លោក Teshirogi បាននិយាយនៅក្នុងសន្និសីទសារព័ត៌មានមួយថា ការសាកល្បងព្យាបាលដែលនឹងរួមបញ្ចូលក្រុមចំនួន ២ ដែលមួយផ្តល់វ៉ាក់សាំង និងមួយទៀតផ្តល់ថ្នាំ Placebo គឺមានគោលបំណងដាក់វ៉ាក់សាំងរបស់ខ្លួនចូលនៅក្នុងបញ្ជីវ៉ាក់សាំង ដែលត្រូវបានអនុម័តដោយអង្គការសុខភាពពិភពលោក (WHO) ។

លោក Teshirogi បាននិយាយថា ប្រទេសវៀតណាមក៏បានយល់ព្រមចំពោះរៀបចំការសាកល្បងនេះផងដែរ ជាថ្នូរនឹងការផ្ទេរបច្ចេកវិទ្យាទៅកាន់ប្រទេសនេះ ។

ទន្ទឹមនោះ ក្រុមហ៊ុនក៏នឹងពិនិត្យមើលសុវត្ថិភាព និងប្រសិទ្ធភាពនៃវ៉ាក់សាំងរបស់ខ្លួនផងដែរ បើធៀបជាមួយនឹងថ្នាំ Pfizer, Moderna និង AstraZenaca ដែលបច្ចុប្បន្នកំពុងត្រូវបានចាក់ ខណៈ​ក៏​នឹង​សាកល្បង​ប្រសិទ្ធភាព​នៃ​វ៉ាក់សាំងនេះ ចំពោះ​ការចាក់ជាដូស​ជំរុញផងដែរ​។

លោក Teshirogi បាននិយាយថា Shionogi សង្ឃឹមថានឹងទទួលបានការយល់ព្រមពីនិយតករជប៉ុន និងធ្វើឲ្យវ៉ាក់សាំងនេះមាននៅក្នុងប្រទេសជប៉ុននៅចុងខែមីនាឆ្នាំក្រោយ ។

គួរបញ្ជាក់ថា ក្រុមហ៊ុន Shionogi ដែលក៏កំពុងផលិតថ្នាំកូវីដលេបមួយថ្ងៃមួយគ្រាប់ផងដែរនោះ នឹងធ្វើការសាកល្បងព្យាបាលវ៉ាក់សាំងរបស់ខ្លួនក្នុងដំណាក់កាលទី ៣ នៅប្រទេសសិង្ហបុរី វៀតណាម កូរ៉េខាងត្បូង និងចក្រភពអង់គ្លេសជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Nikkei Asia

ចុចអាន ៖ អ្នកដំណើររត់ភ័យស្លន់ស្លោ លោតចេញពីបង្អួច ក្រោយការវាយប្រហារលើ រថភ្លើងក្រោមដី ក្រុងតូក្យូ (មានវីដេអូ)

The post ក្រុមហ៊ុនផលិតថ្នាំកូវីដលេបមួយថ្ងៃមួយគ្រាប់ ជប៉ុន នឹងតេស្តវ៉ាក់សាំងមួយទៀតនៅ វៀតណាម appeared first on Kampuchea Thmey Daily.

លោក Isao Teshirogi នាយកប្រតិបត្តិក្រុមហ៊ុនបាននិយាយនៅក្នុងបទសម្ភាសន៍មួយថា ក្រុមហ៊ុន Shionogi រំពឹងថា នឹងមានទិន្នន័យច្បាស់លាស់ក្នុងសាកល្បងដំណាក់កាលចុងក្រោយសម្រាប់ថ្នាំរបស់ខ្លួននៅខែធ្នូ ដើម្បីដាក់ពាក្យស្នើសុំការអនុម័តច្បាប់ប្រើប្រាស់នៅប្រទេសជប៉ុន ។

លោកបាននិយាយថា ក្រុមហ៊ុននឹងចាប់ផ្តើមផលិតថ្នាំនៅខែនេះ ហើយរំពឹងថានឹងអាចផលិតបាន ១ លានគ្រាប់នៅដើមឆ្នាំក្រោយ ហើយនឹងមាន ៦ ទៅ ៧ លានគ្រាប់ក្នុងឆ្នាំសារពើពន្ធរបស់ខ្លួនដែលនឹងបញ្ចប់នៅខែមីនា ឆ្នាំ ២០២៣ ។

លោក Teshirogi បាននិយាយថា “ប្រសិនបើតម្លៃថ្នាំ Molnupiravir របស់ក្រុមហ៊ុន Merck ប្រហែល ៧០០ ដុល្លារក្នុងការព្យាបាលត្រូវបានប្រើនៅអាមេរិក អឺរ៉ុប និងជប៉ុននោះ ខ្ញុំគិតថា ការលក់ថ្នាំកូវដីរបស់ក្រុមហ៊ុន Shionogi យ៉ាងហោចណាស់ ១ ទៅ ២ ពាន់លានដុល្លារនឹងត្រូវបានរំពឹងទុកក្នុងរយៈពេលជាច្រើនឆ្នាំដំបូង” ។

លោក Teshirogi បាននិយាយទៀតថា ថ្នាំគ្រាប់របស់ក្រុមហ៊ុន Shionogi គឺជាថ្នាំទប់ស្កាត់ប្រូតេអ៊ីន Protease ហើយកំណត់គោលដៅដំណើរការចម្លងមេរោគជាងថ្នាំគ្រាប់របស់ក្រុមហ៊ុន Merck ។ ដូច្នេះពួកគេទំនងជាអាចប្រើជាមួយគ្នាបាន ហើយកាន់តែមានសក្តានុពលក្នុងការកម្ចាត់កូវីដ ។ ប៉ុន្តែក្រុមហ៊ុនក៏ត្រូវពិភាក្សាបន្ថែមផងដែរ ហើយសមាសធាតុទាំងពីរនេះនឹងត្រូវការការយល់ព្រមពីនិយតករ មុនពេលវាត្រូវបានសាកល្បងជាមួយគ្នា ។

ក្រុមហ៊ុន Shionogi បានបង្កើតថ្នាំលេបមួយថ្ងៃមួយគ្រាប់នេះឡើងសម្រាប់ព្យាបាលអ្នកជំងឺកូវីដ ១៩ ដែលមានរោគសញ្ញាស្រាល ឬមិនបញ្ចេញរោគសញ្ញា ឲ្យជាសះស្បើយក្នុងរយៈពេល ៥ ថ្ងៃប៉ុណ្ណោះ ខណៈក្រុមហ៊ុន Merck បានអះអាងថា ថ្នាំលេបតាមមាត់ Molnupiravir របស់ខ្លួនបានបង្ហាញពីប្រសិទ្ធភាពកាត់បន្ថយហានិភ័យនៃការចូលសម្រាកព្យាបាលនៅមន្ទីរពេទ្យ និងការស្លាប់ដោយសារជំងឺកូវីដ ១៩ បាន ៥០ ភាគរយ ។

គួរបញ្ជាក់ថា ក្រៅពីក្រុមហ៊ុនផលិតឱសថទាំងពីរនេះក៏មានក្រុមហ៊ុនធំៗផ្សេងទៀងផងដែរ រួមមានក្រុមហ៊ុន Pfizer Inc ក្រុមហ៊ុន AstraZeneca និងក្រុមហ៊ុន Roche Holding AG ដែលក៏កំពុងអភិវឌ្ឍថ្នាំកូវីដ ដែលនោះរំពឹងលក់បានរហូតដល់ ១០ ពាន់លានដុល្លារក្នុងការលក់ប្រចាំឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ Japan Times

ចុចអាន ៖ ម៉ាឡេស៊ី ទិញថ្នាំព្យាបាលកូវីដ Molnupiravir រាប់ម៉ឺនគ្រាប់

The post ថ្នាំកូវីដលេបមួយថ្ងៃមួយគ្រាប់របស់ ជប៉ុន រឹតតែមានប្រសិទ្ធភាព បើប្រើរួមនឹងថ្នាំ Molnupiravir appeared first on Kampuchea Thmey Daily.

ក្រុមហ៊ុន Shionogi មានបំណងចាប់ផ្តើមផលិតថ្នាំលេបព្យាបាលកូវីដនៅចុងឆ្នាំនេះ និងដើម្បីបង្កើតប្រព័ន្ធផ្គត់ផ្គង់ដែលមានទំហំធំល្មម ដោយអាចផ្ដល់ថ្នាំនេះទៅដល់មនុស្ស ១ លាននាក់ ។

ទន្ទឹមនោះ លោក Isao Teshirogi ប្រធាន និងជានាយកប្រតិបត្តិរបស់ក្រុមហ៊ុន បានបង្ហាញពីភាពរីករាយក្នុងការចាប់ផ្តើមចែកចាយថ្នាំកូវីដនៅឆ្នាំនេះ ក្នុងសន្និសីទសារព័ត៌មានមួយនៅទីក្រុងតូក្យូកាលពីថ្ងៃពុធ ។

លោក Teshirogi បាននិយាយថា “យើងក៏អាចផ្គត់ផ្គង់ថ្នាំលេបតាមមាត់ដែលមានសុវត្ថិភាពនេះ រហូតដល់ខែមករា និងខែមីនាឆ្នាំក្រោយផងដែរ” ។

ក្រុមហ៊ុន Shionogi កំពុងបង្កើតថ្នាំកូវីដលេបមួយថ្ងៃមួយគ្រាប់សម្រាប់អ្នកជំងឺកូវីដដែលមានរោគសញ្ញាស្រាល និងមធ្យម ហើយថ្នាំនេះអាចទប់ស្កាត់ការរីករាលដាលនៃវីរុសនៅក្នុងខ្លួនមនុស្ស ឲ្យជាសះស្បើយក្នុងរយៈពេល ៥ ថ្ងៃប៉ុណ្ណោះ ។

គួរបញ្ជាក់ថា ក្រុមហ៊ុនបានចាប់ផ្តើមការសាកល្បងព្យាបាលលើកដំបូងដើម្បីពិនិត្យសុវត្ថិភាពថ្នាំនេះកាលពីខែកក្កដា ខណៈដំណាក់កាលទី ២ និងទី ៣ បានចាប់ផ្តើមក្នុងពេលដំណាលគ្នាកាលពីថ្ងៃចន្ទលើមនុស្សប្រហែល ២,០០០ នាក់ ។

ស្របពេលជាមួយគ្នានេះ ក្រុមហ៊ុន Shionogi គ្រោងនឹងចាប់ផ្តើមការសាកល្បងព្យាបាលលើថ្នាំនេះនៅក្រៅប្រទេសផងដែរ ហើយសង្ឃឹមថា ថ្នាំនេះនឹងទទួលបានការយល់ព្រមជាពិសេស សម្រាប់ការប្រើប្រាស់ជាបន្ទាន់នៅសហរដ្ឋអាមេរិក និងប្រទេសដទៃទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Japan News

ចុចអាន ៖ ថ្នាំកូវីដលេបមួយថ្ងៃមួយគ្រាប់របស់ ជប៉ុន ឈានដល់ការសាកល្បងព្យាបាលជាសះស្បើយត្រឹម ៥ ថ្ងៃ

The post ថ្នាំកូវីដលេបមួយថ្ងៃមួយគ្រាប់របស់ ជប៉ុន ចាប់ផ្ដើមផលិត និងផ្គត់ផ្គង់លើទីផ្សារនៅចុងឆ្នាំនេះ appeared first on Kampuchea Thmey Daily.

ទន្ទឹមនោះ នៅក្នុងការធ្វើតេស្តដំណាក់កាលបន្ទាប់ដែលបានចាប់ផ្តើមកាលពីថ្ងៃចន្ទ ក្រុមហ៊ុនកំពុងពិនិត្យមើលប្រសិទ្ធភាព និងសុវត្ថិភាពថ្នាំគ្រាប់លេបមួយថ្ងៃមួយគ្រាប់មួយនេះ សម្រាប់ព្យាបាលអ្នកជំងឺកូវីដ ១៩ ដែលមានរោគសញ្ញាស្រាល ឬមិនបញ្ចេញរោគសញ្ញា ឲ្យជាសះស្បើយក្នុងរយៈពេល ៥ ថ្ងៃប៉ុណ្ណោះ ។

ការធ្វើតេស្តនេះនឹងផ្តោតលើអ្នកជំងឺដែលកំពុងសម្រាកព្យាបាលនៅមន្ទីរពេទ្យ និងអ្នកដែលជាសះស្បើយនៅឯកន្លែងស្នាក់នៅ ។

ស្របពេលជាមួយគ្នានេះ ក្រុមហ៊ុន Shionogi មិនបានបង្ហាញពីទំហំ និងរយៈពេលនៃការសាកល្បងនេះនោះទេ ប៉ុន្តែក្រុមហ៊ុនបានត្រៀមខ្លួនរួចជាស្រេចដើម្បីផលិតថ្នាំនេះសម្រាប់មនុស្ស ១ លាននាក់នៅចុងឆ្នាំនេះ ។

គួររំឭកថា ក្រុមហ៊ុនឱសថជប៉ុន Shionogi ដែលមានមូលដ្ឋាននៅទីក្រុង Osaka បានចាប់ផ្តើមធ្វើតេស្តថ្នាំគ្រាប់លេបតាមមាត់ដំណាក់កាលដំបូងនៅខែកក្កដាឆ្នាំនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុន អនុម័តថ្នាំមួយទៀតព្យាបាលអ្នកឆ្លងកូវីដមិនធ្ងន់ធ្ងរ ឯប្រសិទ្ធភាពបន្ថយ ការស្លាប់មានដល់ ៧៩ ភាគរយ

The post ថ្នាំកូវីដលេបមួយថ្ងៃមួយគ្រាប់របស់ ជប៉ុន ឈានដល់ការសាកល្បងព្យាបាលជាសះស្បើយត្រឹម ៥ ថ្ងៃ appeared first on Kampuchea Thmey Daily.

ក្រុមហ៊ុនឱសថជប៉ុន Shionogi ដែលមានមូលដ្ឋាននៅទីក្រុង Osaka បានអះអាងថា ក្រុមហ៊ុនបានខិតខំស្រាវជ្រាវ និងបង្កើតថ្នាំនេះឡើង ដើម្បីកម្ចាត់ជំងឺកូវីដ ១៩ ។

ទន្ទឹមនោះ ចំណុចសំខាន់របស់ថ្នាំនេះគឺតម្រូវឲ្យលេបតែមួយគ្រាប់ប៉ុណ្ណោះក្នុងមួយថ្ងៃ ខណៈថ្នាំនេះក៏បានធ្វើតេស្តលើបុរស ៧៥ នាក់ដែលមានអាយុពី ២០ ទៅ ៥៥ ឆ្នាំ ក្នុងគោលបំណងបញ្ជាក់ពីសុវត្ថិភាព ក៏ដូចជាផលប៉ះពាល់ណាមួយ ចំពោះមនុស្សពេញវ័យដែលមានសុខភាពល្អ ហើយការសាកល្បងនេះទំនងជានឹងបញ្ចប់នៅឆ្នាំក្រោយ ។

គួរបញ្ជាក់ថា ក្រៅពីក្រុមហ៊ុនឱសថជប៉ុន Shionogi មានក្រុមហ៊ុន ២ ទៀតគឺក្រុមហ៊ុនឱសថយក្សអាមេរិក Pfizer និងក្រុមហ៊ុន Merck ក៏កំពុងធ្វើតេស្តថ្នាំគ្រាប់ប្រឆាំងជំងឺកូវីដ ១៩ លើមនុស្សផងដែរ ខណៈក្រុមហ៊ុន Pfizer បានអះអាងថា ថ្នាំរបស់ខ្លួនត្រូវលេប ២ គ្រាប់ក្នុងមួយថ្ងៃ ហើយអាចវាយលុកក្នុងទីផ្សារនៅឆ្នាំនេះតែម្ដង ៕

ប្រែសម្រួលដោយ ៖ ជីវ័ន្ត

ប្រភព ៖ FMP

ចុចអាន ៖ ម៉ាឡេស៊ី អនុម័តថ្នាំថ្មីព្យាបាលជំងឺកាចសាហាវមួយនេះក្នុងតម្លៃសមរម្យ

The post ជាក្ដីសង្ឃឹមរបស់ពិភពលោក! ជប៉ុន រកឃើញថ្នាំកូវីដលេបមួយថ្ងៃមួយគ្រាប់ អាចព្យាបាលមិនដល់ ១ សប្ដាហ៍ appeared first on Kampuchea Thmey Daily.