Connect with us

ព័ត៌មានអន្ដរជាតិ

ជាក្ដីសង្ឃឹមដល់ប្រជាជននៅជុំវិញពិភពលោក ម៉ាឡេស៊ី អនុម័តថ្នាំថ្មីព្យាបាលជំងឺកាចសាហាវមួយនេះក្នុងតម្លៃសមរម្យ

បានផុស

នៅ

ប្រទេសម៉ាឡេស៊ីបានចុះបញ្ជីថ្នាំថ្មីសម្រាប់ព្យាបាលជំងឺរលាកថ្លើមប្រភេទ C ដែលមានប្រសិទ្ធភាព និងមានតម្លៃសមរម្យដំបូងគេ ហើយវាក៏ផ្តល់ក្តីសង្ឃឹមក្នុងការព្យាបាលដល់ប្រជាជនរាប់លាននាក់នៅជុំវិញពិភពលោក ដែលប្រឈមនឹងហានិភ័យពីជំងឺ ដែលមានរោគសញ្ញាដំបូងពិបាកនឹងធ្វើរោគវិនិច្ឆ័យ ហើយត្រូវបានគេមើលឃើញថា “ឃាតករលាក់មុខ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្នាំនេះមានឈ្មោះថា Ravidasvir ត្រូវបានអនុម័តឲ្យប្រើប្រាស់ជាមួយថ្នាំដែលមានស្រាប់ Sofosbuvir ក្នុងខែមិថុនា ពោល ៥ ឆ្នាំ បន្ទាប់ពីរដ្ឋាភិបាលម៉ាឡេស៊ីបានសហការជាមួយអង្គការ DNDi ដែលជាអង្គការស្រាវជ្រាវមិនរកប្រាក់កម្រៃដើម្បីអភិវឌ្ឍឱសថ ។

លោក Jean-Michel Piedagnel នាយកអង្គការ DNDi នៅអាស៊ីអាគ្នេយ៍បាននិយាយថា “យើងបានសម្រេចចិត្តធ្វើការជាមួយបណ្តាប្រទេស ដែលមានប្រាក់ចំណូលមធ្យម ដើម្បីព្យាយាមអភិវឌ្ឍការព្យាបាលប្រកបដោយប្រសិទ្ធភាព ។ យើងបានចាប់ផ្តើមការសាកល្បងព្យាបាលនៅក្នុងប្រទេសម៉ាឡេស៊ី និងថៃ ហើយយើងក៏នឹងធ្វើការព្យាបាលដោយមានតម្លៃសមរម្យនៅលើទីផ្សារផងដែរ” ។

លោក Jean-Michel Piedagnel

ថ្នាំថ្មីនេះ គឺជាថ្នាំប្រឆាំងវីរុសដោយផ្ទាល់ (DAA) ដែលត្រូវបានបង្កើតឡើងជាមួយក្រុមហ៊ុន Pharco ដែលជាក្រុមហ៊ុនផលិតឱសថអេហ្ស៊ីប ខណៈថ្នាំ Sofosbuvir ទទួលបានការយល់ព្រមនៅសហរដ្ឋអាមេរិកក្នុងឆ្នាំ ២០១៣ ។

អស់រយៈពេលជាច្រើនឆ្នាំមកហើយ ជំងឺនេះត្រូវបានព្យាបាលដោយថ្នាំជាច្រើនប្រភេទ ដែលធ្វើឲ្យមានផលប៉ះពាល់ដល់សុខភាព ហើយជារឿយៗធ្វើឲ្យមនុស្សកាន់តែមានអារម្មណ៍មិនល្អ និងចុះខ្សោយ ។

មនុស្ស ៧១ លាននាក់នៅជុំវិញពិភពលោក ត្រូវបានគេគិតថារស់នៅជាមួយជំងឺរលាកថ្លើមប្រភេទ C ដែលជាវីរុសបង្កដោយឈាម ដែលអាចនាំឲ្យមានជំងឺក្រិនថ្លើម និងជាមូលហេតុមួយនៃជំងឺមហារីកថ្លើម ខណៈរហូតមកដល់ពេលនេះ មិនមានវ៉ាក់សាំងប្រឆាំងនឹងជំងឺនេះនោះទេ ហើយជារឿយៗមិនមានរោគសញ្ញាជាក់លាក់គួរកត់សម្គាល់នោះទេ រហូតដល់ថ្លើមឆ្លងរោគតែម្ដង ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ម៉ាឡេស៊ី អនុម័តវ៉ាក់សាំងក្រុមហ៊ុនធំៗចំនួន ២ ក្នុងពេលតែមួយសម្រាប់ប្រើប្រាស់ជាបន្ទាន់ ក្រោយផ្ទុះឆ្លងខ្លាំងពេក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម