កីឡាវាយកូនបាល់ Archives - Kampuchea Thmey Daily

អាយុទើប២០ឆ្នាំ Coco ជាកីឡាការិនីរកចំណូលបានច្រើនជាងគេបំផុតឆ្នាំ២០២៤

chean virakbot — Tue, 17 Dec 2024 03:28:52 +0000

កីឡាការិនីវាយកូនបាល់សញ្ជាតិអាមេរិក Coco Gauff បានក្លាយជាកីឡាការិនីដែលរកចំណូលបានច្រើនជាងគេបំផុតក្នុងឆ្នាំ២០២៤ដោយរកចំណូលបានសរុប ៣០.៤លានដុល្លារអាមេរិក។

កីឡាការិនីដែលរកចំណូលបានច្រើនបំផុតចំនួន១៥រូបទូទាំងពិភពលោកសរុប២២១លានដុល្លារអាមេរិកក្នុងឆ្នាំ២០២៤ ដែលកើនឡើង២៧% ធៀបនឹងឆ្នាំ២០២៣។ តារាស្រីវ័យ២០ឆ្នាំ Coco Gauff ស្ថិតនៅចំណាត់ថ្នាក់លេខ១។ នាងជាកីឡាការិនីម្នាក់ក្នុងចំណោម៣នាក់ក្នុងលោកដែលរកចំណូលបានជាង៣០លានដុល្លារក្នុងមួយឆ្នាំ បន្ទាប់ពីកីឡាការិនីជប៉ុន Naomi Osaka និងកីឡាការិនីអាមេរិក Serena Williams ធ្លាប់រកបានកន្លងមក។

ជារួម កីឡាការិនីលំដាប់កំពូល១៥រូបមកពី៥ប្រភេទកីឡាផ្សេងគ្នាគឺមានកីឡាការិនីវាយកូនបាល់ដល់ទៅ៩នាក់។ កីឡាការិនីជិះស្គីរបស់ចិន Eileen Gu ស្ថិតនៅលេខ២ ហើយលេខ៣បានទៅកីឡាការិនីវាយកូនបាល់ប៉ូឡូញ Iga Swiatek និងលេខ៤បានទៅកីឡាការិនីវាយកូនបាល់ចិន Zheng Qinwen ខណៈលេខ៥បានទៅកីឡាការិនីវាយកូនបាល់បេឡារុស្ស Aryna Sabalenka។

ចំណូលដែលកីឡាការិនីរកបានគឺពីប្រាក់រង្វាន់ដែលឈ្នះពានរង្វាន់ និងប្រាក់ចំណូលពីការផ្សាយពាណិជ្ជកម្ម ផលិតផល និងតំណាងផ្សព្វផ្សាយជាដើម។

Coco បានចុះកុងត្រាជាមួយក្រុមហ៊ុន New Balance នៅពេលអាយុ១៤ឆ្នាំ។ ក្នុងឆ្នាំ២០២២ ក្រុមហ៊ុនបានធ្វើកុងត្រាថ្មីរយៈពេលជាង៥ឆ្នាំដែលបានធ្វើឲ្យនាងក្លាយជាកីឡាការិនីម្នាក់ដែលមានចំណូលខ្ពស់បំផុតនៅក្នុងចំណោមកីឡាការិនីទូទាំងពិភពលោក។ នៅក្នុងរដូវក្តៅនេះ ក្រុមហ៊ុន New Balance បានដំណើរការផលិតផលស្បែកជើងដែលមានហត្ថលេខារបស់នាង។ ដៃគូផលិតផលរបស់នាងជាច្រើនទៀតមានដូចជា UPS, Head, Barilla, Baker Tilly, Bose, Rolex, L’Oréal និង Naked។

កីឡាការិនីរកចំណូលបានខ្ពស់បំផុតលំដាប់កំពូល១៥នាក់ក្នុងលោកឆ្នាំ២០២៤

កីឡាការិនីវាយកូនបាល់អាមេរិក Coco Gauff រកបាន៣០.៤លានដុល្លារ
កីឡាការិនីជិះស្គីចិន Eileen Gu រកបាន២២លានដុល្លារ
កីឡាការិនីវាយកូនបាល់ប៉ូឡូញ Iga Swiatek រកបាន២១.៤លានដុល្លារ
កីឡាការិនីវាយកូនបាល់ចិន Zheng Qinwen រកបាន២០.៦លានដុល្លារ
កីឡាការិនីវាយកូនបាល់បេឡារុស្ស Aryna Sabalenka រកបាន១៧.៧លានដុល្លារ
កីឡាការិនីវាយកូនបាល់ជប៉ុន Naomi Osaka រកបាន១៥លានដុល្លារ
កីឡាការិនីវាយកូនបាល់អាមេរិក Emma Reducanu រកបាន១៤លានដុល្លារ
កីឡាការិនីវាយកូនគោលអាមេរិក Nelly Korda រកបាន១៤លានដុល្លារ
កីឡាការិនីកាយសម្ព័ន្ធអាមេរិក Simone Biles រកបាន១១លានដុល្លារ
កីឡាការិនីបាល់បោះអាមេរិក Caitlin Clark រកបាន១១លានដុល្លារ
កីឡាការិនីវាយកូនបាល់អ៉ីតាលី Jasmine Paolini រកបាន១០លានដុល្លារ
កីឡាការិនីវាយកូនគោលថៃ Jeeno Thitikul រកបាន៩.២លានដុល្លារ
កីឡាការិនីវាយកូនបាល់អាមេរិក Jessica Pegula រកបាន៨.២លានដុល្លារ
កីឡាការិនីវាយកូនបាល់កាហ្សាស្ថាន Elena Rybakina រកបាន៧.៩លានដុល្លារ
កីឡាការិនីវាយកូនគោលនូវែលហ្សេឡង់ Lydia Ko រកបាន៦.៧លានដុល្លារ

ប្រែសម្រួល៖ វីរបុត្រ

The post អាយុទើប២០ឆ្នាំ Coco ជាកីឡាការិនីរកចំណូលបានច្រើនជាងគេបំផុតឆ្នាំ២០២៤ appeared first on Kampuchea Thmey Daily.

បុរសជោគជ័យបំផុតក្នុងអាជីពវាយកូនបាល់ Nadal ចូលនិវត្តន៍ទាំងទឹកភ្នែក

chean virakbot — Thu, 21 Nov 2024 09:25:04 +0000

កីឡាករ Rafael Nadal បាននិយាយលាពីពិភពកីឡាវាយកូនបាល់ជាផ្លូវការ ហើយអ្នកគាំទ្របានសរសើរវីរបុរសដែលចូលនិវត្តន៍នៅក្នុងពិធីដ៏ជូរចត់ និងរំជួលចិត្តនៅទីលាន Malaga ជាកន្លែងដែលលោកបានបរាជ័យ ២-១ ក្នុងពាន Davis Cup របស់អេស្ប៉ាញ ដោយថ្វី ហូឡង់ កាលពីថ្ងៃទី១៩ ខែវិច្ឆិកា ឆ្នាំ២០២៤។

ដោយទប់ទឹកភ្នែកមិនបាន Nadal បានថ្លែងសុន្ទរកថាជិត១៥នាទីដែលលាតសន្ធឹងដល់ព្រឹកព្រលឹម។ ម្ចាស់ជើងឯក Grand Slam ២២សម័យកាលរូបនេះ បានចាញ់ ៦-៤ ៦-៤ ក្រោមថ្វីដៃកីឡាកររបស់ហូឡង់ Botic van de Zandschulp ដោយបញ្ចប់ការឈ្នះការប្រកួតឯកត្តជនចំនួន ២៩ប្រកួតក្នុងការប្រកួត Davis Cup។

Nadal បាននិយាយថា ៖«អ្វីដែលខ្ញុំបានព្យាយាមធ្វើគឺធ្វើជាមនុស្សល្អ ហើយខ្ញុំសង្ឃឹមថាអ្នកបានយល់ឃើញពីរឿងនោះ។ ខ្ញុំចាកចេញពីពិភពកីឡាវាយកូនបាល់ ដោយបានជួបមិត្តភក្តិជាច្រើននៅតាមផ្លូវ។ ខ្ញុំមានមនុស្សច្រើនណាស់ដែលត្រូវអរគុណ។ ខ្ញុំចាកចេញដោយសន្តិភាពនៃចិត្តដែលបានបន្សល់ទុកនូវកេរដំណែលកីឡា និងផ្ទាល់ខ្លួនដែលខ្ញុំអាចមានមោទនភាព»។

Nadal បានបន្ថែមទៀតថា ៖«សូមអរគុណអ្នកទាំងអស់គ្នា។ វាលើសពី២០ឆ្នាំនៃអាជីព មានទាំងឆ្នាំល្អ និងឆ្នាំអាក្រក់។ ខ្ញុំអាចរស់នៅជាមួយអ្នកទាំងអស់គ្នា។ ខ្ញុំមានអារម្មណ៍ថាសំណាងណាស់ដែលទទួលបានការស្រលាញ់យ៉ាងខ្លាំងពីមនុស្សជុំវិញពិភពលោក ជាពិសេសនៅប្រទេសអេស្ប៉ាញ»។

Nadal ត្រូវបានគេចាត់ទុកជាកីឡាករវាយកូនបាល់ដ៏អស្ចារ្យម្នាក់ក្នុងប្រវត្តិសាស្ត្រ។ អតីតកីឡាករលំដាប់លេខ១ ពិភពលោកផ្នែកបុរសរូបនេះទទួលបានមេដាយមាសអូឡាំពិកលើវិញ្ញាសាឯកត្តជន (ទីក្រុងប៉េកាំង ឆ្នាំ២០០៨) និងវិញ្ញាសាវាយគូ (ទីក្រុង Rio ឆ្នាំ២០១៦) បន្ថែមពីលើពានរង្វាន់ Grand Slam ឯកត្តជនចំនួន ២២ រួមទាំងកំណត់ត្រាឈ្នះ ១៤លើក នៅ French Open ដែលធ្វើអោយគេក្លាយជាស្តេចលើទីលានដីក្រហមដែលមិនអាចប្រកែកបាន៕

ប្រែសម្រួល៖ មន្នីរ័ត្ន
ប្រភព៖ Reuters

The post បុរសជោគជ័យបំផុតក្នុងអាជីពវាយកូនបាល់ Nadal ចូលនិវត្តន៍ទាំងទឹកភ្នែក appeared first on Kampuchea Thmey Daily.

អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

chean virakbot — Sat, 13 Jul 2024 07:50:56 +0000

ក្រុមកីឡាវាយកូនបាល់កម្ពុជា បានឡើងទៅកាន់កម្រិតទី៣ប្រចាំតំបន់អាស៊ី-អូសេអានី នៃពានរង្វាន់អន្តរជាតិ Davis Cup ហើយ បន្ទាប់ពីបានយកឈ្នះលើក្រុមជម្រើសជាតិ កាតារ ក្នុងវគ្គផ្តាច់ព្រ័ត្រ មុននេះបន្តិចដោយលទ្ធផល ២-០។

ពិន្ទុលំអិត ២វិញ្ញាសា កម្ពុជា ឈ្នះ កាតារ

វិញ្ញាសាឯកត្តជនទី១ ប៊ុន កេន្នី បានយកឈ្នះកីឡាករកាតារ ២-០ (៦-៣, ៦-៤)។
វិញ្ញាសាឯកត្តជនទី២ ឡេង សារិនរាជ បានវាយបកយកឈ្នះកីឡាករកាតារ ២-១ បន្ទាប់ពីត្រូវបានកាតារនាំមុខ ០-១មុន (១-៦, ៦-៣, ៦-៣)។
វិញ្ញាសាវាយគូមួយមិនទាន់ប្រកួតចប់ទេ។ បើទោះជាលទ្ធផល ឈ្នះ ឬ ចាញ់ ក៏កម្ពុជា បានឡើងទៅកាន់កម្រិត៣ដដែល។

ក្រុមម្ចាស់ផ្ទះកម្ពុជា បានឡើងមកកាន់វគ្គខ្វែងក្នុងនាមជាក្រុមលេខ២ក្នុងពូល B បន្ទាប់ពីការប្រកួតសន្សំពិន្ទុទី១ ឈ្នះ អ៉ីរ៉ាក់ ៣-០, ប្រកួតទី២ ឈ្នះមីយ៉ាន់ម៉ា ៣-០ ប៉ុន្តែសន្សំពិន្ទុចុងក្រោយចាញ់ គុយវែត ១-២ ខណៈគុយវែតជាក្រុមលេខ១ក្នុងពូល។

កាលពីឆ្នាំ២០២៣ ក្រុមវាយកូនបាល់កម្ពុជាលេងនៅកម្រិត៣ប្រចាំតំបន់អាស៊ី-អូសេអានី ប៉ុន្តែធ្វើមិនបានល្អ ធ្លាក់មកកម្រិត៤ ហើយឆ្នាំ២០២៤ កម្ពុជាបានទទួលធ្វើជាម្ចាស់ផ្ទះលើកដំបូងក្នុងពានរង្វាន់អន្តរជាតិនេះ។ ទីបំផុតកម្ពុជាបានឡើងទៅកាន់កម្រិត៣វិញដោយជោគជ័យ។

កម្ពុជាមានកីឡាករ ប៊ុន កេន្នី, ឡេង សារិនរាជ, ឃ្លាំង ពន្លក, ទេព ទីម៉ូធី, និង ម៉ាត់ធូ ហ្គ្រោស្លីង ដែលមានលោក ទេព រិទ្ធីវិទ្ធ ជាប្រធានដឹកនាំ៕

អត្ថបទ៖ វីរបុត្រ

The post អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ appeared first on Kampuchea Thmey Daily.

Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២

chean virakbot — Fri, 12 Jul 2024 08:19:51 +0000

ក្រុមកីឡាវាយកូនបាល់កម្ពុជា ទទួលបានចំណាត់ថ្នាក់លេខ២ ក្នុងពូល B បន្ទាប់ពីចាញ់ គុយវែត ដោយលទ្ធផល ១-២ សម្រាប់ការប្រកួតវគ្គសន្សំពិន្ទុក្នុងពូលចុងក្រោយ ពានរង្វាន់អន្តរជាតិ Davis Cup ប្រចាំតំបន់អាស៊ី-អូសេអានី កម្រិត៤។

លទ្ធផលការប្រកួត កម្ពុជា ចាញ់ គុយវែត ១-២

វិញ្ញាសាឯកត្តជនទី១៖ ឃ្លាំង ពន្លក ចាញ់ Bader Alabdullah ០-២ (ពិន្ទុ ៣-៦, ០-៦)
វិញ្ញាសាឯកត្តជនទី២៖ ឡេង សារិនរាជ ឈ្នះ Mubarak Abdulhamid ២-០ (ពិន្ទុ៧-៦, ៧-៥)
វិញ្ញាសាវាយគូ៖ កីឡាករ ឡេង សារិនរាជ ចាប់ដៃ ទេព ទីម៉ូធី ចាញ់ Bader Alabbullah ចាប់ដៃ Mubarak Abdulhamid ១-២ (៣-៦, ២-៦)

ចប់វគ្គសន្សំពិន្ទុ ក្នុងពូល កម្ពុជា ឈ្នះ២ប្រកួត និងចាញ់១ប្រកួត ស្ថិតនៅលេខ២ពូល B ខណៈ គុយវែត ឈ្នះទាំង៣ប្រកួត ឈរលេខ១ក្នុងពូល B។

ការប្រកួតនៅវគ្គខ្វែង កម្ពុជា ជួប ក្រុមលេខ១ក្នុងពូល A គឺ កាតារ ខណៈ គុយវែត ជួប ក្រុមលខ២ក្នុងពូល A គឺ ស្រីលង្កា នៅថ្ងៃទី១៣ ខែកក្កដា ឆ្នាំ២០២៤។ ក្រុមដែលទទួលបានជ័យជម្នះថ្ងៃពីរក្រុមនឹងឡើងទៅកាន់តំបន់អាស៊ី-អូសេអានី កម្រិត៣៕

អត្ថបទ៖ វីរបុត្រ

The post Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២ appeared first on Kampuchea Thmey Daily.

Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B

chean virakbot — Fri, 12 Jul 2024 03:05:08 +0000

ក្រុមកីឡាវាយកូនបាល់កម្ពុជា ត្រូវប្រកួតវគ្គសន្សំពិន្ទុក្នុងចុងក្រោយជាមួយក្រុមខ្លាំង គុយវែត នៅថ្ងៃនេះ ដើម្បីប្រជែងលេខ១ក្នុងពូល B ក្នុងព្រឹត្តិការណ៍ពិភពលោក Davis Cup ប្រចាំតំបន់អាស៊ី-អូសេអានី កម្រិត៤ (ASIA/OCEANIA IV)។

ក្រុមម្ចាស់ផ្ទះ កម្ពុជា និង គុយវែត បានកក់កៅអីវគ្គខ្វែងរួចហើយ បន្ទាប់ពីបានឈ្នះ២ប្រកួតរៀងៗខ្លួនក្នុងវគ្គសន្សំពិន្ទុក្នុងពូល។ ការប្រកួតសន្សំពិន្ទុកាលពីថ្ងៃទី១០ ខែកក្កដា កម្ពុជា បានយកឈ្នះ អ៉ីរ៉ាក់ ៣-០ និងនៅថ្ងៃទី១១ ខែកក្កដា កម្ពុជា បានឈ្នះ មីយ៉ាន់ម៉ា ៣-០។ ចំណែក គុយវែត ឈ្នះ មីយ៉ាន់ម៉ា ២-០ និងឈ្នះ អ៉ីរ៉ាក់ ២-០ ដែរ។

ពិន្ទុលំអិត កម្ពុជា ៣-០ អ៉ីរ៉ាក់

វិញ្ញាសាឯកត្តជន៖ កីឡាករ ប៊ុន កេន្នី បានឈ្នះ Saidi Adel ២-០ (៦-១, ៦-០)
វិញ្ញាសាឯកត្តជន កីឡាករ Krusling Mathew បានឈ្នះ Abdullah Ali Hatem ២-០ (៧-៦, ៦-៣)
វិញ្ញាសាគូ៖ កីឡាករ ឡេង សារិនរាជ និង Tep Timothy បានឈ្នះ Al Ubaidy min និង Mohammed Abuzed Saber ដោយលទ្ធផល ២០- (ពិន្ទុ ៦-៤, ៦-៤)

ពិន្ទុលំអិត កម្ពុជា ៣-០ មីយ៉ាន់ម៉ា

វិញ្ញាសាឯកត្តជនទី១៖ កីឡាករ Krusling Mathew បានឈ្នះកីឡាករមីយ៉ាន់ម៉ា Hein Latt Kyaw ២-០ (៦-៤, ៦-៤)
វិញ្ញាសាឯកត្តជនទី២៖ កីឡាករ ឡេង សារិនរាជ បានឈ្នះកីឡាករមីយ៉ាន់ម៉ា Aung Kyaw Naing ដោយពិន្ទុ ២-០ (៦-៣, ៦-២)
វិញ្ញាសាវាយគូ៖ កីឡាករ ប៊ុន កេន្នី ចាប់ដៃគូ ឃ្លាំង ពន្លក បានឈ្នះ កីឡាករមីយ៉ាន់ម៉ា Hein Htet Zaw ចាប់ដៃ Aung Myo Thant ដោយលទ្ធផល ២-០ (៧-៥, ៧-២)

តាមដានលទ្ធផលផ្សាយផ្ទាល់៖ Davis Cup Result

អត្ថបទ៖ វីរបុត្រ

The post Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B appeared first on Kampuchea Thmey Daily.

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា

chean virakbot — Thu, 11 Jul 2024 08:21:22 +0000

ក្រុមកីឡាវាយកូនបាល់កម្ពុជាបានយកឈ្នះក្រុមវាយកូនបាល់មីយ៉ាន់ម៉ា ដោយលទ្ធផល ៣-០ សម្រាប់ការប្រកួតសន្សំពិន្ទុក្នុងពូលថ្ងៃទី២ ត្រូវនឹងថ្ងៃទី១១ ខែកក្កដា ឆ្នាំ២០២៤ នៅពហុកីឡដ្ឋានជាតិមរតកតេជោ។

សម្រាប់ការប្រកួតដែលមាន៣វិញ្ញាសាគឺ កម្ពុជា យកឈ្នះទាំង៣វិញ្ញាសាដែលស្មើនឹង ៣-០។ នេះជាការប្រកួតសន្សំពិន្ទុថ្ងៃទី២ បន្ទាប់ពីថ្ងៃទី១ កម្ពុជា បានយកឈ្នះ អ៉ីរ៉ាក់ ដោយលទ្ធផល ៣-០។ ថ្ងៃទី៣ ត្រូវនឹងថ្ងៃទី១២ ខែកក្កដា កម្ពុជា នឹងប៉ះក្រុមគុយវែត មុនពេលប្រកួតវគ្គថ្ងៃចុងក្រោយនៅថ្ងៃទី១៣ ខែកក្កដា។

លទ្ធផលទាំង៣វិញ្ញាសា

វិញ្ញាសាឯកត្តជនទី១៖ កីឡាករ Krusling Mathew បានឈ្នះកីឡាករមីយ៉ាន់ម៉ា Hein Latt Kyaw ២-០ (៦-៤, ៦-៤)
វិញ្ញាសាឯកត្តជនទី២៖ កីឡាករ ឡេង សារិនរាជ បានឈ្នះកីឡាករមីយ៉ាន់ម៉ា Aung Kyaw Naing ដោយពិន្ទុ ២-០ (៦-៣, ៦-២)
វិញ្ញាសាវាយគូ៖ កីឡាករ ប៊ុន កេន្នី ចាប់ដៃគូ ឃ្លាំង ពន្លក បានឈ្នះ កីឡាករមីយ៉ាន់ម៉ា Hein Htet Zaw ចាប់ដៃ Aung Myo Thant ដោយលទ្ធផល ២-០ (៧-៥, ៦-២)។

អត្ថបទ៖ វីរបុត្រ

The post Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា appeared first on Kampuchea Thmey Daily.

Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០

chean virakbot — Wed, 10 Jul 2024 09:33:53 +0000

ក្រុមកីឡាវាយកូនបាល់កម្ពុជា បានយកឈ្នះ ក្រុមជម្រើសជាតិ អ៉ីរ៉ាក់ ដោយលទ្ធផល ៣-០ ក្នុងព្រឹត្តិការណ៍វាយកូនបាល់ពិភពលោក Davis Cup ប្រចាំតំបន់អាស៊ី-អូសេអានី កម្រិត៤ (ASIA/OCEANIA IV) ដែលកម្ពុជាធ្វើជាម្ចាស់ផ្ទះ ចាប់ពីថ្ងៃទី១០ ដល់ទី១៣ ខែកក្កដា ឆ្នាំ២២០២៤។

ការប្រកួតថ្ងៃទី១ ការប្រកួតនៅទីលានវាយកូនបាល់ ក្នុងពហុកីឡដ្ឋានជាតិអូឡាំពិក។ វិញ្ញាសាឯកត្តជន ប៊ុន កេន្នី បានឈ្នះកីឡាករ Saidi Adel ដោយលទ្ធផល ២-០។ កីឡាករកម្ពុជា Krusling Mathew បានឈ្នះ Abdullah Ali Hatem ដោយលទ្ធផល ២-០ ខណៈវិញ្ញាសាវាយគូ ឡេង សារិនរាជ និង Tep Timothy បានយកឈ្នះ Al Ubaidy និង Mohammed Abuzed Saber ដោយលទ្ធផល ២-០។

ពិន្ទុលំអិត

វិញ្ញាសាឯកត្តជន៖ កីឡាករ ប៊ុន កេន្នី បានឈ្នះ Saidi Adel ២-០ (៦-១, ៦-០) ប្រើពេល១ម៉ោង និង២២នាទី
វិញ្ញាសាឯកត្តជន កីឡាករ Krusling Mathew បានឈ្នះ Abdullah Ali Hatem ២-០ (៧-៦, ៦-៣) ប្រើពេល២ម៉ោង និង៥នាទី
វិញ្ញាសាគូ៖ កីឡាករ ឡេង សារិនរាជ ចាប់ដៃគូ Tep Timothy បានឈ្នះ Al Ubaidy ចាប់ដៃគូ Mohammed Abuzed Saber ដោយលទ្ធផល ២-០ (៦-៤, ៦-៤ ) ប្រើពេល១ម៉ោងនិង២២នាទី។

សូមបញ្ជាក់ថា ការប្រកួត ASIA/OCEANIA IV ដែលកម្ពុជាធ្វើជាម្ចាស់ផ្ទះលើកដំបូងនេះមាន៨ប្រទេសចូលរួមប្រកួត និងបែងចែកជា២ពូល។ ពូល A មាន កាតារ គីជីស្ថាន ស្រីលង្កា និង អារ៉ា់ប់រួម ខណៈពូល B មាន កម្ពុជា គុយវែត អ៉ីរ៉ាក់ និង មីយ៉ាន់ម៉ា។

ក្រោយចប់វគ្គសន្សំពិន្ទុ ក្រុមលេខ១ពូល A ប៉ះ លេខ២ ពូល B ខណៈ លេខ១ពូល B ត្រូវប៉ះ លេខ២ពូល A។ ២ក្រុមដែលទទួលបានជោគជ័យ នឹងឡើងទៅកម្រិត៣(ASIA/OCEANIA III)។ ក្រុមបាតតារាងពូលទាំងពីរនឹងត្រូវកាត់ចេញធ្លាក់ទៅកម្រិត៥ ហើយក្រុម២ធ្លាក់ពីកម្រិត៣ ចូលមកកម្រិត៤៕

អត្ថបទ៖ វីរបុត្រ

The post Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០ appeared first on Kampuchea Thmey Daily.

ឯកឧត្ដម ហ៊ុន ម៉ានី ៖ ភាពជាម្ចាស់ផ្ទះរបស់ កម្ពុជា ជាឱកាសមួយសម្រាប់ប្រតិភូកីឡា និងភ្ញៀវអន្តរជាតិ អាចមើលពី កម្ពុជាបច្ចុប្បន្ន កំពុងរីករាយជាមួយសន្តិភាព

អ៊ិន ពិសី — Wed, 10 Jul 2024 08:12:21 +0000

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា លើកឡើងថា ភាពជាម្ចាស់ផ្ទះរបស់ កម្ពុជា គឺជាឱកាសមួយសម្រាប់ប្រតិភូកីឡា និងភ្ញៀវអន្តរជាតិទាំងអស់ អាចមើលពី កម្ពុជាបច្ចុប្បន្ន ដែលកំពុងរីករាយជាមួយសន្តិភាព និងស្ថិរភាព រួមទាំងការអភិវឌ្ឍលើគ្រប់វិស័យជាបន្តបន្ទាប់។

ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី បានអញ្ជើញជាអធិបតីក្នុងពិធីបើកការប្រកួតកីឡាវាយកូនបាល់ពិភពលោក ដេវីសខាប់ ឆ្នាំ ២០២៤ នៅពហុកីឡដ្ឋានជាតិមរតកតេជោ កាលពីព្រឹកថ្ងៃទី ១០ ខែកក្កដា ឆ្នាំ ២០២៤។

នាឱកាសនោះ ឯកឧត្ដម ហ៊ុន ម៉ានី បានសម្តែងនូវសេចក្ដីសោមនស្សរីករាយ និងស្វាគមន៍យ៉ាងកក់ក្ដៅចំពោះវត្តមានអ្នកចូលរួមទាំងអស់ ជាពិសេសប្រតិភូទាំង ៨ ប្រទេស ដែលមកពីប្រទេសមីយ៉ាន់ម៉ា, គុយវ៉ែត, កាតា, កៀជីសស្ថាន, ស្រីលង្កា, អ៊ីរ៉ាក់ និងអារ៉ាប់រួម។

ជាមួយគ្នានោះ ឯកឧត្ដម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះសហព័ន្ធកីឡាវាយកូនបាល់កម្ពុជា ដែលខិតខំប្រឹងប្រែងរៀបចំព្រឹត្តិការណ៍ប្រកួតកីឡាដ៏ធំកម្រិតអន្តរជាតិមួយនេះឡើង។

ឯកឧត្ដម ហ៊ុន ម៉ានី លើកឡើងថា «ភាពជាម្ចាស់ផ្ទះរបស់ កម្ពុជា គឺជាឱកាសមួយសម្រាប់ប្រតិភូកីឡា និងភ្ញៀវអន្តរជាតិទាំងអស់ អាចមើលពី កម្ពុជាបច្ចុប្បន្ន ដែលកំពុងរីករាយជាមួយសន្តិភាព និងស្ថិរភាព រួមទាំងការអភិវឌ្ឍលើគ្រប់វិស័យជាបន្តបន្ទាប់ ដោយក្នុងនោះវិស័យអប់រំកាយ និងកីឡា គឺជាវិស័យអាទិភាពមួយដែលរាជរដ្ឋាភិបាលកម្ពុជាតែងតែយកចិត្តទុកដាក់ និងបន្តអភិវឌ្ឍន៍ឥតឈប់ឈរទាំងផ្នែកធនធានមនុស្ស និងហេដ្ឋារចនាសម្ព័ន្ធ»។

ទន្ទឹមនោះ ឯកឧត្ដម ក៏បានសំណូមពរឲ្យក្រុមកីឡាករទាំងអស់ ចូលរួមប្រកួតប្រជែងក្រោមស្មារតីសាមគ្គីភាព មិត្តភាព និងប្រកាន់ខ្ជាប់ក្រមសីលធម៌កីឡា។ បន្ថែមនោះ ឯកឧត្ដម ក៏ជូនពរឲ្យការប្រកួតប្រព្រឹត្តទៅដោយរលូន និងទទួលបានជោគជ័យយ៉ាងត្រចះត្រចង់ផងដែរ។

គួរជម្រាបថា អញ្ជើញមានវត្តមាននាឱកាសនោះរួមមាន ឯកឧត្ដមអនុប្រធាន ស.ស.យ.ក ឯកឧត្ដម សមាជិកគណៈកម្មការកណ្ដាល កីឡាករ កីឡាការិនី និងភ្ញៀវកិត្តិយសជាច្រើននាក់ផងដែរ៕

The post ឯកឧត្ដម ហ៊ុន ម៉ានី ៖ ភាពជាម្ចាស់ផ្ទះរបស់ កម្ពុជា ជាឱកាសមួយសម្រាប់ប្រតិភូកីឡា និងភ្ញៀវអន្តរជាតិ អាចមើលពី កម្ពុជាបច្ចុប្បន្ន កំពុងរីករាយជាមួយសន្តិភាព appeared first on Kampuchea Thmey Daily.

កីឡាវាយកូនបាល់ Archives - Kampuchea Thmey Daily

អាយុ​ទើប​២០​ឆ្នាំ Coco ជា​កីឡាការិនី​រក​ចំណូល​បាន​ច្រើន​ជាង​គេ​បំផុត​ឆ្នាំ​២០២៤

បុរស​ជោគជ័យ​បំផុត​ក្នុង​អាជីព​វាយកូន​បាល់ Nadal ចូល​និវត្តន៍ទាំង​ទឹក​ភ្នែក

អបអរសាទរ! កម្ពុជា បាន​ឡើង​ទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

Davis Cup៖ កម្ពុជា បាន​លេខ២​ក្នុង​ពូល ឡើងវគ្គខ្វែង ក្រោយចាញ់ គុយវែត ១-២

Davis Cup៖ ថ្ងៃនេះ កម្ពុជា ប៉ះ ក្រុម​ខ្លាំង គុយវែត ប្រជែងយក​លេខ១ពូល B

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង​៣វិញ្ញាសា

Davis Cup តំបន់​អាស៊ី​កម្រិត​៤​៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០

អាយុទើប២០ឆ្នាំ Coco ជាកីឡាការិនីរកចំណូលបានច្រើនជាងគេបំផុតឆ្នាំ២០២៤

បុរសជោគជ័យបំផុតក្នុងអាជីពវាយកូនបាល់ Nadal ចូលនិវត្តន៍ទាំងទឹកភ្នែក

អបអរសាទរ! កម្ពុជា បានឡើងទៅកម្រិត៣ Davis Cup ប្រចាំអាស៊ី ក្រោយឈ្នះកាតារ

Davis Cup៖ កម្ពុជា បានលេខ២ក្នុងពូល ឡើងវគ្គខ្វែង ក្រោយចាញ់ គុយវែត ១-២

Davis Cup៖ ថ្ងៃនេះ កម្ពុជា ប៉ះ ក្រុមខ្លាំង គុយវែត ប្រជែងយកលេខ១ពូល B

Davis Cup៖ ថ្ងៃទី២ កម្ពុជា ឈ្នះ មីយ៉ាន់ម៉ា ទាំង៣វិញ្ញាសា

Davis Cup តំបន់អាស៊ីកម្រិត៤៖ ម្ចាស់ផ្ទះ កម្ពុជា ឈ្នះ អ៉ីរ៉ាក់ ៣-០