កីឡា
ធ្វើម្ចាស់ផ្ទះស៊ីហ្គេម កម្ពុជារំពឹងទទួលបានទេសចរបរទេសចន្លោះ២៥ទៅ៥០ម៉ឺននាក់
កម្ពុជារំពឹងទទួលបានភ្ញៀវទេសចរអន្តរជាតិចន្លោះពី២៥ទៅ៥០ម៉ឺននាក់នៅពេលទទួលរៀបចំការប្រកួតកីឡាស៊ីហ្គេម លើកទី៣២ និងកីឡាជនពិការអាស៊ាន លើកទី១២ ឆ្នាំ២០២៣។
លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជាបានថ្លែងក្នុងពិធីបិទកីឡាជាតិ លើកទី៣ និងកីឡាជាតិជនពិការ លើកទី១ យប់ថ្ងៃទី៣០ ខែវិច្ឆិកា ឆ្នាំ២០២២នេះថា សកម្មភាពកីឡាជាទេសចរណ៍ដ៏មានសក្តានុពលមួយ នៅក្នុងវិស័យឧស្សាហកម្មទេសចរណ៍នាពេលបច្ចុប្បន្ន។ ទេសចរកីឡាបរទេសលើពិភពលោកមានចំនួនប្រមាណ១២ទៅ ១៥លាននាក់ ក្នុងមួយៗឆ្នាំ ឬស្មើ ១០% នៃឧស្សាហកម្មទេសចរណ៍ពិភពលោកទាំងមូល ហើយក៏រកចំណូលបានប្រមាណ៨០០លានដុល្លារ ក្នុងមួយៗឆ្នាំដែរ។
លោកបានបញ្ជាក់ថា ចំពោះការប្រកួតជើងឯកពិភពលោក World Cup នៅទីក្រុងដូហា ប្រទេសកាតា រំពឹងទទួលបានភ្ញៀវទេសចរអន្តរជាតិដល់ទៅ១,៥លាននាក់។ ដោយឡែកកម្ពុជារៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ រំពឹងទទួលបានភ្ញៀវទេសចរអន្តរជាតិចន្លោះពី២៥ទៅ ៥០ម៉ឺននាក់។
បន្ទាប់ពីស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ កម្ពុជាបានទទួលសិទ្ធិរៀបចំការប្រកួតកីឡាយុវជនទ្វីបអាស៊ី នាឆ្នាំ២០២៩ ដែលនឹងមាន៤៥ប្រទេសទូទាំងទ្វីបអាស៊ីចូលរួមប្រកួត ដូច្នេះកម្ពុជានឹងទទួលបានភ្ញៀវទេសចរអន្តរជាតិកាន់តែច្រើនថែមទៀត៕
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៣ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៤ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ២ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន
-
ព័ត៌មានជាតិ៥ ថ្ងៃ agoបាក់ច្រាំងទន្លេនៅសង្កាត់ច្បារអំពៅទី ២ នាំទាំងប្រព័ន្ធលូបង្ហូរទឹកទៅជាមួយ
-
ព័ត៌មានអន្ដរជាតិ៦ ថ្ងៃ agoមកពីថៃវិញ សង្ឃ២២អង្គ ត្រូវប៉ូលិសស្រីលង្កា ឃាត់ខ្លួន ជាមួយគ្រឿងញៀនជាង ១០០គីឡូក្រាម