បទ «ប្ដីខ្មែរ» ត្រូវបានគេមើលឃើញថា ជាការរួមបញ្ចូលគ្នារវាងសិល្បៈតន្ត្រីប្រពៃណី និងស្ទីលសម័យថ្មី ដែលធ្វើឱ្យបទចម្រៀងមានភាពរស់រវើក និងងាយស្រួលឱ្យយុវជនស្តាប់ និងរាំកម្សាន្ត។ ជាពិសេស ចង្វាក់កន្ទ្រឹមដែលជាអត្តសញ្ញាណតន្ត្រីប្រពៃណីមួយរបស់ខ្មែរ តែងតែត្រូវបាននិយមយ៉ាងខ្លាំងក្នុងឱកាសបុណ្យចូលឆ្នាំ ដោយបង្កើតបរិយាកាសរីករាយ និងការរាំកម្សាន្តតាមភូមិឃុំ។

អ្នកគាំទ្រ និងអ្នកតាមដានវិស័យតន្ត្រី មើលឃើញថា បទថ្មីនេះអាចនឹងក្លាយជាបទមួយដែលទទួលបានការចាប់អារម្មណ៍ខ្លាំងក្នុងរដូវបុណ្យខាងមុខ ព្រោះមានទាំងចង្វាក់សប្បាយរីករាយ និងខ្លឹមសារដែលបង្ហាញពីរូបភាពជីវិតគ្រួសារខ្មែរ បែបកំប្លែង និងមានអត្ថន័យស្និទ្ធស្នាល។

គួរបញ្ជាក់ថា ជារៀងរាល់ឆ្នាំ នៅពេលដល់រដូវ បុណ្យចូលឆ្នាំខ្មែរ តារាចម្រៀងជាច្រើនតែងបញ្ចេញបទថ្មីៗ ដើម្បីបង្កើតបរិយាកាសកម្សាន្តសម្រាប់សាធារណជន។ ក្នុងនោះ ខេមរៈ សិរីមន្តិ តែងតែជាតារាចម្រៀងម្នាក់ដែលនាំមកនូវបទចម្រៀងចង្វាក់ប្រពៃណី និងចង្វាក់សប្បាយៗ ដែលរំពឹងថានឹងក្លាយជាបទពេញនិយមសម្រាប់ការរាំលេងក្នុងឱកាសបុណ្យជាតិ។

ជាមួយនឹងការបញ្ចេញបទ «ប្ដីខ្មែរ» លើកនេះ ត្រូវបានគេរំពឹងថា នឹងជួយបន្តលើកកម្ពស់តន្ត្រីប្រពៃណី និងនាំឱ្យយុវជនជំនាន់ថ្មីកាន់តែចាប់អារម្មណ៍លើចង្វាក់កន្ទ្រឹម ដែលជាផ្នែកមួយនៃអត្តសញ្ញាណវប្បធម៌ខ្មែរ៕

The post ខេមរៈ សិរីមន្ត ពាំនាំរសនិយមចង្វាក់កន្ទ្រឹមមកវិញ ក្នុងឱកាសបុណ្យចូលឆ្នាំខ្មែរ តាមរយៈបទថ្មី «ប្ដីខ្មែរ» appeared first on Kampuchea Thmey Daily.

ក្នុងគោលបំណងនេះដែរលោក ខេមរ: សិរីមន្ត ក៏បានធ្វើការអំពាវនាវដល់មហាជននិងអ្នកគាំទ្រពិសេសប្រ ជាពលរដ្ឋខ្មែរទាំងត្រូវរួមគ្នាថែរក្សានិងគាំទ្រផលិតផលក្នុងស្រុកដែលជាអត្តសញ្ញាណជាតិខ្មែរបង្កើតឡើងដោយស្នាដៃកូនខ្មែរ។ នេះជាការបង្ហាញនូវឆន្ទ:ក្នុងការលើកកម្ពស់ផលិតផលខ្មែរនិងក៏ជាចូលរួមការលើកទឹកចិត្តចំពោះប្រជាពលរដ្ឋខ្មែរដែលជាអ្នកផលិតនិងកសិករផងដែរ។

តារាចម្រៀង ខេមរ: សិរីមន្ត បានបញ្ជាក់ឲ្យដឹងថា “លេងអុកហូបតែក្លែមគ្រាប់ស្វាយចន្ទី»ដើម្បី គាំទ្រកសិផលខ្មែរនិងផលិតផលខ្មែរខ្ញុំបានសម្រេចបង្កើតប្រេនស្វាយចន្ទីខេមរៈសិរីមន្ត ដើម្បីដាក់លក់លើទីផ្សារក្នុងប្រទេសផងនិងក្រៅប្រទេសផងដើម្បីរួមចំណែកកុំឲ្យចោរសៀមមើលងាយជនជាតិខ្មែរយើងបានតទៅទៀត”។

កំពូលតារាចម្រៀងរូបនេះកន្លងទៅក៏បាននិយាយដែរថា កសិកម្មផលិតផលខ្មែរ ដើម្បីសេចក្តីសុខសុវត្ថិភា ពប្រជាជន។តាមរយ:ស្មារតីនេះដែរគឺត្រូវអ្នកគាំទ្រជា ច្រើនយល់ថាជារឿងដ៏ល្អខ្លាំងណាស់សម្រាប់មហាជនទូទៅដែរ គួរតែនាំគ្នាគាំទ្រស្នាដៃរបស់ខ្មែរដើម្បីលើកទឹកចិត្តដល់អ្នកផលិតនឹងប្រជាកសិករ។

គួរបញ្ជាក់ថាក្នុងរយ:ពេលប៉ុន្មានឆ្នាំចុងក្រោយនេះអា ជីវកម្មដែលមានស្លាកយីហោជាសមិទ្ធិផលសាង​ដោ យ​ស្នាដៃ​កូនខ្មែរ​ផ្ទាល់​មានការ​កើន​ឡើង​ជាលំដាប់ ​និង​ទទួល​បានការ​គាំទ្រ​ពី​ប្រជាជន​ខ្មែរ​មិនចាញ់​ផលិតផល​បរទេស​។ ​ប្រាកដណាស់ការគាំទ្រផលិតផលក្នុងស្រុកគឺបានជួយដល់ការលើកស្ទួយអត្តសញ្ញាណជាតិលើកមុខមាត់ស្នាដៃរបស់ខ្មែរលើកតម្កើងតម្លៃផលិតផលក្នុងស្រុក និងជួយបង្កើនឱកាសការងារដល់ប្រជាជនក្នុងទៀតផង៕ ចាន់រ៉ា

The post ខេមរ: សិរីមន្ត ថា ផលិតផលគ្រាប់ស្វាយចន្ទីរបស់ខ្លួន ផលិតឡើងដាក់លក់ទាំងទីផ្សារក្នុង និងក្រៅស្រុក appeared first on Kampuchea Thmey Daily.

ជាការកត់សម្គាល់ តារាចម្រៀង ខេមរៈ សិរីមន្ដ ថ្មីៗនេះ បានចេញបទកន្ទ្រឹមជាបន្តបន្ទាប់ដូចជាបទ ” សៅអើយ នាងសៅ” បទ “ព្រមទៅយកបងធ្វើប្តី” ដែលមានបញ្ចូលល្ខោនខោល និងបញ្ចូលល្ខោនស្បែកផងដែរ។ ម្យ៉ាងទៀត ក៏កំពុងត្រៀមចេញបទ “មករាំកន្ទ្រឹមឆ្នាំថ្មី” សម្រាប់ពិធីបុណ្យចូលឆ្នាំថ្មីប្រណៃណីជាតិខ្មែរ ដែលនេះជាការបត់មកលេង ស្ទីលចាស់ដូចកាលនៅផលិតកម្មមុនឡើងវិញ។

បើចាប់អារម្មណ៍មកបទ “ព្រមទៅយកបងធ្វើប្តី” របស់លោក ខេមរ: សិរីមន្ត ទើបនឹងចេញថ្មីៗមុននេះ លោកបានបង្ហាញមោទនភាពនិងភាពសប្បាយចិត្តខ្លាំងដោយលើកឡើងថា ខ្ញុំបាទរំភើបខ្លាំងណាស់បានមានកិត្តិយសគ្រងឈុតស្ដេចស្វា ស លើកដំបូងក្នុង MV ថ្មី សម្រាប់ចូលឆ្នាំខ្មែរឆ្នាំថ្មីនេះ។

លោក ខេមរ: សិរីមន្ត បន្ថែមថា ឆ្នាំនេះកក្រើកទៀតហើយ សុំលេងឈុតធំហើយឆ្នាំនេះ បទ “ព្រមទៅយកបងធ្វើប្តី” មានបញ្ចូលល្ខោនខោលផង មានបញ្ចូលល្ខោនស្បែកផង និងឈុតសម្លៀកបំពាក់ជនជាតិដើមខ្មែរលើផង។

លោក ខេមរៈ សិរីមន្ដ ត្រូវបានអ្នកជំនាញសិល្បៈលើកឡើងថា លោកមិនងាយធ្លាក់ចុះទេព្រោះមានខ្នងក្រាស់នោះ គឺបងប្រុសរបស់ខ្លួនលោក ខេមរ: ភារុណ ដែលជាអ្នកសរសេរបទចម្រៀងឱ្យច្រៀងតាំងពីឆ្នាំ២០០៤ រហូតដល់បច្ចុប្បន្ន៕ អត្ថបទ៖ ចាន់រ៉ា

The post ខេមរៈ សិរីមន្ត រំភើបខ្លាំងបានគ្រងឈុត “ស្តេចស្វា ស” លើកដំបូង appeared first on Kampuchea Thmey Daily.

តារាចម្រៀងលោក សិរីមន្ត បញ្ជាក់ថា ក្នុងដំណើរចេ ញទៅច្រៀងនិងសម្តែងនៅអាមេរិកនេះដែរលោកបា ននាំយកនូវសម្លៀកបំពាក់ខ្មែររំលេចរូបអង្គរវត្ត ស៊ីក្លូ ក្បាលនាគនៅក្លោងទ្វាប្រាសាទអង្គរវត្ត និង រទះគោជាដើម ដើម្បីបង្ហាញនិងផ្សព្វផ្សាយពីវប្បធម៌ដ៏ល្អផូរផង់របស់ខ្មែរ។

ឧកញ៉ា ខេមរ: សិរីមន្ត បានប្រាប់ឲ្យដឹងមុនពេលឡើ ងយន្តហោះថាលោកបានត្រៀមខ្លួនរួចរាល់ដើម្បីច្រៀ ងនិងសម្តែងជូនបងប្អូនអាណិកជនខ្មែរនៅអាមេរិកបានរាំលេងសប្បាយក្នុងកម្មវិធីតន្ត្រីវប្បធម៌មួយមាន ឈ្មោះថា Cambodia day ។

លោក ខេមរ: សិរីមន្ត បាននិយាយថាជម្រាបសួរពុកម៉ែបងប្អូនទាំងអស់គ្នានៅ«សហរដ្ឋអាមេរិក» ថ្ងៃនេះខ្ញុំបាទខេមរៈ សិរីមន្ត បានចេញដំណើរទៅហើយ ដើម្បីសម្តែងសាធារណជនទស្សនា នៅថ្ងៃទី២៨ ខែកញ្ញា ក្នុងកម្មវិធីតន្ត្រីវប្បធម៌ Cambodia day នៅទីតាំងញូញៀនស្វ៊ែ ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក។

គួរបញ្ជាក់ថា ចូលប្រឡូកក្នុងវិស័យសិល្ប:ផ្នែកចម្រៀយូរឆ្នាំកន្លងមកនេះ កំពូលតារាចម្រៀងលោក ខេមរ: សិរីមន្ត នៅតែទទួលបានការគាំទ្រច្រើន ពីសំណាក់មហាជននិងមិត្តៗយុវវ័យ៕ អត្ថបទ៖ ចាន់រ៉ា

The post ខេមរ: សិរីមន្ត នាំយកសម្លៀកបំពាក់ខ្មែរដោយរំលេចនូវរូបអង្គរវត្ត ស៊ីក្លូ និងរទេះគោ ទៅសម្តែងនៅអាមេរិក appeared first on Kampuchea Thmey Daily.

តារា​ចម្រៀង ខេមរៈ សិរីមន្ត បាន​ឲ្យ​ដឹង​ទៀត​ថា លោក​នឹង​មាន​វត្តមាន​ជួប​អាណិកជន​ខ្មែរ​នៅ​លើ ទឹកដី​អាមេរិក នា​ថ្ងៃ​ទី ២៨ ខែ​កញ្ញា ឆ្នាំ ២០២៤ ខាង​មុខ​នេះ។ ទោះបី​យ៉ាងណា គេ​មិន​ទាន់​ដឹង​ទេ​ថា ដំណើរ​ឆ្លង​ប្រទេស​របស់​លោក ខេមរៈ សិរីមន្ត នា​ពេល​ខាង​មុខ​មាន​រយៈពេល​ប៉ុន្មាន​សប្ដាហ៍។

លោក ខេមរៈ សិរីមន្ត បាន​និយាយ​ថា «ជម្រាបសួរ​ពុក​ម៉ែ​បងប្អូន​ទាំងអស់​គ្នា​នៅ​«សហរដ្ឋអាមេរិក​» ខ្ញុំបាទ ខេមរៈ សិរីមន្ត គឺ​មាន​សេចក្ដីសោមនស្ស​រីករាយ​ខ្លាំង​ណាស់​ដែល​បាន​ទទួល​ការ​អញ្ជើញ យ៉ាង​ពិសេស​តំណាង​សិល្បៈ​ចម្រៀង​នៅ​កម្ពុជា​មក​សម្ដែង​នៅ​ក្នុង​កម្មវិធី​តន្ត្រី​វប្បធម៌ Cambodia day នៅ​ទីតាំង​ញូ​ញៀន​ស្វ៊ែ ទីក្រុង​សាន់​ហ្វ្រា​ន់​ស៊ី​ស្កូ សហរដ្ឋអាមេរិក»។

កំពូល​តារា​ចម្រៀង​របស់​កម្ពុជា​រូប​នេះ បាន​បន្ថែម​ថា «សូម​បងប្អូន​ចូល​ទៅ​ក្នុង​វេប​សាយ ខេ​ម​បូ​ឌា​ដេ ទាំងអស់​គ្នា និង​ជួប​គ្នា​នៅ​ទីនោះ​ទាំងអស់​គ្នា នៅ​ថ្ងៃ​ទី ២៨ ខែ​កញ្ញា ខាងមុខនេះ សូម​អរគុណ»។

គួរ​បញ្ជាក់​ថា ចូល​ប្រឡូក​ក្នុង​វិស័យ​សិល្បៈ​ផ្នែក​ចម្រៀង​យូរ​ឆ្នាំ​កន្លង​មក​នេះ កំពូល​តារា​ចម្រៀង​លោក ខេមរៈ សិរីមន្ត ក្តោប​បាន​ទីផ្សារ​គាំទ្រ​យ៉ាង​ច្រើន​ពី​សំណាក់​មហាជន និង​មិត្តៗ យុវវ័យ ដែល​ជា​ឱកាស​កើប​លុយ​ក្លាយ​ជា​ឧកញ៉ា​ដូច​ពេល​បច្ចុប្បន្ន៕

អត្ថបទ ៖ ចាន់រ៉ា

The post ឧកញ៉ា ខេមរៈ សិរីមន្ត តំណាងសិល្បៈចម្រៀងកម្ពុជាចេញទៅសម្ដែងកម្មវិធីតន្ត្រីវប្បធម៌នៅអាមេរិក appeared first on Kampuchea Thmey Daily.

ចំពោះ​ហេតុផល​នេះ​កន្លងមក​ក៏​ត្រូវ​បាន​គេ​កត់​សម្គាល់​ដែរ​ថា ការ​រិះគន់​មិន​ត្រឹមតែ​កើតមានឡើង​ទៅ​លើ​អ្នក​ចម្រៀង​នោះ​ទេ ពោល​ក៏បាន​ជះ​ឥទ្ធិពល​ខ្លាំង​ដល់​អ្នក​និពន្ធ​ទំនុកច្រៀង​ផង​ដែរ។

ជាក់ស្ដែង ថ្មីៗ នេះ ក៏​មាន​ការ​រិះគន់ និង​វែកញែក​បទ​ចម្រៀង​របស់​តារា​ល្បីៗ ​ខ្មែរ ចំនួន ៣ រូប គឺ កំពូល​តារា​ចម្រៀង ខេមរៈ សិរីមន្ត (​ឆ្នាំ​ហ្នឹង​សប្បាយ​ខ្លាំង​) ,​តារា​វ័យក្មេង​នាយ ចឺម (​កន្លះ​កេស​ផឹក​ម្នាក់​ឯង​) និង​តារា​ចម្រៀង​អ្នកនាង មាស សុខសោភា ដែល​បាន​ចេញ​បទ(កុំ​បាញ់​ទឹក​ដាក់​មុខ​អូន) ជាដើម។

ស្រប​ពេល​ដែល​ការ​រិះគន់​ទាំងនេះ​កំពុង​កើតឡើង ងាក​មក​ចាប់​អារម្មណ៍​លោក មាស សុខរតនៈ ដែល​ជា​បង​ប្រុស​របស់​តារា​ចម្រៀង មាស សុខសោភា និង​ជា​អ្នក​និពន្ធ​ផង​នោះ កាលពី​ថ្មីៗ លោក​បាន​បញ្ចេញ​ខ្លឹមសារ​ខ្លី​មួយ​ហាក់​ចង់​ពន្យល់​ទៅ​មតិ​រិះគន់​របស់​មហាជន​គួរ​មើល​ឃើញ​ពី​ភាព​លំបាក​របស់​អ្នកនិពន្ធ​ផង។

លោក មាស សុខរតនៈ បាន​លើក​ឡើង​ខ្លី​ដូច្នេះ​ថា «ដរាប​ណា អ្នក​មិនមែន​ជា​អ្នកនិពន្ធ អ្នក​គ្មាន​ថ្ងៃ​យល់​ពី​ការ​លំបាក​របស់​អ្នកនិពន្ធ​ឡើយ»។ ដោយឡែក​ក៏​មាន​ការ​លើក​ជា​សំនួរ​ថា «មាន​អ្វី​កើតឡើង​បង​? កុំ​គិត​ច្រើន​បង ស៊ូៗ​បង»។ ជា​ការ​ឆ្លើយតប លោក មាស សុខរតនៈ បញ្ជាក់​ថា «បង​មិន​ដែល​គិត​ច្រើន​ទេ​អូន ប៉ុន្តែ​បង​អាណិត​ពួកគាត់​វិញ​តែប៉ុណ្ណោះ​ថា ហេតុ​អ្វី​ការ​គិត​របស់​ពួកគាត់​គិត​បាន​ត្រឹម​តែ​ប៉ុណ្ណឹង»។

លោក​បាន​និយាយ​ទៅកាន់​អ្នកគាំទ្រ​ទៀត​ថា លោក​មិន​មាន​អ្វី​ជា​ធំដុំ​ទេ គ្រាន់តែ​ហត់​ចិត្តនឹង​ការ​ខំ​ប្រឹងប្រែង ព្រោះតែ​ក្តី​ស្រលាញ់​របស់​ខ្លួនឯង​បន្តិចបន្តួច​តែ​ប៉ុណ្ណោះ។ ទោះបី​យ៉ាងណា គេ​ក៏​មិន​ទាន់​ដឹង​ច្បាស់​ទេ​ថា លោក​និយាយ​នេះ កំពុង​អន់ចិត្ត​នឹង​រឿង​ណាមួយ​ឲ្យ​ពិត​ប្រាកដ​នៅឡើយ​ទេ៕

អត្ថបទ ៖ ចាន់រ៉ា

The post លោក មាស សុខរតនៈ ថា «ដរាបណាអ្នកមិនមែនជាអ្នកនិពន្ធ អ្នកគ្មានថ្ងៃយល់ពីការលំបាកទេ» appeared first on Kampuchea Thmey Daily.

តារា​ចម្រៀង​លោក ខេមរៈ​ សិរីមន្ត បាន​ឲ្យដឹង​ថា លោក​សូម​អរគុណ​បងប្អូន​ទាំងអស់គ្នា​ដែលបាន​ចាប់អារម្មណ៍ MV បទ “ឆ្នាំនឹង​សប្បាយ​ខ្លាំង” បទនេះ​មិនមែនជា​បទ​បែបប្រពៃណី​ទេគឺជា បទបែបសប្បាយ​ៗចង្វាក់បែប​ទំនើបតាម​សម័យកាល​ទំនើប​ហើយ​​មួយ​វិញទៀតយើង​បានផ្សារភ្ជាប់​ជាមួយនឹងក្អមខ្មែរ និងកាំភ្លើង​ជ័ររបស់ក្មេង​ៗលេង​មាន​ប្រភពមកពីអឺរ៉ុប​ដែល​មាន​លក់​ពាសពេញ​ពិភពលោកហើយ។

លោកបានបន្តថា «យើង​ក៏បានច្នៃដាក់​អក្សរអង់គ្លេស​ថា “I love Cambodia” និង​អក្សរខ្មែរ​ថា “ខ្ញុំ​ស្រលាញ់​កម្ពុជា” នៅ​លើកាំភ្លើង​ផងដែរ ​សង្ឃឹម​ថា​បង​ប្អូន​នឹង​រីក​រាយ​រាំលេង​នា​ពេលចូលឆ្នាំ​ថ្មី​ខាងមុខ​នេះ​ ហើយ​ខ្ញុំ​បាទ ក៏មាន​បទចម្រៀង​លក្ខណៈ​ប្រពៃណី​ជា​ច្រើន​​បទ​ទៀត​ដែលត្រៀមចេញផងដែរ»។

ស្របពេល​ជាមួយការលើកឡើងខាង​ពី​លោក ខេមរៈ​ សិរីមន្ត ក៏មានការលើកឡើង​ថា សប្បាយ​សប្បាយទៅ លោក​ឧកញ៉ា (ប្រពៃណី​ខ្មែរ​ គឺ​បាត់បង់​បន្តិច​ៗ​ទៅហើយ) អ្វីដែលជា​អត្តសញ្ញាណ​របស់​ខ្លួន​ របស់​ប្រទេស​មិននាំគ្នាថែរក្សាទេ ដល់​ពេលបាត់បង់ចាប់ផ្តើមស្រែក​ថា​គេយកៗ។ គួរ​ធ្វើអ្វី​ជា​ប្រយោជន៍រួម​ខ្លះផងកុំគិតតែប្រយោជន៍ខ្លួនយើង។ ទទួល​ថា​បទ​នេះ​វា​សប្បាយ តែ​រូបកាយ​វិកាយ​ធ្វើ​ឲ្យទស្សនៈ​ប្រជាជន​វាយ​តម្លៃហើយ។

ជាមួយ​គ្នានេះ​ ក៏​មាន​ការ​បញ្ចេញ​មតិ​ទៀត​ថា «បង​ឧកញ៉ា​ ជួយ​កែ Video ដាក់​លេង​ល្បែង​ប្រពៃណី​ជាតិ​ខ្មែរ​វិញ​ទៅ​ដើម្បី​ជួយ​ផ្សព្វផ្សាយ​ពី​វប្បធម៌​មហា​សង្ក្រាន្ត​ខ្មែរ​។ ប៉ុន្មាន​ថ្ងៃ​មុន​រដ្ឋាភិបាល ហាម​ឃាត់ការលេងបាញ់​ទឹកគប់ទឹកហើយ​ក៏ឃើញមាន​ចាប់ក្មេង​ៗជា​ច្រើនអប់រំ​ដែរ​ឥទ្ធិពល​បង​ឧកញ៉ា​ល្បី​ក៏ជា​ផ្នែក​មួយ​ក្នុងចំណោម​នោះដែរ។ សូមទោស នឹង​សូម​ការ​អធ្យាស្រ័យ​ផង​បើមានខុស​ទាស់​ បើ​បទ​បង​ឧកញ៉ា​ច្រើន​កន្រ្ទឹម គឺ​មហា​ពីរោះ​ណាស់»៕

អត្ថបទ៖ ចាន់រ៉ា

The post ខេមរៈ សិរីមន្ត ថា បទ“ឆ្នាំនឹងសប្បាយខ្លាំង” មិនមែនជាបទបែបប្រពៃណីទេ ជាបទចង្វាក់បែបទំនើប appeared first on Kampuchea Thmey Daily.

ស្រប​ពេល​មាន​ការ​រិះគន់ ភ្លាមៗ នោះ ឧកញ៉ា​ខេមរៈ សិរីមន្ត ក៏បាន​ប្រតិកម្ម​ឆ្លើយតប​វិញ​ផង​ដែរ ដោយ​លោក​ថា សូម​ផ្តល់​នូវ​យុត្តិធម៌​ដល់​លោក​ផង ព្រោះ​កន្លងមក សិល្បករ​ផ្សេងៗ គេ​សហការ​ជាមួយ​ថៃ គេ​បាន​កោតសរសើរ​ថា​លើក​មុខមាត់​ជាតិ តែ​លោក​វិញ ទទួល​បាន​ការ​មិន​ឲ្យ​តម្លៃ​ពី​បុគ្គល​រូប​នេះ​ទៅវិញ តើ​យុត្តិធម៌​ទេ​សម្រាប់​ការ​ប្រឹងប្រែង​របស់​លោក?។

ដោយឡែក នៅ​ថ្ងៃ​ទី ២១ ខែ​មីនា ឆ្នាំ ២០២៤ នេះ លោក ខេមរៈ សិរីមន្ត ហាក់​មិន​អស់​ចិត្ត បាន​ទម្លាយ​អារម្មណ៍​របស់​ខ្លួន​ថា គ្រប់​យ៉ាង​ដែល​លោក​បាន​និង​កំពុង​ប្រឹងប្រែង​ធ្វើ​នៅ​ពេលនេះ គឺ​ដើម្បី​ប្រទេស​ជា​ទី​ស្រលាញ់​របស់​ខ្លួន។ គ្រប់​កិច្ច​សហការ​ជាមួយ​ប្រទេស​នានា​ទាំងអស់ គឺ​ដើម្បី​ពង្រីក​ទីផ្សារ​សិល្បៈ​ខ្មែរ«ទោះ​ពេលនេះ​មាន​បងប្អូន​ខ្លះ​មិន​ទាន់​យល់ចិត្ត តែ​ការពិត​នឹង​បង្ហាញ​នៅ​ពេល​ដែល​លទ្ធផល​ពិត​មកដល់»។

កំពូល​តារា​ចម្រៀង​ឧកញ៉ា ខេមរៈ សិរីមន្ត បាន​បញ្ជាក់​ទៀត​ថា «ទោះ​ខ្ញុំ​មិនមែន​ជា​អ្នកធំ តែ​ខ្ញុំ​សុំ​ធ្វើ​កិច្ចការ​ធំ​ខ្លះ​ជូន​ជាតិ​របស់ខ្ញុំ​តាមរយៈ​វិជ្ជាជីវៈ​សិល្បៈ​ដែល​ខ្ញុំ​មាន​បង្ហាញ​ទៅ​ពិភពលោក»។ តាមរយៈ​នេះ ក៏​មាន​ការ​លើក​ឡើង​ពី​អ្នក​គាំទ្រ​ថា «ស្ងាត់ៗ ស្ងៀមៗ ល្អ​បំផុត​បង បង​កាន់តែ​តបត គឺ​កាន់តែ​វែងឆ្ងាយ​ទេ ខ្ញុំ​ជឿ​ថា អ្នក​ស្រឡាញ់​គាំទ្រ​បង​ច្រើន​ជាង​អ្នក​ទើស»។ រីឯ​ខ្លះ​ទៀត​និយាយ​ថា «ស្រលាញ់​សិល្បៈ​ខ្មែរ តែ​ច្រៀង​ភាសា​ថៃ ខ្ញុំ​មិន​គាំទ្រ​ចំណុច​នេះ​ទេ ព្រោះ​ថៃ​ពេលនេះ​គេ​មិន​សូវ​ចូល​ចិត្ត​ខ្មែរ​ប៉ុន្មាន​ទេ។ ច្រៀង​បែប​មនោសញ្ចេតនា​ស្រុកស្រែ​វិញ​ទៅ​ល្អ​ជាង ឥឡូវនេះ ងាក​ក្រោយ​ជា​ត្រើយ​សុភមង្គល រិះគន់​ឲ្យ​ល្អ​ទេ។ ពេលខ្លះ​បើ​យើង​កាន់តែ​ផុស កាន់តែ​គេ Bully ស្ងៀមស្ងាត់​បណ្ដោយ​តាម​វេលា​មួយ​រយៈ​សិន ធម្មតា​មនុស្ស​យើង​បើ​គេ​មិន​សូវ​ពេញចិត្ត ធ្វើ​អ្វី​ក៏​ខុស​ដែរ ស៊ូ​ឲ្យ​គេ​មើល​យើង​ខុស​ទៅ​ចុះ មិន​បាច់​បង្ហាញ​ប្រាប់​គេ​ពេក​ទេ នាំ​តែ​គេ​ថា​យើង​អួត យើង​អំនួត​(យើង​ស្គាល់​ខ្លួនឯង​ច្បាស់ យក​ឈ្នះ​ចិត្ត​ខ្លួន​បាន​ទើប​ហៅថា​មនុស្ស​ខ្លាំង)»៕

អត្ថបទ ៖ ចាន់រ៉ា

The post ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក» appeared first on Kampuchea Thmey Daily.