រដ្ឋបាលរាជធានីភ្នំពេញ កាត់មែកឈើធំៗ ដើម្បីសោភណ្ឌភាពទីក្រុង និង សុវត្ថិភាពអ្នកដំណើរ

រដ្ឋបាលរាជធានីភ្នំពេញបានបន្តចុះកាត់មែកឈើធំៗ នៅតាមដងផ្លូវនៅក្នុងរាជធានីភ្នំពេញ ជៀសវាងការបាក់រលំ ការបិទបាំងភ្លើងស្តុប សញ្ញាចរាចរណ៍ -ល- និង ដើម្បីការពារសុវត្ថិភាពជូនប្រជាពលរដ្ឋពីគ្រោះធម្មជាតិ ព្រោះខ្យល់កន្ទ្រាក់ បក់បោក និង ដើម្បីសោភ័ណ្ឌភាពនៅក្នុងទីក្រុងភ្នំពេញផងដែរ។

ជាក់ស្ដែងថ្ងៃទី៥ខែមករា  ឆ្នាំ២០២៦ ក្រុមសួនច្បារនិង ដើមឈើ នៃរដ្ឋបាលរាជធានីភ្នំពេញ បានបន្តសកម្មភាពចុះកាត់មែកឈើ នៅតាមបណ្ដោយផ្លូវ២១៥ ចាប់ពីចំណុចអាងទឹកអូឡាំពិក រហូតដល់ស្តុកដេអិន ធើ្វការកាត់ទាំងសងខាងផ្លូវ ដែលនៅក្នុងមូលដ្ឋានខណ្ឌ៧មករា និង ខណ្ឌទួលគោក។

សូមបញ្ជាក់ផងដែរ មែកឈើធំៗតែងតែបាំងបិទភ្លើងសញ្ញាចរាចរណ៍ សញ្ញាភ្លើងស្តុប ធ្វើអោយប្រជាពលរដ្ឋធ្វើដំណើរ ឆ្លងកាត់ពិបាក នឹង មេីលភ្លើងសញ្ញា បញ្ជាចរាចរណ៍ ព្រោះ ត្រូវ មែកឈេីធ្លាក់បាំងស្ទេីរតែមេីលមិនឃេីញតែម្ដង បន្ថែមទៀតនោះ រាល់ពេលដែលមានភ្លៀងធ្លាក់ខ្លាំងជាមួយនឹងខ្យល់កន្រ្តាក់តែងតែមានការបាក់រលំមែកឈើមួយចំនួនទៅលើយានយន្តនឹងធ្លាក់ទៅលើដងផ្លូវដែលជាការបង្អាក់ដំណើរចរាចរណ៍និងធ្វើអោយកកស្ទះខ្លាំងនៅក្នុងរាជធានីភ្នំពេញ។

ដូច្នេះរដ្ឋបាលរាជធានីភ្នំពេញបានបញ្ជាឲ្យកម្លាំងចុះកាត់មែកឈើធំៗដែលងាយបាក់រលំពេលដែលភ្លៀងនិងខ្យល់បក់បោកខ្លាំងម្ដងៗ នៅក្នុងនោះផងដែរដូចដែលបងប្អូនប្រជាពលរដ្ឋបានជ្រាបហើយថានៅរដូវកាលនេះគឺជាវាគឺជារដូវភ្លៀងធ្លាក់ខ្លាំងលាយឡំនិងខ្យល់កន្រ្តាក់សូមបងប្អូនប្រជាពលរដ្ឋបង្កើនការការពារសុវត្ថិភាពផ្ទាល់ខ្លួនរាល់ពេលដែលមេឃភ្លៀងខ្លាំងម្តងៗសូមមេត្តាសូមកុំឈប់ឬចតនៅក្រោមដើមឈើធំៗដែលអាចងាយនឹងរងគ្រោះពីការរលំនិងបាក់មែកឈើ៕ដោយ៖ម៉េង