​ទៅ​ហើយ​

វិស័យ​កីឡា សំ​ ថារ័ត្ន​ ជាប់​ឈ្មោះ​ប្រជែង​ពាន Women of The Future of Southeast Asia 2025

វីរកងទ័ព ព្រឿង សុជាតិ នឹងឡើងប្រកួតគុនខ្មែរថ្ងៃទី១៩ ខែមេសា ជាថ្មីនៅសង្វៀនបាយ័ន

លន បញ្ញា ត្រូវជួបលំដាប់ A ជាជើងឯកបារាំង នៅទឹកដី បារាំង ចុងខែនេះ

កម្ពុជា មិនបញ្ជូន គុនខ្មែរ ទៅប្រកួតកីឡា ស៊ីហ្គេម នៅថៃ ខណៈមាន ឃីកបុកស៊ីង

នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី

ឱកាសមេដាយច្រើន កីឡាករគុនខ្មែរ ៧ នាក់បានឡើងវគ្គបន្ត ក្រោយឈ្នះយប់មិញ ក្នុងកីឡាយុវជនអាស៊ី

ត្រឹមរយៈពេលជិត ១ឆ្នាំប៉ុណ្ណោះ មហាម៉ាត់ យ៉ាស៊ីន អាមៀ សម្របខ្លួនចង់ដូចខ្មែរទៅហើយ

វិស័យកីឡា សំ ថារ័ត្ន ជាប់ឈ្មោះប្រជែងពាន Women of The Future of Southeast Asia 2025