ជីវិតកម្សាន្ដ

ដដែលៗ ពេក ! ខាត់ សុឃីម ផ្ទុះប្រតិកម្មយ៉ាងចាស់ដៃ ក្រោយមានអ្នកព្យាយាមអូសទាញរឿងលេងល្បែង

បានផុស

២ years មុន

នៅ

ថ្ងៃព្រហស្បតិ៍ ២ មករា ២០២៥

ដោយ

តារាស្រីពហុជំនាញ អ្នកនាង ខាត់ សុឃីម បានសម្ដែងការហួសចិត្ត និងប្រកាសឆន្ទៈរបស់ខ្លួនជាថ្មី ដាច់ខាតមិនទទួលការផ្សព្វផ្សាយពាណិជ្ជកម្មពាក់ព័ន្ធល្បែងស៊ីសងឡើយ ដោយអះអាងថា គ្រួសារនាងពុំមានអ្នកណាចេះលេងល្បែងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់តារាស្រីអ្នកនាង ខាត់ សុឃីម នេះបានធ្វើឡើងបន្ទាប់ពីមានបុគ្គលដែលព្យាយាមធ្វើការទាក់ទង និងអូសទាញពាក់ព័ន្ធការលេងល្បែងតាមអនឡាញ។ បើតាមការកត់សម្គាល់ នេះមិនមែនទើបជាលើកទី ១ នោះទេ ដែលតារាស្រីល្បីឈ្មោះ ខាត់ សុឃីម បានប្រកាសមិនលេង ឬ មិនផ្សព្វផ្សាយល្បែងស៊ីសង។

អ្នកនាង ខាត់ សុឃីម បានបញ្ចេញប្រតិកម្មដូច្នេះថា hello បង បងចង់លេងហ្គេម online អត់? ភ្លាមៗ អ្នកនាងក៏បញ្ជាក់ថា «ដដែលៗ ពេកហើយ ពូជបងអត់ចេះលេងល្បែងទេ ចេះតែផឹក»។ ជាមួយការប្រកាសនេះដែរ ឃើញមានមហាជនជាច្រើនបង្ហាញការគាំទ្រចំពោះតារាស្រីអ្នកនាង ខាត់ សុឃីម ដែលនេះជារឿងដ៏គំរូល្អសម្រាប់សង្គម។

សូមបញ្ជាក់ថា កន្លងមកធ្លាប់មានតារាសម្តែងជើងចាស់ល្បីឈ្មោះ លោក សាវិន ហ្វីលីព ក៏ប្រកាសឆន្ទៈដាច់ខាតមិនទទួលផ្សព្វផ្សាយល្បែង និងគ្រឿងស្រវឹងឡើយ។ ទង្វើនេះ កំពុងទទួលបានការគាំទ្រ និងសរសើរ ពីសំណាក់មហាជន ដែលជាគំរូដ៏ល្អសម្រាប់សង្គមផងដែរ៕

អត្ថបទ ៖ ចាន់រ៉ា