កីឡាជាតិលើកទី៣ Archives - Kampuchea Thmey Daily

ធ្វើម្ចាស់ផ្ទះស៊ីហ្គេម កម្ពុជារំពឹងទទួលបានទេសចរបរទេសចន្លោះ២៥ទៅ៥០ម៉ឺននាក់

chean virakbot — Thu, 01 Dec 2022 01:46:14 +0000

កម្ពុជារំពឹងទទួលបានភ្ញៀវទេសចរអន្តរជាតិចន្លោះពី២៥ទៅ៥០ម៉ឺននាក់នៅពេលទទួលរៀបចំការប្រកួតកីឡាស៊ីហ្គេម លើកទី៣២ និងកីឡាជនពិការអាស៊ាន លើកទី១២ ឆ្នាំ២០២៣។

លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាបានថ្លែងក្នុងពិធីបិទកីឡាជាតិ លើកទី៣ និងកីឡាជាតិជនពិការ លើកទី១ យប់ថ្ងៃទី៣០ ខែវិច្ឆិកា ឆ្នាំ២០២២នេះថា សកម្មភាពកីឡាជាទេសចរណ៍ដ៏មានសក្តានុពលមួយ នៅក្នុងវិស័យឧស្សាហកម្មទេសចរណ៍នាពេលបច្ចុប្បន្ន។ ទេសចរកីឡាបរទេសលើពិភពលោកមានចំនួនប្រមាណ១២ទៅ ១៥លាននាក់ ក្នុងមួយៗឆ្នាំ ឬស្មើ ១០% នៃឧស្សាហកម្មទេសចរណ៍ពិភពលោកទាំងមូល ហើយក៏រកចំណូលបានប្រមាណ៨០០លានដុល្លារ ក្នុងមួយៗឆ្នាំដែរ។

លោកបានបញ្ជាក់ថា ចំពោះការប្រកួតជើងឯកពិភពលោក World Cup នៅទីក្រុងដូហា ប្រទេសកាតា រំពឹងទទួលបានភ្ញៀវទេសចរអន្តរជាតិដល់ទៅ១,៥លាននាក់។ ដោយឡែកកម្ពុជារៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ រំពឹងទទួលបានភ្ញៀវទេសចរអន្តរជាតិចន្លោះពី២៥ទៅ ៥០ម៉ឺននាក់។

បន្ទាប់ពីស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ កម្ពុជាបានទទួលសិទ្ធិរៀបចំការប្រកួតកីឡាយុវជនទ្វីបអាស៊ី នាឆ្នាំ២០២៩ ដែលនឹងមាន៤៥ប្រទេសទូទាំងទ្វីបអាស៊ីចូលរួមប្រកួត ដូច្នេះកម្ពុជានឹងទទួលបានភ្ញៀវទេសចរអន្តរជាតិកាន់តែច្រើនថែមទៀត៕

អត្ថបទ៖ វីរបុត្រ

The post ធ្វើម្ចាស់ផ្ទះស៊ីហ្គេម កម្ពុជារំពឹងទទួលបានទេសចរបរទេសចន្លោះ២៥ទៅ៥០ម៉ឺននាក់ appeared first on Kampuchea Thmey Daily.

សម្ដេចតេជោ ហ៊ុន សែន លើកទឹកចិត្តទាំងអ្នកឈ្នះនិងចាញ់ឲ្យខំប្រឹងបន្ថែមទៀត

chean virakbot — Thu, 01 Dec 2022 01:23:40 +0000

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជានាចក្រកម្ពុជា បានក្នុងពិធីបិទកីឡាជាតិ លើកទី៣ និងកីឡាជាតិជនពិការ លើកទី១ ឆ្នាំ២០២២ បានលើកទឹកចិត្តឲ្យអ្នកទទួលបានជយលាភី ត្រូវបន្ដការខំប្រឹង ខណៈអ្នកចាញ់ កុំបាក់ទឹកចិត្ត គឺខំប្រឹងបន្ថែមទៀតដើម្បីអភិវឌ្ឍសមត្ថភាពឆ្ពោះទៅរកជោគជ័យថ្ងៃអនាគត។

សម្ដេចតេជោបានផ្ដាំផ្ញើដល់អត្តពលិកទាំងអស់ថា ៖«ខ្ញុំសូមរំលឹកដល់ក្មួយៗកីឡាករ កីឡាការិនីថា ការឈ្នះចាញ់ពីការប្រកួតកីឡា គឺជាមេរៀននិងបទពិសោធ សម្រាប់ក្មួយៗ ក្នុងការពង្រឹងសមត្ថភាពរបស់ខ្លួនឱ្យកាន់តែប្រសើរ ដើម្បីលើកកម្ពស់ជំនាញវិជ្ជាជីវៈកីឡាបន្ថែមទៀត។ ផ្ទុយទៅវិញ ការអាក់អន់ចិត្ត ឬការបាក់ទឹកចិត្តដោយសារការចាញ់ក្នុងការ ប្រកួតអាចធ្វើឱ្យក្មួយៗបាត់បង់នូវការតស៊ូនិងការខិតខំប្រឹងប្រែង បន្តដើម្បីយកឈ្នះក្នុងការប្រកួតនៅពេលអនាគត។ ចំពោះអ្នកឈ្នះត្រូវបន្តការខិតខំប្រឹងប្រែងបន្ថែមទៀត ដើម្បីរក្សាគុណផលកីឡារបស់ខ្លួនសម្រាប់ឈានដល់ការដណ្តើមបានជ័យជម្នះជូនជាតិមាតុភូមិក្នុងការប្រកួតកម្រិតអន្តរជាតិ»។

កីឡាជាតិ លើកទី៣ និងកីឡាជាតិជនពិការ លើកទី១ ត្រូវបានរៀបចំឡើង ដើម្បីជាវាស់ស្ទង់ និងជាការសាកល្បងលើកចុងក្រោយ សម្រាប់គណៈកម្មការរៀបចំ ពិសេសហព័ន្ធកីឡាជាតិទាំងអស់ ដោយរៀបចំតាមលំណែ និងទម្រង់ នៃការប្រកួតកីឡាស៊ីហ្គេម និងអាស៊ានប៉ារ៉ាហ្គេម ដើម្បីបាញ់ឆ្ពោះទៅទទួលធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូង នាឆ្នាំ២០២៣៕

អត្ថបទ៖ វីរបុត្រ

The post សម្ដេចតេជោ ហ៊ុន សែន លើកទឹកចិត្តទាំងអ្នកឈ្នះនិងចាញ់ឲ្យខំប្រឹងបន្ថែមទៀត appeared first on Kampuchea Thmey Daily.

ក្រុមបាល់ទាត់នារីស្វាយរៀងឈ្នះមេដាយមាសកីឡាជាតិ ទទួលបានការឧបត្ថម្ភពីឯកឧត្តម ឌី វិជ្ជា និងលោកជំទាវម្នាក់ៗ៤០ម៉ឺនរៀល

chean virakbot — Tue, 29 Nov 2022 05:53:05 +0000

ក្រុមបាល់ទាត់នារីជម្រើសខេត្តស្វាយរៀងបានឈ្នះមេដាយមាសពីព្រឹត្តិការណ៍ប្រកួតកីឡាជាតិ លើកទី៣ ឆ្នាំ២០២២ បន្ទាប់ពីបានយកឈ្នះក្រុមជម្រើសនារីខេត្តសៀមរាបដោយលទ្ធផល ៥-១ ក្នុងវគ្គផ្តាច់ព្រ័ត្រ នាព្រឹកថ្ងៃទី២៩ វិច្ឆិកា នេះនៅកីឡដ្ឋានរបស់ក្លឹបបាល់ទាត់បឹងកេត។

ដើម្បីជាការអបអរសាទរ និងលើកទឹកចិត្តដល់ក្រុមនារីខេត្តស្វាយរៀងដែលទទួលបានមេដាយមាស ពីកីឡាជាតិ លើកទី៣ ឆ្នាំ២០២២នេះ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា បានចាត់តំណាងចុះជួបសួរសុខទុក្ខ និងឧបត្ថម្ភថវិកាលើកទឹកចិត្តដល់ក្រុមកីឡាការិនី និងមន្ត្រី ចំនួន២២នាក់ ដោយម្នាក់ៗទទួលបានថវិកា៤០ម៉ឺនរៀលដូចគ្នា។ ការឧបត្ថម្ភលើកទឹកចិត្តជាថវិកាសរុប៨,៨លានរៀលនេះសម្រាប់ការប្រឹងប្រែងហ្វឹកហាត់យ៉ាងសកម្ម រហូតទទួលបានលទ្ធផលយ៉ាងត្រចះត្រចង់នាំមកនូវមេដាយមាស ចំណាត់ថ្នាក់លេខ១ ជូនខេត្តស្វាយរៀងផ្នែកវិញ្ញាសាបាល់ទាត់នារីថ្នាក់ជាតិនេះ។

វិញ្ញាសាបាល់ទាត់នារីក្នុងកីឡាជាតិ លើកទី៣នេះត្រូវបានបែងចែកជា៣ពូលគឺ៖

ពូល A៖ កំពង់ស្ពឺ, បាត់ដំបង, ព្រៃវែង និង កំពង់ធំ
ពូល B៖ ស្វាយរៀង, កំពង់ឆ្នាំង, កណ្តាល និង ត្បូងឃ្មុំ
ពូល C៖ បន្ទាយមានជ័យ, សៀមរាប និង កំពង់ចាម។

បន្ទាប់ពីឆ្លងកាត់ការប្រកួតសន្សំពិន្ទុក្នុង គឺក្រុមនារីខេត្តកំពង់ស្ពឺ បាត់ដំបង ស្វាយរៀង និងខេត្តសៀមរាប បានឡើងទៅកាន់វគ្គពាក់កណ្តាលផ្តាច់ព្រ័ត្រ។

នៅវគ្គពាក់កណ្តាលផ្តាច់ព្រ័ត្រ៖

ក្រុមនារីខេត្តស្វាយរៀង ៤-០ ខេត្តបាត់ដំបង នៅវិទ្យាស្ថានជាតិ អប់រំកាយ និងកីឡា
ខេត្តកំពង់ស្ពឺ ០-១ ខេត្តសៀមរាប នៅកីឡដ្ឋានស្តាតចាស់។

នៅវគ្គផ្តាច់ព្រ័ត្រ ក្រុមនារីខេត្តស្វាយរៀងនៅតែធ្វើបានល្អដោយទទួលបានជ័យជម្នះលើក្រុមនារីខេត្តសៀមរាប ដោយលទ្ធផល ៥-១ កាលពីព្រឹក ថ្ងៃទី២៩ ខែវិច្ឆិកា កីឡដ្ឋាន Cambodia Airway ដើម្បីក្លាយជាម្ចាស់មេដាយកីឡាជាតិ លើកទី៣ ឆ្នាំ២០២២នេះ៕

ប្រែសម្រួល៖ វីរបុត្រ

The post ក្រុមបាល់ទាត់នារីស្វាយរៀងឈ្នះមេដាយមាសកីឡាជាតិ ទទួលបានការឧបត្ថម្ភពីឯកឧត្តម ឌី វិជ្ជា និងលោកជំទាវម្នាក់ៗ៤០ម៉ឺនរៀល appeared first on Kampuchea Thmey Daily.

បាល់ទាត់កីឡាជាតិ កៀកទៅកាន់ការរកឃើញម្ចាស់មេដាយមាស ទាំងបុរស-នារី

អ៊ិន ពិសី — Mon, 28 Nov 2022 07:24:45 +0000

ការប្រកួតកីឡាជាតិ លើកទី ៣ លើប្រភេទកីឡាបាល់ទាត់ វិញ្ញាសាបុរស-នារី បានរកឃើញក្រុមឡើងវគ្គផ្ដាច់ព្រ័ត្រជាផ្លូវការហើយ បន្ទាប់ពីប្រកួតស្វិតស្វាញក្នុងវគ្គពាក់កណ្ដាលផ្ដាច់ព្រ័ត្ររួចមក។

ការប្រកួតក្នុងវគ្គពាក់កណ្ដាលផ្ដាច់ព្រ័ត្របាល់ទាត់នារី ស្វាយរៀង បានយកឈ្នះ បាត់ដំបង លទ្ធផល ៤-០ ខណៈ កំពង់ស្ពឺ បានចាញ់ សៀមរាប ក្នុងលទ្ធផល ០-២។ ចំពោះបាល់ទាត់បុរស ក្រសួងការពារជាតិ បានចាញ់ ព្រៃវែង លទ្ធផល ២-៤ ដោយឡែក កោះកុង យកឈ្នះ កំពង់ឆ្នាំង លទ្ធផល ៤-២។

ដូច្នេះជាលទ្ធផល បាល់ទាត់នារី ដែលបានឡើងវគ្គផ្ដាច់ព្រ័ត្រ (ដណ្ដើមមេដាយមាស) គឺខេត្តស្វាយរៀង ត្រូវជួប ខេត្តសៀមរាប។ ដោយឡែកបាល់ទាត់បុរស ខេត្តព្រៃវែង នឹងជួប ខេត្តកោះកុង ដែលនឹងធ្វើឡើងនៅថ្ងៃទី ២៩ ស្អែកនេះ។ ចំពោះការប្រកួតយកមេដាយសំរឹទ្ធ គឺធ្វើឡើងនៅថ្ងៃនេះ។

គួរបញ្ជាក់ថា បាល់ទាត់កីឡាជាតិ មានក្រុមចំនួន ២២ ចូលរួមប្រកួត (បុរស ១១ ក្រុម, នារី ១១ ក្រុម) ហើយបែងចែកចេញជា ៣ ពូល ពូល A, B មាន ៤ ក្រុម ខណៈពូល C មាន ៣ ក្រុម ដូចៗគ្នា។ គេប្រកួតវិលជុំសន្សំពិន្ទុ យកតែ ១ ក្រុមប៉ុណ្ណោះ ពីពូលនីមួយៗ បូកនឹងក្រុមលេខ ២ ល្អមួយក្រុម ដើម្បីឡើងទៅវគ្គពាក់កណ្ដាលផ្ដាច់ព្រ័ត្រ៕

អត្ថបទ ៖ មន្នីរ័ត្ន

The post បាល់ទាត់កីឡាជាតិ កៀកទៅកាន់ការរកឃើញម្ចាស់មេដាយមាស ទាំងបុរស-នារី appeared first on Kampuchea Thmey Daily.

ត្រឹមព្រឹកនេះ ក្រសួងមហាផ្ទៃឈ្នះមេដាយកីឡាជាតិ១៣០គ្រឿងនាំមុខដាច់ឆ្ងាយ

chean virakbot — Mon, 28 Nov 2022 01:24:39 +0000

ការប្រកួតកីឡាជាតិ លើកទី៣ និងកីឡាជាតិជនពិការ លើកទី១ ឆ្នាំ២០២២ នៅសល់តែ២ថ្ងៃទៀតប៉ុណ្ណោះនឹងបញ្ចប់ការប្រកួតហើយ។ ក្រឡេកមើលតារាងមេដាយវិញ ក្រុមកីឡាក្រសួងមហាផ្ទៃនាំមុខដាច់ឆ្ងាយណាស់ក្នុងនោះមេដាយមាស ៦៩គ្រឿង ប្រាក់៣២គ្រឿង និងសំរឹទ្ធ២៩គ្រឿង សរុប១៣០គ្រឿង៕

អត្ថបទ៖ វីរបុត្រ

The post ត្រឹមព្រឹកនេះ ក្រសួងមហាផ្ទៃឈ្នះមេដាយកីឡាជាតិ១៣០គ្រឿងនាំមុខដាច់ឆ្ងាយ appeared first on Kampuchea Thmey Daily.

ពិធីបិទកីឡាជាតិ និងកីឡាជាតិជនពិការ នឹងមានទស្សនីយភាពដ៏អស្ចារ្យ មិនចាញ់ពិធីបើក

អ៊ិន ពិសី — Sat, 26 Nov 2022 07:31:19 +0000

ការប្រកួតកីឡាជាតិ លើកទី ៣ និងកីឡាជាតិជនពិការ លើកទី ១ ឆ្នាំ ២០២២ បានដំណើរការប្រកួតរយៈពេល ១ សប្ដាហ៍មកហើយ ដោយប្រភេទកីឡាមួយចំនួន ត្រូវបានបញ្ចប់ការប្រកួតជាបន្តបន្ទាប់ ខណៈប្រភេទកីឡាជាច្រើនទៀត នឹងត្រូវបន្តរហូតដល់ថ្ងៃទី ៣០ ខែវិច្ឆិកា ទើបបញ្ចប់ រួមជាមួយការរៀបចំពិធីបិទព្រឹត្តិការណ៍ដ៏ធំនេះតែម្ដង ដែលនឹងប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

សម្រាប់ពិធីបិទនេះដែរ នឹងមានទស្សនីយភាពដ៏អស្ចារ្យជាច្រើន មិនចាញ់ពិធីបើក កាលពីថ្ងៃទី ២១ ខែវិច្ឆិកាកន្លងទៅឡើយ។ នេះបើតាមការគូសបញ្ជាក់របស់លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី ៣២ ឆ្នាំ ២០២៣ (CAMSOC) និងគណៈកម្មាធិការជាតិអូឡាំពិកកម្ពុជា (NOCC) ក្រោយបញ្ចប់កិច្ចប្រជុំត្រួតពិនិត្យវឌ្ឍនភាពការងារត្រៀមរៀបចំពិធីកីឡាជាតិ និងកីឡាជាតិជនពិការ នៅល្ងាចថ្ងៃទី ២៥ ខែវិច្ឆិកា ម្សិលមិញ ក្រោមការដឹកនាំរបស់លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ អនុប្រធានអចិន្ត្រៃយ៍ CAMSOC និងជាប្រធាន NOCC។

លោក វ៉ាត់ ចំរើន មានប្រសាសន៍ថា កិច្ចប្រជុំចម្រុះថ្ងៃនេះ មានការចូលរួមពីថ្នាក់ដឹកនាំក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា (NOCC) សាលារាជធានីភ្នំពេញ លោកនាយឧត្ដមសេនីយ៍ ហ៊ឹម យ៉ាន អគ្គស្នងការរងនគរបាលជាតិ ទទួលបន្ទុកផ្នែកសន្តិសុខសណ្ដាប់ធ្នាប់ និងគណៈកម្មការពាក់ព័ន្ធទាំងអស់ ដើម្បីជួបជុំពិភាក្សា និងរកដំណោះស្រាយនូវចំណុចខ្វះខាតមួយចំនួនក្នុងពិធីបើក ដើម្បីត្រៀមរៀបចំពិធីបិទនាថ្ងៃទី ៣០ ខែវិច្ឆិកា ចុងសប្ដាហ៍នេះ ឲ្យមានភាពអធិកអធម និងអស្ចារ្យ។

រដ្ឋលេខាធិការក្រសួងទេសចរណ៍បានឲ្យដឹងថា «យើងសង្កេតឃើញ នៅពេលពិធីបើក យើងជោគជ័យក្នុងការសម្ដែង ជោគជ័យក្នុងការរៀបចំ និងការងារមួយចំនួនទៀត ដែលយើងបានដឹងទាំងអស់គ្នា ប៉ុន្តែចំណុចដែលយើងមានការខ្វះខាត ក៏យើងត្រូវតែត្រៀមលក្ខណៈដែរ។ សំខាន់ជាងគេ គឺសុវត្ថិភាព និងសន្តិសុខសណ្ដាប់ធ្នាប់តែម្ដង ដែលជាគោលការណ៍សំខាន់របស់លោកបណ្ឌិតរដ្ឋមន្ត្រី សូម្បីការឧបត្ថម្ភទឹកសុទ្ធ និងអ្វីផ្សេងទៀត ក៏ត្រូវគិតគូរ និងយកចិត្តទុកដាក់ផងដែរ»។

«ជារួមយើងសង្កេតឃើញថា ពិធីបើក បានបំផ្ទុះនូវព័ត៌មានដ៏ធំមួយ សម្រាប់ពិធីបើករបស់យើង ហើយនៅក្នុងពិធីបិទនេះ ក៏យើងនឹងធ្វើឲ្យមានអ្វីមួយអស្ចារ្យបន្ថែមទៀត សម្រាប់ផ្ដល់ជូនប្រជាពលរដ្ឋរបស់យើងទូទាំងប្រទេស តាមរយៈបណ្ដាញផ្សព្វផ្សាយ និងបណ្ដាញសង្គម។ យើងឃើញការមកដល់របស់ប្រជាពលរដ្ឋ សិស្សានុសិស្ស និងយុវជន ស.ស.យ.ក របស់យើងក៏បានចូលរួមយ៉ាងច្រើនកុះករ និងផ្ដល់នូវភាពសប្បាយរីករាយទៀតផង»។ លោក វ៉ាត់ ចំរើន បន្ថែម។

ចុងក្រោយ លោកមានប្រសាសន៍ថា សម្រាប់ពិធីបិទកីឡាជាតិ លើកទី ៣ និងកីឡាជាតិជនពិការ លើកទី ១ នាថ្ងៃពុធសប្ដាហ៍ក្រោយនេះ នឹងមានរៀបចំនូវទស្សនីយភាពជាច្រើន និងមានការចូលរួមពីតារាចម្រៀងល្បីៗក្នុងប្រទេសកម្ពុជា និងការសម្ដែងមួយចំនួនទៀត ដែលជាការសម្ដែងដើម្បីផ្ដល់នូវក្ដីសង្ឃឹមសម្រាប់យុវជនកម្ពុជានាថ្ងៃអនាគត។ ពិសេសការផ្ដល់នូវភាពត្រចះត្រចង់ នៃការរក្សានូវសន្តិភាព និងការអភិវឌ្ឍរបស់កម្ពុជា ឆ្ពោះទៅអនាគតដ៏រុងរឿងមួយ ស្របតាមនិយាមព្រឹត្តិការណ៍អន្តរជាតិធំៗ ទាំងកីឡាអាស៊ី និងកីឡាអូឡាំពិក គឺត្រូវបញ្ចប់ដោយក្ដីសង្ឃឹម៕

អត្ថបទ ៖ មន្នីរ័ត្ន

The post ពិធីបិទកីឡាជាតិ និងកីឡាជាតិជនពិការ នឹងមានទស្សនីយភាពដ៏អស្ចារ្យ មិនចាញ់ពិធីបើក appeared first on Kampuchea Thmey Daily.

ក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង នៅថ្ងៃនេះ នៃព្រឹត្តិការណ៍កីឡាជាតិលើកទី ៣

អ៊ិន ពិសី — Sat, 26 Nov 2022 06:41:55 +0000

ក្រុមកីឡាក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង ត្រឹមថ្ងៃទី ២៦ នៃព្រឹត្តិការណ៍កីឡាជាតិ លើកទី ៣ និងកីឡាជនពិការជាតិ លើកទី ១ ឆ្នាំ ២០២២ បន្ទាប់ពីប្រកួតបាន ៦ ថ្ងៃរួចមក។ នេះដោយយោងតាមទិន្នន័យរបស់អគ្គនាយកដ្ឋានកីឡា។

រំពឹងដូច្នេះ គឺបន្ទាប់ពីក្រសួងមហាផ្ទៃ បានឈ្នះមេដាយច្រើនជាងគេ ទាំងមេដាយមាស ប្រាក់ និងសំរឹទ្ធ ពោលគឺបានឈ្នះមេដាយសរុប ៩៨ គ្រឿង ខ្វះតែ ២ គ្រឿងទៀត នឹងគ្រប់ ១០០ គ្រឿង ហើយថ្ងៃនេះនឹងបន្តមានការប្រកួត។ ក្នុងចំណោម ៩៨ គ្រឿង ក្រសួងមហាផ្ទៃ ឈ្នះមេដាយមាស ៤៨ គ្រឿង, ប្រាក់ ២៤ គ្រឿង និងសំរឹទ្ធ ២៦ គ្រឿង។

ដោយឡែក ក្រសួងការពារជាតិ ដែលជាក្រុមខ្លាំងបានហក់ឡើងមកលេខ ២ វិញជាថ្មី បន្ទាប់ពីប្រជែងគ្នាជាមួយក្រសួងសេដ្ឋកិច្ច និងហិរញ្ញវត្ថុ ទៅវិញទៅមក។ ក្រសួងការពារជាតិ រកមេដាយសរុប ៤៣ គ្រឿង ក្នុងនោះមេដាយមាស ២៤ គ្រឿង, ប្រាក់ ៨ គ្រឿង និងសំរឹទ្ធ ១១ គ្រឿង។ តាមពីក្រោយក្រសួងមហាផ្ទៃ និងក្រសួងការពារជាតិ គឺក្រសួងសេដ្ឋកិច្ច និងហិរញ្ញវត្ថុ ដែលរកបានមេដាយមាស ១៧ គ្រឿង, មេដាយប្រាក់ ១៨ គ្រឿង និងមេដាយសំរឹទ្ធ ១៦ គ្រឿង សរុប ៤២ គ្រឿង។

ដោយឡែកគិតត្រឹមថ្ងៃទី ៦ ម្សិលមិញ ក្រុមចំនួន ២៧ ក្នុងចំណោម ២៨ ក្រុម ដែលចូលរួមកីឡាជាតិ លើកទី ៣ បានដណ្ដើមមេដាយអស់ហើយ នៅឡើយតែខេត្តក្រចេះមួយប៉ុណ្ណោះ ដែលពុំទាន់ដណ្ដើមមេដាយបានទាំងមាស ប្រាក់ និងសំរឹទ្ធ។

គួរបញ្ជាក់ថា ព្រឹត្តិការណ៍នេះ ចាប់ពីថ្ងៃទី ២១ នឹងបញ្ចប់នៅថ្ងៃទី ៣០ ខែវិច្ឆិកា។ ក្នុងព្រឹត្តិការណ៍នេះមានកីឡាចំនួន ៤៥ ប្រភេទ រាប់ទាំងកីឡាជនពិការ ដើម្បីឲ្យប្រកួតប្រជែងដណ្ដើមមេដាយ៕

ខាងក្រោមគឺជាតារាងមេដាយសរុប គិតត្រឹមថ្ងៃទី ៦ ៖

អត្ថបទ ៖ មន្នីរ័ត្ន

The post ក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង នៅថ្ងៃនេះ នៃព្រឹត្តិការណ៍កីឡាជាតិលើកទី ៣ appeared first on Kampuchea Thmey Daily.

បាល់ទាត់កីឡាជាតិ រកឃើញ ៤ ក្រុម ឡើងវគ្គពាក់កណ្ដាលផ្ដាច់ព្រ័ត្រ ទាំងបុរស-នារី

អ៊ិន ពិសី — Fri, 25 Nov 2022 03:49:35 +0000

ការប្រកួតកីឡាជាតិ លើកទី ៣ លើប្រភេទកីឡាបាល់ទាត់ វិញ្ញាសាបុរស-នារី បានរកឃើញក្រុមឡើងវគ្គពាក់កណ្ដាលផ្ដាច់ព្រ័ត្រជាផ្លូវការហើយ បន្ទាប់ពីចំណាយពេលប្រកួត ៦ ថ្ងៃរួចមក។

ជាលទ្ធផល បាល់ទាត់នារី ក្រុមទាំង ៤ ដែលបានឡើងវគ្គពាក់កណ្ដាលផ្ដាច់ព្រ័ត្រ រួមមាន ខេត្តស្វាយរៀង, កំពង់ស្ពឺ, បាត់ដំបង និងខេត្តសៀមរាប។ ដោយឡែកបាល់ទាត់បុរស ក្រសួងការពារជាតិ, ខេត្តព្រៃវែង, ខេត្តកំពង់ឆ្នាំង និងខេត្តកោះកុង ជាក្រុមឡើងវគ្គបន្ត។

ក្រុមទាំង ៨ (បុរស-នារី) បានឡើងតាមរយៈរូបមន្តប្រកួតវិលជុំសន្សំពិន្ទុក្នុងពូល ក្រុមលេខ ១ ប្រចាំពូលទាំង ៣ នឹងបានឡើងទៅវគ្គពាក់កណ្ដាលផ្ដាច់ព្រ័ត្រ បូកនឹងក្រុមលេខ ២ ល្អ ចំនួន ១ ក្រុម។

សម្រាប់វគ្គពាក់កណ្ដាលផ្ដាច់ព្រ័ត្របាល់ទាត់នារី ស្វាយរៀង ត្រូវជួប បាត់ដំបង ខណៈ កំពង់ស្ពឺ ត្រូវជួប សៀមរាប។ ចំពោះបាល់ទាត់បុរស ក្រសួងការពារជាតិ ត្រូវជួប ព្រៃវែង ដោយឡែក កោះកុង ត្រូវជួប កំពង់ឆ្នាំង។ ការប្រកួត នឹងធ្វើឡើងនៅថ្ងៃទី ២៦ ខែវិច្ឆិកាខាងមុខ ដើម្បីរកក្រុមឈ្នះទៅវគ្គផ្ដាច់ព្រ័ត្រដណ្ដើមមេដាយមាស៕

អត្ថបទ ៖ មន្នីរ័ត្ន

The post បាល់ទាត់កីឡាជាតិ រកឃើញ ៤ ក្រុម ឡើងវគ្គពាក់កណ្ដាលផ្ដាច់ព្រ័ត្រ ទាំងបុរស-នារី appeared first on Kampuchea Thmey Daily.

កីឡាជាតិលើកទី៣ Archives - Kampuchea Thmey Daily

ធ្វើ​​ម្ចាស់​​ផ្ទះ​​ស៊ីហ្គេម​ កម្ពុជា​រំពឹង​​ទទួល​​​បាន​ទេសចរបរទេស​ចន្លោះ​២៥​​​​​ទៅ​​៥០​​ម៉ឺន​នាក់

សម្ដេច​តេជោ​ ហ៊ុន សែន​ លើក​ទឹក​ចិត្ត​ទាំង​អ្នកឈ្នះ​និង​​ចាញ់​​ឲ្យ​​ខំ​​ប្រឹង​​បន្ថែម​​ទៀត

បាល់ទាត់កីឡាជាតិ កៀកទៅកាន់ការរកឃើញម្ចាស់មេដាយមាស ទាំងបុរស-នារី

ត្រឹម​​ព្រឹក​​នេះ​ ក្រសួង​មហា​ផ្ទៃ​​ឈ្នះ​​មេដាយ​​កីឡា​ជាតិ​​១៣០​​គ្រឿង​​នាំ​​មុខ​​ដាច់​​ឆ្ងាយ

ពិធីបិទកីឡាជាតិ និងកីឡាជាតិជនពិការ នឹងមានទស្សនីយភាពដ៏អស្ចារ្យ មិនចាញ់ពិធីបើក

ក្រសួងមហាផ្ទៃ រំពឹងឈ្នះមេដាយសរុបលើស ១០០ គ្រឿង នៅថ្ងៃនេះ នៃព្រឹត្តិការណ៍កីឡាជាតិលើកទី ៣

បាល់ទាត់កីឡាជាតិ រកឃើញ ៤ ក្រុម ឡើងវគ្គពាក់កណ្ដាលផ្ដាច់ព្រ័ត្រ ទាំងបុរស-នារី

ធ្វើម្ចាស់ផ្ទះស៊ីហ្គេម កម្ពុជារំពឹងទទួលបានទេសចរបរទេសចន្លោះ២៥ទៅ៥០ម៉ឺននាក់

សម្ដេចតេជោ ហ៊ុន សែន លើកទឹកចិត្តទាំងអ្នកឈ្នះនិងចាញ់ឲ្យខំប្រឹងបន្ថែមទៀត

ត្រឹមព្រឹកនេះ ក្រសួងមហាផ្ទៃឈ្នះមេដាយកីឡាជាតិ១៣០គ្រឿងនាំមុខដាច់ឆ្ងាយ