លោក អ៊ំ ចំរើន អភិបាលនៃគណៈអភិបាលស្រុកទ្រាំង បានឱ្យដឹងថា ស្ថានភាពសុខភាពរបស់សិស្សទាំងអស់មានភាពប្រសើរឡើងជាបន្តបន្ទាប់ ក្រោយពីទទួលបានការយកចិត្តទុកដាក់ពីក្រុមគ្រូពេទ្យ និងអាជ្ញាធរពាក់ព័ន្ធ។

ជាមួយគ្នានេះ លោក ឡោ វីរិទ្ធិ ប្រធានមន្ទីរអប់រំយុវជន និងកីឡាខេត្តតាកែវ បានបញ្ជាក់តាមរបាយការណ៍ថា ករណីសន្លប់ជាក្រុមនេះ មិនមែនបណ្តាលមកពីជំងឺឆ្លង ឬសារធាតុពុលណាមួយនោះទេ ប៉ុន្តែបណ្តាលមកពីកត្តាសុខភាព និងជីវភាពរស់នៅរបស់សិស្សមួយចំនួន។

តាមការសន្និដ្ឋានបឋម សិស្សភាគច្រើនមានបញ្ហាដេកមិនគ្រប់គ្រាន់ ដេកមិនលក់ ពិបាកដកដង្ហើម ហូបអាហារពេលព្រឹកមិនទៀងទាត់ ខ្វះជីវជាតិ ខ្វះជាតិស្ករ និងខ្វះជាតិទឹកក្នុងរាងកាយ។ លើសពីនេះ សិស្សមួយចំនួនរស់នៅក្នុងតំបន់ជនបទដែលមានជីវភាពខ្វះខាត ហើយភាគច្រើនរស់នៅជាមួយជីដូនជីតាចាស់ជរា ដែលជាហេតុធ្វើឱ្យការថែទាំសុខភាពប្រចាំថ្ងៃនៅមានកម្រិត។ ប្រភពដដែលបន្តថា នៅពេលមានសិស្សម្នាក់សន្លប់ បានបង្កឱ្យសិស្សដទៃទៀតមានអារម្មណ៍ភ័យខ្លាច តក់ស្លុត និងបារម្ភខ្លាំង រហូតបណ្តាលឱ្យមានការសន្លប់ជាបន្តបន្ទាប់តៗគ្នា។

សូមបញ្ជាក់ថា កាលពីថ្ងៃទី១៦ ខែមិថុនា ឆ្នាំ២០២៦ មានសិស្សស្រីសរុបចំនួន ២៩នាក់ បានសន្លប់នៅក្នុងវិទ្យាល័យ សុខ អាន សន្លុង។ ក្នុងនោះ សិស្សថ្នាក់ទី៧ មានចំនួន ៨នាក់, ថ្នាក់ទី៨ មាន ៤នាក់, ថ្នាក់ទី៩ មាន ១១នាក់ និងថ្នាក់ទី១២ មាន ៦នាក់។

បច្ចុប្បន្ន អាជ្ញាធរស្រុកទ្រាំង រួមជាមួយមន្ទីរសុខាភិបាល និងគណៈគ្រប់គ្រងសាលា កំពុងបន្តតាមដានស្ថានភាពសុខភាពសិស្ស ព្រមទាំងអប់រំផ្សព្វផ្សាយអំពីការថែរក្សាសុខភាព ការទទួលទានអាហារ និងការសម្រាកឱ្យបានគ្រប់គ្រាន់ ដើម្បីបង្ការករណីស្រដៀងគ្នានេះកើតឡើងជាថ្មី៕

អត្ថបទ៖ វីរៈ

The post ករណីសិស្ស ២៩នាក់សន្លប់នៅវិទ្យាល័យ សុខ អាន សន្លុង បានធូរស្រាល និងត្រឡប់ទៅផ្ទះវិញអស់ហើយ appeared first on Kampuchea Thmey Daily.

កសិដ្ឋានដែលត្រូវបានចុះពិនិត្យរួមមាន កសិដ្ឋានលោក ចន្ទ ប៉ុង ស្ថិតនៅភូមិកំពង់ពោធិ៍ ឃុំព្រែកផ្ទោល និង កសិដ្ឋានលោក សាន រ៉ា ស្ថិតនៅភូមិទួលសាំង ក ឃុំអង្គរបូរី។ ការចុះពិនិត្យនេះធ្វើឡើងក្នុងគោលបំណងស្វែងយល់ពីស្ថានភាពជាក់ស្ដែង នៃការចិញ្ចឹមបង្កង ក៏ដូចជាបញ្ហាប្រឈម និង តម្រូវការនានារបស់ប្រជាកសិករ។

នាឱកាសនោះ លោកអភិបាលស្រុក បានសាកសួរ និង ពិភាក្សាដោយផ្ទាល់ជាមួយម្ចាស់កសិដ្ឋាន អំពីដំណើរការចិញ្ចឹមបង្កង វឌ្ឍនភាពផលិតកម្ម បច្ចេកទេសគ្រប់គ្រង និង បញ្ហាប្រឈមដែលបានជួបប្រទះកន្លងមក។ ជាមួយគ្នានេះ លោកបានកោតសរសើរចំពោះការខិតខំប្រឹងប្រែងរបស់ប្រជាកសិករ ដែលបានចាប់យកមុខរបរចិញ្ចឹមបង្កងជាអាជីពមួយមានសក្ដានុពល និង អាចបង្កើនប្រាក់ចំណូលដល់គ្រួសារ។

លោក កង អាណាន់ បានលើកទឹកចិត្តឲ្យម្ចាស់កសិដ្ឋានបន្តពង្រីកការចិញ្ចឹមបង្កងបន្ថែមទៀត ដោយត្រូវអនុវត្តតាមបច្ចេកទេសស្តង់ដារឲ្យបានត្រឹមត្រូវ ដើម្បីធានាបាននូវទិន្នផលខ្ពស់ គុណភាពល្អ និង អាចឆ្លើយតបទៅនឹងតម្រូវការទីផ្សារកាន់តែទូលំទូលាយ។

លោកបញ្ជាក់ថា វិស័យវារីវប្បកម្ម គឺជាវិស័យមួយដែលមានសក្ដានុពលក្នុងការបង្កើតការងារ និង បង្កើនប្រាក់ចំណូលជូនប្រជាពលរដ្ឋនៅតាមមូលដ្ឋាន។

អ្វីដែលគួរឲ្យកត់សម្គាល់នោះ លោកអភិបាលស្រុក បានប្ដេជ្ញាថា អាជ្ញាធរស្រុក នឹងខិតខំស្វែងរកទីផ្សារ និង ពង្រឹងកិច្ចសហការជាមួយដៃគូពាក់ព័ន្ធនានា ដើម្បីជួយសម្របសម្រួលការលក់ និង ចែកចាយផលិតផលបង្កងរបស់ប្រជាកសិករ ឲ្យកាន់តែមានប្រសិទ្ធភាព។ ការភ្ជាប់ទីផ្សារនេះ នឹងជួយកាត់បន្ថយហានិភ័យ នៃការកកស្ទះផលិតផល និង ធានាឲ្យកសិករអាចលក់បានក្នុងតម្លៃសមរម្យស្របតាមតម្រូវការទីផ្សារជាក់ស្ដែង។

ការចុះពិនិត្យកសិដ្ឋានចិញ្ចឹមបង្កងលើកនេះ បានឆ្លុះបញ្ចាំងពីការយកចិត្តទុកដាក់ និង ការគាំទ្រយ៉ាងសកម្មរបស់រដ្ឋបាលស្រុកអង្គរបូរី ក្នុងការជំរុញការអភិវឌ្ឍវិស័យវារីវប្បកម្មឲ្យកាន់តែរីកចម្រើន។ វិស័យនេះ មិនត្រឹមតែរួមចំណែកដល់ការផ្គត់ផ្គង់ផលិតផលសម្រាប់ទីផ្សារប៉ុណ្ណោះទេ ប៉ុន្តែថែមទាំងជាកត្តាសំខាន់ក្នុងការបង្កើតការងារ បង្កើនប្រាក់ចំណូល និង លើកកម្ពស់សេដ្ឋកិច្ចមូលដ្ឋានឲ្យកាន់តែរឹងមាំ និង មានចីរភាពផងដែរ៕
អត្ថបទ ៖ វីរៈ

The post អភិបាលស្រុកអង្គរបូរី ចុះពិនិត្យកសិដ្ឋានចិញ្ចឹមបង្កង ២ កន្លែង ប្ដេជ្ញាជួយរកទីផ្សារ ជំរុញសេដ្ឋកិច្ចមូលដ្ឋាន និង បង្កើនចំណូលប្រជាកសិករ appeared first on Kampuchea Thmey Daily.

ប្រតិបត្តិការនេះ ត្រូវបានធ្វើឡើងនៅថ្ងៃទី៩ ខែមិថុនា ឆ្នាំ២០២៦ ដោយកម្លាំងជំនាញការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តតាកែវ នៅលើផ្លូវជាតិលេខ២ ស្ថិតក្នុងភូមិត្រាំ សង្កាត់រកាក្រៅ ក្រុងដូនកែវ ក្នុងគោលបំណងទប់ស្កាត់ និងកាត់បន្ថយការប្រើប្រាស់យានយន្តកែច្នៃខុសលក្ខណៈបច្ចេកទេស ដែលអាចបង្កគ្រោះថ្នាក់ដល់អ្នកបើកបរ អ្នករួមដំណើរ និងអ្នកប្រើប្រាស់ផ្លូវផ្សេងទៀត។

ជាក់ស្តែង យានយន្តមួយចំនួនត្រូវបានកែប្រែទំហំតួរថយន្ត បន្ថែមទ្រុងដែក ប្តូរប្រព័ន្ធបច្ចេកទេស ឬដឹកជញ្ជូនលើសទម្ងន់កំណត់ ដែលជាកត្តាបង្កឱ្យបាត់បង់លំនឹងពេលបើកបរ ងាយក្រឡាប់ ឬបង្កគ្រោះថ្នាក់ធ្ងន់ធ្ងរនៅលើដងផ្លូវ។ លើសពីនេះ ការកែច្នៃខុសបច្ចេកទេស ក៏អាចប៉ះពាល់ដល់ហេដ្ឋារចនាសម្ព័ន្ធផ្លូវ និងបង្កការរំខានដល់សណ្តាប់ធ្នាប់សាធារណៈផងដែរ។

មន្ត្រីនគរបាលចរាចរណ៍បានអំពាវនាវដល់ម្ចាស់យានយន្ត និងអ្នកបើកបរទាំងអស់ ត្រូវគោរពតាមច្បាប់ចរាចរណ៍ផ្លូវគោក ធ្វើការត្រួតពិនិត្យលក្ខណៈបច្ចេកទេសយានយន្តជាប្រចាំ និងចៀសវាងការកែច្នៃដែលផ្ទុយពីបទដ្ឋានបច្ចេកទេសកំណត់ដោយច្បាប់។

ស្នងការដ្ឋាននគរបាលខេត្តតាកែវ បញ្ជាក់ថា ការត្រួតពិនិត្យ និងអនុវត្តច្បាប់ចំពោះយានយន្តកែច្នៃខុសលក្ខណៈបច្ចេកទេស នឹងបន្តធ្វើជាប្រចាំនៅតាមគោលដៅសំខាន់ៗទូទាំងខេត្ត ដើម្បីធានាបាននូវសុវត្ថិភាព សណ្តាប់ធ្នាប់ និងការធ្វើដំណើរប្រកបដោយភាពរលូនសម្រាប់ប្រជាពលរដ្ឋគ្រប់រូប៕​

អត្ថបទ៖ វីរៈ

The post នគរបាលខេត្តតាកែវ រឹតបន្តឹងការត្រួតពិនិត្យយានយន្តកែច្នៃខុសបច្ចេកទេសលើផ្លូវជាតិលេខ២ ដើម្បីទប់ស្កាត់គ្រោះថ្នាក់ចរាចរណ៍ appeared first on Kampuchea Thmey Daily.

ពិធីដ៏មានអត្ថន័យនេះ ត្រូវបានប្រារព្ធធ្វើឡើងនៅទីតាំងដីទល់មុខមន្ទីរអប់រំ យុវជន និងកីឡាខេត្ត ស្ថិតក្នុងភូមិចក សង្កាត់រកាក្នុង ក្រុងដូនកែវ ខេត្តតាកែវ ដោយមានការចូលរួមពីថ្នាក់ដឹកនាំមន្ទីរ-អង្គភាពជុំវិញខេត្ត តំណាងកងកម្លាំងប្រដាប់អាវុធទាំងបីប្រភេទ ព្រមទាំងសមាជិក សមាជិកា សមាគមអតីតយុទ្ធជន និងនិវត្តជនកម្ពុជាយ៉ាងច្រើនកុះករ។

ការសាងសង់អគារសមាគមថ្មីនេះ ត្រូវបានចាត់ទុកជាសមិទ្ធផលថ្មីមួយដ៏សំខាន់សម្រាប់ខេត្តតាកែវ ដែលឆ្លុះបញ្ចាំងពីការយកចិត្តទុកដាក់ និងការដឹងគុណយ៉ាងជ្រាលជ្រៅរបស់រាជរដ្ឋាភិបាល និងថ្នាក់ដឹកនាំគ្រប់លំដាប់ថ្នាក់ ចំពោះអតីតយុទ្ធជន និងនិវត្តជន ដែលបានលះបង់កម្លាំងកាយចិត្ត សាច់ស្រស់ឈាមស្រស់ ក្នុងបុព្វហេតុការពារជាតិមាតុភូមិ និងការរក្សាសន្តិភាពជូនប្រទេសជាតិ។
ថ្នាក់ដឹកនាំបានលើកឡើងថា អគារសមាគមអតីតយុទ្ធជន និងនិវត្តជនកម្ពុជា ប្រចាំខេត្តតាកែវ ដែលនឹងលេចរូបរាងឡើងនាពេលខាងមុខនេះ មិនត្រឹមតែជាទីស្នាក់ការបំពេញការងារប៉ុណ្ណោះទេ ប៉ុន្តែនឹងក្លាយជាមជ្ឈមណ្ឌលសម្រាប់ជួបជុំ ពិភាក្សា និងសម្របសម្រួលកិច្ចការងារនានា ដើម្បីគាំទ្រ និងលើកកម្ពស់ជីវភាពរស់នៅរបស់អតីតយុទ្ធជន និងនិវត្តជនក្នុងខេត្តឱ្យកាន់តែមានភាពប្រសើរឡើង។

ការបញ្ចុះបឋមសិលាសាងសង់អគារនេះ ក៏ជាការបន្តអនុវត្តគោលនយោបាយយកចិត្តទុកដាក់លើសុខុមាលភាព និងសិទ្ធិប្រយោជន៍របស់អតីតយុទ្ធជន ដែលជាវីរជនបានចូលរួមចំណែកយ៉ាងធំធេងក្នុងការកសាង ការពារ និងអភិវឌ្ឍប្រទេសជាតិ រហូតសម្រេចបាននូវសុខសន្តិភាព និងការអភិវឌ្ឍដូចសព្វថ្ងៃ៕

អត្ថបទ៖ វីរៈ

The post រដ្ឋបាលខេត្តតាកែវ ចាប់ផ្ដើមសាងសង់អគារសមាគមអតីតយុទ្ធជន និងនិវត្តជនដើម្បីគាំទ្រ និងលើកកម្ពស់ជីវភាពរស់នៅរបស់អតីតយុទ្ធជន និងនិវត្ត appeared first on Kampuchea Thmey Daily.

ការចុះពិនិត្យនេះ បានប្រព្រឹត្តទៅនាព្រឹកថ្ងៃទី០១ ខែមិថុនា ឆ្នាំ២០២៦ ក្រោមការដឹកនាំរបស់លោក នួន ដាញ៉ិល រដ្ឋលេខាធិការ និងជាតំណាងដ៏ខ្ពង់ខ្ពស់របស់លោក ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។

យោងតាមមន្ត្រីជំនាញ គម្រោងថែទាំខួបផ្លូវក្រាលគ្រួសសទាំង ២ខ្សែនេះ មានប្រវែងសរុប ៩,៤០០ម៉ែត្រ ទទឹង ៤ម៉ែត្រ និងកម្រាស់ ០.២ម៉ែត្រ ស្ថិតនៅក្នុងភូមិសាស្ត្រឃុំសឹង្ហ ស្រុកសំរោង និងឃុំលាយបូរ ស្រុកត្រាំកក់ ខេត្តតាកែវ។
ក្នុងឱកាសចុះពិនិត្យការដ្ឋាន គណៈប្រតិភូបានពិនិត្យលើគុណភាពសំណង់ វឌ្ឍនភាពនៃការអនុវត្តគម្រោង និងការអនុវត្តតាមស្តង់ដារបច្ចេកទេស ដើម្បីធានាថា ផ្លូវដែលកំពុងថែទាំនេះ អាចប្រើប្រាស់បានយូរអង្វែង និងមានប្រសិទ្ធភាពខ្ពស់សម្រាប់ប្រជាពលរដ្ឋក្នុងមូលដ្ឋាន។

គម្រោងថែទាំផ្លូវនេះ ត្រូវបានចាត់ទុកថា ជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាល និងក្រសួងអភិវឌ្ឍន៍ជនបទ ក្នុងការលើកកម្ពស់ហេដ្ឋារចនាសម្ព័ន្ធជនបទ ធ្វើឱ្យការធ្វើដំណើររបស់ប្រជាពលរដ្ឋកាន់តែងាយស្រួល កាត់បន្ថយការលំបាកក្នុងការដឹកជញ្ជូនកសិផល និងជួយជំរុញសកម្មភាពសេដ្ឋកិច្ចនៅតាមសហគមន៍ឱ្យកាន់តែរីកចម្រើន។

លោក លីវ សំណាង ប្រធាន​មន្ទីរ​អភិវឌ្ឍន៍ជនខេត្តតាកែវបានបញ្ជាក់ថា ការត្រួតពិនិត្យជាប្រចាំលើគម្រោងហេដ្ឋារចនាសម្ព័ន្ធ គឺជាកត្តាសំខាន់ក្នុងការធានាគុណភាពសំណង់ និងប្រសិទ្ធភាពនៃការប្រើប្រាស់ថវិកា ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ និងគោលនយោបាយអភិវឌ្ឍជនបទប្រកបដោយចីរភាព៕

​អត្ថបទ៖ វីរៈ

The post ក្រសួងអភិវឌ្ឍន៍ជនបទ ចុះពិនិត្យគម្រោងថែទាំផ្លូវជិត ១០គីឡូម៉ែត្រ នៅស្រុកសំរោង និងត្រាំកក់ appeared first on Kampuchea Thmey Daily.

អាជ្ញាធរស្រុក លោក គិន ភក្ដី អភិបាលនៃគណៈអភិបាលស្រុកព្រៃកប្បាស និងជាប្រធានគណៈបញ្ជាការឯកភាពរដ្ឋបាលស្រុក នៅប្រលប់ថ្ងៃដដែលក្រោយពីទទួលបានដំណឹង បានដឹកនាំមន្ត្រីរដ្ឋបាលស្រុក កងកម្លាំងអធិការដ្ឋាននគរបាលស្រុក អាជ្ញាធរឃុំ និងមេភូមិ ចុះត្រួតពិនិត្យ និងអន្តរាគមន៍បន្ទាន់។

តាមការពិនិត្យជាក់ស្ដែងពីអាជ្ញាធរ មហន្តរាយធម្មជាតិនេះបានបណ្ដាលឱ្យផ្ទះប្រជាពលរដ្ឋខ្លះរងការខូចខាតធ្ងន់ធ្ងរ ខណៈមួយចំនួនទៀតរងការខូចខាតក្នុងកម្រិតមធ្យម ដែលធ្វើឱ្យម្ចាស់ផ្ទះមានការព្រួយបារម្ភ និងជួបការលំបាកក្នុងការរស់នៅជាបណ្ដោះអាសន្ន។

ក្នុងឱកាសចុះពិនិត្យដល់ទីតាំងកើតហេតុ លោក គិន ភក្ដី បានសម្ដែងនូវការសោកស្ដាយយ៉ាងខ្លាំងចំពោះការខូចខាតផ្ទះសម្បែង និងទ្រព្យសម្បត្តិរបស់ប្រជាពលរដ្ឋ ដែលរងផលប៉ះពាល់ដោយគ្រោះធម្មជាតិដ៏អាក្រក់នេះ។ លោកក៏បានលើកទឹកចិត្តដល់ប្រជាពលរដ្ឋឱ្យមានស្មារតីរឹងមាំ និងសហការជាមួយអាជ្ញាធរមូលដ្ឋានក្នុងការដោះស្រាយផលប៉ះពាល់ក្រោយគ្រោះមហន្តរាយ។

ជាមួយគ្នានេះ លោកអភិបាលស្រុក ក៏បានអំពាវនាវដល់ប្រជាពលរដ្ឋទាំងអស់ សូមបង្កើនការប្រុងប្រយ័ត្នឱ្យបានខ្ពស់ ជាពិសេសក្នុងរដូវវស្សា ដែលជាញឹកញាប់អាចកើតមានភ្លៀងផ្គរ ខ្យល់កន្ត្រាក់ និងគ្រោះធម្មជាតិផ្សេងៗដោយមិនអាចព្យាករបានជាមុន ដើម្បីការពារអាយុជីវិត និងទ្រព្យសម្បត្តិឱ្យមានសុវត្ថិភាព។

គួររំលឹកថា ក្រសួងធនធានទឹក និងឧតុនិយម កាលពីយប់ថ្ងៃទី២៧ឧសភា បានប្រកាសថា ព្រះរាជាណាចក្រកម្ពុជា បាននិងកំពុងជួបព្យុះមួយទៀត គឺព្យុះទី៦ ឈ្មោះ ចាងមី (JangmiT2606) ដែលនឹងធ្វើឲ្យនៅតាមតំបន់មួយចំនួនមានភ្លៀងធ្លាក់ជាមួយខ្យល់កន្ត្រាក់ និងផ្គររន្ទះ ចាប់ពីថ្ងៃទី២៨ឧសភា ដល់ថ្ងៃទី២ ខែមិថុនា។ ក្រសួងធនធានទឹក ក៏បានប្រកាសឲ្យសាធារណជនមានការប្រុងប្រយ័ត្នខ្ពស់ចំពោះបាតុភូត ភ្លៀង ផ្គររន្ទះ និងខ្យល់កន្ត្រាក់ ជាពិសេសអ្នកដែលធ្វើដំណើរតាមផ្លូវគោគ និងផ្លូវទឹក៕

អត្ថបទ៖ វីរៈ

The post ឥទ្ធិពលព្យុះទី៦ ចាងមី បានបំផ្លាញផ្ទះពលរដ្ឋ ៦ខ្នង នៅស្រុក​ព្រៃ​កប្បាស appeared first on Kampuchea Thmey Daily.

ការណែនាំនេះធ្វើឡើងនៅក្នុងកិច្ចប្រជុំរបស់គណៈបញ្ជាការឯកភាពរដ្ឋបាលខេត្ត កាលពីថ្ងៃទី២៨ ខែឧសភា ឆ្នាំ២០២៦ នៅសាលប្រជុំធំរដ្ឋបាលខេត្ត ក្នុងគោលដំណងពង្រឹងការងារសន្តិសុខ សណ្តាប់ធ្នាប់សាធារណៈ និងការទប់ស្កាត់បទល្មើសនានាក្នុងមូលដ្ឋាន។

កិច្ចប្រជុំនេះ មានការអញ្ជើញចូលរួមពីលោក លោកស្រី អភិបាលរងខេត្ត លោកស្នងការ និងស្នងការរងនគរបាលខេត្ត មេបញ្ជាការ និងមេបញ្ជាការរងកងរាជអាវុធហត្ថខេត្ត មេបញ្ជាការ និងមេបញ្ជាការរងតំបន់ប្រតិបត្តិការសឹករងតាកែវ លោកនាយករដ្ឋបាលសាលាខេត្ត លោក លោកស្រី អភិបាលក្រុង-ស្រុក មេឃុំ ចៅសង្កាត់ មេប៉ុស្តិ៍រដ្ឋបាល ព្រមទាំងប្រធានមន្ទីរ និងអង្គភាពពាក់ព័ន្ធជុំវិញខេត្តជាច្រើនរូប។

លោក វ៉ី សំណាង បានដាក់បទបញ្ជាយ៉ាងម៉ឺងម៉ាត់ដល់កងកម្លាំងមានសមត្ថកិច្ច និងអាជ្ញាធរមូលដ្ឋានគ្រប់លំដាប់ថ្នាក់ ត្រូវបង្កើនកិច្ចសហការឱ្យបានជិតស្និទ្ធ ក្នុងការតាមដាន ពិនិត្យស្រាវជ្រាវ និងផ្តល់ព័ត៌មានឱ្យបានទាន់ពេលវេលា ចំពោះទីតាំង ឬសកម្មភាពណាដែលមានការសង្ស័យពាក់ព័ន្ធនឹងបទល្មើសបច្ចេកវិទ្យា និងការឆបោកតាមប្រព័ន្ធអនឡាញ (Scam Online) ដែលអាចកើតមាននៅក្នុងភូមិសាស្ត្រខេត្តតាកែវ។

លោកអភិបាលខេត្ត បានសង្កត់ធ្ងន់ថា ការបង្ក្រាប និងទប់ស្កាត់បទល្មើសអនឡាញ គឺជាការងារអាទិភាពដែលទាមទារឱ្យគ្រប់ស្ថាប័នពាក់ព័ន្ធ ចូលរួមអនុវត្តដោយទទួលខុសត្រូវខ្ពស់ និងមានប្រសិទ្ធភាព ដើម្បីធានាបាននូវសន្តិសុខ សុវត្ថិភាព និងភាពសុខសាន្តជូនប្រជាពលរដ្ឋនៅក្នុងមូលដ្ឋាន។

ជាមួយគ្នានេះ លោក វ៉ី សំណាង ក៏បានជំរុញឱ្យអាជ្ញាធរក្រុង-ស្រុក ឃុំ-សង្កាត់ និងកម្លាំងមូលដ្ឋាន ត្រូវបន្តយកចិត្តទុកដាក់លើការងារគ្រប់គ្រងសណ្តាប់ធ្នាប់សាធារណៈ ការពារសុវត្ថិភាពសង្គម និងការបង្ការ បង្រ្កាបបទល្មើសគ្រប់ប្រភេទ ដើម្បីរក្សាបាននូវស្ថិរភាព និងភាពកក់ក្តៅជូនប្រជាពលរដ្ឋទូទាំងខេត្តតាកែវ៕

​អត្ថបទ៖ វីរៈ

The post អភិបាលខេត្តតាកែវ បញ្ជាឱ្យអាជ្ញាធរ និងកម្លាំងសមត្ថកិច្ច បង្ក្រាបបទល្មើស Online Scam ឱ្យមានប្រសិទ្ធភាព appeared first on Kampuchea Thmey Daily.

ដំណើរទស្សនកិច្ចនេះ ត្រូវបានធ្វើឡើងក្នុងគោលបំណងស្វែងយល់ពីបច្ចេកវិទ្យាទំនើប ការគ្រប់គ្រងផលិតកម្ម និងសមត្ថភាពផលិតនាវាខ្នាតធំរបស់ក្រុមហ៊ុន ដែលមានឯកទេសក្នុងការសាងសង់នាវាដឹកទំនិញ និងនាវាពាណិជ្ជកម្ម មានទម្ងន់ផ្ទុកចាប់ពី ៣ពាន់តោន ដល់ ៧ពាន់តោន ឬអាចផលិតតាមតម្រូវការរបស់អតិថិជន។

ក្នុងឱកាសនោះ គណៈប្រតិភូបានចុះពិនិត្យដោយផ្ទាល់លើខ្សែចង្វាក់ផលិតកម្ម បច្ចេកទេសផ្សារដែក ការរចនាគ្រោងនាវា និងប្រព័ន្ធបំពាក់បច្ចេកវិទ្យាសុវត្ថិភាពទំនើប ដែលបង្ហាញពីសមត្ថភាព និងស្តង់ដារផលិតកម្មកម្រិតអន្តរជាតិរបស់ក្រុមហ៊ុន។ ក្រុមហ៊ុន Zhejiang Hongsheng Shipbuilding Co.,Ltd. ត្រូវបានគេស្គាល់ថា ជាក្រុមហ៊ុនមួយមានបទពិសោធន៍ និងកេរ្តិ៍ឈ្មោះក្នុងវិស័យសាងសង់នាវា ដោយផ្គត់ផ្គង់នាវាទៅកាន់ទីផ្សារជាច្រើនទាំងក្នុង និងក្រៅប្រទេស។

ថ្នាក់ដឹកនាំគណៈប្រតិភូខេត្តតាកែវ បានលើកឡើងថា ដំណើរទស្សនកិច្ចនេះ ពិតជាមានសារៈសំខាន់ក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងខេត្តតាកែវ និងដៃគូវិនិយោគចិន ពិសេសលើវិស័យឧស្សាហកម្ម ដឹកជញ្ជូន និងភស្តុភារកម្ម ដែលកំពុងមានសក្តានុពលខ្លាំងសម្រាប់ការអភិវឌ្ឍសេដ្ឋកិច្ចនៅកម្ពុជា។

ជាមួយគ្នានេះ គណៈប្រតិភូក៏បានពិភាក្សាផ្លាស់ប្តូរយោបល់ជាមួយថ្នាក់ដឹកនាំក្រុមហ៊ុន អំពីឱកាសវិនិយោគ និងលទ្ធភាពពង្រីកកិច្ចសហការនាពេលអនាគត ជាពិសេសការផ្ទេរបច្ចេកវិទ្យា ការបណ្តុះបណ្តាលធនធានមនុស្ស និងការចែករំលែកបទពិសោធន៍ក្នុងវិស័យសាងសង់នាវា និងដឹកជញ្ជូនតាមផ្លូវទឹក។

ដំណើរទស្សនកិច្ចនេះ បានឆ្លុះបញ្ចាំងពីការយកចិត្តទុកដាក់របស់រដ្ឋបាលខេត្តតាកែវ ក្នុងការស្វែងរកដៃគូវិនិយោគថ្មីៗ និងសិក្សាពីបទពិសោធន៍អភិវឌ្ឍន៍របស់បណ្តាប្រទេសជឿនលឿន ដើម្បីយកមកអនុវត្តស្របតាមទិសដៅអភិវឌ្ឍន៍សេដ្ឋកិច្ច និងសង្គមរបស់ខេត្ត និងប្រទេសជាតិឱ្យកាន់តែរីកចម្រើន៕

អត្ថបទ៖ វីរៈ​

The post គណៈប្រតិភូខេត្តតាកែវ ទស្សនកិច្ចរោងចក្រផលិតនាវាខ្នាតធំនៅប្រទេសចិន បើកទស្សនវិស័យថ្មីលើវិស័យដឹកជញ្ជូន និងវិនិយោគ appeared first on Kampuchea Thmey Daily.