លោកអភិបាលបានផ្តល់តួលេខនេះ នៅលើទំព័រ Facebook របស់លោកកាលពីម្សិលមិញដោយនិយាយថា ខេត្តបានចែកចាយកញ្ចប់ជំនួយសង្គ្រោះ ដល់គ្រូពេទ្យដែលឆ្លងរោគខណៈពេលកំពុងបំពេញការងារ។

ក្រុមគ្រូពេទ្យត្រូវបានដាក់ពង្រាយនៅទូទាំងស្រុក Muang, Ban Phaeo និង Krathum Baen។

លោកអភិបាលខេត្ត ក៏បានអំពាវនាវដល់រដ្ឋាភិបាល ឲ្យចាក់វ៉ាក់សាំង Pfizer ដូសទី៣ ដល់ក្រុមគ្រូពេទ្យជួរមុខផងដែរ។ ដោយហៅពួកគេថាជាទ្រព្យដ៏សំខាន់បំផុត ក្នុងការប្រយុទ្ធប្រឆាំងនឹងជំងឺកូវីដ-១៩ លោក Veerasak បាននិយាយថា ក្រុមគ្រូពេទ្យសមនឹងទទួលបានការការពារដ៏ល្អបំផុត ដែលរដ្ឋាភិបាលអាចផ្តល់ជូន។

គួរបញ្ជាក់ថា នៅថ្ងៃចន្ទនេះ ប្រទេសថៃ បានរាយការណ៍អំពីអ្នកស្លាប់ដោយសារជំងឺកូវីដ-១៩ ចំនួន ១៧៨នាក់ និងឆ្លងថ្មី ១៧,៩៧០ករណីទៀត ធ្វើឲ្យអ្នកឆ្លងសរុបចាប់តាំងពីផ្ទុះរោគរាតត្បាតកើនដល់ ៦៣៣,២៨៤ករណី និងស្លាប់សរុប ៥,១៦៨នាក់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ Delta ឆ្លងក្នុងសហគមន៍ហើយ! សង្កេតមើលដោយខ្លួនឯង រោគសញ្ញា កូវីដ ទាំង ៣ ប្រភេទ កំពុងវាយលុក កម្ពុជា

The post គ្រាន់តែមួយខេត្ត ថៃ មានគ្រូពេទ្យជួរមុខដល់ទៅជាង ៣០០នាក់ ឆ្លងកូវីដ  appeared first on Kampuchea Thmey Daily.

ផ្សារនេះមានសភាពអ៊ូអរមុនពេលថ្ងៃរះ ដោយសម្បូរទៅដោយអ្នកទិញនិងពលករចំណាកស្រុក។

ពួកគេទាំងអស់ ត្រូវតែអនុវត្តឲ្យបានតឹងរ៉ឹងនូវវិធានការ ការពារការរីករាលដាលនៃវីរុស។

ឡានដឹកគ្រឿងសមុទ្រទៅកាន់ទីផ្សារ ហើយយានយន្តរបស់អ្នកលក់និងអ្នកទិញ ត្រូវតែឆ្លងកាត់ចំណុចត្រួតពិនិត្យ។ កម្តៅរបស់មនុស្ស ត្រូវបានវាស់ហើយពួកគេត្រូវតែបង្ហាញភស្តុតាងថា ពួកគេបានធ្វើតេស្តរកជំងឺកូវីដ១៩រួចហើយ។

ករណីលើកលែងគឺបុគ្គលិកទីផ្សារ។ រដ្ឋបាលទីផ្សារបានចេញលិខិតបញ្ជាក់ថា ពួកគេបានឆ្លងកាត់ការពិនិត្យសុខភាពរួចហើយ។

កម្មករចំណាកស្រុកទាំងអស់នៅតាមផែត្រីនិងបង្គា ត្រូវតែពាក់ម៉ាស់និងឧបករណ៍ការពារដូចជាស្រោមដៃ ស្បែកជើងកៅស៊ូនិងអៀមកៅស៊ូ ស្របតាមស្តង់ដារដែលកំណត់ដោយក្រសួងសុខាភិបាល។

អ្នកទិញឬអ្នកនេសាទ ដែលនាំបង្គានិងត្រីពីកសិដ្ឋានរបស់ពួកគេមកលក់នៅលើទីផ្សារ ម្នាក់ៗទទួលបានប័ណ្ណតម្រង់ជួរ ហើយត្រូវរង់ចាំនៅកន្លែងដែលមានកន្លែងអង្គុយជាជួរ ស្របនឹងគោលការណ៍គម្លាតសង្គម។

អាហារសមុទ្រ ត្រូវបានតម្រៀបដោយកម្មករនៅតាមទីតាំងដែលមានអនាម័យត្រឹមត្រូវ។

អាជីវករនិងម្ចាស់តូបត្រីនិងបង្គា សុទ្ធតែបានសម្តែងនូវក្តីរីករាយដែលនៅទីបំផុត ផ្សារនេះបានបើកដំណើរការឡើងវិញបន្ទាប់ពី បិទអស់រយៈពេលជាង១០សប្តាហ៍។

ពួកគេធានាថា ពួកគេនឹងអនុវត្តយ៉ាងតឹងរ៉ឹងនូវរាល់វិធានការប្រឆាំងជំងឺកូវីដ១៩ ហើយសង្ឃឹមថា សេដ្ឋកិច្ចរបស់ខេត្ត សាមុត សាខន នឹងងើបឡើងវិញក្នុងពេលឆាប់ៗនេះ៕

ប្រែសម្រួលដោយ៖ Vann Vann

ប្រភព៖ Bangkok Post

The post ទីបំផុត ផ្សារបង្គាផ្ទុះកូវីដក្នុងខេត្ត សាមុត សាខន បានបើកឡើងវិញក្រោយបិទជាង២ខែ appeared first on Kampuchea Thmey Daily.

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ ១៩ បាននិយាយថា ក្នុងចំណោមករណីឆ្លងក្នុងសហគមន៍ ៧៨៣ ករណីក្នុងនោះ ៧៥៩ ករណីត្រូវបានរកឃើញនៅក្នុងខេត្តសាមុតសាខន ហើយ ២៤ ករណីទៀតត្រូវបានបញ្ជាក់នៅមន្ទីរពេទ្យ ។

ករណីថ្មីចំនួន ៧៥៩ ករណីដែលត្រូវបានរកឃើញឆ្លងក្នុងសហគមន៍នៅខេត្តសាមុតសាខន ក្នុងនោះ ប្រជាជនមីយ៉ាន់ម៉ា ៦៦២ នាក់ ជនជាតិថៃ ៩២ នាក់ និងជនជាតិឡាវ ២ នាក់ ។

ចំណែកក្នុងចំណោមករណីទាំង ២៤ ដែលត្រូវបានរកឃើញនៅមន្ទីរពេទ្យ ១៨ នាក់គឺនៅខេត្តសាមុតសាខន ប្រជាជនមីយ៉ាន់ម៉ា ១១ នាក់ និងថៃ ៧ នាក់ ក្រុងបាងកក ៤ នាក់ (ថៃ ៣ នាក់ និងមីយ៉ាន់ម៉ាម្នាក់) និង ២ នាក់ទៀតនៅខេត្ត Tak ម្នាក់ និងខេត្ត Maha Sarakham ម្នាក់ ។

រីឯករណីនាំចូលទាំង ១២ នោះគឺការមកដល់របស់ភ្ញៀវទេសចរដែលធ្វើចត្តាឡីស័កមកពីសហរដ្ឋអាមេរិក ១ ករណី, ចក្រភពអង់គ្លេស ១ ករណី, កាណាដា ១ ករណី, ម៉ាឡេស៊ី ២ ករណី, គុយវ៉ែត ១ ករណី រុស្ស៊ី ១ ករណី, ទួរគី ១ ករណី, និងអារ៉ាប់អារ៉ាប់រួម ៤ ករណី ។

គួរបញ្ជាក់ថា គិតត្រឹមពេលនេះថៃមានករណីឆ្លងជំងឺកូវីដ ១៩ ចំនួន ២១,២៤៩ ករណី និងមានអ្នកស្លាប់ចំនួន ៧៩ នាក់ ខណៈប្រទេសនេះជាប់ចំណាត់ថ្នាក់ទី ១១៥ ក្នុងបញ្ជីឆ្លងលើពិភពលោក ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post / The Nation

ចុចអាន ៖ ចង់បានលាភសំណាងពេក ប្រជាជនថៃកាន់បាច់ផ្កាដេកក្នុងមឈូសដូចសាកសព

ចុចអាន ៖ សាលារៀនទាំងអស់នៅទីក្រុងមួយរបស់ថៃបើកមិនទាន់បានមួយម៉ោងត្រូវបិទវិញ ក្រោយសិស្សតេស្តវិជ្ជមានកូវីដ

The post ថៃបន្តរកឃើញអ្នកឆ្លងកូវីដជិត ៨០០ ករណី ខណៈសឹងតែទាំងអស់នៅខេត្តសាមុតសាខន appeared first on Kampuchea Thmey Daily.

កម្រិតខ្ពស់បំផុតកាលពីលើកមុនគឺនៅថ្ងៃទី៤ខែមករា នៅពេលដែលករណីចំនួន៧៤៥ករណីត្រូវបានគេរាយការណ៍ដែលភាគច្រើននៅខេត្តសាមុតសាខន ក្នុងចំណោមពលករចំណាកស្រុកមកពីប្រទេសមីយ៉ាន់ម៉ា។ ករណីដំបូងត្រូវបានគេរកឃើញនៅទីនោះកាលពីពាក់កណ្តាលខែធ្នូក្នុងផ្សារអាហារសមុទ្រដ៏ធំមួយ។

ទោះបីជាយ៉ាងណាក៏ដោយ នេះគ្រាន់តែជាករណីនៅក្នុងខេត្តសាមុតសាខនប៉ុណ្ណោះ ខណៈករណីថ្មីក្នុងខេត្តផ្សេងៗទៀតនឹងត្រូវប្រកាសនៅថ្ងៃអង្គារនេះ។

ករណីសរុបទូទាំងប្រទេសត្រូវបានប្រកាស មួយថ្ងៃបន្ទាប់ពីចេញលទ្ធផលតេស្តប៉ុន្តែមន្រ្តីសុខាភិបាលខេត្តសាមុតសាខន បានចេញលទ្ធផលក្នុងស្រុកកាលពីថ្ងៃចន្ទចំថ្ងៃដែលពួកគេចាប់ផ្តើមធ្វើតេស្តទ្រង់ទ្រាយធំនៅក្នុងខេត្ត ដោយកំណត់គោលដៅលើមនុស្សរហូតដល់ទៅ១០,០០០នាក់ក្នុងមួយថ្ងៃសម្រាប់រយៈពេលមួយសប្តាហ៍។

កាលពីព្រឹកថ្ងៃចន្ទម្សិលមិញនេះ មន្រ្តីក្រសួងសុខាភិបាលបានប្រកាសករណីថ្មីចំនួន១៨៧ករណីនៅទូទាំងប្រទេស ដែលធ្វើឲ្យចំនួនសរុបកើនឡើងដល់១៣,៦៨៧ករណី។ តួលេខអ្នកស្លាប់ចំនួន២នាក់បានធ្វើឲ្យចំនួនអ្នកស្លាប់សរុបកើនឡើងដល់៧៥នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ទីផ្សារលក់គ្រឿងសមុទ្រនៅថៃធ្លាក់ចុះ ក្រោយផ្ទុះកូវីដ

The post ធ្ងន់ធ្ងរបំផុត! ត្រឹមមួយខេត្ត សាមុតសាខន ម្សិលមិញរកឃើញអ្នកឆ្លងកូវីដជិត១ពាន់ករណី appeared first on Kampuchea Thmey Daily.

ការឈ្លោះប្រកែកគ្នានេះពាក់ព័ន្ធនឹងមនុស្សប្រហែល ១ ម៉ឺននាក់រស់នៅក្បែរសាកលវិទ្យាល័យ ។ ពួកគេបាននិយាយថា ការដាក់អ្នកជំងឺកូវីដ ១៩ នៅកណ្តាលសហគមន៍នឹងមិនមានសុវត្ថិភាពនោះទេ ជាពិសេសប្រសិនបើអ្នកជំងឺរត់គេចខ្លួន ឬការថែទាំមិនបានល្អអំឡុងពេលធ្វើចត្តាឡីស័ក ។

ផ្ទុយទៅវិញអ្នកភូមិបាននិយាយថា អ្នកដែលឆ្លងគួរតែត្រូវបានដាក់នៅលើទូកនេសាទ ឬនៅជិតកន្លែងឆ្លងដូចជាផ្សារ Talay Thai ជាដើម ។

តំណាងអ្នកស្រុកម្នាក់នៅខេត្ត សាមុត សាខន បាននិយាយថា “អាជ្ញាធរខេត្ត សាមុត សាខន គួរតែរកដំណោះស្រាយប្រសើរជាងបញ្ហានេះ” ។

ស្របពេលជាមួយគ្នានេះអ្នកស្រុកក៏បានតវ៉ាប្រឆាំងនឹងផែនការបង្កើតមន្ទីរពេទ្យនៅក្បែរសួនទឹក Pantai Norasingh ដោយនិយាយថា អាជីវកម្មនៅជុំវិញតំបន់នេះនឹងរងផលប៉ះពាល់យ៉ាងធ្ងន់ធ្ងរប្រសិនបើយកទីតាំងនេះធ្វើជាមន្ទីរពេទ្យដាក់អ្នកជំងឺកូវីដ ១៩ ។

គួរបញ្ជាក់ថា គិតត្រឹមថ្ងៃពុធ មនុស្ស ១,២០២ នាក់បានធ្វើតេស្តវិជ្ជមានជំងឺកូវីដ ១៩ នៅខេត្ត សាមុត សាខន ហើយភាគច្រើនជាពលករចំណាកស្រុក ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ រដ្ឋមួយរបស់អាមេរិកមានករណីឆ្លងកូវីដលើស ២ លានករណី

ចុចអាន ៖ ទំនាយរបស់លោកយាយពិការភ្នែក​ Baba Vanga សម្រាប់ឆ្នាំ២០២១ ពិតជារន្ធត់

The post ខណៈករណីឆ្លងផ្ទុះខ្លាំង អ្នកខេត្ត សាមុត សាខន រារាំងអាជ្ញាធរមិនឲ្យបង្កើតមន្ទីរពេទ្យដាក់អ្នកជំងឺកូវីដ appeared first on Kampuchea Thmey Daily.