មេក្រុម HTS លោក Ahmed Hussein al-Shara បានប្រកាសពីជោគជ័យជាប្រវត្តិសាស្រ្តនេះ ក្រោយកងកម្លាំងរដ្ឋាភិបាលស៊ីរីដកខ្លួនចេញ ដូច្នេះឥឡូវ ក្រុមឧទ្ទាមស្ថិតនៅចម្ងាយត្រឹម១០គីឡូម៉ែត្រប៉ុណ្ណោះ ពីរដ្ឋធានីដាម៉ាស។

ក្រុម HTS បានបើកការវាយលុកកាលពីខែវិច្ឆិកា ដើម្បីប្រឆាំងរដ្ឋាភិបាលស៊ីរី ជាហេតុបង្កក្តីបារម្ភអំពីការផ្ទុះចលានាបះបោរថ្មីនៅក្នុងតំបន់។ ជុំវិញបញ្ហានេះ រដ្ឋាភិបាលស៊ីរីបានចេញមុខប្រកាសថា ខ្លួនមិនចុះចាញ់ឡើយ ហើយក៏បដិសេធដែរថា លោកប្រធានាធិបតី Bashar al-Assad មិនបានរត់ចេញពីប្រទេសនោះទេ។

ក្រុម HTS បានបញ្ជាក់ច្បាស់ៗថា គោលបំណងធំរបស់ខ្លួនក្នុងការបើកប្រតិបត្តិការនេះ គឺដើម្បីផ្តួលរំលំរដ្ឋាភិបាលរបស់លោក Assad និងបង្ខំឲ្យកងកម្លាំងបរទេស ចាកចេញពីស៊ីរី។

យ៉ាងណាក្តី ជុំវិញរឿងនេះ បណ្តាប្រទេសអារ៉ាប់កំពុងខ្វល់ចិត្ត ដោយខ្លាចតំបន់ធ្លាក់ចូលក្នុងអស្ថិរភាពសាជាថ្មី ខណៈរដ្ឋមន្ត្រីការបរទេសមកពីប្រទេសរុស្ស៊ី អ៊ីរ៉ង់ និងតួកគី បានជួបប្រជុំគ្នាក្នុងទីក្រុង ដូហា នៃប្រទេសកាតា ដើម្បីពិភាក្សាគ្នារកមធ្យោបាយដោះស្រាយជម្លោះ៕

អត្ថបទ៖ សុខ សុវណ្ណ

ចុចអាន៖ ពលរដ្ឋ​ស៊ីរី​រាប់​ម៉ឺន​នាក់ ចាប់​ផ្ដើម​ជម្លៀស​ខ្លួន ក្រោយ​ក្រុម​​ប្រឆាំង​ ដណ្ដើម​បាន​ទីក្រុង Homs

The post ក្រុមឧទ្ទាម វាយចូលទីក្រុងធំទី៣របស់ស៊ីរី ដណ្តើមការគ្រប់គ្រងទាំងស្រុង appeared first on Kampuchea Thmey Daily.

មនុស្សជាង១ម៉ឺន​នាក់បានស្លាប់នៅក្នុងការបះបោររយៈពេលជាច្រើនទសវត្សរ៍ដែលធ្វើឡើងដោយចលនា Naxalite នៅក្នុង​តំបន់កុលសម្ព័ន្ធសម្បូរធនធានរបស់ប្រទេសឥណ្ឌា។ ទោះយ៉ាងណា ការបះបោរបានធ្លាក់ចុះយ៉ាងខ្លាំងក្នុងរយៈពេលប៉ុន្មានឆ្នាំថ្មីៗនេះ ហើយការបង្រ្កាបដោយកងកម្លាំងសន្តិសុខ បានសម្លាប់ពួកឧទ្ទាមយ៉ាងហោចណាស់១៩០នាក់នៅឆ្នាំនេះ។ នេះបើយោងតាមទិន្នន័យរបស់រដ្ឋាភិបាល។

ការប្រយុទ្ធគ្នាដោយកាំភ្លើងកាលពីថ្ងៃសុក្របានកើតឡើងនៅកណ្តាលរដ្ឋ Chhattisgarh ដែលជាតំបន់បេះដូងនៃចលនាឧទ្ទាម ដែលអះអាងថា កំពុងត្រូវបានជិះជាន់។ មេប៉ូលិសតំបន់ Bastar បានឲ្យដឹងថា មានសាកសពក្រុមឧទ្ទាមម៉ៅ​និយម (Maoist) សរុបចំនួន២៨នាក់ត្រូវបានគេរកឃើញ។ ការប្រយុទ្ធគ្នានេះ បានកើតឡើងនៅក្នុងព្រៃ Abuhmad ដែលជាតំបន់ដាច់ស្រយាល និងមានមនុស្សរស់នៅតិច ខណៈមកដល់ពេលនេះ ប្រតិបត្តិការរួមគ្នារវាងប៉ូលិស និងសាខាផ្សេងទៀតនៃកងកម្លាំងសន្តិសុខរបស់ប្រទេសឥណ្ឌា នៅតែកំពុងបន្តប្រតិបត្តិការនៅឡើយ។

កន្លងមកប្រទេសឥណ្ឌាបានដាក់ពង្រាយបុគ្គលិកសន្តិសុខរាប់ម៉ឺននាក់ ដើម្បីប្រយុទ្ធប្រឆាំងនឹងពួក Maoist នៅទូទាំង ច្រករបៀងដែលគ្រប់គ្រងដោយក្រុមបះបោរទាំងនេះ។ ជាមួយគ្នានេះប្រទេសឥណ្ឌាបានចំណាយប្រាក់រាប់លានដុល្លារទៅក្នុង​ការអភិវឌ្ឍន៍ហេដ្ឋារចនាសម្ព័ន្ធនៅតំបន់ដាច់ស្រយាលដើម្បីទប់ស្កាត់ការបះបោរ ហើយអះអាងថាបានបង្ខាំងការបះបោរ ៤៥ ស្រុកក្នុងឆ្នាំ ២០២៣ធ្លាក់ចុះពី៩៦ក្នុងងឆ្នាំ២០១០។

ការប៉ះទង្គិចគ្នា កាលពីថ្ងៃសុក្រ គឺជាការប៉ះទង្គិចមួយក្នុងចំណោមមនុស្សជាច្រើននៅឆ្នាំនេះ ខណៈដែលរដ្ឋាភិបាលរបស់ប្រទេសឥណ្ឌា បានបង្កើនយុទ្ធនាការប្រឆាំងនឹងសំណល់នៃការបះបោររបស់​ចលនាម៉ៅនិយម ដែលបានចាប់ផ្តើមជិត ៦០ឆ្នាំមុន។

ជម្លោះ​ទាំងនេះ​បានបង្កើតឲ្យមាន​ការ​វាយ​ប្រហារ​ដ៏​សាហាវ​មួយ​ចំនួន​លើ​កង​កម្លាំង​រដ្ឋាភិបាល​ក្នុង​រយៈ​ពេល​ប៉ុន្មាន​ឆ្នាំ​មក​នេះ។ ប៉ូលិស​និង​ទាហាន​ចំនួន​២២​នាក់​ត្រូវ​បាន​សម្លាប់​ក្នុង​ការ​ប្រយុទ្ធ​គ្នា​ដោយ​កាំភ្លើង​ជាមួយ​ក្រុម​ឧទ្ទាម​ក្នុង​ឆ្នាំ​២០២១។ កងកុម្មង់ដូចំនួន១៦នាក់ក៏ត្រូវបានសម្លាប់ផងដែរនៅក្នុងរដ្ឋ Maharashtra ភាគខាងលិចក្នុងការវាយប្រហារដោយគ្រាប់បែកពីក្រុមឧទ្ទាម​ Maoist ក្នុងឆ្នាំ ២០១៩។ ទោះយ៉ាងណាប្រទេសឥណ្ឌារំពឹងថា ការបះបោរ Naxalite នឹងត្រូវបាន​បញ្ចប់ទាំងស្រុងនៅដើមឆ្នាំ២០២៦៕

អត្តបទ៖ ប៊ុន សុភាព

The post កងកម្លាំងសន្តិសុខឥណ្ឌាសម្លាប់ក្រុមឧទ្ទាម ម៉ៅនិយម (Maoist) ចំនួន២៨នាក់​ appeared first on Kampuchea Thmey Daily.

ពីវេទិកាសំណេះសំណាលជាមួយកម្មករ-កម្មការិនី នៅស្រុកជើងព្រៃ ខេត្តកំពង់ចាម នៅព្រឹកនេះ សម្ដេចតេជោ ហ៊ុន សែន បានចេញបទបញ្ជាផ្ទាល់មាត់ដល់កងកម្លាំងប្រដាប់អាវុធទាំងអស់ បង្កើនការយកចិត្តទុកដាក់ដោយសហការជាមួយភាគីវៀតណាម ដើម្បីទប់ស្កាត់ការប្រមូលផ្ដុំកម្លាំង នៃបណ្ដាញក្រុមឧទ្ទាមរបស់វៀតណាម ដែលអាចលួចចូលមកកម្ពុជា ក្រោយបើកការប្រយុទ្ធនៅក្នុងប្រទេសវៀតណាម។

សម្ដេចតេជោ ហ៊ុន សែន ក៏បានបញ្ជាឱ្យអាជ្ញាខេត្តមណ្ឌលគិរី និងខេត្តរតនគិរី ក៏ដូចជាអាជ្ញាធរខេត្តជាប់ព្រំដែនជាមួយវៀតណាម ត្រូវចុះពិនិត្យដោយផ្ទាល់នៅតាមភូមិនានាក្នុងភូមិសាស្ត្ររបស់ខ្លួន ដោយមិនត្រូវអនុញ្ញាតជាដាច់ខាតចំពោះការជ្រកកោនរបស់បណ្ដាញក្រុមឧទ្ទាមរបស់វៀតណាម ដែលអាចសម្ងំរស់នៅជាមួយប្រជាពលរដ្ឋខ្មែរនៅតាមភូមិ។

លើសពីនេះ សម្ដេចតេជោនាយករដ្ឋមន្ត្រី ក៏បានព្រមានដល់អង្គការអន្តរជាតិមួយចំនួននៅកម្ពុជា គឺត្រូវជៀសឱ្យឆ្ងាយពីការទទួលយកបណ្ដាញក្រុមឧទ្ទាមវៀតណាម ដោយសម្ដេចតេជោ សង្កត់ធ្ងន់ថា សកម្មភាពនេះជាឧក្រិដ្ឋកម្មអន្តរជាតិ ហើយកម្ពុជាមិនអនុញ្ញាតឱ្យយកទឹកដីកម្ពុជា ដើម្បីប្រឆាំងរដ្ឋដទៃឡើយ៕

អត្ថបទ៖ ធឿន វ៉ាន់សុង  

The post សម្ដេចតេជោ ហ៊ុន សែន បញ្ជាកងកម្លាំងទប់ស្កាត់ក្រុមឧទ្ទាមវៀតណាមដែលអាចនៅកម្ពុជា appeared first on Kampuchea Thmey Daily.

ការស្លាប់របស់ពួកឧទ្ទាមលើកនេះ គឺជាការស្លាប់លើកចុងក្រោយបង្អស់ក្នុងចំណោមក្រុមចម្រុះរាប់រយនាក់ ដែលត្រូវបានសម្លាប់នៅក្នុងការប្រយុទ្ធនាពេលថ្មីៗនេះ ជុំវិញបន្ទាយចុងក្រោយរបស់រដ្ឋាភិបាលដែលត្រូវបានទទួលស្គាល់ជាអន្តរជាតិនៅភាគខាងជើងប្រទេសយេម៉ែន ដែលសម្បូរទៅដោយប្រេង ។

ក្រុមចម្រុះបាននិយាយថា “រថយន្តយោធា ៣៦ គ្រឿងត្រូវបានបំផ្លាញ ហើយយុទ្ធជនឧទ្ទាមជាង ២៦៤ ត្រូវបានសម្លាប់នៅក្នុងការវាយឆ្មក់ក្នុងរយៈពេល ៧២ ម៉ោងកន្លងមកនេះ” ។

ការវាយប្រហារត្រូវបានធ្វើឡើងនៅតំបន់ Al-Jawba ចម្ងាយ ៥០ គីឡូម៉ែត្រភាគខាងត្បូងនៃទីក្រុង Marib និងទីក្រុង Al-Kassara ចម្ងាយ ៣០ គីឡូម៉ែត្រទៅភាគពាយព្យ ។

ក្រុមចម្រុះបានរាយការណ៍ថា មានការវាយប្រហារតាមអាកាសស្ទើរតែរាល់ថ្ងៃនៅជុំវិញទីក្រុង Marib ហើយកាលពីសប្តាហ៍មុន ក្រុមចម្រុះដឹកនាំដោយអារ៉ាប៊ីសាអូឌីតបាននិយាយថា ខ្លួនបានសម្លាប់ពួកឧទ្ទាម Houthi ចំនួន ១៦០ នាក់ក្នុងការវាយឆ្មក់នៅភាគខាងត្បូងទីក្រុង Marib ។

គួរបញ្ជាក់ថា ក្រុម Houthis បានចាប់ផ្តើមកាវាយប្រហារទ្រង់ទ្រាយធំ ដើម្បីដណ្តើមយកទីក្រុង Marib នៅក្នុងខែកុម្ភៈ ហើយបានបន្តការវាយលុករបស់ពួកគេ ចាប់តាំងពីខែកញ្ញាមក បន្ទាប់ពីស្ងប់ស្ងាត់រយៈពេលប៉ុន្មានខែកន្លងមកនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ប៉ះទង្គិចគ្នា ៣ ម៉ោងរវាង តាលីបង់ និងក្រុមប្រដាប់អាវុធ អាហ្វហ្គានីស្ថាន ស្លាប់ ១៧ នាក់

The post ត្រឹមពេល ៧២ ម៉ោង ក្រុមឧទ្ទាម យេម៉ែន ជាង ២៦០ នាក់ត្រូវបានសម្លាប់ appeared first on Kampuchea Thmey Daily.

ការគំរាមនេះបានបង្កឲ្យមានការភ័យខ្លាចថា សង្គ្រាមស៊ីវិលនឹងផ្ទុះឡើងក្នុងទ្រង់ទ្រាយធំ។

កងជីវពលបះបោរប្រដាប់អាវុធ៣ក្រុមរបស់ប្រទេសនេះគឺ កងទ័ពរំដោះជាតិ Ta’ang, កងទ័ពសម្ព័ន្ធភាពប្រជាធិបតេយ្យជនជាតិមីយ៉ាន់ម៉ា និងកងទ័ព Arakan បានព្រមានថា ពួកគេនឹងចូលរួមជាមួយបាតុករដើម្បីប្រយុទ្ធជាលក្ខណៈទ្រង់ទ្រាយធំប្រសិនបើ អំពើហិង្សាមិនថមថយទេនោះ។

ក្រុមឧទ្ទាមជនជាតិភាគតិចទាំងបី បានចេញសេចក្តីថ្លែងការណ៍រួមគ្នាមួយកាលពីថ្ងៃអង្គារ។ សេចក្តីថ្លែងការណ៍បាននិយាយថា “ប្រសិនបើពួកគេមិនឈប់ ហើយបន្តសម្លាប់ប្រជាជន យើងនឹងសហការជាមួយក្រុមអ្នកតវ៉ាហើយវាយបក​ តបតវិញ”។

លោកស្រី Debbie Stothard នៅសហព័ន្ធអន្តរជាតិដើម្បីសិទ្ធិមនុស្ស (FIDH) បានព្រមានថា ស្ថានភាពអាចនឹងឈានដល់សង្រ្គាមស៊ីវិល ប្រសិនបើក្រុមបែបនេះចាប់កាន់អាវុធ។

ការបះបោររបស់ជនជាតិភាគតិចចំនួន២០ក្រុម បានផ្ទុះឡើងនៅក្នុងប្រទេសមីយ៉ាន់ម៉ាចាប់តាំងពីការទទួលបានឯករាជ្យក្នុងឆ្នាំ១៩៤៨មក ដោយពួកគេបានប្រយុទ្ធប្រឆាំងដើម្បីស្វ័យភាព អត្តសញ្ញាណជនជាតិភាគតិច និងធនធានធម្មជាតិ។

យោធាបានព្យាយាមកាត់ផ្តាច់កិច្ចព្រមព្រៀងជាមួយក្រុមប្រដាប់អាវុធមួយចំនួន ហើយនៅដើមខែនេះ បានដកកងទ័ព Arakan ចេញពីបញ្ជីអង្គការភេរវកម្ម។

ប៉ុន្តែកាលពីចុងសប្តាហ៍នេះ យោធាបានបើកការវាយប្រហារពីអាកាសនៅរដ្ឋ Karen ភាគខាងកើត ដែលជាការវាយប្រហារលើកដំបូងបំផុតក្នុងរយៈពេល២០ឆ្នាំ ដោយផ្តោតលើកងពលតូចទី៥នៃ ក្រុមសហភាពជាតិ Karen បន្ទាប់ពីក្រុមនេះ ដណ្តើមកាន់កាប់មូលដ្ឋានយោធាមួយ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ មើលទៅមិនស្រួល! សហរដ្ឋអាមេរិក បញ្ជាឲ្យជម្លៀសអ្នកការទូតចេញពី មីយ៉ាន់ម៉ា

The post ពួកឧទ្ទាម៣ក្រុមចេញមកគំរាមក្តែងៗ បើអំពើហិង្សានៅតែបន្ត មីយ៉ាន់ម៉ាមានសង្គ្រាមធំហើយ appeared first on Kampuchea Thmey Daily.

ក្រុមប្រដាប់អាវុធជនជាតិភាគតិចជាង ២៤ ក្រុមកំពុងធ្វើសកម្មភាពនៅតាមព្រំដែននៃប្រទេសមីយ៉ាន់ម៉ា ។ ពួកគេមួយចំនួនបានចុះហត្ថលេខាលើកិច្ចព្រមព្រៀងឈប់បាញ់គ្នា ខណៈដែលខ្លះទៀតនៅតែបន្តជម្លោះដែលផ្ទុះឡើងជាបន្តបន្ទាប់ ។

លោកឧត្តមសេនីយ៍ Yawd Serk នៃក្រុមប្រឹក្សាស្តាររដ្ឋ Shan (RCSS) និងក៏ជាប្រធានស្តីទីតំណាងឲ្យ ១០ ក្រុមផ្សេងទៀតនៅក្នុងកិច្ចព្រមព្រៀងឈប់បាញ់គ្នាជាតិបានថ្កោលទោសរដ្ឋប្រហារកាលពីថ្ងៃចន្ទដែលបានផ្តួលរំលំមេដឹកនាំជាប់ឆ្នោតលោកស្រី អ៊ុងសាន ស៊ូជី ។

ទន្ទឹមនោះលោកបានអំពាវនាវឲ្យកងទ័ពបង្ហាញពីភាពស្មោះត្រង់របស់ខ្លួនដោយធ្វើការពិភាក្សាជាមួយគ្រប់ភាគីទាំងអស់ ហើយបាននិយាយថា “យោធាបានគិតពីផលប្រយោជន៍ផ្ទាល់ខ្លួន ហើយវាបណ្តាលឲ្យបាត់បង់ការទុកចិត្ត” ។

ដោយអំពាវនាវឲ្យមានការដោះលែងលោកស្រី ស៊ូជី និងអ្នកនយោបាយផ្សេងទៀតដែលកំពុងជាប់ឃុំឃាំងលោកបាននិយាយថា “យើងបានឃើញការប៉ះទង្គិចគ្នានៅក្នុងបទឈប់បាញ់គ្នានាពេលបច្ចុប្បន្ននេះ ប៉ុន្តែចាប់ពីពេលនេះទៅប្រសិនបើមានការប៉ះទង្គិចគ្នាកាន់តែច្រើន ខ្ញុំអាចនឹងធ្វើឲ្យវាកាន់តែធំថែមទៀតនៅក្រោមរដ្ឋាភិបាលយោធាបែបនេះ” ។

អង្គការរបស់លោក Yawd Serk ដែលបានចូលរួមក្នុងបទឈប់បាញ់ជាមួយក្រុមផ្សេងទៀតជាមួយរដ្ឋាភិបាលស៊ីវិលចាប់តាំងពីឆ្នាំ ២០១៥ ត្រូវបានបង្កើតឡើងដើម្បីជាផ្នែកមួយនៃដំណើរការសន្តិភាពឲ្យកាន់តែទូលំទូលាយដើម្បីបញ្ចប់ជម្លោះជិតមួយទសវត្ស ។ លោកបាននិយាយថា កងទ័ពបានទាក់ទងអង្គការរបស់លោក បន្ទាប់ពីរដ្ឋប្រហារដើម្បីសន្យាថាវានឹងមិនផ្លាស់ប្តូរបទឈប់បាញ់ទេ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ប្រជាជនមីយ៉ាន់ម៉ាធ្វើពហិការមិនទិញផលិតផល និងប្រើប្រាស់សេវាកម្មរបស់យោធា

ចុចអាន ៖ មីយ៉ាន់ម៉ា ឬ ភូមា៖ ហេតុអ្វីប្រទេសមួយមានឈ្មោះពីរ តើមានរឿងរ៉ាវយ៉ាងដូចម្តេច?

The post មេដឹកនាំក្រុមឧទ្ទាមជនជាតិភាគតិច ថា រដ្ឋប្រហារមីយ៉ាន់ម៉ាគំរាមកំហែងដល់បទឈប់បាញ់ appeared first on Kampuchea Thmey Daily.

លោកវរសេនីយ៍ឯក Jemuel Siason មេប៉ូលិសខេត្ត South Cotabato បាននិយាយថា ការប៉ះទង្គិចគ្នាបានផ្ទុះឡើងនៅម៉ោងប្រហែល ៤ និង ៣៥ នាទីនៅឯភូមិដាច់ស្រយាលមួយនៅខេត្ត South Cotabato ។

លោក Siason បាននិយាយថា ក្រុមឧទ្ទាម NPA បានបាញ់ទៅលើទាហានរដ្ឋាភិបាល និងប៉ូលិស ហើយបន្ទាប់មកកងទ័ពបានបាញ់តបវិញដែលជាហេតុធ្វើឲ្យមានការប៉ះទង្គិចគ្នាដោយប្រដាប់អាវុធ ។

លោក Siason បានបន្ថែមថា មិនមានកងទ័ព ឬប៉ូលិសណាម្នាក់រងរបួស ឬស្លាប់ក្នុងការប៉ះទង្គិចនេះឡើយ ។

ក្រុមឧទ្ទាម NPA បានប្រយុទ្ធប្រឆាំងនឹងរដ្ឋាភិបាលចាប់តាំងពីឆ្នាំ ១៩៦៩ ។ ពួកគេប្រមូលផ្តុំការវាយប្រហាររបស់ពួកគេនៅតាមតំបន់ជនបទ និងការប្រយុទ្ធគ្នាជាទ្រង់ទ្រាយតូចជាមួយយោធា ។

NPA ត្រូវបានគេប៉ាន់ស្មានថាមានកម្លាំងបច្ចុប្បន្នចំនួន ៣,០០០ នាក់ដែលជាចំនួនមួយទាបជាងកម្លាំងកំពូលរបស់ខ្លួនប្រហែល ២៥,០០០ នាក់នៅទសវត្សឆ្នាំ ១៩៨០ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ មេៗក្រុមឧទ្ទាមកំពុងជួបជុំផឹកស៊ីត្រូវយន្តហោះគ្មានមនុស្សបើករបស់អាមេរិកវាយប្រហារ ស្លាប់ ១៥ នាក់

ចុចអាន ៖ លោក ត្រាំ ៖ ជួបគ្នា ៤ ឆ្នាំក្រោយ

The post កងកម្លាំងហ្វីលីពីនសម្លាប់ក្រុមឧទ្ទាមក្នុងការប៉ះទង្គិចគ្នាមួយ appeared first on Kampuchea Thmey Daily.

ក្រុមឃ្លាំមើលសិទ្ធិមនុស្សស៊ីរីបាននិយាយថា ការវាយប្រហារនេះត្រូវបានគេជឿថា ធ្វើឡើងដោយក្រុមចម្រុះប្រឆាំងភេរវកម្មដឹកនាំដោយសហរដ្ឋអាមេរិក។

ក្រុមនេះបន្តថា វាបានតម្រង់គោលដៅទៅលើមេបញ្ជាការនៃក្រុម Hayat Tahrir al-Sham (HTS) ដែលជាក្រុមឆ័ត្ររបស់រណសិរ្ស Nusra ហើយមានទំនាក់ទំនងជាមួយក្រុមអាល់កៃដាខណៈពេលដែលពួកគេកំពុងជប់លៀងផឹកស៊ីពេលល្ងាចនៅក្នុងភូមិ Jakara នៃខេត្ត Idlib ក្បែរព្រំដែនស៊ីរី-ទួរគី។

ក្រុមឃ្លាំមើលដែលមានមូលដ្ឋាននៅចក្រភពអង់គ្លេសមួយនេះបានបន្ថែមថា ការវាយប្រហារនេះក៏បានធ្វើឲ្យមេបញ្ជាការមួយចំនួនរងរបួសផងដែរ។

កាលពីថ្ងៃទី១៥ខែតុលា ការវាយប្រហារដោយយន្តហោះគ្មានមនុស្សបើកស្រដៀងគ្នានេះបានតម្រង់គោលដៅទៅលើរថយន្តមួយគ្រឿងនៅភាគខាងលិចខេត្ត Idlib ដោយបានសម្លាប់ជនឧទ្ទាម២នាក់និងកុមារម្នាក់។

ខេត្ត Idlib បានក្លាយជាបន្ទាយឧទ្ទាមដ៏សំខាន់ចុងក្រោយបង្អស់នៅក្នុងប្រទេសស៊ីរីខណៈ HTS ជាក្រុមឈានមុខក្នុងចំណោមក្រុមផ្សេងៗនៅក្នុងតំបន់៕

ប្រែសម្រួលដោយ៖ Vann Vann

ប្រភព៖ Xinhua

The post មេៗក្រុមឧទ្ទាមកំពុងជួបជុំផឹកស៊ីត្រូវយន្តហោះគ្មានមនុស្សបើករបស់អាមេរិកវាយប្រហារ ស្លាប់១៥នាក់ appeared first on Kampuchea Thmey Daily.