ព័ត៌មានអន្ដរជាតិ
ពលរដ្ឋស៊ីរីរាប់ម៉ឺននាក់ ចាប់ផ្ដើមជម្លៀសខ្លួន ក្រោយក្រុមប្រឆាំង ដណ្ដើមបានទីក្រុង Homs
កងកម្លាំងប្រឆាំងរដ្ឋាភិបាលស៊ីរី បាននិយាយថា ពួកគេបានទៅដល់ជាយក្រុង Homs ដែលជាទីក្រុងធំលំដាប់ទី៣របស់ប្រទេស ខណៈពលរដ្ឋរាប់ម៉ឺននាក់កំពុងចាប់ផ្ដើមភៀសខ្លួនចេញពីទីនោះ។
នៅក្នុងសេចក្តីថ្លែងការណ៍ខ្លីមួយនៅលើបណ្ដាញទំនាក់ទំនង Telegram កាលពីល្ងាចថ្ងៃសុក្រ ក្រុមសកម្មប្រយុទ្ធដែលដឹកនាំដោយ ក្រុមប្រដាប់អាវុធ Hayat Tahrir al-Sham (HTS) បានអំពាវនាវដល់កងកម្លាំងរដ្ឋាភិបាលស៊ីរីឲ្យចុះចាញ់។
មេបញ្ជាការកងកម្លាំងប្រឆាំង បានប្រកាសថា៖ «កងកម្លាំងរបស់យើងបានរំដោះភូមិចុងក្រោយនៅក្នុងតំបន់ជុំវិញទីក្រុង Homs ហើយឥឡូវនេះពួកគេបានទៅដល់ជញ្ជាំងទីក្រុងហើយ»។
ក្រុមឃ្លាំមើលសិទ្ធិមនុស្សស៊ីរី (SOHR) បានប្រាប់ថា ពលរដ្ឋនៅទីក្រុង Homs រាប់ម៉ឺននាក់បានចាប់ផ្ដើមភៀសខ្លួនទាំងយប់ឆ្ពោះទៅកាន់តំបន់ឆ្នេរសមុទ្រភាគខាងលិច ដែលជាកន្លែងប្រធានាធិបតីស៊ីរី លោក Bashar al-Assad គ្រប់គ្រង។
លោក Rami Abdel Rahman ប្រធានក្រុមឃ្លាំមើលដែលមានមូលដ្ឋាននៅចក្រភពអង់គ្លេស បាននិយាយថា ក្រុមប្រឆាំងបានដណ្តើមយកតំបន់ចំនួនពីរគឺ Rastan និង Talbiseh នៃទីក្រុង Homs។
Homs គឺជាទីក្រុងដ៏សំខាន់ ហើយក៏ជាផ្លូវតភ្ជាប់រដ្ឋធានី Damascus ទៅកាន់តំបន់ឆ្នេរនៃប្រទេសស៊ីរី ហើយមានចម្ងាយ៤៦គីឡូម៉ែត្រនៅភាគខាងត្បូងនៃទីក្រុង Hama ដែលក្រុមប្រដាប់អាវុធ HTS និងក្រុមយុទ្ធជនសម្ព័ន្ធមិត្តបានដណ្ដើមយកកាលពីថ្ងៃព្រហស្បតិ៍ ប៉ុន្មានថ្ងៃបន្ទាប់ពីការដណ្តើមយកទីក្រុងដ៏ធំបំផុតទីពីរ Aleppo ពីកងកម្លាំងរដ្ឋាភិបាល។
លោក Stephane Dujarric អ្នកនាំពាក្យរបស់លោក Antonio Guterres អគ្គលេខាធិការអង្គការសហប្រជាជាតិ បាននិយាយថា ការផ្ទុះឡើងនៃសង្គ្រាមជាថ្មីម្ដងទៀតនៅស៊ីរី ចាប់តាំងពីថ្ងៃទី២៧ខែវិច្ឆិកា បានធ្វើឲ្យមនុស្សយ៉ាងហោចណាស់ ៣៧ម៉ឺននាក់ត្រូវបំផ្លាស់ទីលំនៅ ដោយភាគច្រើនគឺជាស្ត្រី និងកុមារ។
ចំណែកឯលោក Samer AbdelJaber ប្រធានផ្នែកសម្របសម្រួលគ្រាអាសន្ននៅកម្មវិធីស្បៀងអាហារពិភពលោករបស់អង្គការសហប្រជាជាតិ បានព្រមានថា តួលេខផ្លាស់ទីលំនៅអាចកើនឡើងដល់១,៥លាននាក់៕
ដោយ៖ ឈាង
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត