ប្រតិបត្តិការឃាត់ខ្លួននេះ បានធ្វើឡើងកាលពីថ្ងៃទី១២ ខែឧសភា ឆ្នាំ២០២៦ វេលាម៉ោង ៤៖៥៥នាទីល្ងាច នៅចំណុចតាមបណ្ដោយផ្លូវលេខ៥៩២ ភូមិ១០ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ខណៈករណីហិង្សានេះបានកើតឡើងកាលពីវេលាម៉ោង ៣៖២០នាទីទៀបភ្លឺ ថ្ងៃដដែល នៅក្នុងភោជនីយដ្ឋានយីហោ ESCAPE តាមបណ្ដោយផ្លូវលេខ៦០៨ ក្រុមទី៣៤ ភូមិ៧ សង្កាត់បឹងកក់ទី២ ខណ្ឌទួលគោក។

តាមប្រភពពីសមត្ថកិច្ច បានឲ្យដឹងថា មុនពេលកើតហេតុ ភាគីទាំងសងខាងបានមានទំនាស់ពាក្យសម្ដីគ្នា ដោយសាររឿងប្រច័ណ្ឌស្នេហា។ ក្រោយមកជនសង្ស័យមួយក្រុមមានគ្នា ៥នាក់ បាននាំគ្នាប្រើដៃវាយទៅលើជនរងគ្រោះ២នាក់បណ្ដាលឲ្យរងរបួសស្រាល។ ក្នុងនោះសមត្ថកិច្ចឃាត់ខ្លួនជនសង្ស័យចំនួន៥នាក់ រួមមាន៖ឈ្មោះ សំ សុភ័កត្រា ភេទប្រុស អាយុ២២ឆ្នាំ , ឈ្មោះ ឆេន ម៉េងហាក់ ភេទប្រុស អាយុ២៣ឆ្នាំ , ឈ្មោះ អោម លីងជុង ភេទប្រុស អាយុ២៣ឆ្នាំ, ឈ្មោះ ប៉ុន ចាន់ណារិទ្ធ ភេទប្រុស អាយុ២៤ឆ្នាំ និងម្នាក់ទៀត ឈ្មោះ ឡុង រតនៈមិនា ភេទប្រុស អាយុ២៣ឆ្នាំ។

ក្នុងហេតុការណ៍នេះ ជនរងគ្រោះឈ្មោះ សុង លីហ៊ាង បានរងរបួសជាំភ្នែកខាងឆ្វេង រយះចុងចិញ្ចើមខាងស្ដាំ និង រលាត់ប្រអប់ដៃទាំងសងខាង ខណៈជនរងគ្រោះឈ្មោះ ជា សម្បត្តិលីហួរ បានរងរបួសរលាត់ស្បែកដៃខាងឆ្វេង។

បច្ចុប្បន្នជនសង្ស័យទាំង ៥នាក់ ត្រូវបានសមត្ថកិច្ចឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរនិងកសាងសំណុំរឿងចាត់ការបន្តតាមនីតិវិធីច្បាប់៕ អត្ថបទ៖ សំណាង

The post នគរបាលខណ្ឌទួលគោក ឃាត់ខ្លួនជនសង្ស័យ៥នាក់ ពាក់ព័ន្ធករណីហិង្សាដោយ ផ្តើមចេញពីទំនាស់ប្រច័ណ្ឌស្នេហា appeared first on Kampuchea Thmey Daily.

ការឆ្មក់ត្រួតពិនិត្យនេះដែរធ្វើឡើង នៅព្រឹកថ្ងៃទី២៩ ខែមេសា ឆ្នាំ២០២៦ ដោយដឹកនាំចុះដោយផ្ទាល់ពីលោក ឯក ឃុនឌឿន អភិបាលរងរាជធានីភ្នំពេញ រួមជាមួយ លោក ជា ពិសី  អភិបាលខណ្ឌទួលគៅក បានដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យជាក់ស្ដែង នៅទីតាំងដែលសង្ស័យបង្កប់ល្បែងស៉ីសង តាមបណ្តោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

យោងតាមការបញ្ជាក់ពីអាជ្ញាធរជំនាញបានបញ្ជាក់ថា លើបណ្ដាញសង្គមថ្មីៗនេះ បានបង្ហោះនៅរូបភាពវីឌីអូ អង្គុយលេងល្បែងស៉ីសង ហើយបញ្ជាក់ថា ស្ថិតនៅទីតាំងដីឡូតិ៍មួយកន្លែង តាមបណ្ដោយផ្លូវលេខ ២៣០ សង្កាត់ទឹកល្អក់៣ ខណ្ឌទួលគោក។  ដូច្នេះអាជ្ញាធរខណ្ឌដឹកនាំមន្រ្តី ចុះត្រួតពិនិត្យ នៅទីតាំងជាក់ស្ដែងមិនឃើញមានអ្វី ពាក់ព័ន្ធនឹងល្បែងស៉ីសងនោះទេ ប៉ុន្តែទោះជាយ៉ាង អាជ្ញាធរបានណែនាំដល់ម្ចាស់ តារាងបាល់ទះ ក៏ដូចជាអ្នកគ្រប់គ្រង មិនត្រូវផ្ដល់ទីតាំង សម្រាប់បង្កប់លេងល្បែងស៉ីសងនោះទេ ក្នុងករណីអាជ្ញាធរតាមដានស្រាវជ្រាវឃើញថា មានបង្កប់ល្បែងស៉ីសង និងមានវិធានការតាមផ្លូវច្បាប់។

ជាចុងក្រោយ អាជ្ញាធរខណ្ឌទួលគោក សូមសំណូមពរ និងអរគុណដល់ប្រជាពលរដ្ឋ និងម្ចាស់ទីតាំងចូលរួមសហការនិងផ្ដល់ព័ត៌មាន ជូនដល់អាជ្ញាធរ ដើម្បីមានវិធានការទាន់ពេលវេលា ។

គួរបញ្ជាក់ផងដែរថា រដ្ឋបាលរាជធានីភ្នំពេញ តែងតែប្រជុំក្រើនរំលឹកដល់អាជ្ញាធរទាំង១៤ខណ្ឌ បន្តយកចិត្តទុកដាក់ ពីបញ្ហាសន្តិសុខ បទល្មើសគ្រប់ប្រភេទ ជាពិសេសបញ្ហាល្បែងស៉ីសងគ្រប់ប្រភេទ ដោយអនុវត្តតាមគោលនយោបាយ ភូមិឃុំ សង្កាត់ មានសុខសុវត្តិភាពជូនដល់ពលរដ្ឋ ៕ អត្ថបទ ៖ រដ្ឋា

The post អាជ្ញាធរខណ្ឌទួលគោក ចុះត្រួតពិនិត្យទីតាំងដែលសង្ស័យមានបង្កប់ល្បែងស៉ីសងមួយកន្លែង ក្នុងសង្កាត់ទឹកល្អក់៣ appeared first on Kampuchea Thmey Daily.

ជនសង្ស័យ ឈ្មោះ ជា សុភ័ក្រ ភេទប្រុស អាយុ៤១ឆ្នាំ ជនជាតិខ្មែរ  មុខរបរមិនពិតប្រាកដ ស្នាក់នៅ មិនពិតប្រាកដ។

តាមការបញ្ជាក់ពី លោកវរសេនីយ៍ទោ នាក់ សាន អធិការង ទទួលផែនការងារព្រហ្មទណ្ឌ បានអោយដឹងថា បន្ទាប់ពីទទួលបានពាក្យបណ្តឹងពីជនរងគ្រោះ។ ភ្លាមៗ លោកបានអោយ នគរបាលជំនាញបានធ្វើការស្រាវជ្រាវរយៈពេលមិនដល់ ១០ម៉ោងផង ក៏ឃាត់ខ្លួនជនសង្ស័យ០១នាក់ លួចទ្រព្យសម្បត្តិក្នុងហាងកាហ្វេ THE PEACE សរុបជាទឹកប្រាក់ 1750$ យកទៅកាន់អធិការដ្ឋានដើម្បីធ្វើការសួរនាំបន្ថែម។

ក្នុងនោះសម្ភារៈបាត់បង់រួមមាន ទូគិតលុយ ចំនួន០១ , Laptop ពណ៌ខ្មៅ ចំនួន០១ , ហ្គីតា ចំនួន០១ , តុនិងកៅអីចំនួន០២ឈុត , លុយចំនួន ៥០០$ (ប្រាំរយដុល្លារសហរដ្ឋអាមេរិច) និងភេសជ្ជៈមួយចំនួន។

គួរបញ្ជាក់ផងដែរថា កាលពីថ្ងៃទី១១ ខែមីនា ឆ្នាំ២០២៦ វេលាម៉ោងប្រហែល០២ និង២៨នាទីយប់រំលងអាធ្រាត្រ មានជនសង្ស័យម្នាក់ បានធ្វើសកម្មភាពចូលលួចទ្រព្យសម្បត្តិ ចំណុចហាងកាហ្វេ THE PEACE ទីតាំងផ្ទះលេខ៧B ផ្លូវលេខ៦០៨ ក្រុមទី១០២ ភូមិ២២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរនិងចាត់ការតាមនីតិវិធី៕ អត្ថបទ ៖ រដ្ឋា

The post នគរបាលព្រហ្មទណ្ឌខណ្ឌទួលគោក ឃាត់ខ្លួនជនសង្ស័យម្នាក់ ក្រោយធ្វើសកម្មភាពចូលលួចទ្រព្យសម្បត្តិ ក្នុងហាងកាហ្វេ appeared first on Kampuchea Thmey Daily.

គួររំលឹកផងដែរថា ហេតុការណ៍អគ្គិភ័យនេះដែរបានកើតឡើងកាលពីវេលាម៉ោង ០៣ នឹង ២០នាទីទាបភ្លឺឈានចូលថ្ងៃទី ១៣ ខែកុម្ភៈ ឆ្នាំ២០២៦ នៅចំណុចផ្លូវលេខ ៦៧០ ក្រុម០៨ ភូមិ០៣ សង្កាត់បឹងសាឡាង ខណ្ឌទួលគោក រាជធានីភ្នំពេញ។

អគ្គិភ័យនេះបង្កការខូចខាត ឃ្លាំងស្តុកគ្រឿងជ័រថង់ប្លាស្ទិចចំនួន ០១ ឃ្លាំង, ឆេះឃ្លាំងឡាំងក្រដាសចំនួន ០១ ឃ្លាំង, ឃ្លាំងស្តុកគ្រឿងសង្ហារឹមដែកប្រក់ស័ង្កសីទំហំ ចំនួន ០១ឃ្លាំង , ឃ្លាំងជួសជុលរថយន្ត , ផ្ទះលក់គ្រឿងសង្ហារឹម ចំនួន ០១ខ្នង(ខូចខាត៧០ភាគរយ), ឃ្លាំងលក់ធ្នើតាំងទំនិញនិងសាប៊ូ ចំនួន ០១ឃ្លាំង (ខូចខាត ៤០ភាគរយ), ផ្ទះថ្មបីជាន់ទំហំ ចំនួន ០១ខ្នង (ខូចខាតភាគរយ), ចរិយាវាំងនននិងដេគ័រ  ផ្ទះថ្មបេតុង ចំនួន ០១ ខ្នង (ខូចខាត ២០ភាគរយ), អារ៉ូរ៉ា ប៊ីយូធី ផ្ទះថ្មចំនួន ០១ខ្នង (ខូចខាត ៣០ភាគរយ), រថយន្តចំនួន ០៧គ្រឿង, ម៉ូតូចំនួន ១០រឿង, ម៉ូតូសណ្តោងរម៉កចំនួន ០៣គ្រឿង នឹងបង្កអោយមនុស្សម្នាក់ រងរបួស។

ក្នុងនោះរថយន្តការិយាល័យបង្ការពន្លត់ អគ្គិភ័យ និង សង្រោ្គះគ្រោះ របស់ស្នងការដ្ឋាននគរបាលរាជធានីភ្នំពេញចំនួន ២២គ្រឿង ប្រើប្រាស់ទឹកអស់ចំនួន ២៦៤ឡាន , រថយន្តជំនួយក្រសួងមហាផ្ទៃចំនួន ០៤គ្រឿង ប្រើប្រាស់ទឹកអស់ចំនួន ១២ឡាន , រថយន្តអគ្គិភ័យកងរាជអាវុធហត្ថចំនួន ០៣គ្រឿង ប្រើប្រាស់ទឹកអស់ចំនួន ០៤ ឡាន , រថយន្តអគ្គិភ័យកងពលតូចង៧០ ចំនួន ០៧គ្រឿង ប្រើប្រាស់ទឹកអស់ចំនួន ១២ឡាន , រថយន្តអគ្គិភ័យទីក្រុងនរាចំនួន ០២គ្រឿង ប្រើប្រាស់ទឹកអស់ចំនួន ០៤ឡាន , រថយន្តអគ្គិភ័យបុរីប៉េងហួតចំនួន ០៤គ្រឿង ប្រើប្រាស់ទឹកអស់ចំនួន ០៤ឡាន , រថយន្តអគ្គិភ័យស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០២ឡាន បាញ់ពន្លត់ជិត ១០ម៉ោង ទើបរលត់ជាស្ថាពរ ។ ចំពោះមូលហេតុ សមត្ថកិច្ចកំពុងបើកការស្រាវជ្រាវ ៕ អត្ថបទ ៖ រដ្ឋា

The post Update៖អគ្គិភ័យឆេះឃ្លាំងនៅក្បែរគល់ស្ពានអាកាសស្ទឹងមានជ័យ សមត្ថកិច្ចប្រើឡានទឹកចំនួន ៣០២ឡាន ប្រើពេលជិត ១០ម៉ោង ទើបគ្រប់គ្រងរលត់ទៅវិញទាំងស្រុង appeared first on Kampuchea Thmey Daily.

លោកស្រី ជីង ពលរដ្ឋរស់នៅចំណុចផ្លូវលេខ២១៨ ខាងលើប្រាប់អោយដឹងថា ចាប់តាំងពីដើមឆ្នាំ២០២៦មក ប្រព័ន្ធលូតំបន់នេះ មានការហូរយឺតខ្លាំងទៅៗ ដោយសារតែប្រព័ន្ធលូចាស់ ទើបបង្កការលំបាកដល់ ពួកគាត់ជាប្រជាពលរដ្ឋ។ ពលរដ្ឋបន្តថា មិនថាទឹកប្រើប្រាស់រួចក្នុងផ្ទះផងដែរ ទម្រាំតែហូរទៅអស់រាងយូរគួរសមដែរ។

លោក រ័ក្ស ជាពលរដ្ឋនៅតំបន់នោះក៏បានបញ្ជាក់ថា សូមអរគុណអាជ្ញាធរ ក្រោយមានការស្នើសុំពីពលរដ្ឋរស់នៅក្នុងមូលដ្ឋាន អាជ្ញាធរបានដាក់គ្រឿងចក្រកាយ លូចាស់ ដាក់លូថ្មីជូនពួកគាត់ ក្រោយប្រព័ន្ធលូចាស់ មានការកកស្ទះ នឹងចំណុចខ្លះទៀតរងខូចខាត ដើម្បីសម្រួលទុកលំបាក។

ពាក់ព័ន្ធការអភិវឌ្ឍន៍នេះ លោក នៅ ភក្តី ចៅសង្កាត់រងទី១ បានបញ្ជាក់អោយដឹងថា ចំពោះការដ្ឋានកំពុងដំណើរការដាក់ប្រព័ន្ធលូនេះ គឺជាកញ្ចប់ថវិកាគម្រោងអភិវឌ្ឍន៍ឆ្នាំ២០២៥ នៅសេសសល់ ដោយខាងសង្កាត់យកមកធ្វើបង្ហើយជូនប្រជាពលរដ្ឋ អោយទទួលបាននូវភាពងាយស្រួលរស់នៅឡើងវិញ៕ អត្ថបទ ៖ រដ្ឋា

The post ពលរដ្ឋរស់នៅអមសងខាងផ្លូវ២១៨ ទទួលបានការស្ថាបនាប្រព័ន្ធលូថ្មី ប្រវែងជាង៤០០ម៉ែត្រ appeared first on Kampuchea Thmey Daily.

ជាក់ស្ដែងថ្ងៃទី៥ខែមករា  ឆ្នាំ២០២៦ ក្រុមសួនច្បារនិង ដើមឈើ នៃរដ្ឋបាលរាជធានីភ្នំពេញ បានបន្តសកម្មភាពចុះកាត់មែកឈើ នៅតាមបណ្ដោយផ្លូវ២១៥ ចាប់ពីចំណុចអាងទឹកអូឡាំពិក រហូតដល់ស្តុកដេអិន ធើ្វការកាត់ទាំងសងខាងផ្លូវ ដែលនៅក្នុងមូលដ្ឋានខណ្ឌ៧មករា និង ខណ្ឌទួលគោក។

សូមបញ្ជាក់ផងដែរ មែកឈើធំៗតែងតែបាំងបិទភ្លើងសញ្ញាចរាចរណ៍ សញ្ញាភ្លើងស្តុប ធ្វើអោយប្រជាពលរដ្ឋធ្វើដំណើរ ឆ្លងកាត់ពិបាក នឹង មេីលភ្លើងសញ្ញា បញ្ជាចរាចរណ៍ ព្រោះ ត្រូវ មែកឈេីធ្លាក់បាំងស្ទេីរតែមេីលមិនឃេីញតែម្ដង បន្ថែមទៀតនោះ រាល់ពេលដែលមានភ្លៀងធ្លាក់ខ្លាំងជាមួយនឹងខ្យល់កន្រ្តាក់តែងតែមានការបាក់រលំមែកឈើមួយចំនួនទៅលើយានយន្តនឹងធ្លាក់ទៅលើដងផ្លូវដែលជាការបង្អាក់ដំណើរចរាចរណ៍និងធ្វើអោយកកស្ទះខ្លាំងនៅក្នុងរាជធានីភ្នំពេញ។

ដូច្នេះរដ្ឋបាលរាជធានីភ្នំពេញបានបញ្ជាឲ្យកម្លាំងចុះកាត់មែកឈើធំៗដែលងាយបាក់រលំពេលដែលភ្លៀងនិងខ្យល់បក់បោកខ្លាំងម្ដងៗ នៅក្នុងនោះផងដែរដូចដែលបងប្អូនប្រជាពលរដ្ឋបានជ្រាបហើយថានៅរដូវកាលនេះគឺជាវាគឺជារដូវភ្លៀងធ្លាក់ខ្លាំងលាយឡំនិងខ្យល់កន្រ្តាក់សូមបងប្អូនប្រជាពលរដ្ឋបង្កើនការការពារសុវត្ថិភាពផ្ទាល់ខ្លួនរាល់ពេលដែលមេឃភ្លៀងខ្លាំងម្តងៗសូមមេត្តាសូមកុំឈប់ឬចតនៅក្រោមដើមឈើធំៗដែលអាចងាយនឹងរងគ្រោះពីការរលំនិងបាក់មែកឈើ៕ដោយ៖ម៉េង

The post រដ្ឋបាលរាជធានីភ្នំពេញ កាត់មែកឈើធំៗ ដើម្បីសោភណ្ឌភាពទីក្រុង និង សុវត្ថិភាពអ្នកដំណើរ appeared first on Kampuchea Thmey Daily.

ការដ្ឋានកំពុងធើ្វការពង្រើកផ្លូវនេះ ស្ថិតនៅក្នុងភូមិ១៥ ភូមិ១៦ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

លោក អេងលី ជាពលរដ្ឋរស់លើផ្លូវនោះ បានឡើងឡើងថា នៅពេលឃើញមានអាជ្ញាធរបានធ្វើការពង្រីកផ្លូវមួយថែមទៀតដូច្នេះ ដើម្បីឲ្យមានសភាពធំជាងមុន លោកបានសម្ដែងការសាទរជាខ្លាំងដោយសារតែមានផ្លូវធំ ពេលមានបញ្ហាកើតឡើងណាមួយងាយស្រួលក្នុងការចេញចូល ជាពិសេសនោះបើសិនជាមានហេតុការណ៍អគ្គិភ័យកើតឡើងវិញ គឺ រថយន្តពន្លត់អគ្គិភ័យអាចចេញចូលបានយ៉ាងលឿន អាចគ្រប់គ្រងស្ថានការបានទាន់ពេលវេលាផងដែរ។ 

លោកបន្តថា អ្វីដែលជាការព្រួយបារម្ភចំពោះលោកគឺនៅពេលមានផ្លូវធំដូច្នេះរថយន្ត ឬក៏មធ្យោបាយធ្វើដំណើរផ្សេងៗ អាចនឹងបើកបរលឿនៗ ដូច្នេះអាចបង្ករគ្រោះថ្នាក់ជាយថាហេតុណាមួយផងដែរ ដោយសារតែពេលខ្លះមានក្មេងៗលេងនៅតាមចិញ្ចើមផ្លូវ។

ជាមួយគ្នាផងដែរ លោក ប៊ិច សុខឃឿន ចៅសង្កាត់ទឹកល្អក់ទី១ បានប្រាប់កម្ពុជាថ្មីឲ្យដឹងថា ទីតាំងកំពុងស្ថាបនាពង្រីកផ្លូវនេះ អាជ្ញាធរសង្កាត់បានប្រើប្រាស់ថិវិកាអភិវឌ្ឍន៍ឆ្នាំ២០២៥ ដោយធើ្វការពង្រីកផ្លូវប្រវែង ១១៣៣ម៉េត្រ មានទទឹង៣ម៉េត្រ ជាប់នឹងផ្លូវរថភ្លើង ដោយផ្លូវចាស់មានទទឹង៤ម៉េត្រប៉ុណ្ណាះ សរុបចំនួន៧ម៉ែត្រ ក្នុងនោះ អាជ្ញាធរបានដាក់ប្រព័ន្ធថែមមានមុខកាត់៦តឹក។

ជាចុងក្រោយ លោកក៏បានសំណូមពរឲ្យពលរដ្ឋដែលប្រើប្រាស់មធ្យោបាយធ្វើដំណើរនៅលើផ្លូវនេះ មេត្តាបើកបរកុំឲ្យលើសល្បឿនកំណត់ ដើម្បីបញ្ចៀសការកើតមានគ្រោះចរាចរណ៍ផងដែរ៕

អត្ថបទ ៖ ម៉េង

The post អាជ្ញាធរសង្កាត់ទឹកល្អក់ទី ១ ប្រើប្រាស់ថវិកាអភិវឌ្ឍន៍ឆ្នាំ ២០២៥ ពង្រីកផ្លូវជូនពលរដ្ឋក្នុងមូលដ្ឋាន appeared first on Kampuchea Thmey Daily.

ជាក់ស្តែងគិតចាប់ពីថ្ងៃទី ១៥ ដល់ទី ១៦ ខែវិច្ឆិកា ឆ្នាំ២០២៥ មានករណីអគ្គិភ័យកើតឡើងរហូតដល់ ៣ករណី នៅទីតាំង ៣ផ្សេងគ្នា ក្នុងភូមិសាស្រ្តរាជធានីភ្នំពេញ ឆក់យកផ្ទះប្រជាពលរដ្ឋចំនួន ២០ខ្នង អស់ទាំងស្រុង ភាគច្រើនគឺ កើតជាចេញពីការឆ្លងចរន្តអគ្គិសនី ។

យោងតាមផេកផ្លូវការរបស់ ការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបង្ហោះឲ្យដឹងថា រយៈពេល២ថ្ងៃតែប៉ុណ្ណោះ អគ្គិភ័យបានកើតឡើងរហូតដល់ ៣ករណី ដោយករណីទី១ នៅវេលាម៉ោង ៨ព្រឹក ថ្ងៃសៅរិ៍ ទី១៥ ខែវិច្ឆិកា ឆ្នាំ២០២៥ ឆាបឆេះផ្ទះពលរដ្ឋអស់ចំនួន ១២ខ្នង នៅក្បែរគល់ស្ពានអាកាសមរតកតេជោ ក្នុងសង្កាត់ចាក់អង្រែលើ ខណ្ឌមានជ័យ , ករណីទី២ នៅវេលាម៉ោង ៣ និង ៣០នាទី ទៀបភ្លឺឈានចូលថ្ងៃអាទិត្យ ទី១៦ ខែវិច្ឆិកា ឆ្នាំ២០២៥ ឆាបឆេះផ្ទះពលរដ្ឋអស់ចំនួន ៤ខ្នង នៅភូមិទួលគោក សង្កាត់ទួលសង្កទី១ ខណ្ឌឬស្សីកែវ នឹង ករណីទី៣ នៅវេលាម៉ោង ៨យប់ ថ្ងៃទី ១៦ ខែវិច្ចិកា ឆ្នាំ២០២៥ ដដែល ផ្ទះពលរដ្ឋចំនួន ៤ខ្នង នៅចំណុចផ្សារខ្មែរ-ឥស្លាម តាមបណ្តោយផ្លូវលេខ ៣៦៩ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។

សូមបញ្ជាក់ផងដែរថា ៣ករណីនេះ គឺសុទ្ធកើតចេញពីការឆ្លងចរន្តអគ្គិសនី បណ្តាលឲ្យកើតមានអគ្គិភ័យយ៉ាងសន្ធោសន្ធៅ។

ជាមួយគ្នានេះ លោក សាន វឌ្ឍនា មន្រ្តីជំនាញពន្លត់អគ្គិភ័យ បានសំណូមពរប្រជាពលរដ្ឋទូទាំងរាជធានី និង ២៥ ខេត្ត-ក្រុង ទាំងអស់ សូមបង្កើនការប្រុងប្រយ័ត្នឲ្យបានខ្ពស់ នារដូវនេះ ដោយសារតែអាកាសធាតុចាប់ផ្តើមធ្លាក់ខ្យល់ខ្លាំង ត្រូវការពារជៀសវាងមានអគ្គិភ័យកើតឡើងជាយថាហេតុ៕

អត្ថបទ ៖ រដ្ឋា

The post រយៈពេល ២ ថ្ងៃ អគ្គិភ័យលេបត្របាក់ផ្ទះពលរដ្ឋអស់ ២០ ខ្នង ប្រើប្រាស់ឡានទឹក ៦៧ ឡាន appeared first on Kampuchea Thmey Daily.