ការចេញមុខអំពាវនាវពីសំណាក់តារាចាស់វស្សា អ្នកនាង ខាត់ សុឃីម នាពេលនេះដោយសារកត់សម្គាល់ ឃើញមកដល់ពេលបច្ចុប្បន្ននេះ គឺនៅតែមានបុគ្គលក្នុងសង្គមខ្មែរមួយចំនួនបន្តការរើសអើងអ្នកស្រលាញ់ភេទដូចគ្នា ខណ:ដែលកន្លងមកក៏មានបងប្អូនអ្នកស្រលាញ់ភេទដូចគ្នាបង្ហាញការអាក់អន់ចិត្តផងដែរ។

អ្នកនាង ខាត់ សុឃីម បានលើកឡើងថា “នាងខ្ញុំសូមអំពាវនាវក៏ដូចជាលើកទឹកចិត្តដល់បងប្អូនស្រលាញ់ភេទដូចគ្នាសូមកុំមានកាបាក់ទឹកចិត្ត ព្រោះពិភពលោកស្រស់ស្អាតនេះកំពុងរង់ចាំយើងគ្រប់គ្នាហើយ សូមបងប្អូនជនរួមជាតិទាំំងអស់ឈប់មានការរើសអើងពួកគាត់ទៀត”។

តារាពហុជំនាញរូបនេះ បន្តថា ជីវិតមនុស្សលោកគឺមានតម្លៃស្មើៗគ្នាមិនថាភេទណា សម្បុរណា ពណ៌ណាទេ គឺមានតម្លៃដូចគ្នា ព្រោះយើងមានសិទ្ធិរស់រាននៅក្នុងពិភពលោកដ៏ស្រស់ស្អាតមួយនេះ និងសង្ឃឹមថា ការរើសអើងគ្មានទៀតទេ ។ ប៉ុន្តែកន្លងមកនៅតែមានមនុស្សមួយចំនួនបានរើសអើងអ្នកស្រលាញ់ភេទដូចគ្នាដូច្នេះសូមបងប្អូនមេត្តាឈប់បែងចែកភេទប្រុសស្រី ឬភេទទី៣ ជាដើម៕ ដោយ ៖ ចាន់រ៉ា

The post ខាត់ សុឃីម លើកទឹកចិត្តអ្នកស្រលាញ់ភេទដូចគ្នា កុំឱ្យបាក់ទឹកចិត្ត និងស្នើបញ្ឈប់ការរើសអើងភេទ appeared first on Kampuchea Thmey Daily.

ជាក់ស្តែង បើទោះបីជាបទឈប់បាញ់ចូលជាធរមានជាង ១ខែហើយក៏ដោយ ក៏យោធាថៃតែងបង្កហេតុឥតឈប់ ដើម្បីឈ្លានពានដែនអធិបតេយ្យកម្ពុជា ហើយថែមទាំងបង្កើតឈុតឆាកសម្តែងបោកជាតិសាសន៍ខ្លួន ព្រមនិងអន្តរជាតិគ្រប់រូបភាព។ មើលឃើញទង្វើមិនចេះចប់មិនចេះហើយនេះ មិនថាសាធារណជនខ្មែរ និងអ្នកសិល្បៈ សុទ្ធតែទទួលអារម្មណ៍ភ្ញាក់ផ្អើលដូចគ្នា ដែលមិននឹកគិតសោះថា យុគសម័យទំនើបសម្បូរដោយធនធានមនុស្សទៅហើយ បែរជាជាតិសាសន៍មួយដែលមានសេដ្ឋកិច្ចធំក្នុងតំបន់អាសុីមួយនេះ អាចបញ្ចេញទង្វើដូចក្មេងបៀមដៃ និងគ្មានវិជ្ជាជីវៈទាល់សោះ ហើយធ្វើឱ្យអន្តរជាតិក៏មើលឃើញថា ទង្វើថោកទាបកម្រិតណា ក៏ថៃអាចធ្វើបានដោយឥតខ្មាស។

តួយ៉ាង តារាពហុជំនាញអ្នកនាង ខាត់ សុឃីម តាមរយៈសារមួយលើទំព័រហ្វេសប៊ុកផ្ទាល់ខ្លួន បានបង្ហើរអត្ថន័យនៃសារមួយថា “គ្មានសម័យកាលណា ដែលខ្មែរយើងស្គាល់ចរិតសៀមច្បាស់ ជាងសម័យបច្ចុប្បន្នឡើយ”។ ក្នុងន័យនេះ អ្នកនាង ខាត់ សុឃីម ទំនងជាសំដៅដល់ទង្វើឈ្លានពាន និងបំពានពលរដ្ឋកម្ពុជាដោយឥតខ្មាសរបស់ថៃ ក្នុងឆ្នាំ២០២៥នេះ ពិតជាធ្វើឱ្យពលរដ្ឋខ្មែរភ្លឺភ្នែក និងព្រមទទួលស្គាល់ថា ថៃ ពិតជាអាក្រក់ និងតែងតែរើសអើងស្អប់ខ្ពើមកម្ពុជា តាមកំណត់ត្រាក្លែងបន្លំប្រវត្តិសាស្ត្ររបស់ប្រទេសខ្លួន។

ទន្ទឹមនឹងការលើកឡើងនេះ មតិភាគច្រើនបានបង្ហាញការយល់ស្រប និងយល់ឃើញរបស់ខ្លួនដែរថា សកម្មភាពបង្កហេតុឈ្លានពានកម្ពុជាឆ្នាំ២០២៥នេះ គួរតែជាការលាតត្រដាងយ៉ាងច្បាស់ពីសន្តានអ្នកជិតខាងកម្ពុជាមួយនេះ និងសង្ឃឹមថា ពលរដ្ឋកម្ពុជាគ្រប់រូប នឹងចងចាំរឿងនេះក្នុងចិត្ត ហើយឈប់គាំទ្រផលិតផលថៃ ឬធ្វើដំណើរកម្សាន្តទេសចរណ៍នៅថៃ ជារៀងដរាប។

គួររំលឹកថា នៅថ្ងៃទី២៨ ខែកក្កដា ឆ្នាំ២០២៥ បន្ទាប់ពីការចរចាដ៏តានតឹង កម្ពុជា-ថៃ បានយល់ព្រមគ្នានូវបទឈប់បាញ់មួយ ដែលសម្របសម្រួលដោយនាយករដ្ឋមន្ត្រីម៉ាឡេស៊ី លោក Anwar Ibrahim និងមានការចូលរួមសង្កេតការណ៍ពីតំណាងសហរដ្ឋអាមេរិក និង ចិន ។ តែទោះជាបែបនេះ ក៏ភាគីថៃមិនបានបង្ហាញសុច្ឆន្ទៈក្នុងការអនុវត្តបទឈប់បាញ់នេះដែរ។

ក្រោយពីបទឈប់បាញ់ចូលជាធរមាន ក្រៅពីប្រើវិធីចាប់ដៃដើម្បីចាប់កងទ័ពកម្ពុជា ២១រូប យកទៅឃុំខ្លួនដោយខុសច្បាប់ កាលពីថ្ងៃទី២៩កក្កដា ហើយប្រគល់មកវិញនូវសាកសពយោធាម្នាក់ និង ២រូបទៀត ក្នុងស្ថានភាពបាត់បង់ស្មារតី និងមានបញ្ហាសុខភាពធ្ងន់ធ្ងរ។

មិនតែប៉ុណ្ណោះ ស្របនឹងបំណងយោធាថៃដែលបង្កហេតុដើម្បីប្រយោជន៍ផ្ទាល់ខ្លួននោះ ទាំងថ្នាក់ដឹកនាំថៃ សារព័ត៌មានជាតិថៃ និងអន្តរជាតិធំៗដែលមានអ្នករាយការណ៍ព័ត៌មានជាជនជាតិថៃ បានបំភ្លៃការពិតទំលាក់កំហុសលើកម្ពុជាមិនឈប់មិនឈរ។

ជាងនេះទៅទៀត ថៃបានបង្កើតឈុតឆាកសម្តែងគ្រប់រូបភាពពុតជាជនរងគ្រោះ ដើម្បីបោកអន្តរជាតិ ហើយក៏បន្តរំលោភដែនអធិបតេយ្យខ្មែរ ដោយការរាយបន្លាលួសព័ទ្ធយកផ្ទះប្រជាពលរដ្ឋក្នុងភូមិជោគជ័យប៉ុន្មានខ្នង, បើកការបាញ់នៅតំបន់អានសេះតែឯង រួចក៏ឈប់វិញតែឯង, ឈូសឆាយដីក្នុងទឹកដីកម្ពុជា, ហើយថ្មីៗនេះ ក៏ប្រើសំឡេងឭៗរំខានអ្នកភូមិរាល់យប់ ដោយទទួលបានការគាំទ្រពីនាយករដ្ឋមន្ត្រីថ្មីថៃ អានុទីន ថែមទៀត។ ខណៈសកម្មភាពបង្កហេតុទាំងនេះ ត្រូវបានសារព័ត៌មានធំៗនៅកម្ពុជា វិភាគថា នោះសុទ្ធតែដើម្បីបញ្ឆះកំហឹងខ្មែរឱ្យល្មើសបទឈប់បាញ់ប៉ុណ្ណោះ។

អត្ថបទពាក់ព័ន្ធ៖ បទវិភាគ៖ តើកម្ពុជា និងថៃ អាចបញ្ចប់ជម្លោះព្រំដែនបានដោយរបៀបណា?

The post ខាត់ សុឃីម ៖ គ្មានសម័យកាលណា ដែលខ្មែរយើងស្គាល់ចរិតសៀមច្បាស់ ជាងសម័យបច្ចុប្បន្នឡើយ appeared first on Kampuchea Thmey Daily.

ក្រោយទទួលការមាក់ងាយប្រមាថពីអ្នកក្បែរខាងកម្ពុជា (សៀម) ថារស់បានដោយសារផលិតផលរបស់គេ មហាជនខ្មែរទាំងក្នុងនិងក្រៅស្រុក បានស្រាក់ដៃគ្នា ឈប់គាំទ្រផលិតផលផ្ទះលេខ២ ដោយងាកមកបង្កើនការផលិត និងគាំទ្រផលិតផលរបស់ជាតិវិញ។ ខណៈអ្នកមានធនធានមួយចំនួន ក៏ចាប់ផ្តើមងាកមកផ្តោតការបង្កើតម៉ាកផលិតផលរបស់ខ្លួន ដែលប្រើធនធានក្នុងស្រុកដើម្បីផលិត ឯសាធារណជនទៀតសោត ក៏រួមគ្នាជាធ្លុងមួយ ឈប់ប្រើ ឈប់នាំចូល ហើយជួយផ្សព្វផ្សាយផងដែរ។

ដោយមើលឃើញស្មារតីរួមចំណែកដ៏ផុសផុលនេះ តារាពហុជំនាញ ខាត់ សុឃីម បានទទូចលើផ្នែកពាក់ព័ន្ធចំនួន៣ ៖
– បើជាម្ចាស់រោងចក្រសិប្បកម្ម ត្រូវខិតខំប្រឹងប្រែងផលិតផលិតផលខ្មែរឱ្យកាន់តែល្អ និងពង្រីកការចែកចាយលើទីផ្សារ។
– បើជាអាជីវករ ត្រូវជួយផ្សព្វផ្សាយផលិតផលខ្មែរ តាមរយៈការនាំយកមកដាក់លក់លើទីផ្សារ និងណែនាំដល់អតិថិជន។ ឯអ្នកបើក Mart កាន់តែងាយស្រួល គឺអាចនាំចូលផលិតផលខ្មែរតាំងបង្ហាញលក់ ដើម្បីជាផ្នែកមួយជួយផ្សព្វផ្សាយផលិតផលខ្មែរផង។
– តែបើជាអ្នករស់នៅក្រៅស្រុក អ្នកផលិតមាតិកា អ្នកសារព័ត៌មាន ពិសេសអ្នកសិល្បៈដែលជាអ្នកដែលមានឥទ្ធិពលលើប្រព័ន្ធផ្សព្វផ្សាយស្រាប់ អ្នកនាង ខាត់ សុឃីម ស្នើរឱ្យចូលរួមចំណែកផ្សព្វផ្សាយផលិតផលខ្មែរតាមដែលអាចធ្វើទៅបាន ក្នុងន័យលើកតម្កើង និងបង្កើនការផលិតផល ដើម្បីជាប្រយោជន៍ដល់សេដ្ឋកិច្ចជាតិផង។

អ្នកនាង ខាត់ សុឃីម បញ្ជាក់ដែរថា សម្រាប់ម្ចាស់ផលិតផលខ្មែរ ដែលមានបំណងចង់ឱ្យខ្លួនជួយផ្សព្វផ្សាយ អាចទាក់ទងបានតាមរយ:លេខទូរស័ព្ទ ០១១/០៨៦ ៦២ ២២ ២១ ឬ ០៧១ ៦៦ ២២ ២២១។

តាមរយ:សកម្មភាព​​នេះ ក៏ទទួលការ​សាទរនិង​គាំទ្រ​យ៉ាង​ខ្លាំង​ពី​មហាជនផងដែរ ស្របក្នុង​ពេល​ដែល​ប្រជាពលរដ្ឋនៅទូទាំងប្រទេសកំពុង​បង្ហាញ​កម្លាំង​សាមគ្គី​ខ្មែរ​ជួយ​ខ្មែរ។ ម្យ៉ាងទៀត ក្រៅពីពិភពសិល្បៈកម្សាន្ត សិល្បករខ្មែរ ក៏ត្រូវបានចាត់ទុកជាតួអង្គដ៏មានឥទ្ធិពលក្នុងការចូលរួមផ្សព្វផ្សាយ និងលើកកម្ពស់ផលិតផលជាតិខ្មែរ ឱ្យបានដល់សាធារណជន និងទីផ្សារផ្សេងៗផងដែរ៕ ចាន់រ៉ា

មិនពិបាករកផលិតផលខ្មែរឡើយ ព្រោះផ្សារពាណិជ្ជកម្ម “CambodiaTrade” មានលក់ផលិតផលក្នុងស្រុក ១០០%

The post ខាត់ សុឃីម សន្យាជួយផ្សាយផលិតផលខ្មែរឥតគិតថ្លៃ និងស្នើអ្នកពាក់ព័ន្ធបន្តពង្រឹងគុណភាព ពង្រីកការផ្សព្វផ្សាយ appeared first on Kampuchea Thmey Daily.

មិនមែនជាលើកដំបូងឡើយ សម្រាប់សកម្មភាពឈ្លានពានរបស់ទ័ពសៀមមកលើអធិបតេយ្យភាពខ្មែរ ប៉ុន្តែក្នុងឆ្នាំ២០២៥នេះ កងទ័ពសៀមដែលក្តោបក្តាប់ដោយមហាក្សត្រនៃប្រទេសមួយនេះ បានបង្កើនសកម្មភាពឈ្លានពានកម្ពុជាកាន់តែខ្លាំង និងឃោរឃៅបំផុតមកលើកម្ពុជា។

ជាក់ស្តែង ក្នុងសង្គ្រាមឈ្លានពានរបស់ទ័ពថៃមកលើកម្ពុជា ចាប់ពីថ្ងៃទី២៤ ខែកក្កដា រហូតដល់មានបទឈប់បាញ់ចូលជាធរមាន នៅថ្ងៃទី២៩ កក្កដា ឆ្នាំ២០២៥ កងទ័ពថៃ បានប្រើសព្វាវុធទំនើបៗរបស់ខ្លួនជាច្រើនប្រភេទ ដែលរួមមានយន្តហោះចម្បាំង F-16 ក៏ដូចជាប្រើផ្សែងពុល ដែលសុទ្ធសឹងជាអាវុធប្រឆាំងនឹងមនុស្សជាតិ មកលើកងទ័ព និងរាស្ត្រកម្ពុជា ជាកំរោលជាទីបំផុត។

មិនតែប៉ុណ្ណោះ ក្រោយបទឈប់បាញ់ កងទ័ពថៃ បានប្រើល្បិចសុំចាប់ដៃបញ្ចប់ជម្លោះជាមួយកម្ពុជា ដើម្បីចាប់ខ្លួនវីរៈកងទ័ពខ្មែរសរុបប្រមាណ២១ រូប ខណៈកាលពីចុងខែកក្កដា បញ្ចូនសាកសពយោធិនមួយរូប និងកាលពីដើមខែសីហា បញ្ជូនយោធិនមកកម្ពុជាវិញ ២រូប ជាមួយនឹងសភាពធ្វើឱ្យមហាជនកម្ពុជាសង្វេគជាពន់ពេក។ ខណៈបច្ចុប្បន្ន ប្រមុខរាជរដ្ឋាភិបាល និងមន្ត្រីពាក់ព័ន្ធក៏កំពុងបន្តដំណើរការនិតិវិធីជំរុញឱ្យកងទ័ពថៃ ឆាប់បញ្ជូនយោធិនខ្មែរសេសសល់មកកម្ពុជាវិញ។

ដោយក្តីឈឺចាប់ឥតឧបមាមិនខុសគ្នាពីជនរួមជាតិខ្មែរ តារាពហុជំនាញរូបនេះ មិនត្រឹមតែចេញមុខស្នើសុំប៉ុណ្ណោះទេ ថែមទាំងប្រកាសថា បើសិនផលិតរឿងតាមសំណើរបានមែន ខ្លួន រួមនិងក្រុមគ្រួសារ មិនយកកម្រៃថតនោះឡើយ។

តបនឹងសំណើរនេះ លោក ហ្វៃ សំអាង បានសម្តែងការអរគុណដល់អ្នកនាង​ ខាត់ សុឃីម ដែលនឹកឃេីញដល់លោក ក្នុងគ្រាត្រូវការស្នើសុំផលិតករផលិតរឿងទាក់ទងនឹងជាតិ។ យ៉ាងណា ទាក់ទងនឹងការផលិតកុនទាក់ទងនឹងសាច់រឿងនេះ លោកកំពុងសិក្សា ពិភាក្សា និងដាក់សំណើរទៅកាន់ថ្នាក់ដឹកនាំជាមុនសិន។

លោក ហ្វៃ សំអាង បន្ថែមថា “អរគុណច្រេីន​ចំពោះទឹកចិត្តបងប្អូនជនរួមជាតិយេីងដែលមានឆន្ទៈ​មនសិការ​ស្នេហា​ជាតិ​មាតុ​ភូមិ​ រួមសាមគ្គី​គ្នា​ក្រោមការដឹកនាំដ៏ឆ្លាត​វៃ​របស់ សម្តេច​តេជោ​ ហ៊ុន​ សែន​ និងសម្តេចមហាបវធិបតី ហ៊ុន​ ម៉ាណែត​ កម្ពុជា​ឈ្នះ​លេី​សមរភូមិ​មុខ ​និង​សមរភូមិ​ការ​ទូត”។

សូមបញ្ជាក់ដែរថា កងទ័ពថៃបានបើកការឈ្លានពានកម្ពុជានៅថ្ងៃទី២៤ ខែកក្កដាឆ្នាំ២០២៥ ដែលបណ្តាលឲ្យមានមនុស្សស្លាប់និងរងរបួស ខណៈពលរដ្ឋភៀសសឹកកម្ពុជាជាង ១៧មុឺននាក់ ត្រូវឃ្លាតឆ្ងាយពីផ្ទះសម្បែង មិនអាចប្រកបរបរចិញ្ចឹមជីវិត។

ថៃបានប្រព្រឹត្តិឧក្រិដ្ឋកម្មសង្គ្រាមតាមរយៈការប្រើប្រាស់គ្រាប់បែកចង្កោម និងផ្សែងពុលរំលោភច្បាប់អន្តរជាតិ ហើយថែម ទាំងបង្កការខូចខាតធ្ងន់ធ្ងរដល់ប្រាសាទព្រះវិហារ ដែលត្រូវបានដាក់បញ្ចូលក្នុងសម្បត្តិបេតិកភណ្ឌរបស់អង្គការយូណេស្កូផងដែរ៕ ចាន់រ៉ា

The post សំណើរតារាពហុជំនាញ ខាត់ សុឃីម សុំឱ្យលោក ហ្វៃ សំអាង ផលិតរឿងដែលកម្ពុជារងការឈ្លានពាន ត្រូវបានយកទៅពិភាក្សាឆ្លងយោបល់ appeared first on Kampuchea Thmey Daily.

តួយ៉ាង ការចេញមុខស្នើសុំនេះ គឺបន្ទាប់ពីមានការវែកញែកនូវរឿងរ៉ាវផ្ទាល់ខ្លួន នៃតារាចម្រៀងល្បីឈ្មោះ ២ដួង ហើយកាន់តែវែងឆ្ងាយ រហូតឈានដល់កើតជាជម្លោះដល់អ្នកគាំទ្រទាំងសងខាងថែមទៀត។

តារាស្រីអ្នកនាង ខាត់ សុឃីម បាននិយាយក្នុងនាមជាអ្នកសិល្ប: និងពលរដ្ឋមួយរូបថា សូមឱ្យអ្នកសិល្ប:ក៏ដូចជាអ្នកដែលពាក់ព័ន្ធនៅក្នុងជម្លោះទាំងអស់ គួរណាត់គ្នាជួបខាងក្រៅរកខុសត្រូវដោះស្រាយ ដោយយល់ថា រឿងនេះកាន់តែក្តៅទប់លែងជាប់រៀងខ្លួនទៅហើយ។

អ្នកនាង ខាត់ សុឃីម បន្តទៀតថា “អ្នកទាំងអស់គ្នាសុទ្ធតែមានឥទ្ធិពលទេពកោសល្យអាចធ្វើឱ្យអ្នកគាំទ្រសើច យំ សប្បាយ ខឹងតាមបានក្នុងអ្នកគាំទ្រនោះ ក៏មានបងម្នាក់ដែរដូច្នេះសូមប្អូនៗទាំងអស់ បើអាចបញ្ចប់បានគួរតែបញ្ចប់ទៅ”។

យោងតាមបញ្ហាបង្កជាជម្លោះនេះ តារាពហុជំនាញ ខាត់ សុឃីម ក៏សំណូមពរជាពិសេសដល់គ្រប់កម្មពិធីដែលសម្ភាសអ្នកសិល្បៈទាំងអស់ដូច្នេះថា “មេត្តាអធ្យាស្រ័យសម្រួលសំណួរ ឬកាត់ចោលខ្លះទៅនូវសំណួររណាដែលអាចបង្កឱ្យមានបញ្ហាដល់សង្គម និងអ្នកដទៃ”។

បន្ថែមពីនេះ តារាពហុជំនាញ ខាត់ សុឃីម បានលើកឡើងដែរថា “បងគោរពស្រលាញ់ប្អូនៗ និងទទួលស្គាល់សមត្ថភាពទាំងអស់គ្នាថាជាធនធានល្អ អាចជួយឱ្យសិល្បៈខ្មែរបានរីកចម្រើនបន្ថែមទៀត”។

ដ្បិតមិនបានបញ្ចាក់ថាអ្នកណាខ្លះ និងបញ្ហាអី ប៉ុន្តែថ្មីៗនេះក្នុងចង្កោមអ្នកសិល្បៈ កើតមានជម្លោះផ្ទាល់ខ្លួនមួយរវាងតារាជើងចាស់ យក់ ឋិតរដ្ឋា និងតារាស្រីម្នាក់ ដែលអ្នកពាក់ព័ន្ធនិងស្និតស្នាលជាមួយតារាចម្រៀងទាំងពីរដួងនេះ ទម្លាយថា គឺអ្នកនាង ពេជ្រ សូលីកា ។

គួរជម្រាបថា រឿងរ៉ាវដែលផ្តើមចេញពីអ្នកសិល្បៈ ២ដួងនេះ បានបង្កជាជម្លោះដល់សាធារណជនដែលជាអ្នកគាំទ្រ ខណៈប៉ុន្មានថ្ងៃនេះ មានការវែកញែកនិងហែកហួរគ្នាកាន់តែក្តៅទៅៗក្នុងចង្កោមអ្នកសិល្បៈ និងសូម្បីតែបុគ្គលល្បីៗក៏ជ្រៀតខ្លួនមកពាក់ព័ន្ធផងដែរ។ យ៉ាងណា រឿងរ៉ាវអ្នកសិល្បៈជើងចាស់មួយចំនួន បានបង្ហាញអារម្មណ៍សោកស្តាយ និងមិនចង់ឃើញការបែកបាក់ក្នុងរង្វង់អ្នកសិល្បៈបែបនេះឡើយ និងសង្ឃឹមថា រឿងនឹងមិនវែងឆ្ងាយជាងនេះ៕ ចាន់រ៉ា

The post តារាពហុជំនាញ ខាត់ សុឃីម ស្នើអ្នកពាក់ព័ន្ធក្នុងជម្លោះអ្នកសិល្បៈ ណាត់គ្នារកខុសត្រូវបញ្ចប់រឿង កុំឱ្យកាន់តែក្តៅ appeared first on Kampuchea Thmey Daily.

កន្លងទៅ តារា​ពហុ​ជំនាញ​រូបនេះ ធ្លាប់បាន​ធ្វើការ​ចែករំលែក​នូវ​បទ​ពិសោធនផ្ទាល់ខ្លួនម្តងរួចមកហើយ ជុំវិញការ​ដោះស្រាយ​បំណុល។ អ្នកនាង ខាត់ សុឃីម បានបញ្ជាក់ថាដោយសារតែរឿងបំណុលពេលខ្លះបានធ្វើឱ្យមនុស្សមួយចំនួនគិតខ្លី និងខ្លះទៀតក្លាយជាមនុស្សបាត់បង់ម្ចាស់ការលើខ្លួនឯងស្ទើរលែងជាមនុស្សនេះ ដោយសារតែរឿងបំណុល។

ងាកមកចាប់អារម្មណ៍មុននេះតារាចម្រៀង ខាត់ សុឃីម បានលើកឡើងថា នាងធ្លាប់ដួលធ្លាប់ឈឺចាប់ ធ្លាប់គេប្រមាថមើលងាយធ្លាប់គេបំបាក់ទឹកចិត្ត ធ្លាប់បាត់បង់ (ជីវិតក្រោមសូន្យ) ធ្លាប់ស្ទើរតែគ្រប់រឿងតែនាងពុំធ្លាប់មានចិត្តចង់បោះបង់និងចុះចាញ់ឡើយ។ ជីវិតគឺជាជម្រើសសូមកុំបោះបង់ខ្លួនឯងគឺត្រូវរឹងមាំ។

អ្នកនាងខាត់ សុឃីមថ្វីត្បិតបច្ចុប្បន្នអ្នកនាងមានវ័យ រៀងច្រើនបន្តិចហើយក្តីតែសម្រាប់អាជីពសិល្ប: និងមុខជំនួញតែនៅទទួលបានការគាំទ្រហើយមានភាពជោគជ័យព្រមគ្នាមិនចាញ់អ្នកសិល្ប:ឯទៀតឡើយ។

ប្រាកដណាស់អ្នកនាង ខាត់ សុឃីម ត្រូវបានអ្នកគាំទ្រចាត់ទុកថា នាងជាតារាស្រីពហុជំនាញដែលអាចលេងបានគ្រប់ទម្រង់ទាំងបុរាណ-សម័យ ហើយជីវិតក៏មានភាពលេចធ្លោខ្លាំងផងដែរ៕ អត្ថបទ៖ ចាន់រ៉ា

The post ខាត់ សុឃីម ណែនាំអ្នកជួបរឿងបាក់ទឹកចិត្ត ដាច់ខាតកុំបោះបង់ខ្លួនឯង ទោះជីវិតធ្លាក់ដល់ចំណុចសូន្យ appeared first on Kampuchea Thmey Daily.

ការ​ប្រកាស​របស់​តារា​ស្រី​អ្នកនាង ខាត់ សុឃីម នេះ​បាន​ធ្វើឡើង​បន្ទាប់ពី​មាន​បុគ្គល​ដែល​ព្យាយាម​ធ្វើការ​ទាក់ទង និង​អូសទាញ​ពាក់ព័ន្ធ​ការ​លេង​ល្បែង​តាម​អន​ឡាញ។ បើ​តាម​ការ​កត់​សម្គាល់ នេះ​មិនមែន​ទើប​ជា​លើក​ទី ១ នោះ​ទេ ដែល​តារា​ស្រី​ល្បី​ឈ្មោះ ខាត់ សុឃីម បាន​ប្រកាស​មិន​លេង ឬ មិន​ផ្សព្វផ្សាយ​ល្បែង​ស៊ីសង។

អ្នកនាង ខាត់ សុឃីម បាន​បញ្ចេញ​ប្រតិកម្ម​ដូច្នេះ​ថា hello បង បង​ចង់​លេង​ហ្គេម online អត់? ភ្លាមៗ អ្នកនាង​ក៏​បញ្ជាក់​ថា «ដដែលៗ ពេក​ហើយ ពូជ​បង​អត់​ចេះ​លេង​ល្បែង​ទេ ចេះ​តែ​ផឹក»។ ជាមួយ​ការ​ប្រកាស​នេះ​ដែរ ឃើញ​មាន​មហាជន​ជាច្រើន​បង្ហាញ​ការ​គាំទ្រ​ចំពោះ​តារា​ស្រី​អ្នកនាង ខាត់ សុឃីម ដែល​នេះ​ជា​រឿង​ដ៏​គំរូ​ល្អ​សម្រាប់​សង្គម។

សូម​បញ្ជាក់​ថា កន្លងមក​ធ្លាប់​មាន​តារា​សម្តែង​ជើងចាស់​ល្បីឈ្មោះ លោក សាវិន ហ្វីលីព ក៏​ប្រកាស​ឆន្ទៈ​ដាច់ខាត​មិន​ទទួល​ផ្សព្វផ្សាយ​ល្បែង និង​គ្រឿង​ស្រវឹង​ឡើយ។ ទង្វើ​នេះ កំពុង​ទទួល​បាន​ការ​គាំទ្រ និង​សរសើរ ពី​សំណាក់​មហាជន ដែល​ជា​គំរូ​ដ៏​ល្អ​សម្រាប់​សង្គម​ផង​ដែរ៕

អត្ថបទ ៖ ចាន់រ៉ា

The post ដដែលៗ ពេក ! ខាត់ សុឃីម ផ្ទុះប្រតិកម្មយ៉ាងចាស់ដៃ ក្រោយមានអ្នកព្យាយាមអូសទាញរឿងលេងល្បែង appeared first on Kampuchea Thmey Daily.

តាមរយៈឃ្លីបខ្លីមិនដល់ ១នាទី តារាពហុជំនាញរូបនេះ បានរៀបរាប់ថា សម្រាប់អ្នកនាង ក្នុងនាមជាអ្នកសិល្បៈមួយរូប មិន តាំងពីដើមមក អ្នកនាងតែងបដិសេធ និងមិនធ្លាប់ចូលរួមផ្សាយល្បែងហ្គេមអនឡាញនោះឡើយ និងសង្កត់ធ្ងន់ថា បើទោះបីជាឱ្យប៉ុន្មានលានក៏ដោយ ក៏អ្នកនាងមិនចូលរួមផ្សព្វផ្សាយជាដាច់ខាត។

គួររំលឹកថា កាលពីឆ្នាំ២០២៣ កន្លងទៅ តារាពហុជំនាញរូបនេះ ធ្លាប់បាន​ប្រកាស​ឆន្ទៈ​របស់​ខ្លួន​ម្តងរួចមកហើយ ដែលកាលណោះ មាន​ភ្នាក់ងារល្បែងអនឡាញមួយរូប បាន​ទំនាក់ទំនង​មក​នាង​សួរ​នាំ​បញ្ចុះបញ្ចូល​ឲ្យ​អ្នកនាងចូលរួម​ផ្សព្វ​ផ្សាយ​ល្បែង​ស៊ីសង។ ជា​ចម្លើយ​របស់​អ្នកនាង ខាត់ សុឃីម គឺ​ដាច់ខាត​មិន​ទទួល​ការ​ផ្សព្វផ្សាយ​ពាណិជ្ជកម្ម​ណា ដែល​ពាក់ព័ន្ធ​ការ​លេង​ល្បែងស៊ីសងនោះ​ឡើយ។

ពាក់ព័ន្ធនឹងការផ្សព្វផ្សាយល្បែងអនឡាញនេះដែរ ថ្មីៗនេះ ហ៊ាទី ដែលមហាជនស្គាល់ថា ជាអ្នកផលិតមាតិកាបែបកំប្លុងកំប្លែងមួយរូប ដែលចាប់ដៃគ្នាជាក្រុមនឹងសមាជិកល្បីឈ្មោះ ២រូបទៀត គឺអ្នកនាង ស៊ូស៉ី និង ចែជឿន និងតែងធ្វើឱ្យសាធារណជនសើចក្អាកក្អាយនោះ ក៏បានប្រកាសជាសាធារណៈ ដោយសច្ចាថា មិនទទួលផ្សាយកម្មវិធីល្បែងអនឡាញដាច់ខាត៕

ហ៊ាទី ប្រកាសថា សច្ចាមិនទទួលផ្សព្វផ្សាយកម្មវិធីហ្គេមអនឡាញដាច់ខាត (មានវីដេអូ)

The post អ្នកនាង ខាត់ សុឃីម បញ្ជាក់ច្បាស់ៗថា មិនផ្សាយល្បែងអនឡាញដាច់ខាត ទោះឱ្យប៉ុន្មានលានក៏ដោយ appeared first on Kampuchea Thmey Daily.