ជីវិតកម្សាន្ដ

ខេមរៈ សិរីមន្ត ថា បទ“ឆ្នាំនឹងសប្បាយខ្លាំង” មិនមែនជាបទបែបប្រពៃណីទេ ជាបទចង្វាក់បែបទំនើប

បានផុស

១ year មុន

នៅ

ថ្ងៃព្រហស្បតិ៍ ២៨ មីនា ២០២៤

ដោយ

កំពូលតារាចម្រៀងលោកឧកញ៉ា ខេមរៈ សិរី មន្ត បានអះអាងទៅកាន់អ្នកគាំទ្រថាសម្រាប់បទ”ឆ្នាំនឹងសប្បាយខ្លាំង” បទនេះពុំមែនជា បទបែបប្រពៃណីទេគឺជា បទបែបសប្បាយៗចង្វាក់បែបទំនើបខណៈក្នុងMVមានផ្សារភ្ជាប់ជាមួយនឹងក្អមខ្មែរ និងកាំភ្លើងជ័របាញ់ទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក ខេមរៈ សិរីមន្ត បានឲ្យដឹងថា លោកសូមអរគុណបងប្អូនទាំងអស់គ្នាដែលបានចាប់អារម្មណ៍ MV បទ “ឆ្នាំនឹងសប្បាយខ្លាំង” បទនេះមិនមែនជាបទបែបប្រពៃណីទេគឺជា បទបែបសប្បាយៗចង្វាក់បែបទំនើបតាមសម័យកាលទំនើបហើយមួយវិញទៀតយើងបានផ្សារភ្ជាប់ជាមួយនឹងក្អមខ្មែរ និងកាំភ្លើងជ័ររបស់ក្មេងៗលេងមានប្រភពមកពីអឺរ៉ុបដែលមានលក់ពាសពេញពិភពលោកហើយ។

លោកបានបន្តថា «យើងក៏បានច្នៃដាក់អក្សរអង់គ្លេសថា “I love Cambodia” និងអក្សរខ្មែរថា “ខ្ញុំស្រលាញ់កម្ពុជា” នៅលើកាំភ្លើងផងដែរ សង្ឃឹមថាបងប្អូននឹងរីករាយរាំលេងនាពេលចូលឆ្នាំថ្មីខាងមុខនេះ ហើយខ្ញុំបាទ ក៏មានបទចម្រៀងលក្ខណៈប្រពៃណីជាច្រើនបទទៀតដែលត្រៀមចេញផងដែរ»។

ស្របពេលជាមួយការលើកឡើងខាងពីលោក ខេមរៈ សិរីមន្ត ក៏មានការលើកឡើងថា សប្បាយសប្បាយទៅ លោកឧកញ៉ា (ប្រពៃណីខ្មែរ គឺបាត់បង់បន្តិចៗទៅហើយ) អ្វីដែលជាអត្តសញ្ញាណរបស់ខ្លួន របស់ប្រទេសមិននាំគ្នាថែរក្សាទេ ដល់ពេលបាត់បង់ចាប់ផ្តើមស្រែកថាគេយកៗ។ គួរធ្វើអ្វីជាប្រយោជន៍រួមខ្លះផងកុំគិតតែប្រយោជន៍ខ្លួនយើង។ ទទួលថាបទនេះវាសប្បាយ តែរូបកាយវិកាយធ្វើឲ្យទស្សនៈប្រជាជនវាយតម្លៃហើយ។

ជាមួយគ្នានេះ ក៏មានការបញ្ចេញមតិទៀតថា «បងឧកញ៉ា ជួយកែ Video ដាក់លេងល្បែងប្រពៃណីជាតិខ្មែរវិញទៅដើម្បីជួយផ្សព្វផ្សាយពីវប្បធម៌មហាសង្ក្រាន្តខ្មែរ។ ប៉ុន្មានថ្ងៃមុនរដ្ឋាភិបាល ហាមឃាត់ការលេងបាញ់ទឹកគប់ទឹកហើយក៏ឃើញមានចាប់ក្មេងៗជាច្រើនអប់រំដែរឥទ្ធិពលបងឧកញ៉ាល្បីក៏ជាផ្នែកមួយក្នុងចំណោមនោះដែរ។ សូមទោស នឹងសូមការអធ្យាស្រ័យផងបើមានខុសទាស់ បើបទបងឧកញ៉ាច្រើនកន្រ្ទឹម គឺមហាពីរោះណាស់»៕

អត្ថបទ៖ ចាន់រ៉ា