ព័ត៌មានអន្ដរជាតិ
អ្នកដំណើររត់ភ័យស្លន់ស្លោ លោតចេញពីបង្អួច ក្រោយការវាយប្រហារលើ រថភ្លើងក្រោមដី ក្រុងតូក្យូ (មានវីដេអូ)
ប្រព័ន្ធផ្សព្វផ្សាយក្នុងស្រុកនិយាយថា ការវាយប្រហារដោយកាំបិត និងការដុតលើខ្សែរថភ្លើងក្រោមដីក្នុងទីក្រុងតូក្យូ បានបណ្តាលឲ្យមនុស្ស ១៧ នាក់រងរបួស ។
ទន្ទឹមនោះ ប៉ូលិសបានចាប់ខ្លួនបុរសអាយុ ២៤ ឆ្នាំម្នាក់ដែលស្លៀកពាក់ពណ៌ស្វាយ និងពណ៌បៃតងខ្ចី ស្រដៀងនឹងតួអង្គ Joker ពីរឿងកំប្លែង Batman ខណៈ ជនសង្ស័យបានបាញ់ស្ពៃយ៍ជុំវិញទូរថភ្លើង ហើយដុតវាចោលតែម្ដង ។
ការវាយប្រហារនេះបានកើតឡើងនៅម៉ោងប្រហែល ៨ យប់នៅជិតស្ថានីយ៍ Kokuryo នៅតំបន់ជាយក្រុងភាគខាងលិចទីក្រុងតូក្យូ ស្របពេលដែលមនុស្សជាច្រើនធ្វើដំណើរទៅប្រារព្ធពិធីបុណ្យ Halloween ។
ទីភ្នាក់ងារសារព័ត៌មាន AP ដោយដកស្រង់ពីនាយកដ្ឋានពន្លត់អគ្គីភ័យទីក្រុងតូក្យូ បាននិយាយថា អ្នករបួស ៣ នាក់មានរបួសធ្ងន់ធ្ងរ ខណៈបុរសវ័យចំណាស់ម្នាក់បានសន្លប់ បន្ទាប់ពីត្រូវបានចាក់ក្នុងការវាយប្រហារនោះ ។
ចំណែក វីដេអូពីកន្លែងកើតហេតុបង្ហាញពីអ្នកដំណើរដែលរត់ចេញពីអ្នកវាយប្រហារ ហើយបានជំពប់ដួលតាមទ្វារតភ្ជាប់រវាងទូរថភ្លើង និងឡើងតាមបង្អួចរថភ្លើង បន្ទាប់ពីរថភ្លើងបានឈប់ជាបន្ទាន់ ។
លោក Shunsuke Kimura ដែលថតវីដេអូក្នុងទូរថភ្លើងនោះ បានប្រាប់ទូរទស្សន៍ជប៉ុន NHK ថា “វាជារឿងរ៉ាវដ៏រន្ធត់ ។ ទ្វាររថភ្លើងត្រូវបានបិទ ហើយយើងមិនដឹងថាមានអ្វីកើតឡើងនោះទេ ហើយយើងបានលោតចេញតាមបង្អួច” ។
ប្រព័ន្ធផ្សព្វផ្សាយក្នុងស្រុកបានរាយការណ៍ថា ជនសង្ស័យដែលត្រូវបានចាប់ខ្លួននៅកន្លែងកើតហេតុ បានប្រាប់អាជ្ញាធរថា គាត់ចង់សម្លាប់មនុស្ស ដូច្នេះជនសង្ស័យអាចត្រូវបានកាត់ទោសប្រហារជីវិត” ។
គួរបញ្ជាក់ថា ឧក្រិដ្ឋកម្មហិង្សា គឺកម្រកើតមានណាស់នៅក្នុងប្រទេសជប៉ុន ប៉ុន្តែក្នុងប៉ុន្មានឆ្នាំថ្មីៗនេះ មានការវាយប្រហារដោយកាំបិតក្នុងកម្រិតខ្ពស់បំផុតជាច្រើន ។ កន្លងមក មនុស្ស ១០ នាក់បានរងរបួស ដោយសារបុរសកាន់កាំបិតម្នាក់វាយប្រហារនៅលើរថភ្លើងក្រុងតូក្យូមួយទៀតកាលពីខែសីហា ខណៈក្នុងឆ្នាំ ២០១៩ បុរសម្នាក់បានវាយប្រហារក្រុមសិស្សសាលា ដែលកំពុងរង់ចាំឡានក្រុងក្នុងទីក្រុង Kawasaki ដោយបានសម្លាប់មនុស្ស ២ នាក់ និងរងរបួសយ៉ាងហោចណាស់ ១៨ នាក់ ៕
សូមទស្សនាវីដេអូ!
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ ធ្លាប់តែឃើញក្នុងរឿង ពេលនេះ ជប៉ុន ត្រៀមដាក់លក់ម៉ូតូហោះពិតៗ ឯតម្លៃកប់ក្ដោង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង