ការអញ្ជើញចុះជួបសំណេះសំណាលជាមួយកម្មករ-និយោជិត ប្រកបដោយបរិយាកាសរីករាយ និង ភាពស្និទ្ធស្នាល នាពេលនេះ គឺជាឱកាសមួយដ៏មានសារៈសំខាន់សម្រាប់ថ្នាក់ដឹកនាំក្នុងការសាកសួរសុខទុក្ខដោយផ្ទាល់ និង ឈ្វេងយល់ពីស្ថានភាពការងារប្រចាំថ្ងៃពួកគាត់ ដើម្បីផ្តល់ជូនជាដំណោះស្រាយជាបន្តបន្ទាប់ ស្របតាមអនុសាសន៍ណែនាំដ៏ខ្ពង់ខ្ពស់ទាំង ១០ ចំណុច របស់ សម្តេចតេជោ និង ទាំង ១០ ចំណុច របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលខិតខំបង្កើតឱកាសការងារជូនប្រជាពលរដ្ឋ និង ប្រែក្លាយសហគ្រាសមួយជាសហគមន៍សុខសាន្តមួយ។

នាឱកាសនោះ លោក ហេង សួរ ក៏បានផ្តាំផ្ញើការសួរសុខទុក្ខពីសំណាក់ សម្តេចធិបតី និង លោកជំទាវបណ្ឌិត ដែលតែងតែយកចិត្តទុកដាក់ខ្ពស់ចំពោះសុខទុក្ខកម្មករ-និយោជិត និង គិតគូរធ្វើឲ្យជីវភាពរស់នៅរបស់កម្មករកាន់តែប្រសើរឡើង។ លោករដ្ឋមន្រ្តី ក៏បានជម្រាបជូនកម្មករ-និយោជិត ពីការប្រឹងប្រែងរបស់ក្រសួងការងារ និង បណ្តុះបណ្តាលវិជ្ជាជីវៈ ក្នុងការធានាឲ្យមានសុខដុមនីយកម្មទំនាក់ទំនងវិជ្ជាជីវៈ ដោយបង្កើននូវទំនាក់ទំនងយ៉ាងជិតស្និទ្ធរវាងកម្មករ-និយោជិត និង ម្ចាស់រោងចក្រ សហគ្រាស រួមគ្នាដោះស្រាយរាល់បញ្ហា ចៀសវាងវិវាទការងារដែលនាំដល់ការធ្វើកូដកម្មខុសនីតិវិធីច្បាប់។ ក្នុងករណីមានបញ្ហាដែលពិបាកដោះស្រាយ ឬ មិនច្បាស់លាស់លើចំណុចណាមួយនៅកន្លែងការងារ សូមទាក់ទងជាបន្ទាន់មកលេខ ១២៨៦ ដើម្បីក្រុមមន្រ្តីផ្សះផ្សាវិវាទរបស់ក្រសួង ឬ មន្ទីរការងារ ចុះសម្របសម្រួល ឬ ពន្យល់ជូន និង លេខ ១២៩៧ សម្រាប់ព័ត៌មានឱកាសការងារ ឬ រៀនជំនាញវិជ្ជាជីវៈ។ លោករដ្ឋមន្រ្តី ក៏បានលើកទឹកចិត្តឲ្យមានការចុះឈ្មោះចូលរៀនជំនាញវិជ្ជាជីវៈតាមរយៈកម្មវិធី TVET ១,៥ លាន ផងដែរ។

លោកបានថ្លែងអំណរគុណយ៉ាងជ្រាលជ្រៅ និង វាយតម្លៃខ្ពស់ចំពោះម្ចាស់រោងចក្រដែលបានផ្តល់ឱកាសការងារ និង អនុវត្តប្រកបដោយអនុលោមភាពតាមច្បាប់ស្តីពីការងារបានយ៉ាងល្អប្រសើរ ក៏ដូចជាផ្តល់អត្ថប្រយោជន៍នានាជូនដល់កម្មករ-និយោជិត។ រោងចក្រនេះ មានការគ្រប់គ្រង និង ដំណើរការចង្វាក់ផលិតកម្មទំនើបដោយប្រព័ន្ធបច្ចេកទេសស្វ័យប្រវត្តិកម្ម (automation) និង កន្លែងធ្វើការមានផាសុកភាពល្អផងដែរ។ លក្ខខណ្ឌការងារ និង លក្ខខណ្ឌសុវត្ថិភាព និង សុខភាពការងារនៅរោងចក្រមានស្តង់ដារខ្ពស់ ហើយកម្មករ-និយោជិត ទទួលបានអត្ថប្រយោជន៍ជាច្រើន រួមទាំងអត្ថប្រយោជន៍ពីបេឡាជាតិសន្តិសុខសង្គម (ប.ស.ស)។

ក្នុងបរិយាកាសប្រកបដោយភាពស្និទ្ធស្នាលនេះ កម្មករ-និយោជិត បានសម្តែងនូវសេចក្តីត្រេកអរយ៉ាងក្រៃលែងចំពោះវត្តមានរបស់ថ្នាក់ដឹកនាំក្រសួង ដែលពិតជាបង្ហាញឲ្យឃើញពីការយកចិត្តទុកដាក់ខ្ពស់ និង ផ្តល់ភាពកក់ក្តៅដល់ពួកគាត់ ស្របតាមអនុសាសន៍ដ៏ខ្ពង់ខ្ពស់របស់ សម្ដេចធិបតី។

រោងចក្រ ស៊ិនគី អឹភែរឹល បានបើកដំណើរការកាលពីឆ្នាំ ២០២៥ ដែលជាប្រភេទរោងចក្រ កាត់ដេរសម្លៀកបំពាក់ សម្រាប់ផ្គត់ផ្គង់ឲ្យម៉ាកល្បីៗ នៅលើពិភពលោក ដូចជា ម៉ាក UNIQLO។ បច្ចុប្បន្ន មានកម្មករ-និយោជិត បំពេញការងារចំនួន ៦ ៦១៤ នាក់ (ស្រី ៥ ១២៦ នាក់) ដែលទទួលបានលក្ខខណ្ឌការងារល្អ និង អត្ថប្រយោជន៍ផ្សេងៗ ជាច្រើន រួមមាន ៖ កន្លែងសម្រាប់កម្មករ-និយោជិត ទទួលទានអាហារ និង ផ្តល់បាយថ្ងៃត្រង់ដោយមិនគិតថ្លៃជាដើម៕

The post រដ្ឋមន្រ្តីក្រសួងការងារ បន្តជំរុញសុខដុមនីយកម្មវិជ្ជាជីវៈ តាមរយៈការចុះជួបកម្មករផ្ទាល់ appeared first on Kampuchea Thmey Daily.

លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានថ្លែងថា៖ ប្រតិបត្តិការនេះ ត្រូវបានអនុវត្តយ៉ាងតឹងរឹង និងទូលំទូលាយគ្រប់៨ក្រុងស្រុក ក្នុងគោលបំណងទប់ស្កាត់ និងបង្ក្រាបបទល្មើសបច្ចេកវិទ្យា ជាពិសេសសកម្មភាពឆបោកតាមប្រព័ន្ធអនឡាញ ដែលអាចបង្កអសន្តិសុខ និងប៉ះពាល់ដល់សណ្តាប់ធ្នាប់សាធារណៈ។ ការចុះស្រាវជ្រាវនេះ មិនមែនទើបតែអនុវត្តនៅថ្ងៃនេះនោះទេ ប៉ុន្តែអាជ្ញាធរបានធ្វើការតាមដាន និង ស៊ើបអង្កេតជាបន្តបន្ទាប់អស់រយៈពេលជាច្រើនខែមកហើយ ហើយក្នុងថ្ងៃនេះ លោកអភិបាលខេត្ត និងលោកព្រះរាជអាជ្ញា បានដឹកនាំប្រតិបត្តិការធំទូទាំងខេត្ត ដើម្បីកំណត់ថាទីតាំងនោះ មានពាក់ព័ន្ធ ឬមិនមានពាក់ព័ន្ធនឹងបទល្មើសស្កេមអនឡាញ។

ជាមួយគ្នានោះ អាជ្ញាធរខេត្តកំពង់ឆ្នាំង ក៏បានអំពាវនាវដល់ម្ចាស់អាជីវកម្ម ម្ចាស់ផ្ទះជួល និងប្រជាពលរដ្ឋទាំងអស់ សហការផ្តល់ព័ត៌មានដល់សមត្ថកិច្ច ប្រសិនបើមានការសង្ស័យពាក់ព័ន្ធ នឹង សកម្មភាពខុសច្បាប់ ឬការប្រើប្រាស់ទីតាំងសម្រាប់ប្រព្រឹត្តបទល្មើសស្កេមអនឡាញ៕ អត្ថបទ៖ វ៉ាន់ សេដ្ឋា

The post អាជ្ញាធរខេត្តកំពង់ឆ្នាំង បើកយុទ្ធនាការត្រួតពិនិត្យរោងចក្រ សណ្ឋាគារ និងផ្ទះជួល ស្វែងរកបទល្មើសស្កេមអនឡាញ appeared first on Kampuchea Thmey Daily.

តាមការស្រាវជ្រាវបឋមបានបញ្ជាក់ថា រថយន្តដឹកទំនិញធុនធ្ងន់ (V1) បានបើកទៅបុករថយន្តដឹកកម្មកររោងចក្រពីក្រោយ បណ្តាលឲ្យរថយន្តនោះជ្រុលទៅបុករថយន្តម៉ាក Nissan មួយគ្រឿងដែលធ្វើដំណើរស្របទិសគ្នា។ បន្ទាប់មក រថយន្ត Nissan ក៏បានជ្រុលទៅបុករថយន្តដឹកកម្មកររោងចក្រមួយគ្រឿងទៀត ដែលធ្វើដំណើរខ្វែងទិសគ្នា បង្កឲ្យមានអ្នកស្លាប់ និង របួសជាច្រើននាក់។ គ្រោះថ្នាក់នេះបណ្តាលឲ្យមនុស្សស្លាប់ចំនួន ៨ នាក់ ក្នុងនោះ មានប្រុស ១ នាក់ និង របួស ៤៥ នាក់ ក្នុងនោះ របួសស្រាល ៣៥ នាក់ និង របួសធ្ងន់ ១០ នាក់។ ជនរងគ្រោះ ត្រូវបានសមត្ថកិច្ច និង ក្រុមសង្គ្រោះ បញ្ជូនទៅសង្គ្រោះនៅមន្ទីរពេទ្យជាបន្ទាន់។

បច្ចុប្បន្ន សមត្ថកិច្ចជំនាញ កំពុងបន្តស្រាវជ្រាវ ដើម្បីកំណត់មូលហេតុពិត និង ចាត់វិធានការតាមផ្លូវច្បាប់ចំពោះអ្នកពាក់ព័ន្ធ។ គ្រោះថ្នាក់ចរាចរណ៍ដ៏ធ្ងន់ធ្ងរនេះ បានបង្កឲ្យមានការភ្ញាក់ផ្អើល និង សោកស្តាយយ៉ាងខ្លាំងពីសំណាក់ប្រជាពលរដ្ឋក្នុងមូលដ្ឋាន និង អ្នកធ្វើដំណើរតាមដងផ្លូវជាតិលេខ ៥៕
អត្ថបទ ៖ វ៉ាន់សេដ្ឋា

The post ព្រះរាជអាជ្ញាខេត្តកំពង់ឆ្នាំង ដឹកនាំសមត្ថកិច្ចចុះស្រាវជ្រាវករណីគ្រោះថ្នាក់ចរាចរណ៍ស្លាប់ ៨ នាក់ appeared first on Kampuchea Thmey Daily.

តាមរបាយការណ៍បឋមបានឲ្យដឹងថា រថយន្តវ៉េអងមួយគ្រឿងបានបើករ៉េចង្កូតទៅបុករថយន្តស៊ាំងយ៉ុងដឹកសិស្សសាលា ដែលកំពុងរង់ចាំបត់ រួចបានរុលទៅបុករថយន្តដឹកកម្មកររោងចក្រចំនួន ២គ្រឿងបន្ថែមទៀត បង្កឲ្យមានមនុស្សស្លាប់ និងរបួសជាច្រើននាក់។

គិតត្រឹមម៉ោង ០៧:៥៥នាទីថ្ងៃដដែល អាជ្ញាធរបានបញ្ជាក់ថា គ្រោះថ្នាក់នេះបណ្តាលឲ្យមនុស្សស្លាប់ចំនួន ០៩នាក់ ក្នុងនោះមានប្រុស ០១នាក់ និងរងរបួសចំនួន ៤៥នាក់ ក្នុងនោះរបួសស្រាល ៣៥នាក់ (ប្រុស ០១នាក់) និងរបួសធ្ងន់ ១០នាក់ (ប្រុស ០១នាក់)។

ក្រោយកើតហេតុ កម្លាំងសមត្ថកិច្ច និងក្រុមសង្គ្រោះបានចុះអន្តរាគមន៍ភ្លាមៗ ដើម្បីជួយដឹកជនរងគ្រោះទៅសង្គ្រោះនៅមន្ទីរពេទ្យ និងសម្រួលចរាចរណ៍នៅកន្លែងកើតហេតុ។ សមត្ថកិច្ចកំពុងបន្តស្រាវជ្រាវរកមូលហេតុនៃគ្រោះថ្នាក់នេះ៕

អត្ថបទ៖ វ៉ាន់ សេដ្ឋា

The post Update៖ ករណីបុករះរថយន្តដឹកកម្មកររោងចក្រនៅកំពង់ឆ្នាំង មានអ្នកស្លាប់ ៩នាក់ និងរបួស ៤៥នាក់ appeared first on Kampuchea Thmey Daily.

ការលើកឡើងរបស់លោក ងិន ហ៊ុន បានធ្វើឡើងក្នុងពិធីប្រកាសចូលកាន់តំណែងនាយខណ្ឌរដ្ឋបាលជលផលកំពង់ឆ្នាំង នាថ្ងៃទី១៨ ខែឧសភា ឆ្នាំ២០២៦ ដែលលលោក តាត សីហាក់ នាយរងខ័ណ្ឌរដ្ឋបាលជលផលកំពង់ឆ្នាំង បានប្រកាសឡើងកាន់តំណែងជានាយខ័ណ្ឌរដ្ឋបាលជលផលកំពង់ឆ្នាំង ជំនួសលោក លី ឡា នាយខ័ណ្ឌចាស់ដែលបានចូលនិវត្តន៍។

កំណើនផលត្រីនៅឆ្នាំ២០២៥នេះ គឺជាលទ្ធផលនៃការខិតខំប្រឹងប្រែងរួមគ្នារវាងមន្ត្រីជំនាញរដ្ឋបាលជលផល អាជ្ញាធរមូលដ្ឋាន កងកម្លាំងសមត្ថកិច្ច កម្លាំងកងទ័ព និងសហគមន៍នេសាទ ក្នុងការអនុវត្តវិធានការអភិរក្សធនធានជលផល និងការបង្ក្រាបបទល្មើសនេសាទខុសច្បាប់ឱ្យមានប្រសិទ្ធភាព។ ក្នុងរយៈពេលកន្លងមក មន្ត្រីជំនាញបានបង្កើនការចុះត្រួតពិនិត្យ និងបង្ក្រាបបទល្មើសនេសាទនៅតាមដងទន្លេ បឹង និងតំបន់អភិរក្សនានា ព្រមទាំងធ្វើការដកហូតឧបករណ៍នេសាទខុសច្បាប់ជាច្រើន ដែលជាកត្តាសំខាន់ក្នុងការជួយអោយធនធានត្រីមានការកើនឡើងវិញ។ លោក បានកោតសរសើរចំពោះការចូលរួមរបស់ប្រជាសហគមន៍នេសាទ ដែលបានសហការយ៉ាងជិតស្និទ្ធជាមួយអាជ្ញាធរ និងមន្ត្រីជំនាញ ក្នុងការការពារតំបន់អភិរក្ស និងទប់ស្កាត់បទល្មើសផ្សេងៗ ដែលប៉ះពាល់ដល់ធនធានជលផល។

លោក ពេជ្រ កែវមុនី អភិបាលរងខេត្តកំពង់ឆ្នាំង បានថ្លែងថា៖ ខេត្តកំពង់ឆ្នាំង គឺជាខេត្តមួយដែលមានសក្តានុពលខ្ពស់ផ្នែកជលផល ដោយសារភូមិសាស្ត្រភ្ជាប់ជាមួយបឹងទន្លេសាប ដែលជាប្រភពធនធានត្រីដ៏សម្បូរបែប និងមានសារៈសំខាន់សម្រាប់ជីវភាពប្រជាពលរដ្ឋ។ លោកអភិបាលរងខេត្ត ក៏បានជំរុញដល់ថ្នាក់ដឹកនាំ និងមន្ត្រីជំនាញពាក់ព័ន្ធ បន្តពង្រឹងការអនុវត្តច្បាប់ជលផល ការអភិរក្សធនធានធម្មជាតិ ការសហការបង្ក្រាបជាមួយកម្លាំងកងទ័ព និងការផ្សព្វផ្សាយអប់រំដល់ប្រជាពលរដ្ឋ អោយចូលរួមថែរក្សាធនធានត្រី ដើម្បីធានានិរន្តរភាព និងការអភិវឌ្ឍវិស័យជលផលអោយកាន់តែរីកចម្រើននាពេលអនាគត៕

ដោយ ៖ វ៉ាន់ សេដ្ឋា

The post ឆ្នាំ២០២៥ ខេត្តកំពង់ឆ្នាំងប្រមូលផលត្រីបានជាង៦០ពាន់តោន កើនឡើងខ្ពស់ជាងឆ្នាំមុនៗ appeared first on Kampuchea Thmey Daily.

ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ លោក នាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមទិសដៅការងាររបស់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តកំពង់ឆ្នាំង កម្លាំងផ្នែកសណ្តាប់ធ្នាប់សាធារណៈស្រុក សហការជាមួយការិយាល័យចរាចរណ៍ផ្លូវទឹក និងមន្ទីរសាធារណការនិងដឹកជញ្ជូនខេត្តកំពង់ឆ្នាំង ធ្វើការផ្សព្វផ្សាយច្បាប់ចរាចរណ៍ផ្លូវទឹក និងសេចក្តីជូនដំណឹងស្តីពីការចូលរួមទប់ស្កាត់គ្រោះថ្នាក់ផ្សេងៗ ចំពោះការធ្វើដំណើរតាមដចម្លង របស់អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ដល់អ្នកប្រកបរបរដឹកអ្នកដំណើរតាមសាឡាង និងបាឡាស្មាច់ចំនួន ០២ទីតាំង៖ ចំណុចកំពង់ដរកំពង់ហៅ ស្ថិតក្នុងភូមិត្អួររលំ ឃុំកំពង់ហៅ ស្រុកកំពង់លែង ខេត្តកំពង់ឆ្នាំង និង ចំណុចកំពង់ដរភ្នំទេពី ស្ថិតក្នុងភូមិស្ទឹងសណ្តែក ឃុំកំពង់ហៅ ស្រុកកំពង់លែង ខេត្តកំពង់ឆ្នាំង។

ជាមួយគ្នាកម្លាំងសមត្ថកិច្ចបានផ្សព្វផ្សាយអប់រំណែនាំ៖ មិនបើកបរក្នុងស្ថានភាពស្រវឹង, មុនចេញដំណើរម្ចាស់កាណូតត្រូវមានឧបករណ៍សង្រ្គោះដូចជា៖ ពោងសង្រ្គោះ ម៉ាស៊ីនបូមទឹក បំពង់ពន្លត់អគ្គិភ័យដាក់ តាមកាណូត និងអ្នករួមដំណើរត្រូវតែពាក់អាវពោងទាំងអស់គ្នា, មិនត្រូវដាក់សម្ភារ ឬ ទំនិញផ្សេងៗនិងមនុស្សលើសចំណុះ, កាណូតដែលពុំទាន់មានឯកសារគ្រប់គ្រាន់ត្រូវទៅបំពេញបែបបទនៅមន្ទីរសាធារណការ និងដឹកជញ្ជូនខេត្ត ឱ្យបានត្រឹមត្រូវតាមលក្ខណៈច្បាប់ និង គ្រប់អាជីវកម្មកំពង់ចម្លងទាំងអស់ត្រូវបញ្ឈប់ជាបន្ទាន់នូវការប្រើប្រាស់នាវា ទូកដរចម្លងកែច្នៃខុសបច្ចេកទេសយកមកប្រើប្រាស់ជានាវា ទូកដរចម្លង៕

The post នគរបាលជំនាញស្រុកកំពង់លែង បន្តចុះផ្សព្វផ្សាយច្បាប់ចរាចរណ៍ផ្លូវទឹក ដើម្បីទប់ស្កាត់គ្រោះថ្នាក់ផ្សេងៗកើតមាន appeared first on Kampuchea Thmey Daily.

ក្នុងឱកាសនោះ លោករដ្ឋមន្រ្តីបានថ្លែងថា៖ អតីតយុទ្ធជន និងនិវត្តជន គឺជាកម្លាំងដ៏មានគុណបំណាច់ចំពោះជាតិមាតុភូមិ ដែលបានលះបង់កម្លាំងកាយចិត្តក្នុងបុព្វហេតុការពារ និងកសាងប្រទេសជាតិ ដូច្នេះអាជ្ញាធរត្រូវបន្តយកចិត្តទុកដាក់សុខទុក្ខ និងជីវភាពរស់នៅរបស់ពួកគាត់ឱ្យបានជាប់ជាប្រចាំ។ លោក ក៏បានណែនាំឱ្យថ្នាក់ដឹកនាំចុះជួយខេត្តមកពីក្រសួងអភិវឌ្ឍន៍ជនបទ អាជ្ញាធរមូលដ្ឋានទាំងអស់ ចុះសួរសុខទុក្ខអតីតយុទ្ធជន និងនិវត្តជនជាប្រចាំ ឬរៀបចំពិធីសំណេះសំណាលផ្សេងៗ ដើម្បីពង្រឹងទំនាក់ទំនង សាមគ្គីភាព និងកុំឱ្យមានគម្លាតរវាងអ្នកជំនាន់មុន និងអ្នកជំនាន់ក្រោយ។ ថ្នាក់ដឹកនាំបានសម្ដែងការគោរព និងដឹងគុណយ៉ាងជ្រាលជ្រៅចំពោះការលះបង់កម្លាំងកាយចិត្តរបស់អតីតយុទ្ធជន ដែលបានចូលរួមការពារបូរណភាពទឹកដី និងរក្សាសន្តិភាពជូនប្រទេសជាតិ នាពេលកន្លងមក។

លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាអនប្រធានអតីតយុទ្ធជនខេត្ត បានថ្លែងអំណរគុណចំពោះឯកឧត្តម លោកជំទាវ និងគ្រប់មន្ទីរអង្គភាពពាក់ព័ន្ធទាំងអស់ ដែលបានជួយ និងបន្តចូលរួមថែរក្សា និងលើកកម្ពស់សុខុមាលភាពអតីតយុទ្ធជន និងគ្រួសារអតីតយុទ្ធជន ដើម្បីឱ្យពួកគាត់ទទួលបានការគោរព និងការយកចិត្តទុកដាក់សមស្របពីសង្គម។

ជាមួយគ្នានេះ ក្រុមការងារក៏បាននាំយកអំណោយ និងសម្ភារៈប្រើប្រាស់មួយចំនួន ប្រគល់ជូនដល់គ្រួសារអតីតយុទ្ធជន ដើម្បីជួយសម្រួលជីវភាពរស់នៅប្រចាំថ្ងៃ និងបង្ហាញពីការយកចិត្តទុកដាក់របស់រាជរដ្ឋាភិបាលចំពោះអតីតយុទ្ធជន និងគ្រួសាររបស់ពួកគាត់។ ការចុះសួរសុខទុក្ខ និងផ្តល់ការគាំទ្រដល់អតីតយុទ្ធជន គឺជាសកម្មភាពមនុស្សធម៌ដ៏មានសារៈសំខាន់ ក្នុងការលើកទឹកចិត្ត និងបន្តថែរក្សាសុខុមាលភាពរបស់អ្នកដែលបានបំពេញបេសកកម្មបម្រើជាតិមាតុភូមិ៕

ដោយ ៖ វ៉ាន់ សេដ្ឋា

The post រដ្ឋមន្ត្រីក្រសួងអភិវឌ្ឍន៍ជនបទ ចុះសួរសុខទុក្ខអតីតយុទ្ធជន និងគ្រួសារអតីតយុទ្ធជន១០០គ្រួសារ នៅខេត្តកំពង់ឆ្នាំង appeared first on Kampuchea Thmey Daily.

ពិធីនេះមានការអញ្ជើញចូលរួមសហការ ពីលោកអភិបាលរងស្រុកបរិបូណ៌ នគរបាលបេតិកភណ្ឌនៃស្នងការដ្ឋាននគរខេត្តកំពង់ឆ្នាំង ប្រធានការិយាល័យសង្គមកិច្ចនិងសុខមាលភាពសង្គមនៃស្រុកបរិបូណ៌ អាជ្ញាធរមូលដ្ឋាន ព្រះសង្ឃ និងអាចារ្យគណកម្មការវត្តទាំងពីរផងដែរ។

ចំពោះវត្ថុសិល្បៈ ដែលព្រះសង្ឃនិងអាចារ្យគណៈកម្មការវត្តសិរីសួស្តី និងវត្តវហារហ្លួង បានប្រគល់-ទទួល មានដូចជា៖
១.បដិមា ធ្វើពីឈើ (វត្តសិរិសួស្តី), ២.បល្ល័ងព្រះពុទ្ធ ធ្វើពីឈើ (វត្តសិរីសួស្តី), ៣.គ្រែទេស ធ្វើពីឈើ (វត្តសិរិសួស្តី)
៤.គ្រែទេស ធ្វើពីឈើ (វត្តវិហារហ្លួង)។

សូមបញ្ជាក់ថា វត្ថុសិល្បៈខាងលើនេះ ក្រុមការងារជំនាញនឹងយកមកតម្កល់ទុកក្នុងសារមន្ទីរខេត្តកំពង់ឆ្នាំង ដើម្បីថែរក្សា ការពារ និងអភិរក្សទុកជាសម្បត្តិវប្បធម៌របស់ជាតិ៕

The post មន្រ្តីជំនាញ ចុះពិនិត្យ និងប្រគល់-ទទួលវត្ថុសិល្បៈ នៅស្រុកបរិបូណ៌ មករក្សាទុកជាសម្បត្តិវប្បធម៌របស់ជាតិ appeared first on Kampuchea Thmey Daily.